كل واحد وحدو...لا جود لا كرم ...

[Salah eddin]

السلام عليكم ناس اللمة
صحيتو وش راكم ؟ لاباس ؟ الحمد لله
...
كيان حاجة لازم نحكو عليها ..و نعرفو ماها وين صاد
المهم ...كيما تعرفو انا ما نكتبش موضوع ق مي نشوف حاجة مدرحة ولا gراف و لا gرافي
هه
الgرافي اكثر من الgراف
المهم ...
كيما نعرفو...كامل نقولو كي نسمعو بمنطقة معينة نقولو* الله يبارك اهل الجود و الكرم *
يا جماعة ..يا هل ترى ؟ الجدو و الكرم صح كاين منهم في مناطق و كاين سااعت و ين نشوفو مواقف لاهي تاع جود و لاهي تاع كرم
المهم ...كاين واحد اللقطة *الموقف* نشوفو فيها في بعض المناطق من بلادنا العزيزة و بدون ما نذكرو اسم المناطق باه ناسها ما يزعفوش علينا
هذي اللقطة هي كالاآتي :
مثلا واحد يكون مع صاحبو في قهوة و لا ريسطو
و كي يكملو ...كل واحد فيهم يخلص وحدو كلي ما عد ما صاحبو ما قسر ممعاه
و كاين مرة يا جماعة صرا موقف يحير منو الواحد و هذي في منطقة من جزائرنا
و هذا على ل حال ما شفتوش انا لكن حكاولي عليه
ياو عائلة بالاب و الام و الابناء... و الابناء كبار شوي يعني شباب
ياو كانو في ريسطو يتغداو و كي كملو ...كل وحد خلص وحدو و على روحو برك
.....
يا جماعة هذي اللقطة راها شينة و مدرحة ياسر ياسر
هذي والله عيب و عار عندنا ..مش ق عندنا حنا قال ولاد نايل و لا ناس الجلفة
ياو من المفروض تكون عيب في كل ربوع الوطن
لان كلمة الجود و الكرم ما لازمش تكون على الورق برك ولا شفهيا برك
لازم تطبق
و
نتوما وش رايكم في هذي اللقطة تاع كل واحد يخلص وحدو ؟
و هل هي جارية عندكم هذي العادة ؟
و كيف هو الجود و الكرم عندكم ؟
و
السلام عليكم
​

 

[لؤلؤة قسنطينة]

السلام عليكم
ههههه والله عجبني الموضوع سورتو تاع عايلة يسلك كل واحد وحدو
المهم درك مضطرة نخرج من بعد بإذن الله نرجع ونرد على الموضوع بمايلزم
بارك الله فيك خويا​

 

[aljentel]

هل تقصد اخي الكريم ان العائله يكونوا في مطعم مثلا وكل منهم يحاسب عن نفسه ؟!!
على ضؤ اجابتك ساشارك بعون الله ...

 

[البحر الهادي]

شكرا لك
في الجزائر كل شيء ممكن
عيش تشوف عيش تسمع
شكرا لك اخ الفاضل

 

[أم أُنٌَيسة]

السلام عليكم و رحمة الله تعالى و بركاته
بارك الله فيك و جزاك خيرا اخي الكريم
موضوع مميز
عن نفسي لا اقول اهل الجود و الكرم اقول خيار الناس ان شاء الله
اما ما قلته فداك عار على مجتمع مسلم عربي
توجد من اعرفها كانت تخلصو عليها و على اصدقاءها و كل من معها حتى مرة ماكانش عندها نقود بزاف فخلص كل واحد على روحو و خلاوها
من ثم رجعت تسلك على روحها برك
و ايضا العائلة قالو لها ان تفعل هكدا
ربما الامر هكدا ومن حقها ان تفعل دلك
لكن لا اؤيد دلك فكل واحد يعامل الشخص على حساب نيتو هو واخلاقو هو وليس على نيتهم و اخلاقهم
تحياتي احترامي و تقديري لشخصكم الكريم​

 

[حلم كبير]

هل تقصد اخي الكريم ان العائله يكونوا في مطعم مثلا وكل منهم يحاسب عن نفسه ؟!!
على ضؤ اجابتك ساشارك بعون الله ...

