الشفايا اكثر من العزايا

[ليليا مرام]

السلام عليكم الاحباب الملومين
واش اكم وشعال راكم وخلونا نفوتو فالموضوع
السوجي اللي جبتولكم اليوم كلكم تعانو مني راني عارفة رجال ونسا

يا جماعة الانسان بطبعو انو تصرالو امور ومشاكل وظروف المهم يصرالو حاجات
نحكيلكم موقف تعرفو علاه قتلكم الشفايا اكثر من العزايا
عندنا جارة طلقت مكتوب الله مسكينة طلقها راجلها والمشكل انو تسكن هنا في حينا واهل زوجها هنا معناها تزوج جارتو
الجارات الكل راحو ليها مي علاه انا قلت دايرة وليمة او عندهم مرض
عيطتلي جارتي
ليليا ليليا طليت فلاكور وي صباح النور وخلاص سقساتني على القدور والمغارف كملنا لونكيت فاتت ديركت
رانا رايحين عن فلانة قتلها علاه خير واش عندها اذا عرضة ما نروحش بلا عرضة ما عرضتنيش
قاتلي لالا حبينا نتلمو ونروحو عندها قتلها علاه تروحو ما فهمتش هاك برك ما جياش
قاتلي لالا ياخي طلقت سمعتي قتلها وي ان شاء الل يدور فرايو ويعاود يرجعها على خطر الذراري
قاتلي اسكتي الشح فيها تستاهل لسانها طويل وزواخة حبيتهالها طي طلقها نهار كامل نيفها فالسما
قتلها يعطيك سوسة مسوسة وعلها مسكينة مع صباح ربي ولوكان انت ضرك يجي راجلك ويقولك راكي مطلقة قاتلي بعيد الشر واش تساليني قتلها شفتي على روحك ما قبلتيش وتحبيها للناس معناها راحين عندنا تستشفاو والا توقمو
قاتلي انا نروح ياخي انت هاكا دايما كونتر علينا قتلها روحي رفدك باتمان ان شاء الله من ذاك البالكون هناني منك ضحكن قاتلي مهبولة ايه مهبولة مي ما نستشفاش فالناس
الخلاصة نقلتكلم الكلام ولو تقولو واش دخلنا فيكم واش هدرتو ايييه لازم نقولكم بالنقطة بالفاصلة
الخلاصة يا ناس النسا عقليتهم هاكا والرجال قولولي والله تحير انو الواحد رحع يستشفا حتى في خوه لو كاش ما صرالو
الناس رجعو يستشفاو على المرض يا لطيف يسمعو بمريض ايه غزالو ربي يا لطيف هذي شعال سمعتها هذي
الشفايا اكثر من العزايا شعبنا العظيم يحب يستشفا فبعضو ولو جات المصيبة على راسو ما يقبلش الناس تستشفا فيه
الخلاصة والمهم يا جماعة
احكولي لو صراتكلم وين تخافو على الناس تستشفا فيكم وتخبو اموركم
واذا وين سمعتو بالحالات هذي فالمقربين منكم
فالمنتدى نقولكم امين استشفا فيا وهذاك مالك الغيور سمع بيا مريضة قالي تهنيت منك
ههههه
موفقون وشكرا
​

 

[لؤلؤة قسنطينة]

السلام عليكم ليلوشة
واش احوالك لاباس؟ صحتك بخير؟ ربي يحفظك من كل سوء ان شاء الله
أما فيما يخص موضوعك والله يا ليليا ختي أسوء الخلق هوما لي يتشفاو في الناس المرضى
ولا يتشفى في انسان صراتلو مصيبة خاطر بغض النظر عن ديانتك وعن السن تاعك وعلى شخصيتك هادي تدخل
في الانسانية والضمير، كيفاه تشوف شخص في محنة ولا مريض تتمناهالو وتفرحلو ؟ هكا راك بلا عقل وبلا قلب
حتى ولو كان الشخص هاداك عدوي مستحيل نتمنالو الشر نتلاح ليه نقطعلو شعرو ولا نتقابدو هههه بصح باه نتمنى الشر لالا
أصلا المشاكل والابتلاءات والمرض راهي كي الشمس تطل على كل باب قادر لي تمنيتيه لغيرك اليوم يصرا فيك غدوة لا سمح الله
وماتنسايش الملائكة راهي تردد ولك بالمثل على اي دعوة، وزيد درك المشكل حتى الموت يتشفاو فيها، إما يتشفاو في الميت
بعد وإلا في أهل الميت يعني درك دودة فوق الارض مايطلقوهاش، ربي يهديهم برك هادو مراض نفسيين الله غالب
شكرا ليليا على الموضوع بارك الله فيك​

 

[أم أُنٌَيسة]

