انا غلبت

[زاد الرحيل]

السلام عليكم ورحمة الله تعالى و بركاته
.
.
ان شاء تكونوا كامل بخير
في هاذا الصباح و انا نقضي في شغل البيت ،و كالعادة ديما الحالة مكركبة ، نطبق مئة تريكو و سروال ، و ندور مئة دورة باش نلمهم ، و نغسل 50 صحن ، عائلتي ماشاء الله عليها ربي يحفظها لي .. و الحمد لله دارنا صغيرة ، 80 متر لكان جات كبيرة راني حكمت البلاصة من فترة ، و كل يوم نعيط و نقول : ماشي هكا ، اعدلوا رواحكم شوية و ارحموني شوية ، لكن لا حياة لمن تنادي ، كلمتي تدخل من اذن و تخرج من اخرى .
مرة نتخيل روحي طباخة ، و مرة عاملة نظافة وهذا طبعا عمل شريف ، بصح هي تدي اجرها و انا ماندي والو حتى كلمة صاحيتي ماكانش ، نخدم و نعيط بصح لازم نخدم و كأني ماهدرتش .
و الناس الي يحمكوا على المظاهر يقولوا هاذي ماشي تربية ، حرت في نفسي و قلت علاه الهدرة نتاعي ماتاكلش و نصايحي ماتنفعش . حتان عرفت انو كاين تربية اخرى:
تربية الشوارع
..
تحكم مليح في الاشخاص الي يحبو الرأي نتاع الشارع اكثر و يحقق لهم رغباتهم و يخليهم مايتحملوش المسؤولية ، و تعلم لهم اللامبالاة و لا يحسوا بتعب الغير

واش رايكم و شكون كيفي ؟!
بإنتظاركم
تحياتي​

 

[Skor m@k]

السلام عليكم
انا ماشي كيفك هاهاهاه
هذي هي الدنيا كل واحد كيفاه جاه مكتوبو وكيفاه عايش
وانت لازم باش دخليلهم قوانين جدد لدار لازملك وقت
أصلا حنا لولاد وبلاك أغلبنا نبقاو نتبعو الأمور تاع الدار ملي كنا صغار
يكذب عليك لي يقولك لي تعلمناها برا نديروها فالدار
زعما انتم كيما تعلمو خاوتك وهوما صغار يبقاو هكذاك
بلاك يماك لي علمتهم ولا كانو يعملو هذوك الامور لي يخيقوك انت ويماك ماكانوش يخيقوها
كاين كل واحد كيفاه تربا ملي كان صغير
كاين لي تربا يدخل حتى لشامبرا تاعو بالسباط وكاين لي تربا ينحيه عند الدخلة تاع الدار
كاين لي تعلم يفرس شامبرا تاعو وكاين لي يخليها خاطرش يتكل على يماه ولا ختو
الشارع مايعلمكش كيفاه تعيش فالدار
كيفاه تعودت وتربيت كي كنت صغير فالدار
ربي يكون معاك ختي هههههه​

 

[ليليا مرام]

السلام عليكم مليينا
يا اختي واش نقولك روحي الله يزوجك واذا متزوجة الله يهنيك
طليتي على قلبي شوفي راني غير انا ويمى مي واش نقولك كي كنا بزاف اختك يسمعوني الجيران من برا تقول مع ضرتي
نخدم ونعاود وانا مريضة والمشكل مل يراعونيش عادي ما يهمهمش وانا منظمة بزاف ما نقدرش نشوف حاجة مش فبلاصتها يعايروني نقراشة وتهدري بزاف
فرمضان هوم ياكلو وانا نحسب فالماعن لابيتي تروحلي خلي اللي نغسلهم قبل المغرب بلا حساب ويمى الله يبارك طباخة من النوع الرفيع اذا قلات غير البطاطا 700 الف كسرونة والمقالي بلا حساب واللي مدفقة فالارض كثر من اللي راح نالكوها قتلها بلييييييييييز ماما ناكلها خضرا يرحم والديك انتي بنتي وانا نمدلك دعاوي الخير ما طيبيش تعيشي احكمي بلاصة وانا ندير كل شي اما نهار الطعام نعيط للحماية المدنية نقولهم وجدو الكاميو الكبير مع الظهر ارواحو ديركت الطعام فالكولوار فالصالون يعني يما تمشي وتنفض فيديها يا ربي راني نعاني انا يمى نحس عندي 10 اولاد وهار يجو ولاد اختي اختك واقفة حرس جمهوري نتاع االكوزينة بالطابلية وراقدة سربيتا كيما خدامين الشيراتون كاش ما يحتاجو يا ربي اللي غايضتني هذوك يخلصو والشابة لما يجونا ضياف اختي تقعد تتكسل ويمى ويشوفو فيا نتاع نوضي ويمى تنطقها تقولي مرت بابا نوضي ديري القهوة
ولادهم يدفقو يرمو واختك كيما خدامة الفيتنام منا ومنا وااااااع يا ربي اسمعي راني رايحة لحقوق الانسان تجي معايا انا لما نكون مريضة نفرح نريح فبلاصتي مي ياكلني قلبي بالعكازات ونوض نساعف روحي ونخدم قد ما نقدر
لينا ربي انا نتزوج قلت لخطيبي بالكفارة ناكلو فطباسة جوتابل انا جيبلي روبو انا قاعدة وهو يخدم عييت يا خويا نتزوج نتهنى ماشي نخدم فدارنا ونزيد نجي عندك نهنبر حتى الحمار حاشاكم عندو كونجي بزاف
مشكورة فرغت قلبي