السلام عليكم و رحمه الله تعالى وبركاته
اجل يقصد أن صديق مع صديقه في المطعم .
العائلة في المطعم.
عندما يكملون الاكل كل يحك جيبو (يعني يحاسب ما أكل وفقط). والبقية يفعلون مثله.
اتمنى ان الصورة قد وضحت اخي الكريم.
تقبل مداخلتي مع احترامي وتقديري
حلم كبير

 

[Malika Tlm]

السلام عليكم
والله ضحكتني تعرف انا تاني نقول ناس كرام نتاع بصح وصح كاين مناطق والله ماشاء الله عليهم ميبخلوا عليك حتي بحاجة ومتحطش يدك فجيبك كيما انا ههههههه
وكاين ناس ربييهديهم البخل عندهم سكن
الله يجيب الخير
تحياتي اخي

 

[aljentel]

السلام عليكم و رحمه الله تعالى وبركاته
اجل يقصد أن صديق مع صديقه في المطعم .
العائلة في المطعم.
عندما يكملون الاكل كل يحك جيبو (يعني يحاسب ما أكل وفقط). والبقية يفعلون مثله.
اتمنى ان الصورة قد وضحت اخي الكريم.
تقبل مداخلتي مع احترامي وتقديري
حلم كبير

الله يعين والله ياخي هذا عندنا عيب معيب ولا اتصور ان احدا يفعل ذلك الا الاجانب ...
نحن اذا ما دخلنا مطعما كل منا يقسم ان يقوم هو بالحساب لايمكن ان تكون هناك محاسبه فرديه كل يخلص روحه ههههه
لكن يالله عشنا وشفنا ...

 

[حلم كبير]

السلام عليكم و رحمه الله تعالى وبركاته
يعطيك الصحة والعافيه اخي الكريم على الموضوع .
خويا صح كاين منها الله يهدي ما خلق.
الخو يقول لخوه تصرف فالدار نصرف ما تصرفش ما نصرفش لاشتا علابالو باللي خوه راه في أزمة.
الصاحب اللي عطاه ربي شويه من نعيمو وكان عندو صاحب قليل وعلاه البخل أنا ما فهمت
،يدخلو للمطعم كيف كيف وكل واحد يطلب وحدو كل واحد يخلص وحدو.
الله يهدي
هاذي الظاهرة أنا معاها اذا كانو مثلا مزالو يقراو كل واحد يدي مصروفو من عند والديه،اذا كانو الله غالب كل واحد عندو فالجيب واش يوكلو.

أنا صراتلي وانا فالجامعة كي يكونو الدراهم كاينين نخلص عليهم كامل والحمد لله ماهيش فوخ بروحي انا يدي ميش ليا،ولا عادو مكانش كل واحد يدبر راسو.(الا اذا كان في أزمة طبعا ما نخليهمش اكيد)
صح انا ما شفيتش ولا مرة خلصو عني غدا ما عدا تيكيات نتاع الريسطو كانو يصدقوهم عني ساعة ساعة.
أما العائلة كي نروح ونخرج معاهم رانا نخرجو نحوسو في عشرين وكل واحد بولادو ،نخلصو عليهم مرة واحدة ومن بعد كل واحد يدبر راسو.
ولا نخلصو اكريمات ،ميلفايات ....
راك عارف البئر وغطاه يا خويا بلا ما ندخلو فالتفاصيل ،كل واحد على قد حالو

أما إذا خرجنا مع بعض لمرة واحدة مثلا وكان العدد قليل فأنا نشهد انو الكل اهل كرم وجود ورجال ،ووين نصد نلقى ما شاء الله ، مواليين كرم ونخوة وإذا شافو الزوالي حنو عليه .

حنا عندنا طبع في ولايتي ماعرف اذا كانت كاينة عندكم اذا كان جار رحل جديد مقابلكم ،الغدا الاول على الجار والعشا على الجار الثاني.

وإذا كان كاين خدامة نتاوع طرقات مسجد كهرباء ،جراو ليهم بالغدا ولا قهوة وسفنج ولا اللي كاينة فالدار.

