صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الثَـآلِـثْ }

[ضآحكة مستبشرة]

​

السلام عليكم و رحمة الله تعالـــــى و بركاته

كيف أحــــوآلكــــم لبَـآس ؟؟
مع الاجواء الربيعية صـــآفـآ ؟؟


مرحبــــآ بيكم يآ اعضاء اللمة الكرام في العدد الثــــــــآلثْ من صريح / صريحة جـــــــــــــداً على اللمة
في الاعداد السَــآبقة تعرفنا على ارائـكم و وجهات النظر ديالكم في اكثر من موضوع
و هذوا روابط الاعداد السابقة

صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الآولْ }

صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الثَـآنِـيْ}

موضوعــــــي هذا هو : صريح { صريحـة } جـــداً و هي فكرة مستوحاة من برنامج صريح جدا على قناة النهار
و هو برنامج يسألوا فيه الناس في الشارع حول موضوع معين
حبيت نقبس الفكرة و نعتمدها هنا في المنتدى قصـد التفاعل و التعرف على اراء و وجهات نظر الاعضــاء حول مواضيع مختلفة

فكرة الموضوع :​

و في كل يوميــــن رح نحط سؤال واحد موجه للشباب و الآخر للبنـــات ​

و على كل عضوة و عضوة الاجابة على الاسئلة كل واحد كيفاش يحب بطابع فكاهي و لا سيريو هههه ولآ نقاشي ديروا روسـكم
و التعرف على رأي الشاب و الشآبة باش نعرفوا العقليات ههههههه​

وأسئــــلة العدد الثـــــآلث هي :

سؤآل موجه للشبــــــاب :

ما هو السـن المناسب للزواج عند الشاب الجزائري ؟

سـؤآل موجه للبنـــــــآت :

هل تقبلين الزواج برجل يسكن في الريف ؟؟

{ هذا السؤال اقترح عـليكن من طرف أحد الاخوة في هذا المنتدى هههه }



الموضوع رح ندير فيه بزاف مواضيع نشوف رايكم فيها و علبالي رح يكون فيه قصف تام من كلا الطرفين ههههههههههههه
ياو غير بشوية متقطعوش في بعضاكم بزاف ندي ذنوبكـــــــــم هههههههه
في أمـــــــــــــــان الله
اتمنى ان ينال الموضوع اعجابكم

 

[الصحافية الساخرة]

السلام عليكم ورحمة الله
اوااه كاش ريفي راه هنا حاب يتزوج ومالقاش ههههه
يا اختي زعما كاين بلاصة اسمها الريف دوكا ههه حتى الريف ولاو يربوا فيه غير الفايسبوك ههههه
كيفاه الريف يعني مع وجود البقر و الاغنام ومول القبعة الصفرا هههه اه ختي نربي البقر منعرفش لكان غير الجاج نورمال مي نرعى الكباش قش بع لا
ولكان تقصدي دار فالجبل يا اختي منحبش معيشة هذيك صراحة نقبل برجل بسيط مي بالريف نعيش فيه لا منقدرش نبدل ونوالف (اما المكتوب شي ثاني حنا نقولو هكذا والقدر شي محتم)

 

[Mustapha Bita]

بالنسبة لي لايوجد سن محدد

عندي سؤال
لمادا المجتمع العربي يرفض فكرة زواج الرجل بامراة تكبره سنا

 

[Malika Tlm]

السلام عليكم
يا اختي نقبل منكدبش عليك نحب عيشة الريف
تصبحي علي الطبيعة والمناظر الخلابة
نربي البقر الغنم والجاج ونتعلموا مع الوقت هههههه
ولكن بشرط تكون الدار ايكيبي ههههههههه

 

[Hakan]

السن المناسب للزواج هو شهرية ب 5 ملاين ودار فيها 2 غرف وكوزينة ودعاوي الخير
نضن فهمتيني ​

 

[ضآحكة مستبشرة]

بالنسبة لي لايوجد سن محدد

عندي سؤال
لمادا المجتمع العربي يرفض فكرة زواج الرجل بامراة تكبره سنا

ههههه اخي لا تستجعل الامور الموضوع هذا سيطرح في الاعداد القادمة

 