 

[sanaya]

راني معااااااااك راااااااااح نهبل
نهاااار كاااااامل نظفي هذاك حط المنتو تاعو فوق الطابلة هداك المكرو تاعو وووووووو
والدار شويا كبيرة
نوض فصباح كلي مجانين كانوا يداوسوا وسط الدار وحتى شنابر كلي منقيتهمش البارح نزعف بزااااااااااااااف
ومبعد تزعفي يقولولك علاه تزعفي
بزااااااااااااااااااااااأاااااااف
وقتاه يتعلمو النظام

 

[زاد الرحيل]

السلام عليكم
انا ماشي كيفك هاهاهاه
هذي هي الدنيا كل واحد كيفاه جاه مكتوبو وكيفاه عايش
وانت لازم باش دخليلهم قوانين جدد لدار لازملك وقت
أصلا حنا لولاد وبلاك أغلبنا نبقاو نتبعو الأمور تاع الدار ملي كنا صغار
يكذب عليك لي يقولك لي تعلمناها برا نديروها فالدار
زعما انتم كيما تعلمو خاوتك وهوما صغار يبقاو هكذاك
بلاك يماك لي علمتهم ولا كانو يعملو هذوك الامور لي يخيقوك انت ويماك ماكانوش يخيقوها
كاين كل واحد كيفاه تربا ملي كان صغير
كاين لي تربا يدخل حتى لشامبرا تاعو بالسباط وكاين لي تربا ينحيه عند الدخلة تاع الدار
كاين لي تعلم يفرس شامبرا تاعو وكاين لي يخليها خاطرش يتكل على يماه ولا ختو
الشارع مايعلمكش كيفاه تعيش فالدار
كيفاه تعودت وتربيت كي كنت صغير فالدار
ربي يكون معاك ختي هههههه​

شكرا لمرورك الكريم على موضوعي و صحيح الدنيا كل واحد كفاه يعني يا اخي انا نتعب و انت مرتاح بصح غابت عليك حاجة انا نخدم و ربي سبحانه يجازيني و انت مرتاح لكن بلا اجر اشكون خير
اجيك فالصبر
اما حكاية التربية من الشارع فهذا صلب الموضوع و الام المسكينة دائما هي المتهمة الاولى و يقولوا مرباتش و هما مشافوهاش كل يوم صوتها يروح من كثرة ما تلقي فالدروس والدتي نعمى الام تنصح و بهدوء و تعمل في نفس الوقت ديرو امكم في عينيكم و ساعدوها بكل ما تقدروا لانها نور اذا انطفا مش راح تلقاو مثله ابدا

 

[زاد الرحيل]

