كاسيات في الشارع عاريات في البالكونات

[باتنية و نص]

سلام عليكم
باش منلعبهاش مثالية كالبعض
ونبدا نسيتت ونقول..ياخاه والله ميحشمو و و و و اكي عارفة ...المثالية دايرة حالة فالنت
تحسبي راكي عايشة مع ملائكة ^^
اكيد هذي عادة سيئة جدا
وانا وحدة من الناس نديرها في بعض الاحيان ..كي نحب نخرج الزربية فقط
يعني حكاية تع دقيقة مش اكثر
وليس لغرض معين (التوقاب او حاجة لي تحكم وقت طويل كيما نشير تع القش)
والدليل كيما قالت الاخت..نخرج شعري مكشرد وطالع فالسما..البشماق زوج فردات
كل فردة بلون وراكي علبالك كيفاه تكون حالة الطفلة الجزائرية ايام الميناج
+الشارع تعنا هادئ في اغلب الاوقات
يعني نحرص انو مكان حتا واحد
واذا قدر ربي وحكمني واحد او حسيت بحاجة غريبة نتخبا
++الراجل ثاني كي يكون محترم اكيد مراحش يمشي ويطلع راسو ويشوف للبالكونات
حتا واذا غلط ودارها ثم ثم راح يهبط راسو

شكرا لك
تحياتي

 

[aljentel]

فكرتيني في وحد المرة كنت عائدا من المسجد للاقامة الجامعية
لكن جاءني ذالك الشعور اللي يطيح على كل واحد يحس انو كاين شخص يراقب فيه
نظرت الى العمارات المجاورة للاقامة
فوجدت فتاة تطل بكل زينتها من البالكون
وافتجأت صرااحة ثم حفظت وجهها
ووجدتها في اليوم الذي يلي تمشي بحجاب شرعي في الشارع
ومن بعد حليت فمي من الافتجاء
يخي حالة ابغضها انو تسيق المراة وهي مكشوفة
التعري عند النساء حاجة او لنقل غريزة حيوانية
للتعبير عن حاجتها الملحة للرجل ان كان يغيب الرجل في بيتها وفي عائلتها ....​

ههههههههههههه لاتبصبص بعدين غض الطرف مطلوب ههههه
هي في بيتها وعلى ملك من املاكها الخاصه شاللي خلاك تبص لها ههههههه
اخي والله صار عندي شعور غريب ان الناس تهتم لملاحقة المرأه ووضعها في بوتقة الخطأ حتى لو لم تخطيء
صارت المرأه هي الشغل الشاغل للناس كيف تمشي كيف تسير كيف تلبس كيف تحكي ... وياليت يكتفوا بكده ..
اللهم عفوك ورضاك ...

 

[فيتامين سي]

مانعرف ادا بروبلام تاع الدولة ولا تاعنا ربي جلا وعلا قال (فاتقوا الله ما استطعتم) وجابلي ربي الخمار فوق الراس ماشي حاجة صعيبة شويا إيمان برك و الشعور بمعية الله في كل مكان أما هاداك الشعر لرطب كيما عطاهولك ربي يقدر ينيحهولك... شكرا هيبة دمتي وفية لمواضيعي

سبحانو
راني فاهماتك نتي تحكي بالكو يطل للزنقا امر مفروغ منه مي جبتلكم حاجة راحتلكم كي يكون في دار داخل ☺☺ فهمتيني ماشي لبرا و الشوارع لا يعني في جاردا تاعكم بعيدا عن السيارات و كاين غير الجبل و الشجر ☺☺ و حيط من و من و من و من مي يكون دار لابغا بعيدة كون يطلع زوج اطاجات برك يشوفك ماشي يشوفك كلي حداهم واع تلفلي الشرح يخص نعرضكم و نوريلكم دواغنا و داغنا المهم ربي يهدينا كون بطيمة نقولك متخرجيش للبالكو بزاف بصح في حالتنا صعب و لي طلع راسه و لقا مرا و بقا يبحلق نضن كاين حاجة اسمه غض البصر ☺
و ادا انا نشوف جاغ ندخل و ادا اخرجت الاولى يدخل هههههه وحدة بوحدة
تقبلي مروري غاليتي