الخدامة نتاوع الجامع يغديوهم كل يوم واحد بالدالة ما يروحوش لديارهم.
وكاين اللي الله يهديهم ما يجي يخرج الدورو من جيوبهم نيبكيو عليه
خويا طولت عليك
تبقى على خير
تقبل مروري مع فائق الاحترام والتقدير
حلم كبير
​

 

[Salah eddin]

السلام عليكم
ههههه والله عجبني الموضوع سورتو تاع عايلة يسلك كل واحد وحدو
المهم درك مضطرة نخرج من بعد بإذن الله نرجع ونرد على الموضوع بمايلزم
بارك الله فيك خويا​

اهلا بالاخت لؤلؤة
شكرا على الاعتماد
في انتظار ردك و تدخلك
و فيك بارك الله ​

 

[Salah eddin]

هل تقصد اخي الكريم ان العائله يكونوا في مطعم مثلا وكل منهم يحاسب عن نفسه ؟!!
على ضؤ اجابتك ساشارك بعون الله ...

اهلا
مش فقط العائلة
حتى الاصدقاء او الاقارب
و كل واحد يشوف وش عندو هو و يخلص وحدو
يعني كانو وحدو ​

 

[Salah eddin]

شكرا لك
في الجزائر كل شيء ممكن
عيش تشوف عيش تسمع
شكرا لك اخ الفاضل

اهلا خويا الصارم و لا العابر
هه
راك تشوف
ياو الحمد لله كي ماراهاش في كل البلايص نحمدو ربي
كاين بلايص يا حفيظ يا ستار ياو النعمة ما يذوقوهاش عندهم
البخل يا بن عمي و الgلط
الله يجيب الخير و شكرا على مرورك يا خيي​

 

[Salah eddin]

السلام عليكم و رحمة الله تعالى و بركاته
بارك الله فيك و جزاك خيرا اخي الكريم
موضوع مميز
عن نفسي لا اقول اهل الجود و الكرم اقول خيار الناس ان شاء الله
اما ما قلته فداك عار على مجتمع مسلم عربي
توجد من اعرفها كانت تخلصو عليها و على اصدقاءها و كل من معها حتى مرة ماكانش عندها نقود بزاف فخلص كل واحد على روحو و خلاوها
من ثم رجعت تسلك على روحها برك
و ايضا العائلة قالو لها ان تفعل هكدا
ربما الامر هكدا ومن حقها ان تفعل دلك
لكن لا اؤيد دلك فكل واحد يعامل الشخص على حساب نيتو هو واخلاقو هو وليس على نيتهم و اخلاقهم
تحياتي احترامي و تقديري لشخصكم الكريم​

و عليكم السلام اهلا بالاخت صاحبة القلب المفقود
هه
شكرا على الاطراء
و بالنسبة لردك
صح ..كلمة الجود و الكرم راها كبيرة ومش من والا يستاهلها
و صح البخل و عقلية كل واحد بجيبو خاطيتنا و ماهيش من تراثنا
كاين ناس جيبهم خاطيهم و كاين ناس يا سبحان الله الشح يصب من عينيهم
و الله يجيب الخير
شكرا على مرورك يا اختي
بارك الله فيك ​

 

[Salah eddin]

السلام عليكم
والله ضحكتني تعرف انا تاني نقول ناس كرام نتاع بصح وصح كاين مناطق والله ماشاء الله عليهم ميبخلوا عليك حتي بحاجة ومتحطش يدك فجيبك كيما انا ههههههه
وكاين ناس ربييهديهم البخل عندهم سكن
الله يجيب الخير
تحياتي اخي

اهلا بالاخت مليكة
و عليكم السلام
ههه
هم يضحك و هم يبكي
ههه
كاين بلايص ق مادية شيعة الجود و الكرم
ياو الشيح و الgلط و حاشة الصلّاح تاع هذي المناطق و ما نجمعوش
و الله يبعد علينا البخل
شكرا على مرورك ​

 

[Salah eddin]

الله يعين والله ياخي هذا عندنا عيب معيب ولا اتصور ان احدا يفعل ذلك الا الاجانب ...
نحن اذا ما دخلنا مطعما كل منا يقسم ان يقوم هو بالحساب لايمكن ان تكون هناك محاسبه فرديه كل يخلص روحه ههههه
لكن يالله عشنا وشفنا ...

