كل واحد وحدو...لا جود لا كرم ...

[sanaya]

الله يسترنا و يقدرنا على فعل الخير
كفاه عايلة كل واحد يخلص وحدو ؟
زعما كشغل الغرب يروح مع مرتو للرسطو وتخلص وحدها واش كلات
واش هاذ الحالة
الله غالب الناس ولاو يتحاسبوا فكلشي على هاديك مكاش محبة و مكاش بركة فالأرزاق
ساعات فحياتي نتلاقا مع ناس يديرو دي جاست هاكا
يتحاسبوا حتى نقول وقيلا هادو هما شادين دراهم الدنيا
مصح كاين تاني فبلايص الجود والكرم
نشفى خترة قبل خمس سنين سافرت لأحد الولايات كانت وحدة ساكنة جيرانا تبارك الله حتى كتطيب حاجة تبعثلنا
مالڨروي منعرفوهاش
عجبتني خترة بدا ولد ختي يبكي يبكي وسمعاتو
أيا جات عندنا وفي بالك واش جابتلو ؟
عندها ولد واحد كبير كبر وخلى الألعاب نتاعو جدد أيا جات و عطاتلوا هذوك الألعاب
صح هديك لمرا كبرت بزاف فعيني
مي أمثال هاذ الناس قلال
الواحد لازم يتفكر في غيرو سوا عائلة ولا أصدقاء وككون الواحد واثق من ربي سبحانو أنو هو الرازق مراح يدير دجاست كماهادو
سلام

 

[البحر الهادي]

الجزائر بلاد عجائب الدنيا خاصة العقلية
لي تسمع بيه في العالم تلقاه في الجزائر بصح العقليات
لي مليحة فيهم على جال الإسلام والبلاد ماتفراش

 

[Salah eddin]

بففف وجعني قلبي من هذا البروبلام
والله الجود راح مع اهلو مي كاين حاجة قليل
صراحة انا نشوف في الجود في وقتنا الحالي ملخص في فئة الشباب برك
تلقاه مسكين بالاك ماهوش خدام مي فحشوش مع صحابو
يخلص على الجميع هكاك كي نروح نسقهوى مع صحابي
واحد يخلص وكل مرة الدالة على وااحد
الا اذا كان الحاجة كبيرة والفاتورة كبيرة خخخ اكيد نتعاونو كامل شوي من عندي وشوي من عندهم ونشريو زوج دجاجات محمرين ههه
مي الواحد نهار يتزوج صراحة نشوف في الازواج نتاع هذا الوقت ياجدك تقشف
تحشم تروح لواحد صاحبك متزوج وتحرجو حتى تعود تعيطلو ارواح ليا للدار ولا كاش قهوة
بيسك علابالك بلي الروبيني سكرتها مرتو وهذي صراحة لاحظتها بزااف في صحابي
الا من رحم ربي مانعرف علاه النساء نتاع هذا الوقت ما رجعوش كيما بكري
تحب الضيف وتكرمو ضرك يعيطلها راجلها من الشارع يقلها راني جاي مع صاحبو تقلو راني في بيت اهلي تعشة في البيتزيريا عيب والله
اما نتاع عايلة يسلك كل واحد وحدو صراحة انا نشوف فيها مبالغة شوي
ماضنيتش ممكن تصرى الا في حاالة عائلة نتاع اشعب البخيل بالاك
ربي يهنيك خويا ​

اهلا خويا حكيم
صحيح و هذي و الله ظاهرة
الزوالي تلقاه كريم و ما يشدش و الي لاباس عليه الا من رحم ربك تلقاه مسمار يا بن عمي
هه
صح كي يعودو بيبة متفاهمين قال كل يوم الدالة على واحد هذي ماعليش
حنا نهدرو على الامور لي ما يخططلهاش الواحد
ثما وين يبان الكرم و الجود
و الله يجيب الخير
شكرا على المرور خويا ​

 

[Salah eddin]

السلام عليكم و رحمه الله تعالى وبركاته
عيطلي حلم وخلاص قولي يا حلم راني كي الحلم (لغاية في نفس يعقوب والله الذي لا إله الا هو ليست غايتي سيئة والله اعلم بالقلوب)
لاعليك المهم
عجبتني عادا هاذي اجمل كلمة سمعتها عندي بزاف كاين في جيهتنا يقولو عادا رائعة الكلمة.