 

[دعاء الجنات]

سلام عليكم
باش منلعبهاش مثالية كالبعض
ونبدا نسيتت ونقول..ياخاه والله ميحشمو و و و و اكي عارفة ...المثالية دايرة حالة فالنت
تحسبي راكي عايشة مع ملائكة ^^
اكيد هذي عادة سيئة جدا
وانا وحدة من الناس نديرها في بعض الاحيان ..كي نحب نخرج الزربية فقط
يعني حكاية تع دقيقة مش اكثر
وليس لغرض معين (التوقاب او حاجة لي تحكم وقت طويل كيما نشير تع القش)
والدليل كيما قالت الاخت..نخرج شعري مكشرد وطالع فالسما..البشماق زوج فردات
كل فردة بلون وراكي علبالك كيفاه تكون حالة الطفلة الجزائرية ايام الميناج
+الشارع تعنا هادئ في اغلب الاوقات
يعني نحرص انو مكان حتا واحد
واذا قدر ربي وحكمني واحد او حسيت بحاجة غريبة نتخبا
++الراجل ثاني كي يكون محترم اكيد مراحش يمشي ويطلع راسو ويشوف للبالكونات
حتا واذا غلط ودارها ثم ثم راح يهبط راسو

شكرا لك
تحياتي

شكرا باتنية ونص على الصراحة اما على المثالية انا لوكان جيت نديرها صدقيني والله مانكتب ، اما آفار زربية يا اختي ديري كيما انا دايما دايرا خمار في الباب تاع البالكون وين نغلقو ونفتحو خمار رقيق حطيه بسرعة هاك وهاك ونفظي زربية او انشري الحوايج هاكذا يرضى عليك ربي وانت ماتزيديش ذنوب اما الراجل لي يطلع راسو ولا ما يطلعش مايهمكش فيه المهم انت تديري الواجب واذا شافك المتربي ولا ماشي متربي كيف كيف وفي النهاية كل واحد يتحاسب وحدو في القبر
شكرا على المشاركة

 

[باتنية و نص]

@دعاء الجنات

لا تسيئي فهمي اختي
انا لم اقصدك انت بالذات ..بالعكس انت لو لم يضايقك الامر لما تحدثت عنه..واهنئك
وانا ايضا لم ادافع عن هذا التصرف
اظنني قلت انها عادة سيئة ..
واعترفت اني (احيانا) اقدم على فعل هذا الشئ لما نكون على عجالة من امري ..هذا لا يعني اني لا اضع الخمار ابدا ..لا نحطو وانما هي حالات نادرة وين نخرج بلا بيه
فقط حبذا لو اننا نعترف جميعا باخطائنا
لاني صرت اشاهد هذه الظاهرة ..متوفرة في جميع مواقع التواصل الاجتماعي
لما تقراي الردود تحسي انك في مكة
لكن الواقع شيئ آخر تماما
اتمنى ان اكون قد وضحت وجهة نظري

وبارك الله فيك وفي جميع من يحملون فكر توعوي
تحياتي

 

[Salah eddin]

السلام عليكم
بسم الله
ويااااي ياااي يااااااي
عزوني يا ملاح ....
تعرفو هذا وش يقولولو
هذا يسموه ...التعبريج...
شوف ذيك المقريبة شوف ...هه
دومي خمار
ها ريقلو رواحكم سبحان الله العظيم
و الله ق يحيرو الواحد
الله يجيب الخير و خلاص
شكرا اختي على الملاحظة ...

​

 

[Hakan]

ههههههههههههه لاتبصبص بعدين غض الطرف مطلوب ههههه
هي في بيتها وعلى ملك من املاكها الخاصه شاللي خلاك تبص لها ههههههه
اخي والله صار عندي شعور غريب ان الناس تهتم لملاحقة المرأه ووضعها في بوتقة الخطأ حتى لو لم تخطيء
صارت المرأه هي الشغل الشاغل للناس كيف تمشي كيف تسير كيف تلبس كيف تحكي ... وياليت يكتفوا بكده ..
اللهم عفوك ورضاك ...