[ضآحكة مستبشرة]

السن المناسب للزواج هو شهرية ب 5 ملاين ودار فيها 2 غرف وكوزينة ودعاوي الخير
نضن فهمتيني ​

ههههه و الله لا فهمتك خويا حكيم
و راك قستها قد قد
ان شاء الله ربي يسهل خيي
بصح هذي من وجهة نظرك انت ولا من وجهة نظر بنات اليوم ؟؟

 

[بشرى ملاك]

الريف احسن من المدينة وضوضاء المدينة ماكان لا حس لا تقرقيج لكن مانظنش لي موالف عيشة المدينة يعيش فالريف راهي غبينة بزاف تروح من تكنولوجيا للطبيعة الا ادا كان بيت الريف ايكيبي على راي malika tlm

 

[Hakan]

ههههه و الله لا فهمتك خويا حكيم
و راك قستها قد قد
ان شاء الله ربي يسهل خيي
بصح هذي من وجهة نظرك انت ولا من وجهة نظر بنات اليوم ؟؟

لالا من جهة من جهة نظر الواقع واكيد من جهة نظر المطلوبين اليوم من الرجال
من قبل الفتيات لازم يكون خدام ولو في عمرو 15 عام وتاكل على شقاه ​

 

[Mustapha Bita]

ههههه اخي لا تستجعل الامور الموضوع هذا سيطرح في الاعداد القادمة

هدا سؤالي انا طرحته عليك

 

[Salah eddin]

السلام عليكم
السن المناسب للزواج
بصراحة و مع الظروف الحالية من قلة فرص العمل و صعوبة المعيشة نوعا ما
و غيرها من العوامل
انا نظن ان السن المانسل للزواج
من 25 / 30
قبل 25 يعني مولاها راه يتسرع و ق يخرط و بعد 30 معناها مولاها قريب راح عليه الحال
ههه
حتة وحنا الشبيبة ما عندناش مشكل كي نتزوج على 40 نورمال
خخخخخخخخخخ
ايا السلام عليكم ​

 

[ضآحكة مستبشرة]

السلام عليكم ورحمة الله
اوااه كاش ريفي راه هنا حاب يتزوج ومالقاش ههههه
يا اختي زعما كاين بلاصة اسمها الريف دوكا ههه حتى الريف ولاو يربوا فيه غير الفايسبوك ههههه
كيفاه الريف يعني مع وجود البقر و الاغنام ومول القبعة الصفرا هههه اه ختي نربي البقر منعرفش لكان غير الجاج نورمال مي نرعى الكباش قش بع لا
ولكان تقصدي دار فالجبل يا اختي منحبش معيشة هذيك صراحة نقبل برجل بسيط مي بالريف نعيش فيه لا منقدرش نبدل ونوالف (اما المكتوب شي ثاني حنا نقولو هكذا والقدر شي محتم)

و عليكم السلام حنونتي
هههههه أختي صح لي موالف المدينة ميقدرش يعيش في الريف و هذي صرات بزاااااف
انا عن نفسي و الله نعيش عادي خاطرش انا بنت الريف و زيد منحبش حس المدينة بزاااااف نحب السكنة على برا كي يضيق خاطري نخرج لبرا نشوف في الطبيعة نرتاح
انا من لي كان عمري 9 شهر نسكن في المدينة وشنو مدينة صغيرة
منلومكش كي قلتي منقدرش نعيش في البلاد لانو صح تتغير حياتك 360 درجة

شكرا لك على المرور حبيبتي
نورتي

 

[ضآحكة مستبشرة]

السلام عليكم
يا اختي نقبل منكدبش عليك نحب عيشة الريف
تصبحي علي الطبيعة والمناظر الخلابة
نربي البقر الغنم والجاج ونتعلموا مع الوقت هههههه
ولكن بشرط تكون الدار ايكيبي ههههههههه