والله يجيب عوائد الزمان :التويزة فالدالات واللمة فالجامع للمحتاج والاحسان للشيخ والعجوز فالطريق.
وصاحب صاحبو اللي يلقاه فالفرح والشدة.

مزالت عندنا عادة في جيهتنا ما عرف لا عندكم، كي يجي يتزوج واحد من الصحاب يتلايمو كامل وكل واحد يخلصلو حاجة،يعني تقريبا متهني حتى الكوستيم يشريوهلو.

عادا ارواح روح لأولاد دراج يتلاو فيك عند نهار.

ماعرف حطيت عادا في موقعها الصحيح ولا خليتها:p
وساعة ساعة مليح تطول الرد نتعلمو اللهجة نتاعكم مليحة ياسر
احترامي

اهلا خويا حلم
الله يبلغك مقصدك خويا و يرزقك من كل خير
يا حسراه التويزة و الحضرة و اللمات و المعروف
الحمد لله مازلنا في عهدتنا
و اللهي تم في عادتو تم في سعادتو كيما يقولو بياتنا
و ثاني كي يعول الواحد يسبيت يجملولو الدراهم للعرس و كل شي
و خلي و خلي
و هذاك هو كل مرة تتعلم اللهجة تاعنا
ههه
الله يحفظك خويا
راك عطيت للموضوع رونق ​

 

[Salah eddin]

وعليكم السلام ورحمة الله
الكرم والجود راح مع آبائنا
وهذي الظاهرة دليل
ربما مزال في بعض الأرياف والمدن النائية
ولكن بدا ينقص
خايف اجي يوم واحد ما يخلص على واحد
واحد ما يعرض واحد
ديما كما عودتنا اتجيب غير جديد والمفيد
لك كل الشكر والتقدير

اهلا خويا الشاعر و عليكم السلام
صح الكرم والجود قل ياسر
لكن الحمد لله ماين بلايص مزالت فيها رحمة ربي
يا حسراه ..الله يبعد علينا هذاك اليوم تاع البخل و الش يا حفيظ يا ستار
شكرا على مرورك خويا الله يحفظك​

 

[Salah eddin]

السلام عليكم
عودة من جديد
والله يا أخي البخل راهو صفة موجودة في الانسان بغض النظر عن الزمان و المكان
صح مانكدبوش بين بكري واليوم تغيرت الطباع، بكري تلقى الانسان عندو 10 دورو في الجيب ولا طرف خبز في الفريجيدار
يمدو كامل للضيف يباتو ولادو بالجوع ويكرم ضيفو، بصح دركا ألف فرنك يبخلك فيها، خاطر البخل ماعندوش علاقة بالنقود
عندو علاقة بقناعة الانسان، كاين لي عندو الميليارات والدولارات ألف فرنك مايمدهاش ويزيد يطمع فيك وكاين لي فقير وكريم مع الناس
انا صراحة عن نفسي اكره طباع نكرهو هو البروفيتاج سواءا في الدراهم ولا في حاجة خلاف، مانحبش نبروفيتي على العباد فمابالك
نبروفيتي في الدراهم ولا نحرث على غيري، فيا طبيعة اذا دخلت نشري حاجة ومعايا وحدة الشي لي نشريه نشريهولها معايا
واذا عندنا بحث خدمناه دايما انا لي نسلك سواءا رحنا نخرجوه من السيبار كيف كيف ولا خرجتو وحدي
هادي ابسط الامور خاطر مانخرج ناكل برا مانروح مطعم ماوالو كن هكاك تاني مانخليش عبد يصرف عليا، شخص حب يتكرم عليا وحلف عليا
وحب يكرمني معليش مرة في الفال بصح باه نبروفيتي على الناس والله مانقدر، اصلا من صغري تعلمت بلي الدراهم والو المهم تكسب قلوب
والحمد لله عشت في وسط عايلة يكرمو الضيف كي يجي نحطوه فوق راسنا وحتى برا يدنا ماش لينا، انا مارانيش خدامة زوج دورو نربحهم من لابورس
كانت كلما تجيني لي يسخف على حاجة نعطيه يشري ولي على لبسة نعطيه يشري يعني الحمد لله، وهكاك الانسان ماش معناها مايكونش بخيل
يولي لي يجي يركب فوق ظهرو خاطر حتى انا كيما مانحبش نبروفيتي على الناس مانحبش لي يبروفيتي عليا مع انو الناس شبعت فيا ههههه
لا علينا باه نوليو للب الموضوع عيب كبير انو عايلة كل واحد يسلك لروحو، ايماجيني هكا نخرج مع والديا انا نجبد لابورس نسلك وختي تجبد لابورس
وبابا يجبد دراهمو وماما التقاعد تاعها ههههههه والله حالة ربي يهديهم برك
لازم ناخذو العبرة من النبي عليه الصلاة والسلام تمرة يقسمها مع الضيف وحنا الحمد لله علينا ونبخلو، المشكل البخل عندنا ماش غير في الدراهم
نبخلو بالابتسامة في وجه غيرنا نبخلو بالكلمة الطيبة نبخلو بالتعبير عن مشاعرنا لأقرب الناس لينا عايشين بخل في نص بخل
ربي يهدينا برك هادا ماكان
شكرا على الموضوع الطيب خويا بارك الله فيك
تحياتي​