ايه يا خويا الجنتل
هذا عيب و عار و صح هذي عقلية تاع جانب
و هذيك تاع الواحد يقسم و يحلف باه هو يخلص مزال تفي مناطق قليلة و الحمد لله
عندك الحق
عشنا و شفنا ​

 

[Salah eddin]

السلام عليكم و رحمه الله تعالى وبركاته
يعطيك الصحة والعافيه اخي الكريم على الموضوع .
خويا صح كاين منها الله يهدي ما خلق.
الخو يقول لخوه تصرف فالدار نصرف ما تصرفش ما نصرفش لاشتا علابالو باللي خوه راه في أزمة.
الصاحب اللي عطاه ربي شويه من نعيمو وكان عندو صاحب قليل وعلاه البخل أنا ما فهمت
،يدخلو للمطعم كيف كيف وكل واحد يطلب وحدو كل واحد يخلص وحدو.
الله يهدي
هاذي الظاهرة أنا معاها اذا كانو مثلا مزالو يقراو كل واحد يدي مصروفو من عند والديه،اذا كانو الله غالب كل واحد عندو فالجيب واش يوكلو.

أنا صراتلي وانا فالجامعة كي يكونو الدراهم كاينين نخلص عليهم كامل والحمد لله ماهيش فوخ بروحي انا يدي ميش ليا،ولا عادو مكانش كل واحد يدبر راسو.(الا اذا كان في أزمة طبعا ما نخليهمش اكيد)
صح انا ما شفيتش ولا مرة خلصو عني غدا ما عدا تيكيات نتاع الريسطو كانو يصدقوهم عني ساعة ساعة.
أما العائلة كي نروح ونخرج معاهم رانا نخرجو نحوسو في عشرين وكل واحد بولادو ،نخلصو عليهم مرة واحدة ومن بعد كل واحد يدبر راسو.
ولا نخلصو اكريمات ،ميلفايات ....
راك عارف البئر وغطاه يا خويا بلا ما ندخلو فالتفاصيل ،كل واحد على قد حالو

أما إذا خرجنا مع بعض لمرة واحدة مثلا وكان العدد قليل فأنا نشهد انو الكل اهل كرم وجود ورجال ،ووين نصد نلقى ما شاء الله ، مواليين كرم ونخوة وإذا شافو الزوالي حنو عليه .

حنا عندنا طبع في ولايتي ماعرف اذا كانت كاينة عندكم اذا كان جار رحل جديد مقابلكم ،الغدا الاول على الجار والعشا على الجار الثاني.

وإذا كان كاين خدامة نتاوع طرقات مسجد كهرباء ،جراو ليهم بالغدا ولا قهوة وسفنج ولا اللي كاينة فالدار.

الخدامة نتاوع الجامع يغديوهم كل يوم واحد بالدالة ما يروحوش لديارهم.
وكاين اللي الله يهديهم ما يجي يخرج الدورو من جيوبهم نيبكيو عليه
خويا طولت عليك
تبقى على خير
تقبل مروري مع فائق الاحترام والتقدير
حلم كبير
​

اهلا خويا حلم كبير
يا صاحبي قوللنا اسمك هكذاك ما نحصلوش
قالو حلم كبير
ههههه
راني نقسر برك
المهم نرجعو للميضوع تاعنا
النزاع في الدار تاع الخوي يقول لخوه تخلص نخلص هذي ممكن مقبولة لانها دار و مصاريف دايمة و كذا وكذا الكن باه الواحد ما يكرمش الضيف
و كي يكون مع صاحبو ولا عايلتو في ريسطو و كل واحد يخلص وحدو
هذي مصيبة يا بن عمي و الله
و كاين موق هذا صرا صح
واحد من جيهتنا في الجلفة عندو صاحبو من ولاية اخرى من ولابات الوطن ما نذكروهاش
و كاين دايما هذا السيد يجي للجلفة و جارنا هذا يضيفو و يخليه يقعد عندو بالشهر و يحوس بيه و يتهلى فيه زين زين
و واحد النهار جارنا هذا جاتو صالحة في الولاية المعنية و راح ليها
ايا لقا بلي راه جا قبل الموعد بيومين ولا ثلاثة
قالك نكلم صاحبي هذا لكون يتهلى فينا
ايا كي كلمو جاه سلم عليه و عاود راح
لا قد لا عشا لا مبات
ايا راحو باتو في فندق
لا اكرام ضيف لا هم يحزنون
هذا كرم هذا ؟
و الله تحير
و الله يجيب الخير
و الحمد لله
في منقطتنا كي يجو الخدامة تاع البلدية و الله القهوة و القدا ما يخطوهمش و ق لي قالوها
صح كاين مناطق فيها الجود و الكرم ما شاء الله
و الزين والشين في كل بلاصة
شكرا على مرورك خويا
راك عديتني و ليت نكتب مجلد ثاني
ههههههههه
​