يااخي ما شفتش فيها هي اللي كانت تراقب فيا
ونورمالمون وقت ما اكتشفت امرها تختبئ لكن الفتاة
ابت الا ان تصر على موقفها من النظطر الى الشارع
شعب يحب الشرات
++ كاين شي بنات تحفطظ الوجه نتاعها حتى من النظرة الاولى تالمون باشعة في البالكون..​

 

[دعاء الجنات]

شكرا @باتنية ونص والله فاهمتك اختي وعندك الحق على لي تحسبيهوم ملائكة وهوما العكس هذا أخطر لأنو يدخل في النفاق وحبذا ختيتو هدوك المرات لي ماتديريش الخمار فيهم ديريه 'اتقو الله ولو بشق تمرة ' كاين حوايج نشوفوهم صغار وهوما عند ربي سبحانه وتعالى كبار.

 

[السلطانة]

وتاني يروحو للبحر ينحيو الخيمار وكي يخرجو في كورتاج لعروسة ينحيو الخيمار
استغفر الله ياربي مي تقول في بالهم ربي ماش يشوف فيهم كي يبحرو ويعرسو ويطلو من البالكونات

 

[دعاء الجنات]

وتاني يروحو للبحر ينحيو الخيمار وكي يخرجو في كورتاج لعروسة ينحيو الخيمار
استغفر الله ياربي مي تقول في بالهم ربي ماش يشوف فيهم كي يبحرو ويعرسو ويطلو من البالكونات

ايه هاديك تاع البحر وحدها اما في العراس ينساو ربي الصلاة ومايصلوهاش خلي البير بغطاه
شكرا ام ياسمين.

 

[لؤلؤة قسنطينة]