السلام عليكم مليينا
يا اختي واش نقولك روحي الله يزوجك واذا متزوجة الله يهنيك
طليتي على قلبي شوفي راني غير انا ويمى مي واش نقولك كي كنا بزاف اختك يسمعوني الجيران من برا تقول مع ضرتي
نخدم ونعاود وانا مريضة والمشكل مل يراعونيش عادي ما يهمهمش وانا منظمة بزاف ما نقدرش نشوف حاجة مش فبلاصتها يعايروني نقراشة وتهدري بزاف
فرمضان هوم ياكلو وانا نحسب فالماعن لابيتي تروحلي خلي اللي نغسلهم قبل المغرب بلا حساب ويمى الله يبارك طباخة من النوع الرفيع اذا قلات غير البطاطا 700 الف كسرونة والمقالي بلا حساب واللي مدفقة فالارض كثر من اللي راح نالكوها قتلها بلييييييييييز ماما ناكلها خضرا يرحم والديك انتي بنتي وانا نمدلك دعاوي الخير ما طيبيش تعيشي احكمي بلاصة وانا ندير كل شي اما نهار الطعام نعيط للحماية المدنية نقولهم وجدو الكاميو الكبير مع الظهر ارواحو ديركت الطعام فالكولوار فالصالون يعني يما تمشي وتنفض فيديها يا ربي راني نعاني انا يمى نحس عندي 10 اولاد وهار يجو ولاد اختي اختك واقفة حرس جمهوري نتاع االكوزينة بالطابلية وراقدة سربيتا كيما خدامين الشيراتون كاش ما يحتاجو يا ربي اللي غايضتني هذوك يخلصو والشابة لما يجونا ضياف اختي تقعد تتكسل ويمى ويشوفو فيا نتاع نوضي ويمى تنطقها تقولي مرت بابا نوضي ديري القهوة
ولادهم يدفقو يرمو واختك كيما خدامة الفيتنام منا ومنا وااااااع يا ربي اسمعي راني رايحة لحقوق الانسان تجي معايا انا لما نكون مريضة نفرح نريح فبلاصتي مي ياكلني قلبي بالعكازات ونوض نساعف روحي ونخدم قد ما نقدر
لينا ربي انا نتزوج قلت لخطيبي بالكفارة ناكلو فطباسة جوتابل انا جيبلي روبو انا قاعدة وهو يخدم عييت يا خويا نتزوج نتهنى ماشي نخدم فدارنا ونزيد نجي عندك نهنبر حتى الحمار حاشاكم عندو كونجي بزاف
مشكورة فرغت قلبي

و عليكم السلام و رحمة الله و بركاته
اختي الغالية و الله نحيتي على قلبك و ضحكتيني معاك كيعاد حسيت بيك و فهمتك كلي انا اللي نهدر
ربي يكمل زواجك و يفرحك بيه ، اما انا فسيدة .
و ربي يكون في عونك
عندك الحق ، الناس اللي يلقاو كلش واجد و ماتعبوش عليه مايعرفوش واش هو التعب ، و كي تستمري في العمل و ماتهدريش يوليو يشوفوا فيك خدامة بلاش ، اما اذا عيطت و هذا من حقك راح يحسوا شوية بيك ، و ينقصوا شوي برك ، مبعد يديروا حساباتهم
و امك العزيزة ربي يحفظها لك رمضان قريب يجي اذا كنا من الاحياء ، قولي لها يا يما العزيزة رمضان قريب يوصل ربي يلحقنا بيه ، يدين الكبدة نتاعك يعني نتي راهم ترحاو ، و اذا بقيت هكا راح يخلصوا عندك ، و مانقدرش ندير دار و ولاد كيعاد اللي مالف يدي مايقدرش يمد ، بالملخص يما العزيزة اجبدي دراهمك انتي و اختي و اشريو لي ماشينة نتاع الماعن و الا راح نربط يديا و شوفوا شكون اللي يغسل الماعن نتاع المطعم نتاعنا
و اختك قولي لها ماشي دايما ضيفة ، حركي يديك شوي معايا و ارحمي شبابي
شكرا لك يا غاليتي على فتحك لقلبك لنا و تفريغك ، ان شاء الله تحسي براحة و نشاط
تحياتي ^^

 

[بشرى ملاك]