اهلا بالخت لؤاؤة من جديد
ههه
الله غالب
هذا القماش ادي و لا خلي و الله يجيب الخير ....كاين ناس تتصدق بربعة دورو و كاين ناس ربي رازقهم لا صدق لا مسكوتشة
صح البروفيتاج مش مليح ...لكن سياسة كل واحد وحدو هذي حاجة مدرحة ياسر
و مليح لواحد يكون معطاء و ما تعزش عليه الدراهم ...لانو الواحد كي يكسب ناس بحسن الخلق خير من يكسب دورو ولا زوج
الله غالب ..روح روح روح و يرجعو ق للمادة و المعدة
...ههه
كيما يقول عثمان عريوات حسن الذكر
هههشكرا يا اختي على مرورك الرائع
ردك هذا ره خير من الموضوع
ههههه
ياك نتي المشرفة
تاخذي رايي بدليه دير ردك هو الموضوع و موضوعيي ديريه رد عليك
هههههه
​

 

[Salah eddin]

الله يسترنا و يقدرنا على فعل الخير
كفاه عايلة كل واحد يخلص وحدو ؟
زعما كشغل الغرب يروح مع مرتو للرسطو وتخلص وحدها واش كلات
واش هاذ الحالة
الله غالب الناس ولاو يتحاسبوا فكلشي على هاديك مكاش محبة و مكاش بركة فالأرزاق
ساعات فحياتي نتلاقا مع ناس يديرو دي جاست هاكا
يتحاسبوا حتى نقول وقيلا هادو هما شادين دراهم الدنيا
مصح كاين تاني فبلايص الجود والكرم
نشفى خترة قبل خمس سنين سافرت لأحد الولايات كانت وحدة ساكنة جيرانا تبارك الله حتى كتطيب حاجة تبعثلنا
مالڨروي منعرفوهاش
عجبتني خترة بدا ولد ختي يبكي يبكي وسمعاتو
أيا جات عندنا وفي بالك واش جابتلو ؟
عندها ولد واحد كبير كبر وخلى الألعاب نتاعو جدد أيا جات و عطاتلوا هذوك الألعاب
صح هديك لمرا كبرت بزاف فعيني
مي أمثال هاذ الناس قلال
الواحد لازم يتفكر في غيرو سوا عائلة ولا أصدقاء وككون الواحد واثق من ربي سبحانو أنو هو الرازق مراح يدير دجاست كماهادو
سلام

