حنا الجزائريين واحد مايفهمنا ... حنا هوما

[Skor m@k]

هههههههههههههههه اه يا المشاغب الضاحك والحاء للتاكيد برك ههخخهخ وعلاه نغضب يااو راني نضربك بالبشماق كيما تقول ختي ملك له حتى حنا نقولولها البشماق ولا لبليغة هههه المهم السيو هو الدلو بالعربية ههههه اللي نهزو بيه الماء وعلاه يعني تفضح فينا قدام الجماهير هههه
وزمارة فيك منقولكش على هدرات عندنا معقدة هههه
موت بلا فهامة ههههه

واع واع واع نعرفهم غير قوليهم برك ههههأنا حافظ اللهجات كامل هههه شفتي الدلو كيفاه عرفتو ههه
ايه لبليغة حنا نقولولها خخخخخ
خلاص المرة الجاية ندير موضوع على اللهجات ماشي على الكلمات هههه
وتشوفي كيفاه نهدر كيما نتوما هههه

 

[الصحافية الساخرة]

واع واع واع نعرفهم غير قوليهم برك ههههأنا حافظ اللهجات كامل هههه شفتي الدلو كيفاه عرفتو ههه
ايه لبليغة حنا نقولولها خخخخخ
خلاص المرة الجاية ندير موضوع على اللهجات ماشي على الكلمات هههه
وتشوفي كيفاه نهدر كيما نتوما هههه

هههههههههه ها ما تفضحناش تروح للهجات
باغي تضحك علينا العالم ديجا راهم يزورونا هنا فالمنتدى ناس برانية وتحرجنا قدامهم ؛ يعني تعرف تهدر كيفنا منظنش ههههههه
ايا رانا نهدروا شوي كيف كيف في لبليغة نشترك هههههه
ربي يحفظك اخويا
تعرف كلشي انت والوا ما خليته هههه
مي تعجبني مواضيع تاعك زيدلنا

 

["viola"]

سلملم مليكو ..نشالله لبااس خيو ^^
سمعت باللي كاين قصف راني مالصباح نحوس وماكان والو نلقا التشلومبو و مشمخ و البوشحيط خخخخخخخخ
ارواح عندنا لل 17 ههههههه و رسك متحكم فيها ترن خخخخخ مثلا فكلمة زقوق ليست تعويذة لاستدعاء الجن لكنها تعني الغول خخخ
و كلمة فكّة ليست الصرف كما نسمعها فالافلام ههه لكنها كلمة معناها "تهنينا منو " خخخ
و كاااين الخير منيش متفكرة برك خخخ
صحيت هههه ​

 

[blida2008]

عندك الحق ... شكرا علي الموضوع

 

[الامين محمد]

وعليكم السلام ورحمة الله وبركاته
مشرفى مالك
كلامك مضبوط لكت
بحكم تجربتي فى الحياة
ورحلات وجوالتى عبر بلدان الإسلامية سواءا فى أفريقيا أو آسيا أو أوروبا التمست أن فى مكة وعلى وجه الخصوص ايام الحج والعمرة والزيارة الجميع لايفرق بين الجزائري و المغربي فى اللهجة..
فيقول للجزائرى انت مغربي ويقول للمغربي انا جزائرى.
ولايكون التميز إلا بالملابس والتى يرتديها الاحبة
أما فى اروبا فاللغة تكون سائدة
على العموم هناك فرق طفيف فى اللهجة الجزابية وأعنى الجزائريةوالمغربية
فمعظم اللهجات متقاربة .
كالهجات الأمازيغية
تريفية.تشلحية. تمازيغة
ناهيك على اللهجة الحسانية
وهى فى نظرى تعد من أصعب اللهجات التى أتمنى أن أحضى بتعليمها.
وهذا يدل على اننا اخوة .
وأننا كالجسد الواحد والذى يضرب بنا المثل فى النضال والإصرار والعزيمة والإرادة وغزة النفس
خلافا عن الاحبة فى الأقطار التونسية واللبيا فهى كذالك متقاربة فى اللهجة شيئاما
فالجزائري يرتاح للمغربى والسبب هو المصاهرة والتقاليد الموحدة
مرة أخرى شكر الله لك يامشرفى مالك على هذه المفردات الأكثر من رائعة.
هى حسنة من حسناتك
دوما من المتتبعين لاطروحاتك

فعلا أستاذنا ففي الحج و العمرة يصعب التفريق بين الجزائريين و المغاربة
حتى في مختلف البطولالت الأوربية في كرة القدم لما تشوف لاعب
تقدر تعرف أنه عربي و لما تشوف الجزايري او المغربي تحس أنهم اخوة
من شدة الشبه فمثلا عامر بوعزة يشبه اللاعب فجر المغربي الذي يلعب لأشبيليا
و لما تشوف مراوغات محرز تتذكر مباشرة مصطفى حجي
و لما تشوف حفيظ دراجي تتفكر النيبت
شوف الشبه في الخلقة و حتى في الفنيات و في طريقة اللعب

 

[aljentel]