السلام عليكم ورحمة الله تعالى و بركاته
.
.
ان شاء تكونوا كامل بخير
في هاذا الصباح و انا نقضي في شغل البيت ،و كالعادة ديما الحالة مكركبة ، نطبق مئة تريكو و سروال ، و ندور مئة دورة باش نلمهم ، و نغسل 50 صحن ، عائلتي ماشاء الله عليها ربي يحفظها لي .. و الحمد لله دارنا صغيرة ، 80 متر لكان جات كبيرة راني حكمت البلاصة من فترة ، و كل يوم نعيط و نقول : ماشي هكا ، اعدلوا رواحكم شوية و ارحموني شوية ، لكن لا حياة لمن تنادي ، كلمتي تدخل من اذن و تخرج من اخرى .
مرة نتخيل روحي طباخة ، و مرة عاملة نظافة وهذا طبعا عمل شريف ، بصح هي تدي اجرها و انا ماندي والو حتى كلمة صاحيتي ماكانش ، نخدم و نعيط بصح لازم نخدم و كأني ماهدرتش .
و الناس الي يحمكوا على المظاهر يقولوا هاذي ماشي تربية ، حرت في نفسي و قلت علاه الهدرة نتاعي ماتاكلش و نصايحي ماتنفعش . حتان عرفت انو كاين تربية اخرى:
تربية الشوارع
..
تحكم مليح في الاشخاص الي يحبو الرأي نتاع الشارع اكثر و يحقق لهم رغباتهم و يخليهم مايتحملوش المسؤولية ، و تعلم لهم اللامبالاة و لا يحسوا بتعب الغير

واش رايكم و شكون كيفي ؟!
بإنتظاركم
تحياتي​

والله يا اختي ماراكيش وحدك فهاد المشكلة انا خاطراتش كي يكثر عليا شقا الدار نبكي ومبعد نضحك على روحي ونفس لي نخدمه اليوم نعاوده كل يوم مع العلم عايشة انا وزوجي وبنتي عندها عامين والله قالبيلي مخي هادو زوج ديمة يخلطو وانا نسقم موراهم نقول لزوجي مانشفكش قاع يقولي واش راني ندير مادرت والو وهدا حال اي زوجة وهدا دورنا فالحياة الله يخليهم لينا
وقاع من هاد شي اختي المهم هنا البال اما الباقي قاع يفوت

 

[aljentel]

يازينكم ويازين شغلكم ويازين هدرتكم ويازين عصبيتكم على اهل الدار حتى يكونوا منظمين ولايتركوا شيء طايح على الارض .... صدقيني اني مسرور فيكم واقول لازالت الدنيا بخير ...
عندنا صاحبة الدار لاتعرف عن الدار شيء واذا ارادت شيء من مطبخها راحت تسأل الخدم اين مكان كذا وكذا .... فوش جاب لجاب ..!

 

[زاد الرحيل]

راني معااااااااك راااااااااح نهبل
نهاااار كاااااامل نظفي هذاك حط المنتو تاعو فوق الطابلة هداك المكرو تاعو وووووووو
والدار شويا كبيرة
نوض فصباح كلي مجانين كانوا يداوسوا وسط الدار وحتى شنابر كلي منقيتهمش البارح نزعف بزااااااااااااااف
ومبعد تزعفي يقولولك علاه تزعفي
بزااااااااااااااااااااااأاااااااف
وقتاه يتعلمو النظام

ربي يكون معاك و يعطيك الاجر هو ما يضيع حق حتى واحد ،ويعطينا ايضا الصبر مفهمتش اعلاه ميحسوش بنا و يظهر لي يحسب فينا مصنوعين من الحديد منتاثروش ،مرة على مرة نعيط و نقول مانيش خدامة ، و مرة على مرة ما نيش طباخة ، و مرة مانيش غسالة ، و مرة يحكمني احباط ما نهدرش و نخلي الحوايج في بلاصتهم حتان يروح عليا الزعاف
الحاجة اللي تحيرني جامي قالوا هيا نديوكم تنحوا على رواحكم شوية ، داروا لنا كيما حكاية جحا و العمل : اعملوا .. زيدوا لا تتكاسلوا .. المال مالي و المعمل معملي

 

[بشرى ملاك]

راني معااااااااك راااااااااح نهبل
نهاااار كاااااامل نظفي هذاك حط المنتو تاعو فوق الطابلة هداك المكرو تاعو وووووووو
والدار شويا كبيرة
نوض فصباح كلي مجانين كانوا يداوسوا وسط الدار وحتى شنابر كلي منقيتهمش البارح نزعف بزااااااااااااااف
ومبعد تزعفي يقولولك علاه تزعفي
بزااااااااااااااااااااااأاااااااف
وقتاه يتعلمو النظام

