كل واحد يحكيلنا على قصص الحب الفاشلفة الي سرات قدامو

[**** بنت أبوها ***]

اثبتت الدراسات انو الزواج الناتج عن حب مصيرو ينتهى
و هدي قالها فرنسي ما هو عربي ما والو
​

 

[hiba14]

لا اخت هيبة دار accident مات الله يرحمو

الله يرحمو و يوسع عليه

 

[nina love]

الزواج مقبرة الحب

 

[ISMA.dz]

السلام عليكم

هاذي زوج قصص صراو قدام عيني

الاولى زميلتي فالجامعة مقربة ليا بزاف ديما تحكيلنا على حبيبها وكيفاه يتوالمو تقول فولة تقسمت على زوج والكل حاسدينهم خاطر حب لمدة 9سنوات تحكي معاه قدامنا عادي جا عندها للجامعة وقالها انسايني يابنت الناس انا مانوالمكش اتسما 9 سنين باش عرف بلي مايتوالموش؟وخطب وخلاها غير بدا الخدمة مال9ري تو ستناتو وصبرت عليه ورفضت بزاف خطاب على جالو خاطر تحبو مي غير اتفتحت بيبان الرزق قدامو زلاها


​

والقصة الثانية تان حبيبتي انتيم كانت مع واحد لمدة 11 سنة من وقت اللي ماكانت تعرف والو بدات تحبو وقراو وتخرجو مع بعض هاذ العام لكن من قبل ماكانش خدام واهلها قبلو بوضعيتو واعطاولو الكلمة وصبرو قبل رمضان جاها عريس قبل باباها ومدها بالسيف عليها وهي تبكي ومازالها تحبو للآت لكن باباها غدر بيهم

​

شكرااااااااااااا​

 

[adraa]

سلامو عليكم​

اللي نعرفهم داو بعضاهم عن حب راهم الحمد لله لاباس عليهم​

هههه كيما انا و شكوون؟؟؟؟؟؟؟؟؟؟؟؟؟؟؟

زدتيي علييااااا مالا ما تعرفيني ما نعرفك

ههههههههههههههه

ختي انا كون نبدا نحكي مانخلصش...
كاين بزاف قصص صراو مماثلة لوش حكيتي..

شكرا لييكيي ربي يحفظك​

 

[إيمان قلب]

قاع قصص مايسمى بالحب اللي شفتهم ولا سمعت عليهم فشلو
يعطيك الصحة على الموضوع

 

[mira.21]

وعليكم السلام
انا نعرف بزاف قصصا الحب وكاين الي نجحو وكاين الي فشلو
من الي نجحو مثلا خالي10 سنين مع مرتو وداها وراهم بالدراري وعايشين هانين الله يبارك
مي الجيل دا كااااااامل فشلو بسكو الناس تبدلت ومولاتش كيما بكري تمشي بالنية وكل واحد يلهط على صلاحو
ربي يهدي من خلق
مرسي على الموضوع ​

 

[احلى لمة]

اودى كرهنا هدا الحب كل يوم حب حب كره منكم لحب ههههههههه

 

[nour el yakine]

معنديش خبرة أسفة مانقدرش نفيد في هذ الموضوع
دمتي
​

 

[قــمر الزمان]

شكرا لكل من انار الموضوع
ومن ساهم فيه
ربي يبارك فيكم جميعا ويهدينا و يهديكم ويسترنا ويستركم
ونضيف حاجة اخرى قالك كل ممنوع مرغوب و لما يعود الي كان ممنوع متاح فيصبح شيئ عادي ويرح الوهج نتاعو
لا يغرك مظهر الي دايرين رواحهم سعداء لخاطر كاين ناس تحب تبين بلي راهم سعداء و في الحقيقة ربما هم عكس ذلك وانت تشوفهم مع بعض ماخصهم والو لكن لو تعيش معاهم تلقى الملل و الروتين
ومن الافضل : 1 تعيش مراهقتك و شبابك بعيد عن العلاقات هذي وتستنى مكتوب ربي و الي تفرح بيه لخاطر بعثهولك ربي ومن بعد تعيش معاه حياتك تحبو كيما راه بخيرو وبشرو و تسعد سعادة لا يعلمها الا الله ، منها فرحة الارتباط و فرحة شريك جديد و فرحة انك ماتعرفش غيرو ؟
2 او تعيش حياتك قبل الزواج وتدير محرمات وهدرة و ذنوب وتانيب ضمير وفوقها ربي مايباركلكش و تاني تدخل في مشاكل نفسية سواء فشلت القصة او لا لانك تبقى شاكك حتى يتبين لك اليقين ؟ و تبقى في توتر وتكره حياتك ؟ و من بعد اذا هذاك الطرف الثاني قرر يكمل وعدو فيكون فتور و التزام يغلب على الحب و ربما عشرة فقط و فرضا ان الحب هذا عاش متوهج حتى الزواج ؟ فكم سيدوم ؟ اظن انو لن يدوم لان في اغلب الدراسات يقولو ان زمن الحب قصير ربما لا يتجاوز خمس سنين
ان شاء الله ربي يباركلنا في حياتنا كامل و يا رب يهدي الجميع
و يحفظ المراهقين و الشباب من هذوا الظواهر
​

 

[السلطانة]

وعليكم السلام

حبيت نحكي على علاقة سمر ومهند الفاشلة


صحيتي على الموضوع
تحياتي
​

 

[MA§§!N!§§A]

تبا تبا
من ضحايا العشق
*
*
*
*
*
*
جاك غرق مع تيتانيك أو ما داش روز
*
قيس انتحر او ما تزوج مع ليلى
*
عنتر مات مغدور أو خلى عبلة
*
وأخيراااا
*
*
*
*
عمرو الزاهي زوج كل الناس أو هو
ماتزوح قاعد يستنى في فطومة الله يرحمها

تبا تبا جامي نزيد نعشق

​

 

[احلى لمة]

والله غير كرهت هدا الحب ساى

 

[AHLEM1992]

قاع فاشلة -20 سنة كامل كيف كيف
رانا في عصر السرعة حتى في الحب الي تشوفو تحبو و الي يشوفها يحبها
حب من اول نظرة
و ما نحبش هادي الهدرة مي ديفوا كاين الي يحبو زعما يفرغو قلبهم ايا نسمع و نصبرهم ههه
يعطيك الصحة ختي
​