اهلا اختي مريم
هايه الله يستر ..هه..كل واحد يخلص وحدو
صح كاين و كاين
كاين ناس تعز عليهم الدراهم و كاين ناس اللي ليه خاطياتو
هي قضية ثقافة منطقة برك
و الله يجيب الخير و خلاص
و ربي هو الرزاق ذو القوة المتين
الواحد يمد اليومو و غدوة ربي يخلف ان شاء الله
شكرا على مرورك الكريم​

 

[Salah eddin]

الجزائر بلاد عجائب الدنيا خاصة العقلية
لي تسمع بيه في العالم تلقاه في الجزائر بصح العقليات
لي مليحة فيهم على جال الإسلام والبلاد ماتفراش

اهلا خويا الصارم
ههه
تعرف قصة اليس في بلاد الهجائب
وقيلا جات لدزاير
هههههه​

 

[البحر الهادي]

اهلا خويا الصارم
ههه
تعرف قصة اليس في بلاد الهجائب
وقيلا جات لدزاير
هههههه​

القصص بزاف
هههههه
رب يحفظك خويا العزيز

 

[Salah eddin]

القصص بزاف
هههههه
رب يحفظك خويا العزيز

راني قصدت قصة
/* أليس في بلاد العجاب*/
ههههههههههه​

 

[البحر الهادي]

راني قصدت قصة
/* أليس في بلاد العجاب*/
ههههههههههه​

نشوفلك خويا
إن شاء الله

 

[الورد الأحمر]

السلام عليكم ورحمة الله وبركاته

في خاطر العايلة لي كل فرد فيها يسلك وحدو قلت والله نخلي رد هههه واشبيهم شر !!! بعد لا وصلت مع بابا وماما لريسطو العيب أني ما نخلصش عليهم ... والله عجب تحير والله !!!

كيما في الثخونسبوغ تلقى زوج مع بعض ركبو يحكيو ويقصرو وكي يجي الغوسوفوغ كل واحد يجبد الألفين فرنك تاعو يخلص على روحو ! يا سيدي قلنا لغذء تسقاملك الشوربة غالية بالاك مي ألفين فرنك تاني مستخسرها في لي معاك تقصر معاه .

بون درك أنا خلصتلك رد هنا وانت حاسبني برد كي ندير موضوع أو بيناتنا كريدي .

مغسي ع الموضوع.

 

[آمِيْرَتُه]

السلام عليك
ههه فكرتني بوحد الجاست صرا البارح كنت راكبة مع وحدة فالبيس نعرفها و تقرا معايا المهم كي جا الروسوفار باه نخلصو كنت واقفة مقدرتش نجبد دراهم المهم هي كي عطاته هو خلص زوج قاتله لا وحدة قتلها خليه درك نردلك دراهمك ههههه تبهديلة ندمتني لي ركبت معها
حاجة بيزاغ و زادو نتاع العائلة كملو عليها هههه كي رجعت حالتنا راهي غير تزيد ربي يهدي برك

 

[Salah eddin]

السلام عليكم ورحمة الله وبركاته

في خاطر العايلة لي كل فرد فيها يسلك وحدو قلت والله نخلي رد هههه واشبيهم شر !!! بعد لا وصلت مع بابا وماما لريسطو العيب أني ما نخلصش عليهم ... والله عجب تحير والله !!!

كيما في الثخونسبوغ تلقى زوج مع بعض ركبو يحكيو ويقصرو وكي يجي الغوسوفوغ كل واحد يجبد الألفين فرنك تاعو يخلص على روحو ! يا سيدي قلنا لغذء تسقاملك الشوربة غالية بالاك مي ألفين فرنك تاني مستخسرها في لي معاك تقصر معاه .

بون درك أنا خلصتلك رد هنا وانت حاسبني برد كي ندير موضوع أو بيناتنا كريدي .

مغسي ع الموضوع.