السلام عليكم و رحمة الله تعالى و بركاته
ان شاء الله تكوني ريحتي يارب
لا علم لي بتلك الامور ، لما ادهب لبيت جدي و التقي ببنات خالي ادا بدان الكلام بهدا الاسلوب انسحب ادهب لغرفة و اشاهد الانمي
اما الجيران كل واحد في حده لانهم ماصالحينش
من الصديقات لما نلقاها تقول صرالي مشكل نقللها حبك ربي ما احب الله عبدا الا ابتلاه
افار تع طلاق كيف كيف حبها ربي بعدها عليها لانو شاف في هدا خير لها و يمكن العكس بالنسبة للرجل و الله اعلم
ربي يهدينا و يهدي من خلق يارب
تحياتي احترامي و تقديري​

 

[ليليا مرام]

السلام عليكم ليلوشة
واش احوالك لاباس؟ صحتك بخير؟ ربي يحفظك من كل سوء ان شاء الله
أما فيما يخص موضوعك والله يا ليليا ختي أسوء الخلق هوما لي يتشفاو في الناس المرضى
ولا يتشفى في انسان صراتلو مصيبة خاطر بغض النظر عن ديانتك وعن السن تاعك وعلى شخصيتك هادي تدخل
في الانسانية والضمير، كيفاه تشوف شخص في محنة ولا مريض تتمناهالو وتفرحلو ؟ هكا راك بلا عقل وبلا قلب
حتى ولو كان الشخص هاداك عدوي مستحيل نتمنالو الشر نتلاح ليه نقطعلو شعرو ولا نتقابدو هههه بصح باه نتمنى الشر لالا
أصلا المشاكل والابتلاءات والمرض راهي كي الشمس تطل على كل باب قادر لي تمنيتيه لغيرك اليوم يصرا فيك غدوة لا سمح الله
وماتنسايش الملائكة راهي تردد ولك بالمثل على اي دعوة، وزيد درك المشكل حتى الموت يتشفاو فيها، إما يتشفاو في الميت
بعد وإلا في أهل الميت يعني درك دودة فوق الارض مايطلقوهاش، ربي يهديهم برك هادو مراض نفسيين الله غالب
شكرا ليليا على الموضوع بارك الله فيك​

السلام عليكم مريومة واش احوالك معليكش ان شاء الله تكوني لاباس وريحتي شوي
ايه هوما أسوأ الناس مي المشكل راهم موجودين مريومة واول الناس اللي يستشفاو سبحان الله من الاقارب والعايلة مع انو المفروض يكونو اول من يحسو بضرك لكن راهي بالمقلوب صح الموت والمرض والمصيبة من ربي الحمد لله وتدخل كل البيوت وممكن اللي يستشفا فالناس غدوة مصيبتو اكبر الله يهدينا
العفو اختي شكرا وان شاء صحتك تحسنت مريومة

 

[ليليا مرام]

السلام عليكم و رحمة الله تعالى و بركاته
ان شاء الله تكوني ريحتي يارب
لا علم لي بتلك الامور ، لما ادهب لبيت جدي و التقي ببنات خالي ادا بدان الكلام بهدا الاسلوب انسحب ادهب لغرفة و اشاهد الانمي
اما الجيران كل واحد في حده لانهم ماصالحينش
من الصديقات لما نلقاها تقول صرالي مشكل نقللها حبك ربي ما احب الله عبدا الا ابتلاه
افار تع طلاق كيف كيف حبها ربي بعدها عليها لانو شاف في هدا خير لها و يمكن العكس بالنسبة للرجل و الله اعلم
ربي يهدينا و يهدي من خلق يارب
تحياتي احترامي و تقديري​

السلام عليكم اختي اهلا وسهلا نورتيني
الحمد لله اختي احسن نحمدو ربي فكل الاحوال الله يخليك وشكرا على السؤال
انت ما تحبيش تسمعي مي مرات الكلام يجي قدامك ولو انت ما تحوسيش عليه وانا مديتلكم مثال الجارة هذي ومثال اللي طلقت مي كاين امور بزاف يستشفاو فالمريض فاللي مات فكل شي يستشفاو الله يهدينا وانا نحييك عل اخلاقك انو ما تسمعيش ما تحوسيش تفهمي على الناس
وتحياتي ليك اختي الكريمة ربي يجازيك

 

[أم أُنٌَيسة]

السلام عليكم اختي اهلا وسهلا نورتيني
الحمد لله اختي احسن نحمدو ربي فكل الاحوال الله يخليك وشكرا على السؤال
انت ما تحبيش تسمعي مي مرات الكلام يجي قدامك ولو انت ما تحوسيش عليه وانا مديتلكم مثال الجارة هذي ومثال اللي طلقت مي كاين امور بزاف يستشفاو فالمريض فاللي مات فكل شي يستشفاو الله يهدينا وانا نحييك عل اخلاقك انو ما تسمعيش ما تحوسيش تفهمي على الناس
وتحياتي ليك اختي الكريمة ربي يجازيك