أهلا ناس اللمة واش راكم هذي غيبة ليا فلكتيبة هنا خخخخ
هذا الموضوع سبيسيال للأخت @سكون الفجر والأخ @aljentel
كيما يقولو ومنعرف شكونهم لي قالو بلي حنا ليزالجيريا هدرتنا هي الصعيبة فاللهجات العربية كامل
مي كومام بلاك تقريبا مايفهموناش العرب مي حنا نفهمولهم كامل هاهاهاه
التوانسة ولمراركة هام تقريبا كيما حنا والليبيين شويا تانيت يشبهونا هوما والصحراء الغربية وموريطانيا
تقريبا لهجة المغرب العربي تشبه لبعضها لبعض
مي حنا نخرجو من الحدود تاع ليبيا حتى نسمعو تعواج الهدرة
حبابنا المصريين عايز كدا وكدا ومرورا بشلونك وحتى شانgولك على الخليجيين
نولو لبلادنا قبل ماتتلفنا الهدرة لي رانا حاصلين بيها بيناتنا
كاين كلمات فاللهجة تاعنا قليل لي يعرفها وهي من أغرب الكلمات اهاهاههاهاه
في خاطر ختي مريم لي ماتعرفش بزاف كلمات ليوم نعلموها شويا
خرجناها من تحت الأنقاض ونسفناها من غبار أجدادنا هاهاهاها

نبداو مع عدوتنا اللدودة ولي هي الأنثى نياهاهاهاههاه
أغرب إسم أنثى معانا لي هي قرمية يا عباد الله منين لقاو هذا الاسم مزيا ماسماوكش يا ليليا هذا هههه

نروحو للأكلات الجزائرية لي متنوعة بزاف وكاين أغرب إسم بيناتهم
هو سكران طايح فالدروج ههههه هذي سور لي إخترعاتو راجلها كان سكران وضربها هههه

من الأكلات ننطلقو للحيوانات الطائرة
حيوانا هو تشوتشو مالح هههه باللغة الفصحى هو النورس مي ياجدي منين جبت هذا الاسم ياجدك هههه

من الحيوانات ولا الحشرات هههه معلباليش تصنيفو
نلقاو بزيزة الاسم هذا كي تسمعو ماتتخايل حتى حاجة هههه وهو فالحقيقة جرادة

حنا عندنا وحد الكلمة كي يخيقك كاش واحد تقولهالو وهي نبات بحري
التشكوبي ههههه ماتقولوليش راك تسب فينا خاطرش نبات بحري هذا ههههه

وحنا الجزائرين معروفين بالتخنتيش والتخلاط واصلاح كل شيء مالا خيرتلكم
أغرب شيء ولي هو التشلومبو ... كي تذوب لبلاستيك لي يسيل منو هذاك هو التشلومبو ههههه

تانيت كاين من أغرب الأشياء كي تسمعو تحيروهو ليماعرفاتوش ختي مريم
الطزدام ... لايمت بصلة الى اللغة العربية هههه لي يحطو فيه لعجايز الدراهم هههه

أما أغرب اسم ولا صفة في الدارجة الجزائرية هي
مشمخ ... لو تحوس كل قواميس العالم ماتلقاهاش هههه

نروحو لأغرب اسم مدينة في الجزائر
تمرنكيطة في منطقة في ولاية البويرة ... وين تسكن خوو .. نسكن في تمرنكبيطة ... صعبة الحفظ هههه ياك مكاش لي يسكن هناك هههه

الأمراض هنا عندنا كل يوم يخرج مرض جديد ممبعد يحصلو واش يسموه إمالا كاين مرض إسمو
بوشحيط ... هو مرض الإلتهاب في الأمعاء ... جا في بالي زعما بوش دخل في حيط ههههه

كل الجزائريين لي يغلط فالهدرة يخلص ... يخرجولو معايرا وأغرب معايرا على وجه الأرض هي
بوقوقو ... واش معنتها مانعرف ههههه

جداتنا وما أحلاهم أدعية الشر كامل جبدوهم فينا هههه وأغرب دعاء هو
يسود حلايسك .... ولحلايس يقولو بلي هو أطراف الثياب ... واش دخل السواد فيهم هههههه

حتى الأمثلة عندهم ما خرجو تانيت وأغرب مثل تسمعو هنا فالجزائر هو
الكلوفي فوق لجمل عضوو كلب ... هذي والله غير عندهم الحق هههههه

وضرك نخليكم مع أغرب غرباء الغربان أسموات من عالم آخر
تقاشر
سبردينة
نشاف
كنابي

أيا نخليكم تزيدو تجبدونا من الأرشيف تاعكم كاش كلة غير مفهومة
شكرا على المتابعة والإصغاء
دمتم

​

يا طيب القلب ...
اعتقد هناك في المنتدى غيري وسكون لايعرف الهدره الجزائريه ..
فلكل بلد لهجته الخاصه ... حقيقه حينما ارى موضوعا لاافهم المقصود منه ولا افهم الهدره التي كتب بها
اتجاوزه دون رد لكن هناك لهجه جزائريه اصبحنا نفهمها ونعرف المقصود منها لكن ليست كلها فبعضها يكون صعب الفهم ..
بارك الله فيك وابقى الجزائر واهلها وهدرتها بخير ...