 

[Hakan]

بففف وجعني قلبي من هذا البروبلام
والله الجود راح مع اهلو مي كاين حاجة قليل
صراحة انا نشوف في الجود في وقتنا الحالي ملخص في فئة الشباب برك
تلقاه مسكين بالاك ماهوش خدام مي فحشوش مع صحابو
يخلص على الجميع هكاك كي نروح نسقهوى مع صحابي
واحد يخلص وكل مرة الدالة على وااحد
الا اذا كان الحاجة كبيرة والفاتورة كبيرة خخخ اكيد نتعاونو كامل شوي من عندي وشوي من عندهم ونشريو زوج دجاجات محمرين ههه
مي الواحد نهار يتزوج صراحة نشوف في الازواج نتاع هذا الوقت ياجدك تقشف
تحشم تروح لواحد صاحبك متزوج وتحرجو حتى تعود تعيطلو ارواح ليا للدار ولا كاش قهوة
بيسك علابالك بلي الروبيني سكرتها مرتو وهذي صراحة لاحظتها بزااف في صحابي
الا من رحم ربي مانعرف علاه النساء نتاع هذا الوقت ما رجعوش كيما بكري
تحب الضيف وتكرمو ضرك يعيطلها راجلها من الشارع يقلها راني جاي مع صاحبو تقلو راني في بيت اهلي تعشة في البيتزيريا عيب والله
اما نتاع عايلة يسلك كل واحد وحدو صراحة انا نشوف فيها مبالغة شوي
ماضنيتش ممكن تصرى الا في حاالة عائلة نتاع اشعب البخيل بالاك
ربي يهنيك خويا ​

 

[حلم كبير]

اهلا خويا حلم كبير
يا صاحبي قوللنا اسمك هكذاك ما نحصلوش
قالو حلم كبير
ههههه
راني نقسر برك
المهم نرجعو للميضوع تاعنا
النزاع في الدار تاع الخوي يقول لخوه تخلص نخلص هذي ممكن مقبولة لانها دار و مصاريف دايمة و كذا وكذا الكن باه الواحد ما يكرمش الضيف
و كي يكون مع صاحبو ولا عايلتو في ريسطو و كل واحد يخلص وحدو
هذي مصيبة يا بن عمي و الله
و كاين موق هذا صرا صح
واحد من جيهتنا في الجلفة عندو صاحبو من ولاية اخرى من ولابات الوطن ما نذكروهاش
و كاين دايما هذا السيد يجي للجلفة و جارنا هذا يضيفو و يخليه يقعد عندو بالشهر و يحوس بيه و يتهلى فيه زين زين
و واحد النهار جارنا هذا جاتو صالحة في الولاية المعنية و راح ليها
ايا لقا بلي راه جا قبل الموعد بيومين ولا ثلاثة
قالك نكلم صاحبي هذا لكون يتهلى فينا
ايا كي كلمو جاه سلم عليه و عاود راح
لا قد لا عشا لا مبات
ايا راحو باتو في فندق
لا اكرام ضيف لا هم يحزنون
هذا كرم هذا ؟
و الله تحير
و الله يجيب الخير
و الحمد لله
في منقطتنا كي يجو الخدامة تاع البلدية و الله القهوة و القدا ما يخطوهمش و ق لي قالوها
صح كاين مناطق فيها الجود و الكرم ما شاء الله
و الزين والشين في كل بلاصة
شكرا على مرورك خويا
راك عديتني و ليت نكتب مجلد ثاني
ههههههههه
​

السلام عليكم و رحمه الله تعالى وبركاته
عيطلي حلم وخلاص قولي يا حلم راني كي الحلم (لغاية في نفس يعقوب والله الذي لا إله الا هو ليست غايتي سيئة والله اعلم بالقلوب)
لاعليك المهم
عجبتني عادا هاذي اجمل كلمة سمعتها عندي بزاف كاين في جيهتنا يقولو عادا رائعة الكلمة.

والله يجيب عوائد الزمان :التويزة فالدالات واللمة فالجامع للمحتاج والاحسان للشيخ والعجوز فالطريق.
وصاحب صاحبو اللي يلقاه فالفرح والشدة.

