صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الرآبِعْ}

[ضآحكة مستبشرة]

السلام عليكم و رحمة الله تعالـــــى و بركاته

كيف أحــــوآلكــــم لبَـآس ؟؟
مع الاجواء الربيعية صـــآفـآ ؟؟


مرحبــــآ بيكم يآ اعضاء اللمة الكرام في العدد الرآبع من صريح / صريحة جـــــــــــــداً على اللمة
في الاعداد السَــآبقة تعرفنا على ارائـكم و وجهات النظر ديالكم في اكثر من موضوع
و هذوا روابط الاعداد السابقة

صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الآولْ }

صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الثَـآنِـيْ}

صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الثَـآلِـثْ }


موضوعــــــي هذا هو : صريح { صريحـة } جـــداً و هي فكرة مستوحاة من برنامج صريح جدا على قناة النهار
و هو برنامج يسألوا فيه الناس في الشارع حول موضوع معين
حبيت نقبس الفكرة و نعتمدها هنا في المنتدى قصـد التفاعل و التعرف على اراء و وجهات نظر الاعضــاء حول مواضيع مختلفة

فكرة الموضوع :



و في كل يوميــــن رح نحط سؤال واحد موجه للشباب و الآخر للبنـــات
و على كل عضوة و عضوة الاجابة على الاسئلة كل واحد كيفاش يحب بطابع فكاهي و لا سيريو هههه ولآ نقاشي ديروا روسـكم
و التعرف على رأي الشاب و الشآبة باش نعرفوا العقليات ههههههه



و سؤآل العَـــــدْد الرآبع رح يــــكونْ مشتركـ بين الشباب و البنــــــــآت ْ :

و سِالي لنهــــار اليوم يقول :
هل الشعـب الجزآئري رومنســــي ؟؟ و شكون لي رومنسي اكثر الرجل أم المرأة ؟؟؟

الموضوع رح ندير فيه بزاف مواضيع نشوف رايكم فيها و علبالي رح يكون فيه قصف تام من كلا الطرفين ههههههههههههه
ياو غير بشوية متقطعوش في بعضاكم بزاف ندي ذنوبكـــــــــم هههههههه
في أمـــــــــــــــان الله
اتمنى ان ينال الموضوع اعجابكم

​

 

[Malika Tlm]

السلام عليكم
واش فتحتي موضوع نتاع دباز ههههه نزعق برك
الشعب الجزائري الرومانسية عندو قلييييلة بزاف
انا نضن ان المراة هي اكثر رومنسية لاخاطر من طبعها عندها قلب حنيييين وتسامح بلخف حنا القوارير ههههه فئة قليلة لي معندهاش الرومنسية
عكس اخوانا الرجال فئة قليييييلة لي عندهم الرومنسية السي السيد هههه
متزعفوش مني خاوتي الصراحة راحة
مشكورة حبيبتي

 

[ضآحكة مستبشرة]

السلام عليكم
واش فتحتي موضوع نتاع دباز ههههه نزعق برك
الشعب الجزائري الرومانسية عندو قلييييلة بزاف
انا نضن ان المراة هي اكثر رومنسية لاخاطر من طبعها عندها قلب حنيييين وتسامح بلخف حنا القوارير ههههه فئة قليلة لي معندهاش الرومنسية
عكس اخوانا الرجال فئة قليييييلة لي عندهم الرومنسية السي السيد هههه
متزعفوش مني خاوتي الصراحة راحة
مشكورة حبيبتي

و عليكم السلام و رحمة الله اختي مليكة
ههههههه و الله صح و انتي قلتيها موضوع نتاع gــــــيرة هه

الشعب الجزائري صح مــآهوش رومنسي بزاف يغلب عليه الطابع العصبي مقلقين بزاااف يا ختي
و المرأأة حاجــــة باينة هي لي رومنسية اكثر لانـــــو حسـاسة بزاف و مشاعرها مرهفة و تحب من قلبها الآ من رحم ربي هههههه
السي السيــد يا لحبيبة يدخـل مشنف و داير قوجــــة حس و يعيط خصوا غير الكلام الحلو ههههههه
ميزعفــــــوش ختي راهم عارفيـن رواحهم

خلينا ننتاظروا حتى يجيـو و نكتشافو منعرف ههههههه
نورتي ميمي حبيبتي​

 

[أم أُنٌَيسة]