و عليكم السلام حنونتي ميمي
هههه لوكان تشوفي انا شحال نحبها بزاااااف حالةةة بصح كي تتوفر فيها ظروف لازمة خاطرش ماشي وارواح عيش فيه هههه
بصح روووةةةعةةة المعيشة في الريف تنساي الهموم كامل تخرجي برا تنحي على خاطرك تبقاي تدوري مع الحيوانات روووةةةعةةة لا نحب نعيش فيه بصح منحبش نربي الحيوانات هههههه

 

[ضآحكة مستبشرة]

الريف احسن من المدينة وضوضاء المدينة ماكان لا حس لا تقرقيج لكن مانظنش لي موالف عيشة المدينة يعيش فالريف راهي غبينة بزاف تروح من تكنولوجيا للطبيعة الا ادا كان بيت الريف ايكيبي على راي malika tlm

اهلا وسهلا بك اختي
ايه و الله عندك الحق هي خير من المدينة
و لي عايشين في المدينة قليل لي يقبلو بمعيشة برا خاصة لما تكون خدامة
و الله صعيبة خاطرش تكون موالفة بالخرجات و في البلاد الرجة ناقصة
شكرا لانك نورتي الموضوع
شكرا على المرور العطر

 

[الصحافية الساخرة]

و عليكم السلام حنونتي ميمي
هههه لوكان تشوفي انا شحال نحبها بزاااااف حالةةة بصح كي تتوفر فيها ظروف لازمة خاطرش ماشي وارواح عيش فيه هههه
بصح روووةةةعةةة المعيشة في الريف تنساي الهموم كامل تخرجي برا تنحي على خاطرك تبقاي تدوري مع الحيوانات روووةةةعةةة لا نحب نعيش فيه بصح منحبش نربي الحيوانات هههههه

ههههههههههه ههههههههههه عجبتني تاع تبقى تدور مع الحيوانات كيفاه تهدري معاهم مثلا ؛ والله صح اللي يروح للريف يصدق بلي الحيوان ناطق هههههه

 

[ضآحكة مستبشرة]

السلام عليكم
السن المناسب للزواج
بصراحة و مع الظروف الحالية من قلة فرص العمل و صعوبة المعيشة نوعا ما
و غيرها من العوامل
انا نظن ان السن المانسل للزواج
من 25 / 30
قبل 25 يعني مولاها راه يتسرع و ق يخرط و بعد 30 معناها مولاها قريب راح عليه الحال
ههه
حتة وحنا الشبيبة ما عندناش مشكل كي نتزوج على 40 نورمال
خخخخخخخخخخ
ايا السلام عليكم ​

و عليكم السلام خويا صلاح
و الله صح انا ثاني لوكان يسقسوني نقوللهم من 27 /30 خاطرش الوقت لي رانا فيه صعيب و الشباب تاع هذا الوقت ثاني ماشي من النوع لي يتحمل المسؤولية حتى يقيسو الموس في اللحم
و ثاني الراجل كي يقعد شحال يقعد ميفوتش عليه الحال ماشي كيف لمرا
بصح من الافضل ميفوتش ثلاثين
شكرا على المرور
نورت الموضوع

 

[الصحافية الساخرة]

و عليكم السلام حنونتي
هههههه أختي صح لي موالف المدينة ميقدرش يعيش في الريف و هذي صرات بزاااااف
انا عن نفسي و الله نعيش عادي خاطرش انا بنت الريف و زيد منحبش حس المدينة بزاااااف نحب السكنة على برا كي يضيق خاطري نخرج لبرا نشوف في الطبيعة نرتاح
انا من لي كان عمري 9 شهر نسكن في المدينة وشنو مدينة صغيرة
منلومكش كي قلتي منقدرش نعيش في البلاد لانو صح تتغير حياتك 360 درجة