انا راجلي كي نقوله ماتحطش هادي هنا ماتخلطش هادي شوية نظام تعرفي واش يقولي ايا خليني على راحتي مارانيش في كازيرنا نتاع جنود نظام نظام نظام راني في داري ندير كيما نبغي

 

[بشرى ملاك]

يازينكم ويازين شغلكم ويازين هدرتكم ويازين عصبيتكم على اهل الدار حتى يكونوا منظمين ولايتركوا شيء طايح على الارض .... صدقيني اني مسرور فيكم واقول لازالت الدنيا بخير ...
عندنا صاحبة الدار لاتعرف عن الدار شيء واذا ارادت شيء من مطبخها راحت تسأل الخدم اين مكان كذا وكذا .... فوش جاب لجاب ..!

علاه الاخ من وين

 

[زاد الرحيل]

يا زين

يازينكم ويازين شغلكم ويازين هدرتكم ويازين عصبيتكم على اهل الدار حتى يكونوا منظمين ولايتركوا شيء طايح على الارض .... صدقيني اني مسرور فيكم واقول لازالت الدنيا بخير ...
عندنا صاحبة الدار لاتعرف عن الدار شيء واذا ارادت شيء من مطبخها راحت تسأل الخدم اين مكان كذا وكذا .... فوش جاب لجاب ..!

يا زين دراهمكم و يا زين الخدامة انتاعكم لكان اجيو غير في المنام ،المهم انا حكمتني الغيرة من نسائكم و راح اندير النميمة والعياذ بالله وربي اسامحني على بالك الغيرة واعرة وتقدر تقتلني ،المهم راح نبدا في النميمة و خليهم اسلكوا شوية
يا اخي الكريم هذوك الدراهم اللتعطيوهم للخدامة و اعلاه مديرهمش في حاجة تنفعك يوم القيامة يعني مثلا صدقة عادية او تلم حق سنتين او ثلاثة و تعمل صدقة جارية تنفعك و خلي زوجتك تخدم بيتها بنفسها اخي نضن مهيش من الحور العين و يوم ااحساب راح تسالها يافلتنة اعطيني حسنة واحدة فقط ياخي انا درت لك خدامة طول عمرك و عيشتك معززة مكرمة راح ترد عليك نفسي نفسي و انت اللفضلتني على كل شيئ ما عندي ما اندير اك
وش رايك يا اخي في هذه النميمة راهي لصالحك تنفق مالك في حاجة تديك للجنة في نفس الوقت تصلح زوجتك و تخليها توقف من التعالي بزاف لان ربي سبحانه راح يسالها عن عمرها
فيما افناته و جسدها فيما ابلاته
راني انتقمت لكم يا رجال المنطقة و نظن الخليج و في نفس الوقت انتقمت لنسائنا االقتلتهم الخدمة غدوا يلحقونا النساء اللعندهم الخدامات و يخدموا مثلنا

 

[aljentel]

 

[زاد الرحيل]

وين راحت الهدرة و لا معجبتكش النميمة

 

[aljentel]

وين راحت الهدرة و لا معجبتكش النميمة

كل مواضيعك وردودك تعجبني لكن ماعندي ما نقول ربنا يجيب الخير ...

 

[زاد الرحيل]

والله يا اختي ماراكيش وحدك فهاد المشكلة انا خاطراتش كي يكثر عليا شقا الدار نبكي ومبعد نضحك على روحي ونفس لي نخدمه اليوم نعاوده كل يوم مع العلم عايشة انا وزوجي وبنتي عندها عامين والله قالبيلي مخي هادو زوج ديمة يخلطو وانا نسقم موراهم نقول لزوجي مانشفكش قاع يقولي واش راني ندير مادرت والو وهدا حال اي زوجة وهدا دورنا فالحياة الله يخليهم لينا
وقاع من هاد شي اختي المهم هنا البال اما الباقي قاع يفوت

الله ينور يومك و يوم عائلتك
لما نقلقوا نفرغوا بالهدرة و نحسوا براحة نفسية و نرجعوا للخدمة مرة اخرى صدقيني كي متكونش عندي خدمة و نقعد نحس بالدوخة و نروح نخدم تتنحى عليا ،لما نتعبوا بزاف نقلقوا و هذا شيئ طبيعي لانه جسمنا يتعب تمنيت فقط اعاونونا بابسط شيئ يعني على الاقل ارجعواا الحوايج لبلاصتهم
ربي يحفظ لنا عائلتنا و التعب ايروح بعد مدة قصيرة
شكرا لمرورك اللطيف