السلام عليكم و رحمة الله تعالى و بركاته
اما عن الرومانسية بالنسبة للرجل لا علم لي و لا اهتم
يوجد من عنده كبرياء و يعتقد انه لا يجب أن يقول أنه يحب أو كلام المسلسلات الفارغ لكي تعرف المرأة دلك فدلك يظهر في تصرفاته و كلامه و طريقة كلامه
و يوجد من يكون الامر عادي عنده و اكيد يوجد له كبرياء وليس ناقص كبرياء و انما يعمل بنصيحة النبي عليه الصلاة والسلام ادا احب احدكم اخيه فليقل انه يحبه في الله وهدا الامر ينطبق في جميع انواع الحب و ليس الحب الرومانس فقط
و هناك الاذبون و المنافقون الدي يعتبر قولها بالنسبة لهم كشرب الماء و دلك لا تعليق عليهم
بالنسبة للمرأة ، كيف كيف بعد
هناك من لديها كبرياء و تعتبر ان قولها امر محرم تقريبا او على الاقل لا يجب ان تقولها قبل ان يقولها هو
و هناك نساء تقنل مايشعرن كدلك و لايهمهن و لا سنتظرن راي الطرف الاخر ايضا
و هناك المنافقات الكاذبات كدلك
ففي الرجال و النساء هناك الطالح و الصالح
و اغلب العلاقات تهدم بسبب مالا يقال و ليس بسبب مايقال ، حتى وان كان يقول او تقول انه او انها تحبه او بحبها لكن افعاله و افعالها عكس مايقولانه تماما
تحياتي احترامي و تقديري​

 

[زاد الرحيل]

الرومانسية عند الشعب الجزائري مفقودة تماما الا امام الناس و اذا بغيتوا تتاكدوا شوفو النكت انتاع الرومنسية انتاع الجزاىريي

 

[Salah eddin]

السلام عليكم
صحيتو وشراكم ؟
لاباس ؟
هه
المهم ...يا اختي انا نقلك
ماكان لا رومنسية لا مسكوتشا
خلونا من الخرطي
الواحد كي يتزوج و تولي عندو الزوجة تاعو في الدار
و من بعدها نحكو على الرومنسية
اما الخروطية تاع ضروك و الجياح هذاك و زعما 14 فيفري و مانيش عارف
هذي ما نامنش بيها
والو والو والو
ههه
و بالنسبة لسؤالك الثاني
الله اعلم
انا خاطيني
...
ههه
انا نبعث العزوج تخطبلي ...ما نعرف لا رومنسية لا هم يحزنون
ههه
ايا السلام عليكم ​

 

[Malika Tlm]

السلام عليكم
ههههه والله ضحكتني اخي
الرومانسية ماشي غي 14 فيفري واش بيك ههههه
والزواج يليق تكون الرومنسية
هذا ماشي خرطي
الله يعطيك الخيييير

 

[Mustapha Bita]

ادا كان المجتمع فاقد الضمير والانسانية فما بالك الرومنسية!!

 

[شاعرة الأمل]

سلام عليكم اختي موضوعك شباب وشحال نحب نهدر في هاد السوجي
انا ضد ضد ضد لي يقولو انو الرومانسية في الجزائر منعدمة لانو هادي امور شخصية وسرية ومكانش لي عارف لاخر كيفاش عايش معا مرتو كيفاش يحكي معاها والجزايري من طبعو انو يحشم ويحترم وما يقدرش يدير ديجاست تاع رومانسية قدام الناس معا مرتو وزيد كل واحد فينا كيفاش يعبر على رومانسيتو الوغ مانتهموهش ونقولو ماهوش رومانسي
وللسؤال التاني انا نظن بلي نسا رومانسيات على الرجال لانو من طبع النساء الرقة والحنان ووووو الخ وكاين شي نسا الله يحفظ و يستر لا رقة ولا هم يحزنون وتاني كاين شي رجال ماعندنا ما نقولو عليهم
المهم موضوعك شباب ومشكورة عليه
تقبلي مروري سلام

 

[Malika Tlm]

سلام عليكم اختي موضوعك شباب وشحال نحب نهدر في هاد السوجي
انا ضد ضد ضد لي يقولو انو الرومانسية في الجزائر منعدمة لانو هادي امور شخصية وسرية ومكانش لي عارف لاخر كيفاش عايش معا مرتو كيفاش يحكي معاها والجزايري من طبعو انو يحشم ويحترم وما يقدرش يدير ديجاست تاع رومانسية قدام الناس معا مرتو وزيد كل واحد فينا كيفاش يعبر على رومانسيتو الوغ مانتهموهش ونقولو ماهوش رومانسي
وللسؤال التاني انا نظن بلي نسا رومانسيات على الرجال لانو من طبع النساء الرقة والحنان ووووو الخ وكاين شي نسا الله يحفظ و يستر لا رقة ولا هم يحزنون وتاني كاين شي رجال ماعندنا ما نقولو عليهم
المهم موضوعك شباب ومشكورة عليه
تقبلي مروري سلام