من قبل كنت نقللهم راهو امر موش مليح و ندكركهم و ننصحهم لكن يقولولي حرمتي علينا كل شيء وامور كيما هكدا
و ليت مانقعد معاهم مايوجعني قلبي
اما ادا سمعت واحد يسخر من مريض داك امر اخر ، ياو الارض نمسحو بيه لاني نولي حيوان منقرض غير معروف نوعه او جنسو
و السخرية من المريض تعرضت لها كثيرا جدا ، في صغري كان لدي عقدة من داك الامر ، اما الان لما عرفت و استعقلت عادي كلب ينبح واش يربح او الكلاب تنبح و القافلة تسير
واش خصني الحمد لله ربي متفكرني ابتلاني و الحمد لله
ربي يدوم و يشفيك يارب
و نطلبو الهداية لنا و لكل المسلمين
الله يحيي اصلك يارب
تحياتي احترامي و تقديري لشخصكم الكريم​

 

[Mustapha Bita]

السلام عليكم
قارة افريقيا فيها شيء غير طبيعي والله وفي بلادنا بزاف
يضحك معاك ويلعب معاك ويطعنك في ضهرك

 

[ليليا مرام]

من قبل كنت نقللهم راهو امر موش مليح و ندكركهم و ننصحهم لكن يقولولي حرمتي علينا كل شيء وامور كيما هكدا
و ليت مانقعد معاهم مايوجعني قلبي
اما ادا سمعت واحد يسخر من مريض داك امر اخر ، ياو الارض نمسحو بيه لاني نولي حيوان منقرض غير معروف نوعه او جنسو
و السخرية من المريض تعرضت لها كثيرا جدا ، في صغري كان لدي عقدة من داك الامر ، اما الان لما عرفت و استعقلت عادي كلب ينبح واش يربح او الكلاب تنبح و القافلة تسير
واش خصني الحمد لله ربي متفكرني ابتلاني و الحمد لله
ربي يدوم و يشفيك يارب
و نطلبو الهداية لنا و لكل المسلمين
الله يحيي اصلك يارب
تحياتي احترامي و تقديري لشخصكم الكريم​

ربي يكملك بعقلك الله يببارك
والله يا اختي نقولك انا ما نروح لحتى واحد ولا ندخل روحي عندي هذي الجارة اخبار الارض كلها عندها منين وليت نقولها ربي يسهل على كل واحد راني في دارنا ومرات نقولها ما سمعتكش ما ولاتش تعيطلي قليل بزاف وين نتهارو
وكيما قلت لو تلحق للمريض لانو راني مريضة نحس وقبل ما نمرض ما نحبش اللي يهدر على المريض مهما كان ويكون لانو اللي يستشفا فالمريض مش انسان
امين الله يهديهم ويهدينا يا رب الله يخليك

 

[أم أُنٌَيسة]

السلام عليكم
قارة افريقيا فيها شيء غير طبيعي والله وفي بلادنا بزاف
يضحك معاك ويلعب معاك ويطعنك في ضهرك

و عليكم السلام و رحمة الله تعالى و بركاته
ايه ادا طعنك في ظهرك احمد ربي و اشكرو انك كنت الطرف المظلوم و ليس الظالم و اطلبلو الهداية ان شاء الله و لكل المؤمنين
​

ربي يكملك بعقلك الله يببارك
والله يا اختي نقولك انا ما نروح لحتى واحد ولا ندخل روحي عندي هذي الجارة اخبار الارض كلها عندها منين وليت نقولها ربي يسهل على كل واحد راني في دارنا ومرات نقولها ما سمعتكش ما ولاتش تعيطلي قليل بزاف وين نتهارو
وكيما قلت لو تلحق للمريض لانو راني مريضة نحس وقبل ما نمرض ما نحبش اللي يهدر على المريض مهما كان ويكون لانو اللي يستشفا فالمريض مش انسان
امين الله يهديهم ويهدينا يا رب الله يخليك

ان شاء الله يارب
ياخاه ، اخبار العالم كمال علابالها بيهم ، ياحوشي انا وواش تدير بيهم ؟ ربي يهدينا و يهديها ان شاء الله
بيناتنا والله حتى امور دارنا ولا علاقة من اللي نوض وانا مدكوكة في بيت و قبالي البي سي يا اما مع رواية او كتاب او انمي
و يبارك فيكي يارب
تحياتي احترامي و تقديري​

 

[sanaya]

الله غالب منعرفش أسكو أنا الغريبة ولا الناس هي الغريبة
مي قريت موضوعك فرحت قلت أخت ليليا عايشة فنفس الكوكب
هه
دوكا الحقد ولا نورمال يشوفو شخص ناجح يتمناو يخسر مزوج يتمناو يطلق علاه ياجدكم
فالوقت اللي لازم نتسابقو فيه لإسعاد الغير ولينا نتسابقو لتنغيص معيشة الغير
واللي غاضتني هداك لكلام لقبيح اللي كانت هاذ الجارة تقولو مورا ظهرها
إتسما تروح لها لدارها وتهدر موروها
مي نستعرف بيك صورت مليح الحياة والأحاديث النسوية خصوصا الستوتات
ربي يهديهم سلام