هلا بسيادة المديرة
هه
وش حكاية الغوسوفوغ هذي ها قولي روسيفور كيما حناو ق العافية
ههه
المهم ...راكي تشوفي الشح و القلط و الطريق القدام
هههه
و هذاك هو ...شد مد القرض مات ...ترديلي نردلك
هههه
شكرا على مرورك ​

 

[Salah eddin]

السلام عليك
ههه فكرتني بوحد الجاست صرا البارح كنت راكبة مع وحدة فالبيس نعرفها و تقرا معايا المهم كي جا الروسوفار باه نخلصو كنت واقفة مقدرتش نجبد دراهم المهم هي كي عطاته هو خلص زوج قاتله لا وحدة قتلها خليه درك نردلك دراهمك ههههه تبهديلة ندمتني لي ركبت معها
حاجة بيزاغ و زادو نتاع العائلة كملو عليها هههه كي رجعت حالتنا راهي غير تزيد ربي يهدي برك

و عليكم السلام
يا حسراه كاين اماكن هذو لي جاست عندهم نورمال و الله يحير الواحد كيفاه يتقبلو شي كيما هاك
الله يهدينا و يهدديهم ..يحاسبو على الدورو التالي يا حفيظ يا ستار
ياودي مش بيزار هذي راها فاتت البيزار ملهيه
الله يهدي برك
شكرا على مرورك يا اخت ​

 

[ام راس يابس]

احم
احم
احم
تبرط عادات و تقاليد منطقه.... عادات كانت عند الاجداد ماشي عندنا ..بناسها .. و لازم الي يزيد فهذيك المنطقه يتقيد بهاذيك العادات بسيف عليه و لا تتسمى عليه عيب
هاذ العقلية نـــــكــــرهــــهــــا
عيب عيب عيب و الناس واش تقول و انت شكون و جدك شكون و لا لازم هاك و هاك و هاك علاجال الناس و المعلاباليش شكون و شوفو فلان و شوفو فلانه و شوفو هاذيك العايلة كيفاش عايشة ويا عيب هاذو ماشي من اصلنا و خرجو على العادات و العادات و الباطاطا و الزرودية و بق بق كرهت حياتي بهاذ العادات
كل واحد حر الله يسهل عليه .... ياو السيد خاطيني لا نعرفه و لا يعرفين دار حاجة تخالف التزاماتي ما عدا الدين+ما آذانيش.. نروح انا ننقده عليها و ندي موقف منه ... وكون غير حاجة تستاهل ...قانون داروه الاجداد و جابين نمشو اجيال عليه
كان ممكن انت و انا و هوما ننولدو في مكان بعيد على الجزائر و عاداته عادات اخرى ما عندها ولا علاقة بعادات اهل الجزائر هل لازم نلتزم بعاداتهم و لا انا عديم اصل ؟؟ ... ترجم ترجم
كل واحد حر فشخصيته يبني حياته و مبادئه وحده مش شرط الحاجة الي نخمم فيها انا يخمو فيها قاع الناس و الكرم و الجود و كل هاذ الصفات هاذي ما شي وراثة و لا مكتسبة هاذي تجي مع الانسان ... ماشي شرط قاع الناس كيف كيف ....العلطة نتاعنا لازم نرجعوها وراثه
انا و اختي نركبو الحافلة مرات كل وحده تخلص وحدها وينه المشكل ....هذا فرايك قانون للحياة الي خالفه مذنب و عمل منقود؟؟
اه انا نحب اللون البنفسجي تسمالا اذا هكا قاع الي ميحبوهش نقولهم عيب
نفس الفكره الي تبنيتوها انا سقطتها على اللون المفضل عندي ....هل عندي الحق في هذا ؟؟ الااا ...
وزيد الي يزيد عندنا نفورماطوله عقله و ندخلوله عقليتنا خير واقيلا
..
و عقلية اذا جا عندك ضيف تنحي من لحمك و تجوع ولادك و تعطيه ياكل علاش صديقي الضيف جا يشوفك و لا جا يرهج عندك؟؟ مشتاق في دارو ؟؟ الضيف يروح من ينساك قاع من و ولادك و انت ؟؟ ...هاذ العقلية ما تعجبنيش تاني ...الجود بالموجود جيت الي لقيته تاكله نعمة ربي مش مهم نحطلك تاكل ذهب و نذبحلك جمل...
.
باختصار ...ماكان ما دخلنا فالحياة الخاصة للناس ...يديرو واش يحبوا...
من راقب الناس مات هما صديقييي