السلام عليكم
حبيبتي مقلناش يدير جاست نتاع رومنسية قدام الناس لالا
ولكن والله لي يكون رومنسي من معاملته للزوجة نتاعوا فالشارع تردلك الخبر
حالات كثيرة تلاقيتها الرجل مبهدل مراتوا قدام الناس لوكان غي تقولو شريلي ولا ندخلوا لكانش محل يبهدلها
فهمتي من هنا نعرف ان الرومنسية معدومةههههههه
شكرا اختي

 

[ثَسْكُورْثْ نَثْدُوكْلِي]

سلام عليكم
مشكورة على الموضوع ختيتو

هل الشعـب الجزآئري رومنســــي ؟؟ و شكون لي رومنسي اكثر الرجل أم المرأة ؟؟؟

هه الرومانسية بنسبة %50 تقريباا لكلا الجنسين أعتقد ذلك
أما الخمسين الأخرى مخفية في جحر الكتب و القصائد الغزلية
أظن أني لم أكن عادلة في التقسيم لكن عادي ​

 

[آمِيْرَتُه]

السلام عليك
لي رومانسي بزاف المرأة أما الرجل رومانسية في زحل و هو في عطارد ههههه
لا علاقة له

 

[GI Joe]

mana9edrouch na3erfou wech sari f les familles en general alr la had le point
c sur kayen w kayen; mais hna l 3a9lia t7atem l wahed meskin, tofla plus au moin normal ta3 twedjed soiree bahia normal wahed ma chef rahi fi darha
mais radjel laa 3aynou ydjibelha warda yroh yesre9ha hh prc makanch win ychriha wala c rare w tres cher,, laa chrelha chwakil hadouk et tt li ychoufou yweli yahder fih rahi dayratou fi sbo3ha kil l khatem et blabla doonc syed meskin yweli ybeyen roho j men foutiste zaama w howa peut etre au fond hab yfareh marto wala sa fiancéé
khollaaassat l 9awl jabli rabi ay 2 yhebou ba3dhahom rah ykounou romantique m3a ba3dh mm bel regard hadek lehnin mich b lehwayedj,,

 

[sanaya]

سلام
بكل صراحة شعبنا تاع العصبية والتقلاق
والرمانسية تشوفهم وتهرب
وباينة لمرا هي الأكثر رومانسية
ولكن تاني نظن أنو الرجل الرومانسي أكثر من اللزوم يولي شويا يقلق لمرا ههههه
والمشكل لكبير تاعنا الراجل يعرف الرومانسية مع نسا اللي يشوفهم برا مي نهار يتزوج تشنق الرومانسية
مي مش كامل
راني نهدر على الأغلبية
سلام

 

[❤️كلي أمل❤️]

السلام عليكم
يا اختي الرومنسية والشعب الجزائري
ما يتفاهموش و مايتلاقاوش ههههههه
الرجل الجزائري رومنسي مع كرشو يحب يدللها ههه
اما شكون رومنسي المرأة او الرجل ؟؟؟
اااااااكيييييد المرأة لان المرأة تحب بقلبها وراجل
يحب بعقلو والمرأة تحب الرجل الرومنسي لي يسمعها
كلام غزل ...الخ والرجل عندو المرأة رومنسية ولا ماشي رومنسية كيف كيف المهم مرأة ههههههه

 

[♡كارينا♡]

ههههههههه يعطيك الصحة اسماء هايلة ..
والله جبتيلي الضحكة قالك رومنسية في الدزاير لا رومنسية ولاهم يحزنون ...
ماكانش الرومنسية في الدزاير لا من لمرا لا من الراجل ...
تاع الدزاير غير تاع تنرفيز وعصبية ولقدام وين تلصق الرومنسية ....مع عقلية كما هادي .......
تاع الدزاير اذا عطاوك شوية اهتمام احمدي ربي حتان تروحي دوري عالرومنسية .....
ماني شايفة لارومنسية.ولاغيرو ......
ومن اكثر رومنسية لمرا ولا راجل والله يظهرلي قاع قنافيذ مايعرفو لا رومنسية ولا عمك علي ...
هدا واش يظهرلي انا والله اعلم ......
ياجدك الدزاير هايلة الدبزة والحرب ولقدام
وتحية للرومنسيين ولي عايشين الرومنسية في الدزاير ...

 

[السلطانة]

وعليكم السلام ورحمة الله وبركاته
الشعب الجزايري ميحبش يبين الرومانسية تاعو
وانما بين المرأة وراجلها اكيد كاينة
وهي اكثر عند المرأة طبعا .