السلام عليكم
مرحبا بيك أختي وبمواضيعك الشيقة
والله هاد الموضوع بردت قلبي فيه من قبل مليييح تاني هههه خاطر كن غير جا المشكل في البالكو برك
نقولو بالاك طاحت امطار غزيرة وخرجت تجري من اللهفة ماتولهتش (نديرلها سيناريو زعما هههه)
المشكل الحجاب في وقتلنا مدايرينو ملاية ولا عباية ولا حايك كل منطقة كيفاه يسميوه، يعني كلي مدايرتو للخرجة برك
كلي غطاء للخروج وفقط مادام ماخرجتش عندها الحرية التامة تلبس عريان حاشاك ولا تبين شعرها ولا تخرج بلا سترة
على هادي قتلك الحكاية ماحبستش في البالكو، تلقاي يجي راجل ختها ولا صاحب خوها ولا ولد عمها تقابلو بالبيجامة لا خيمار لا والو
الاعراس تاني ولات لامود درك، تدخلي لعرس تلقايهم كامل بالميني يخبط يعني لاصال كاملة بلبسة الله لا يشوف فيها مومن وكي يعودو خارجين
يديرو الخيمار يعني كي تعود خارجة تكتاشفي بلي راهي محجبة، تروح للبحر يطير الخيمار تولي تعوم نورمال وتزيد تقولك نتي مهبولة في البحر كاشما بقا خيمار؟؟
وعلاه ماكانش إله في البحر (استغفر الله ياربي) ودرك ظهرت لامود الجديدة كي تخرج من مدينتها تطير الخيمار مثلا وحدة قسنطينية تروح تسافر لوهران مثلا
كي تلحق تما تنحي الخيمار كي يعودو مروحين من تم تعاود تلبسو، مافهمتش انا يخممو براسهم ولا برجليهم ولا يتمسخرو بالحجاب ولا برواحهم؟
درك ولات عيب تخرجي تنشري القش بالخيمار ولات عيب تروحي للعرس بالخيمار ولات عيب تعومي بالخيمار ولات عيب تروحي عند الصوار وماتتصوريش بلا خيمار
الحلال ولا حرام والحرام ولا حلال للأسف، وزيد هنا نرجع الغلطة في الوالدين لما طفلة تشوف يماها تطل بلا خيمار كيفاه رايحة تكون يعني؟
انا الحمد لله تربيت وسط والديا محافظين وتربيت في دار جداتي وسط خوالاتي ماش خير محافظين، البالكو بعيد زوج امتار على الطاقة تلقاها تلبس خيمار وتريكو
ماش حتى خيمار ودرعين عريانين يعني الحمد لله خوالاتي هزيت منهم القيم والتربية والحياء و السترة وكلشي، ونشفالها نهار اول عام درت فيه الحجاب
كنت في المتوسط وحضرنا عرس كامل البنات مشطو وعدلو ولبسو وانا مانحيتش الخيمار مانكدبش عليك صغيرة هاداك الوقت شوي وجعتني في قلبي
ماش غاضتني بصح قلت في نفسي كن انا تاني شعري مطلوق ولابسة كيفي كيف لبنات كي روحنا هاداك النهار من العرس للدار وكي كنا مجتامعين في الدار
ماما مدحتني وافتخرت بيا قدام بابا يعني شعور صدقيني نقسملك بالله ينحليك كامل التوسويس لي يجيك من قبل نشفى عليها قالت لبابا بنتك من بين كامل
البنات بقات بخيمارها وسط العرس ماش كيما باقي البنات قاتلو بانت مختلفة الله يبارك وماحفظة على حجابها، مع انو هادا واجب عليا لكن الوقت هاداك كطفلة صغيرة
كان لازم معايا هاد الكلمات، يعني والله نحمد ربي ليل نهار انو عطاني والدين حافظو عليا وستروني وعلموني كل حاجة في وقتها، واي خطأ يجي مني اليوم
راهو مني وماش منهم خاطر هوما قامو بالواجب تاعهم على اكمل وجه، وعلى هادي الام لازم يكون عندها دور تاني ماش تخرج بشعرها عريان
وسط الباطيما باه تحكي مع جارتها ومن بعد تقولك كيفاه، خاطر الام هي افضل قدوة لبناتها وهي لي تربيهم من الصغر على الحاجة الصحيحة
المهم خرجت بزاف على الموضوع هههه ربي يهديهم هادا مانقولو وربي يهدينا ويسترنا ويوفقنا لكل خير ويغفرلنا ذنوبنا ان شاء الله
شكرا اختي على الموضوع
تحياتي
​

 

[Soumia hadj mohammed]

سبحان الله ، حاجة مافهمتهاش ، واش يعني الحجاب للنسا تاعنا (ماشي كامل ) أنا نسكن في حي فيه بزاف عمارات ، وانا في وحدة منهوم ، نسا كامل متحجبات الحمد لله المنطقة محافظة قليل وين تصيب مرأة بلا حجاب ، بصح المشكلة يخرجو للبالكونات عادي بشعرهوم وكأنهوم ف الدار ، ياك ف البالكون يقدر يشوفك أي واحد وعلاااااااه تخرجو تنشرو وتطلو بلا خمار؟؟؟؟؟؟؟
هذا استهزاء بالدين ياو المشكلة الكبيرة! والله يحشمو يطلو بالخمار يخافو يظحكو عليهوم الناس وخليك من اليدين العريانين وسبيغة تاع الشعر ولي ماش يعني واحد برا علابالو فلانة واش راهي سابغة شعرها ''''' بهدلتونا بهدلتونا خافو ربي كيما بارا كيما البالكون واش الفرق؟؟؟ الله يهدي عبادو أصبح الحجاب عادة وليس عبادة
عفواا على الإطالة شكرا

سلام عليكم اختي الغالية حفظك الله يا دعاء جانت
هاراني وليت غي متقوليش هاربة باسكو صباح قريت غير نص العنوان هه وحسابلي على كاسيات عاريات تع برا سع لقيت على البالكون