 

[حلم كبير]

السلام عليكم و رحمه الله تعالى وبركاته

أختي الكريمة موضوعك يوجد في كل بيت لكن إذا بقيتي على هذا الحال أشهر عديدة فالحالة تحتاج الى أن تضعي لنفسك فترة تفكير وإعادة ترتيب.
أعطيلي عينيك واقراي وتبعي واش نكتب للنهاية ،وإذا درتي واش نقولك رايحة تريحي وتشوفي الفرق.
رايحة تتعبي معاهم مدة شهرين ومن بعد تريحي بإذن الله.

شوفي هنا وين نعيش دايرين أولادهم قاعدة عندنا حنا منذ الازل وماناش خادمين بيها ،خدمنا بيها مع أولادنا نجحت والحمد لله وهوما في عمر الاربع سنوات .
والقاعدة الذهبية هي :
انهيه على النخالة ما يطمعش في الشعير.
ضرك راكي ضحكتي، بصح تبعي معايا.
بنك يشوفك متساهلة معاه في حوايج كيكون صغير ،مثلا يقدر وهو في ثلاث سنين يبدا يتعلم ينحي قشو وحدو صباطو وتوقفي بيه تقوليلو نحطو الصباط في بلاصتو ،واذا شفتيه مرة ما حطش صباطو في بلاصتو ،إياكي تقوليلو معليهش خلي راني نرجعو وحدي ،لأنو بعد ما يسمع هاذي الكلمة رايح يطمع في الشعير -اللي في المثل الفوق - .
يعني بصريح العبارة خليك فوق روسهم على ابسط الامور ،يهز الماعن كي يخلص الاكل اذا كان في عمرو خمس سنين وكاين اللي يبدا قبل ،مكانش تاكل وتنوض بالنسبة للذكر كيما الانثى كيف كيف ،واذا كان الله يبارك عشر سنين يقدر يشرب حليب ولا عصير ويغسل واش شرب فيه ،والا المرة الجاية نحطلو فيه خامج باه يعرف باللي ما عندوش خدامة بل أم.
ختي الفاضلة اذا نحى قشو وما هزوش حطو في بلاصتو ،هزيه حطيه برا وخليه يحوس عليه وين ما يلقاهش نهائيا ،باه توريلو بلي اللي ما يرتبش احوالو يضيع ومن الآن فصاعدا ما نلمش وراك للاسف.
يعني اعلني عليهم الحرب لمصلحتك ومصلحتهم .شهر شهرين مع الهدرة والهدرة ... وما تقوليش ما عليهش حتى وعيانة ولا راكي في النت ،نوضي وطالبيه يدير كلش كيما تحبي نتي حتى وما دارهاش مليح خلي عنها مع الوقت يوالف ويولي يديرها (طبعا لازم توريلو أول مرة),وإذا خدم واش قلتيلو صفقي عليه وهنئيه رايح يحس روحو نافع ويكمل وأهدري مع أختك أو زوجك أو أقاربك قدامو وقوليلهم بني فلان خدم كذا وكذا هذا يعزز فيه حب العمل والمواصلة.
التربية والتسوية تحتاج وقت وجهد باه تشوفي الثمار.
نتمنى نكون فدتك ، كاين امور أخرى على حساب عمر الطفل ،واهتماماتو ومدى عنادو .
بصح نقولك انهيهم على النخالة ما يطمعولكش في الشعير.
بدلي طريقتك ولاحظي الفرق
إن شاء الله تتوفقي
تقبلي مروري مع فائق الاحترام والتقدير
حلم كبير
​

 

[محمد التبسي]

تستحقين التحية يعجبوني البنات الناشطات
خدمة البيت صعيبة
ربي يكون في عونكم​

 

[زاد الرحيل]

السلام عليكم و رحمه الله تعالى وبركاته

أختي الكريمة موضوعك يوجد في كل بيت لكن إذا بقيتي على هذا الحال أشهر عديدة فالحالة تحتاج الى أن تضعي لنفسك فترة تفكير وإعادة ترتيب.
أعطيلي عينيك واقراي وتبعي واش نكتب للنهاية ،وإذا درتي واش نقولك رايحة تريحي وتشوفي الفرق.
رايحة تتعبي معاهم مدة شهرين ومن بعد تريحي بإذن الله.