 

[حلم كبير]

السلام عليكم و رحمه الله تعالى وبركاته

اختي الكريمة شكرا على الموضوع بارك الله فيك.
بكل بساطة وحسب رأيي المتواضع،

الرومانسية موجودة والحمد لله في الجزائر ، المتزوجون أكثر الأشخاص اثباتا لما أقول!!!

قد تستغربون ما أقول لكن عندما أثبت لكم ستقتنعون بكلامي :

الرجل الجزائري يحب أن يرى زوجته في أبهى حلة لكنه لا يظهر ذلك وعندما تلبس امامه زوجته شيئا جميلا يبتسم بنصف فمه ثم يخفيها عنها ،لكي لا تغتر بنفسها.

الرجل الجزائري يأخذ زوجته الى العرس ،ومع كل الحسناوات لا يرى غيرها حسناء . ويبقي عينيه عنها فقط.

الرجل الجزائري يغار على زوجته حتى من مدح الأقارب لها ،في طبخها أو تنظيف بيتها. ويقول : باين عنها!

الرجل الجزائري يشتري لزوجته هدية بقصد الهدية ويقول لها : وجدتها بسعر مناسب فقط اشتريتها ، عندك تقولي كادو هاذاك ما مزال.!!!

الرجل الجزائري يعجب بأكل زوجته ،ويأكل حتى الشبع ويقول لها : يعني !!! وهو يقصد راااائع أكلك الله يسلم هاذوك اليدين*.


الرجل الجزائري يقول لزوجته لا تذهبي الى أهلك ليس تحكيما لرأيه وإنما يريدها بقربه.
وعندما تذهب يأتي اليها بعد أن قضت ليلة واحدة عند أهلها ويقول : الدار وحدها يجب أن تعود الى البيت ،لكنه في الواقع أصبح البيت مضلم من دونها ،وهذه طريقته في قول اشتقت اليك.

الرجل الجزائري رومانسيته مختلفة عن باقي الرجال العرب ،ولا تفهمه سوى من عاشرته وعرفته وهي الجزائرية.

المرأة الجزائرية رومانسية بطريقتها أيضا:

المرأة الجزائرية تسب زوجها أمام أهلها لكن إن سبته أختها تتشاجر مع أختها.

المرأة الجزائرية تحضر لزوجها أشهى المأكولات ،وتقول له : الاولاد اشتهو اكلها!!

المرأة الجزائرية تحارب من أجل الذهاب الى أهلها ،لكن ما إن يتركها ثلاثة أيام لتشبع منهم تقول : المهم يتهنى مني والسلام ، ( ولكنها في الواقع اشتاقت اليه)

المرأة الجزائرية تختلق الاعذار لتتصل بزوجها : أحضر معك الخبز ،لكنها في الواقع تغير عنه وتحاول معرفة مكانه!!!!

المرأة الجزائرية تتمارض فقط لترى مدى اهتمام زوجها بها ،وما إن يخبرها سنخرج حتى تصبح بصحة جيدة .

المرأة الجزائرية في النقاش كل الرجال بالنسبة لها سيئين ،إلا زوجها ..... !!

ورومانسيه المرأة الجزائرية لا يفهمها الا الرجل الجزائري ،ويرد عليها بالمثل .

يعني زيتنا في دقيقنا نفهمو بعضنا .


أما رومانسية الشباب فكما قال الاخ @habchisalaheddin حفظه الله وأدام له عقله الرزين ،فهي ناتج عن حرية زائدة أعطيت للبنات والشباب ،ليثير الواحد منهما الآخر بكلمات الغزل .
ومن الاحسن أن ينتظر الشاب أو الشابة حتى يتزوجا ويظهرا رومنستهما الزائدة والفائظة ،وأن لا ينجبا الاولاد سريعا لكي يستمتعا بحياتهما قليلا بعيدا عن مسؤوليات جديدة .
هذا رأيي الخاص أختي الكريمة.
أتمنى أن لا أكون قد اثقلت كثيرا .
بارك الله فيك مجددا .
تقبلي مروري مع فائق الاحترام والتقدير
حلم كبير

​

 

[❤️كلي أمل❤️]

هذي هي الرومنسية عند الرجل الجزائري
يا اخي @حلم كبير واخي @habchisalaheddin
خلاص بطلت انا حابة ندي واحد جزائري
ماشي رومنسي ربما يبين رومنسيتو هههههههههههه

 

[Salah eddin]

هذي هي الرومنسية عند الرجل الجزائري
يا اخي @حلم كبير واخي @habchisalaheddin
خلاص بطلت انا حابة ندي واحد جزائري
ماشي رومنسي ربما يبين رومنسيتو هههههههههههه

هههههههه​