كاين وحد الاغنية من تراث ههه عائلتي فيها وحد المقولة تقول : ديري السبة خرجي بيدو الماء .... تيرارارا
يعني الطفلة ما تسيقش ما تسيقش قدام باب دارهم وكي تشوف لي جان برا تخرج تكب الماء

وش حنقولك كامل عبالهم بلي لازم السترة باسكو البالكون راهو مكشوف على الخارج ، مي العبد ساعات يعمل روحو اما هو يعرف وداير روحو ميعفرش يعني غمض العين واما حابة توري ليماش توع قوس قزح واما باينة تلفت النظر باللي ماقدرتش ديرو برا واما متعرفش والله اعلم

بروبلام تع مشكلة تع راني باغية نبان
ومنخبيش عليك عندي وحد الشهر من لي كنت عندي عمتي ضيفة وتكن في مجمع سكني نصف كولكتيف والبالكون تعو عالي بزاف مي درت غلطة بيسك كنت نخرج تمك ننشر الحوايج بلا مانغطي راسي وهذا راجع لتهاوني اولا وثانيا لاحظت انو مش مكشوف بزاف خاطر حيطو عالي يعني حتى طلعي رجليك عالاصابع به طلي مي انا هه موح الطويلة يعني يبان الكابو تع راسي ، استغفر الله واتوب اليه وهنا في دارنا كي نخرج نسيق الدرج او ندير حملة تنظيف في جهتها فالحي ، مانخرجش الا ولابسة عبايتي وخماري

حاجة ثانية : الحوايج اللي يتنشرو فالبالكون كاين لي نوغمالمو ما يتنشروش ، واش طاطا عندبالك سوق جميع الملابس

يعطيك الصحة اختي وبارك الله فيك

اللهم اغفر لنا واهدنا انك انت الهادي الغفور الرحيم

 

[دعاء الجنات]

اختي @لؤلؤة قسنطينة مرحبا بيك ونقول يرحم الوالدين لي رباوك يا ريت جاو كامل هكذا لوكان ماراناش في فتنة دورك, اما انا قصتي مشابهة شويا لقصتك عندي خوالي ماشاء الله وعندي عمومي عافانا الله ههههههه يعني الجنة والنار استغفر الله اما بنات عمي مثلا يجيهم صاحب باباهم ولا وليد خال جد عم وليد نسيب خالهوم يستقبلوه بلا خمار كشغل اخوها في الرضاعة ، أما أنا و أختي كنا معاهم قدام ولاد عمي بالخمار كانو والله والله يقولو علينا معقدين بصح الحمد لله ماسمعناش لكلامهوم وربي فتح علينا والحمد لله
شكرا يا لؤلؤة اللمة

 

[لؤلؤة قسنطينة]

اختي @لؤلؤة قسنطينة مرحبا بيك ونقول يرحم الوالدين لي رباوك يا ريت جاو كامل هكذا لوكان ماراناش في فتنة دورك, اما انا قصتي مشابهة شويا لقصتك عندي خوالي ماشاء الله وعندي عمومي عافانا الله ههههههه يعني الجنة والنار استغفر الله اما بنات عمي مثلا يجيهم صاحب باباهم ولا وليد خال جد عم وليد نسيب خالهوم يستقبلوه بلا خمار كشغل اخوها في الرضاعة ، أما أنا و أختي كنا معاهم قدام ولاد عمي بالخمار كانو والله والله يقولو علينا معقدين بصح الحمد لله ماسمعناش لكلامهوم وربي فتح علينا والحمد لله
شكرا يا لؤلؤة اللمة

نتي تقول اختي التوأم ههههههه
حتى حنا جهة ماما الله يبارك بصح جهة بابا العكس تماما كيما قلتي الخيمار طاير وكلشي
ربي يهديهم برك وربي يثبتنا ان شاء الله
العفو غاليتي ​

 

[دعاء الجنات]

سلام عليكم اختي الغالية حفظك الله يا دعاء جانت
هاراني وليت غي متقوليش هاربة باسكو صباح قريت غير نص العنوان هه وحسابلي على كاسيات عاريات تع برا سع لقيت على البالكون