شوفي هنا وين نعيش دايرين أولادهم قاعدة عندنا حنا منذ الازل وماناش خادمين بيها ،خدمنا بيها مع أولادنا نجحت والحمد لله وهوما في عمر الاربع سنوات .
والقاعدة الذهبية هي :
انهيه على النخالة ما يطمعش في الشعير.
ضرك راكي ضحكتي، بصح تبعي معايا.
بنك يشوفك متساهلة معاه في حوايج كيكون صغير ،مثلا يقدر وهو في ثلاث سنين يبدا يتعلم ينحي قشو وحدو صباطو وتوقفي بيه تقوليلو نحطو الصباط في بلاصتو ،واذا شفتيه مرة ما حطش صباطو في بلاصتو ،إياكي تقوليلو معليهش خلي راني نرجعو وحدي ،لأنو بعد ما يسمع هاذي الكلمة رايح يطمع في الشعير -اللي في المثل الفوق - .
يعني بصريح العبارة خليك فوق روسهم على ابسط الامور ،يهز الماعن كي يخلص الاكل اذا كان في عمرو خمس سنين وكاين اللي يبدا قبل ،مكانش تاكل وتنوض بالنسبة للذكر كيما الانثى كيف كيف ،واذا كان الله يبارك عشر سنين يقدر يشرب حليب ولا عصير ويغسل واش شرب فيه ،والا المرة الجاية نحطلو فيه خامج باه يعرف باللي ما عندوش خدامة بل أم.
ختي الفاضلة اذا نحى قشو وما هزوش حطو في بلاصتو ،هزيه حطيه برا وخليه يحوس عليه وين ما يلقاهش نهائيا ،باه توريلو بلي اللي ما يرتبش احوالو يضيع ومن الآن فصاعدا ما نلمش وراك للاسف.
يعني اعلني عليهم الحرب لمصلحتك ومصلحتهم .شهر شهرين مع الهدرة والهدرة ... وما تقوليش ما عليهش حتى وعيانة ولا راكي في النت ،نوضي وطالبيه يدير كلش كيما تحبي نتي حتى وما دارهاش مليح خلي عنها مع الوقت يوالف ويولي يديرها (طبعا لازم توريلو أول مرة),وإذا خدم واش قلتيلو صفقي عليه وهنئيه رايح يحس روحو نافع ويكمل وأهدري مع أختك أو زوجك أو أقاربك قدامو وقوليلهم بني فلان خدم كذا وكذا هذا يعزز فيه حب العمل والمواصلة.
التربية والتسوية تحتاج وقت وجهد باه تشوفي الثمار.
نتمنى نكون فدتك ، كاين امور أخرى على حساب عمر الطفل ،واهتماماتو ومدى عنادو .
بصح نقولك انهيهم على النخالة ما يطمعولكش في الشعير.
بدلي طريقتك ولاحظي الفرق
إن شاء الله تتوفقي
تقبلي مروري مع فائق الاحترام والتقدير
حلم كبير
​

شكرا لك اخي الكريم على نصائحك القيمة و انا حاولت نطبقها بصح يظهر يلزمني عشر سنين و منعرف في هذيك اللحظة ايوافقوا العشية اعاودوا و غدوا نفس الشئء و بذكرك للعناد عندي طفل الله يحفظه لكان نقتله ما يستعرفش غير برايه ما يعترف لا بالملاحة و لا بالقباحة في النهاية هو صغير حتى لكان نخلي قشه برا معندوش مشكل ابدا عناده لا حدود له حتي زوجي الكريم يقول انا جيت تعبان متزيديش عليا و هو صح المحاسبة زادت عليه حاجة تخفف علي و هو ان ربي يعطينا الاجر على تعبنا و هذه حاجة تفرح
ام المثل الرائع اللي فيه حكمة فا انا اللي راح ناكل النخالة و هما الشعير و نزيد نسكت كيعاد ما عندي ما اندير

 

[زاد الرحيل]

تستحقين التحية يعجبوني البنات الناشطات
خدمة البيت صعيبة
ربي يكون في عونكم​

تحية احترام و شكرا كيعاد شرفتنا بمرورك غلى موضوعي ، و شجعتني بكلمتك الطيبة .. تعطيني القوة باش نخدم حتان يضرب الليل و ننقص العياط شوية
تحياتي