شكرا لك على المرور حبيبتي
نورتي

اهههعهههه تتبدل برك يا اختي لوكان نعيش كع والديا فالريف نورمال بويسك عندنا دار فالريف ومنروحلهاش غير فوقت الزيتون هههه يروحلها غير ابي وأمي مت اللي مرضت حبست يا اختي والله متربحش معيشة الريف مع راجل تعرفي علاه بويسك ماشي تعيشي تولي تحرثي يعني يديرك الة ههه ازرع ها الفاس ها اسقي بحري ارعي الغنم يااا وحنا ذيجا مكشردين يزيدلك بوت صفر و جبة نص طالع ونص هابط هههه مع خيمار ملفوف فوق راشك غير وجهك يكحال فالشمس ههههههه
علابالنا كيفاه معيشة الريف الى عنده بقر ذرع عليك تحلبيهم اختي متقوليش لا هههه
مليح كي راكي تحبي الريف والطبيعة حاجة مليحة وانا الصيف هذي ان شاء الله نبحر فالريف مع والديا ههههه نروح نقفز بالحبل ندير رياضة هذيك البلاصة الوحيدة الي نقد نجري فيها هههههه
تحياتي واصلي ختي
نشطتينا فالليالي ههههه

 

[ضآحكة مستبشرة]

هدا سؤالي انا طرحته عليك

هذا سؤال انت من تجيب عنه
انا عن نفسي لن اقبل برجل اقل مني عن قناعة اريد رجل حقيقي بمعنى الكلمة و ليس ابن
و شكرا لك اخي

 

[Skor m@k]

السلام عليكم
كل واحد على حساب العقل تاعو لي يتقبل الزواج وكل واحد على حساب ظروفو وتربيتو
أنا في رايي الزواج الملائم من كل النواحي هو لي يكون بين 27 و 35 سنة
هذا هو العمر تاع الزواج مانقولوش قل خاطرش يكون الشاب يحب يحوس يحب يتهرب من المسؤولية
ومانقولش اكثر خاطرش الواحد يبدا يجيه القنطة والملل والوسواس الخناس ههه
مي لازم يبدا يخمم فالزواج ملي يوصل 20 سنة ماشي كيما كاين ناس
يبدا بالتخمام فال27 هناك ينوي يتزوج حتى يلقى روحو فالربعين وهو مزال يخمم
أما ضرك ماولاش فرق تقريبا بين المدينة والريف
أنا بلاك نحب فالريف نعيش مش ريف تاع المدية جيهتكم وهبط ههههه
نحب الريف قدام لبحر الله غالب والفت لبحر لازم كل يوم نضرب طلا عليه هههه
شكرا أسوم​

 

[ضآحكة مستبشرة]

اهههعهههه تتبدل برك يا اختي لوكان نعيش كع والديا فالريف نورمال بويسك عندنا دار فالريف ومنروحلهاش غير فوقت الزيتون هههه يروحلها غير ابي وأمي مت اللي مرضت حبست يا اختي والله متربحش معيشة الريف مع راجل تعرفي علاه بويسك ماشي تعيشي تولي تحرثي يعني يديرك الة ههه ازرع ها الفاس ها اسقي بحري ارعي الغنم يااا وحنا ذيجا مكشردين يزيدلك بوت صفر و جبة نص طالع ونص هابط هههه مع خيمار ملفوف فوق راشك غير وجهك يكحال فالشمس ههههههه
علابالنا كيفاه معيشة الريف الى عنده بقر ذرع عليك تحلبيهم اختي متقوليش لا هههه
مليح كي راكي تحبي الريف والطبيعة حاجة مليحة وانا الصيف هذي ان شاء الله نبحر فالريف مع والديا ههههه نروح نقفز بالحبل ندير رياضة هذيك البلاصة الوحيدة الي نقد نجري فيها هههههه
تحياتي واصلي ختي
نشطتينا فالليالي ههههه

كل واحد و وجهة نظر ديالو
انا بنت الريف و نحب الريف
و الريف ماشي بالضرورة كي تعيشي فيه رح تبحري و تسرحي و تحلبي و كامل
لالالالالا و الله دوكا غير رآهم عايشين كي تع المدينة برك البيئة ريفية
كي تدخلي الديار تقولي راكي في العاصمة هههه
و زيد ولاد البلاد قصدي الجيل تاع دوكا خاطياتو الفلاحة و الغنم و البقر
و ربي يوفقك حبيبة