كاين وحد الاغنية من تراث ههه عائلتي فيها وحد المقولة تقول : ديري السبة خرجي بيدو الماء .... تيرارارا
يعني الطفلة ما تسيقش ما تسيقش قدام باب دارهم وكي تشوف لي جان برا تخرج تكب الماء

وش حنقولك كامل عبالهم بلي لازم السترة باسكو البالكون راهو مكشوف على الخارج ، مي العبد ساعات يعمل روحو اما هو يعرف وداير روحو ميعفرش يعني غمض العين واما حابة توري ليماش توع قوس قزح واما باينة تلفت النظر باللي ماقدرتش ديرو برا واما متعرفش والله اعلم

بروبلام تع مشكلة تع راني باغية نبان
ومنخبيش عليك عندي وحد الشهر من لي كنت عندي عمتي ضيفة وتكن في مجمع سكني نصف كولكتيف والبالكون تعو عالي بزاف مي درت غلطة بيسك كنت نخرج تمك ننشر الحوايج بلا مانغطي راسي وهذا راجع لتهاوني اولا وثانيا لاحظت انو مش مكشوف بزاف خاطر حيطو عالي يعني حتى طلعي رجليك عالاصابع به طلي مي انا هه موح الطويلة يعني يبان الكابو تع راسي ، استغفر الله واتوب اليه وهنا في دارنا كي نخرج نسيق الدرج او ندير حملة تنظيف في جهتها فالحي ، مانخرجش الا ولابسة عبايتي وخماري

حاجة ثانية : الحوايج اللي يتنشرو فالبالكون كاين لي نوغمالمو ما يتنشروش ، واش طاطا عندبالك سوق جميع الملابس

يعطيك الصحة اختي وبارك الله فيك

اللهم اغفر لنا واهدنا انك انت الهادي الغفور الرحيم

مرحبا مجددا سمية ، هدرتي على نقطة جد مهمة تاع زعما تسيق قدام الباب كي تشوف ليجان وي انا شوفت اكتر شوفت جارتنا اون فاس لينا كي تشوف الشاب لي يعجبها تطيح الخوايج كشغل طاحولها آه وتهبط تجيبهوم باه يشوفها ومرة والله شوفتها خرجت بلا خمار ، الله يهدينا وان شاء الله ننصحو مانبقاوش غير نتفرحو فيهوم شكراا

 

[دعاء الجنات]

نتي تقول اختي التوأم ههههههه
حتى حنا جهة ماما الله يبارك بصح جهة بابا العكس تماما كيما قلتي الخيمار طاير وكلشي
ربي يهديهم برك وربي يثبتنا ان شاء الله
العفو غاليتي ​

ايه مزيا كي تبعنا الطرف الأحسن بصح والله دايما ننصحهوم خاصة الصلاة.... العفو دمتي وفية لؤلؤة

 

[فيتامين سي]

هلاو حبوبة ..واش راكي
حكيت مع مامتي على موضوعك و قالتلي بلي باذن الله يديرو شباك فوق الحيطان وين يضلل الدار ديتي اجر بموضوعك ..تحياتي غاليتي

 

[دعاء الجنات]

هلاو حبوبة ..واش راكي
حكيت مع مامتي على موضوعك و قالتلي بلي باذن الله يديرو شباك فوق الحيطان وين يضلل الدار ديتي اجر بموضوعك ..تحياتي غاليتي

هلا هيبة الحمد لله ان شاءالله انت ايضا بخير... والله فرحتيني الهدف تاعنا اصلا نذكرو الناس وان شاء الله نلقاو آذان صاغية شكراااا هيبة دمتي وفية تحياتي

 

[فيتامين سي]

العفو غاليتي ..صح اهم حاجة نفكرو بعضانا بحاجات غافلين عليهم ..باذن الله ..بارك الله فيكم

 

[أم أُنٌَيسة]