مزالت عندنا عادة في جيهتنا ما عرف لا عندكم، كي يجي يتزوج واحد من الصحاب يتلايمو كامل وكل واحد يخلصلو حاجة،يعني تقريبا متهني حتى الكوستيم يشريوهلو.

عادا ارواح روح لأولاد دراج يتلاو فيك عند نهار.

ماعرف حطيت عادا في موقعها الصحيح ولا خليتها:p
وساعة ساعة مليح تطول الرد نتعلمو اللهجة نتاعكم مليحة ياسر
احترامي

 

[ملامح شاعر]

وعليكم السلام ورحمة الله
الكرم والجود راح مع آبائنا
وهذي الظاهرة دليل
ربما مزال في بعض الأرياف والمدن النائية
ولكن بدا ينقص
خايف اجي يوم واحد ما يخلص على واحد
واحد ما يعرض واحد
ديما كما عودتنا اتجيب غير جديد والمفيد
لك كل الشكر والتقدير

 

[لؤلؤة قسنطينة]

السلام عليكم
عودة من جديد
والله يا أخي البخل راهو صفة موجودة في الانسان بغض النظر عن الزمان و المكان
صح مانكدبوش بين بكري واليوم تغيرت الطباع، بكري تلقى الانسان عندو 10 دورو في الجيب ولا طرف خبز في الفريجيدار
يمدو كامل للضيف يباتو ولادو بالجوع ويكرم ضيفو، بصح دركا ألف فرنك يبخلك فيها، خاطر البخل ماعندوش علاقة بالنقود
عندو علاقة بقناعة الانسان، كاين لي عندو الميليارات والدولارات ألف فرنك مايمدهاش ويزيد يطمع فيك وكاين لي فقير وكريم مع الناس
انا صراحة عن نفسي اكره طباع نكرهو هو البروفيتاج سواءا في الدراهم ولا في حاجة خلاف، مانحبش نبروفيتي على العباد فمابالك
نبروفيتي في الدراهم ولا نحرث على غيري، فيا طبيعة اذا دخلت نشري حاجة ومعايا وحدة الشي لي نشريه نشريهولها معايا
واذا عندنا بحث خدمناه دايما انا لي نسلك سواءا رحنا نخرجوه من السيبار كيف كيف ولا خرجتو وحدي
هادي ابسط الامور خاطر مانخرج ناكل برا مانروح مطعم ماوالو كن هكاك تاني مانخليش عبد يصرف عليا، شخص حب يتكرم عليا وحلف عليا
وحب يكرمني معليش مرة في الفال بصح باه نبروفيتي على الناس والله مانقدر، اصلا من صغري تعلمت بلي الدراهم والو المهم تكسب قلوب
والحمد لله عشت في وسط عايلة يكرمو الضيف كي يجي نحطوه فوق راسنا وحتى برا يدنا ماش لينا، انا مارانيش خدامة زوج دورو نربحهم من لابورس
كانت كلما تجيني لي يسخف على حاجة نعطيه يشري ولي على لبسة نعطيه يشري يعني الحمد لله، وهكاك الانسان ماش معناها مايكونش بخيل
يولي لي يجي يركب فوق ظهرو خاطر حتى انا كيما مانحبش نبروفيتي على الناس مانحبش لي يبروفيتي عليا مع انو الناس شبعت فيا ههههه
لا علينا باه نوليو للب الموضوع عيب كبير انو عايلة كل واحد يسلك لروحو، ايماجيني هكا نخرج مع والديا انا نجبد لابورس نسلك وختي تجبد لابورس
وبابا يجبد دراهمو وماما التقاعد تاعها ههههههه والله حالة ربي يهديهم برك
لازم ناخذو العبرة من النبي عليه الصلاة والسلام تمرة يقسمها مع الضيف وحنا الحمد لله علينا ونبخلو، المشكل البخل عندنا ماش غير في الدراهم
نبخلو بالابتسامة في وجه غيرنا نبخلو بالكلمة الطيبة نبخلو بالتعبير عن مشاعرنا لأقرب الناس لينا عايشين بخل في نص بخل
ربي يهدينا برك هادا ماكان
شكرا على الموضوع الطيب خويا بارك الله فيك
تحياتي​