السلام عليكم و رحمة الله تعالى و بركاته
بارك الله فيكي اختي الغالية و جزاكي كل خير وجعل كل حرف خطته يمناكي في موازين حسناتكي
الحمد لله لا يوجد في بيتنا بلكون و لا اخرج من النافذة اصلا
اسال الله ان لا نكون منهن و ان كنا كدلك عن قصد او غير قصد اساله الهداية و الثبات ان شاء الله

السؤال
هل يجوز النظر من النافذة دون ارتداء الحجاب دون أن ينظر إلي أحد، وما تفسير الموقف في ظل حديث الرجل الأعمى الذي أمرت المرأة بالتحجب منه، حيث قال الرسول صلى الله عليه وسلم أفعمياوان أنتما في ابن مكتوم؟

الإجابــة​

الحمد لله والصلاة والسلام على رسول الله وعلى آله وصحبه، أما بعـد:

فإن النظر من النافذة عند أمنك من نظر الأجانب إليك ونظرك إليهم جائز، إلا أن الأولى الالتزام بالحجاب خشية أن يمر أحد فيراك، ويدل لجواز كشف الحجاب عند الأمن من منظر الأجانب ما روى أحمد وأبو داود عن عائشة رضي الله عنها قالت: كان الركبان يمرون بنا ونحن مع رسول الله صلى الله عليه وسلم ونحن محرمات، فإذا حاذونا سدلت إحدانا جلبابها من رأسها على وجهها، فإذا جاوزونا كشفناه.

كما يدل له أيضاً حديث فاطمة بنت قيس عند مسلم وفيه: اعتدي عند ابن أم مكتوم، فإنه رجل أعمى تضعين ثيابك...

وأما عن نظرك للأجانب دون أن يروك، فإنه حرام إن كان النظر لشهوة، وجائز إن لم يكن لشهوة ولم تخف الفتنة، ويدل لجواز نظرهم عند أمن الفتنة ما في البخاري عن عائشةرضي الله عنها قالت: لقد رأيت رسول الله صلى الله عليه وسلم يوماً على باب حجرتي والحبشة يلعبون في المسجد ورسول الله صلى الله عليه وسلم يسترني بردائه أنظر إلى لعبهم.

وراجعي للمزيد في الموضوع، وفي مسألة حديث ابن أم مكتوم الآخر والذي هو محل سؤالك الفتاوى التالية أرقامها: 7997، 36256، 15096، 16848، 32270، 37795.

والله أعلم.
​

السؤال
لي قريبات إذا خرجن إلى سطح البيت لنشر الغسيل، أو لرمي النفايات، أو التحدث مع الجارة، أو لأي غرض، يخرجن بملابس البيت مع شعر مكشوف وأيد مكشوفة، حاولت أن أنصحهن فكان الرد: لا أحد يرانا، وعندما قلت: وماذا عن الله عز وجل؟ قلن: الله يراني دوما فكيف أتصرف معهن؟ أخاف أن ينالني إثم لسكوتي عن الأمر، والقضية تقلقني، وعدتهن بشراء عبايات لهن للستر، الرجاء قدموا لي نصائح لأستطيع تغيير هذا المنكر.

الإجابــة
الحمد لله والصلاة والسلام على رسول الله وعلى آله وصحبه، أما بعد:

فإن كان هولاء النسوة يراهن الرجال إذا خرجن إلى السطح، فلا يجوز لهن الخروج كاشفات عن شعورهن، فإن المرأة كلها عورة عند الرجال الأجانب حتى ظفرها، ولا يجوز لها أن تبدي أمامهم شيئا من جسدها، وأما إن كان لا يراهن الرجال فيه عادة، فلا حرج في الخروج دون حجاب.

وأما عن حدود العورة التي يجب سترها في الخلوة: فتراجع الفتوى رقم: 13719.

وانظري في طريقة مناصحة غير الملتزمة بالحجاب الفتاوى التالية أرقامها: 73109، 17936،104090.

والله أعلم.

المصدر : اسلام ويب

ارجو تقبل مروري
تحياتي احترامي و تقديري
في امان الله و حفظه
​