سلسلة أنثى في ضيافتنا - ضيفة العدد الثامن-المتفائلة-

[ضآحكة مستبشرة]

السلام عليكم ورحمة الله تعالى وبركاته
اسعد الله اوقاتكن احبتي في الله
اهلا وسهلا ومية مرحبا بالغاليىة الفتاة الطيبة الاخت عاشقة الجنة

و عليكم السلام و رحمة الله تعالى وبركاته
و اوقاتك حبيبتي

و اهلا بيك يعيشك ختي ربي يحفظك
شكرا لك على الحلويآاآت الرائعة هذا من طيب قلبك
شكرا لك
نورتي الموضوع​

 

[لؤلؤة قسنطينة]

السلام عليكم
مرحبا بأسومة ضيفة عدد هاد السلسلة الطيبة
ان شاء الله نستمتعو بهاد العدد وتكون اسئلتنا خفيفة ظريفة عليك
صراحة ماعنديش اسئلة بزاف درك عندي اسئلة قليلة برك ونرجع ان شاء الله مرة اخرى باسئلة اكثر
المهم على ذكر الاعراس:
هل اسومة تهتم بشراء ملابس جديدة كل عرس؟ وهل كل لبسة تحبي يكون معاها الاكسسوار تاعها ولا مايهمكش الاكسسوار؟
أسماء تحب الكعب العالي ولا تعتبرو خاص بالاعراس برك؟
هل اسماء تخمم يوم تتزوج تصبغ شعرها كأي بنت جزائرية؟ هههه واذا نعم واش من لون؟
المهم نكتفي هنا ونرجع مرة اخرى ان شاء الله
​

 

[ام تسنيم واحلام]

السلام عليكم ورحمة الله وبركاته
مرحبا بيك اختي في ضيفتنا ونتشرفو بمعرفتك
نشكروك على صرحتك واجاباتك الجميلة
هل أنت ترتدي جلباب ام حجاب شرعي
ومن أي ولاية انت
وسمها الجامعة التي تدرسي فيها
وماهو طموحك في المستقبل
وفي الأخير أبقي متفائلة كما انت

 

[Malika Tlm]

السلام عليكم
جيتك ختي باسئلة خفاف وحلوين كيما انا ههههههههه
واش هو لبسك المفضل؟
تعرفي طيبي ولا والو ؟
اختي واش هي الحاجة لي تقلقك ؟
تستعمي صبغات الشعر ولا تحبي لون شعرك طبيعي؟
نتمني منكونش طولت عليك حبيبتي
ربي يوفقك
تحياتي

 

[cosette]

السلام عليك
عدتتت
هل عندك فيس بوك ؟
ان كان نعم ماهو هدفك من إستعماله ؟
وان كان لا لماذا؟
هل ترتدين حجاب ام ليكات وسروال؟؟وعلاش ؟

 

[ضآحكة مستبشرة]

لي عودة للإجابة عليكن حبيباتي ^^

 

[cosette]

ننتظرك.,.,.,

 

[ضآحكة مستبشرة]

السلام عليكم

و عليكم السلام و رحمة الله

مرحبا بأسومة ضيفة عدد هاد السلسلة الطيبة

و مرحباً بيك يعيشك حبيبتي نورتي بطلتكِ الراقية

ان شاء الله نستمتعو بهاد العدد وتكون اسئلتنا خفيفة ظريفة عليك

اكيد خفيفة و حلوة ربي يحفظك

صراحة ماعنديش اسئلة بزاف درك عندي اسئلة قليلة برك ونرجع ان شاء الله مرة اخرى باسئلة اكثر

البركة في القليل ههههه انا في الانتظار غاليتي

المهم على ذكر الاعراس:
هل اسومة تهتم بشراء ملابس جديدة كل عرس؟

لالا اختي علاش التبذير هههههه لبسة كل صيف يعني كل صيف نشري حاجة خاصة كاش فستان شباب
و نبقى نبدل بملابسي القديمة و احيانا نتسلف كاش عفسة

وهل كل لبسة تحبي يكون معاها الاكسسوار تاعها ولا مايهمكش الاكسسوار؟

ههههه لا علاقة لي بالاكسسوارات منين ذاك برك
عندي حلق تاع ذهب نلبسهم مع خاتم ذهب لامي تمدولي نلبسو فقط

أسماء تحب الكعب العالي ولا تعتبرو خاص بالاعراس برك؟

نحبـــــــــو و نموووت عليه ههههههه بصح نلبسو غير في الاعراس برك

هل اسماء تخمم يوم تتزوج تصبغ شعرها كأي بنت جزائرية؟ هههه واذا نعم واش من لون؟

لالا حنونتي منصبغش لانو شعري ناتيورال بني
ندير فقط ليماش اما الصبغ لالالالالا

المهم نكتفي هنا ونرجع مرة اخرى ان شاء الله
​

في الانتظار مريومتي ربي يحفظك
نورتــــــــــــــــي الموضوع ​

 

[ضآحكة مستبشرة]

السلام عليكم ورحمة الله وبركاته

و عليكم السلام و رحمة الله

مرحبا بيك اختي في ضيفتنا ونتشرفو بمعرفتك

و بيك يعشيك .. الشرف ليا حبيبتي

نشكروك على صرحتك واجاباتك الجميلة

العفو حبيبتي انتي الجميلة

هل أنت ترتدي جلباب ام حجاب شرعي

انا نرتدي حجاب عادي طويل مع شـال

ومن أي ولاية انت

انا من 26 المـــــــــــــــــــــديةةةةةة و افتخـــــــر

وسمها الجامعة التي تدرسي فيها

كلية العلوم الاسلامية { خروبة الجزائر 1 }

وماهو طموحك في المستقبل

طموحي يا اختي ماشي واحد عندي بزااف
اولهم نكون استاذة تاريخ و جغرافيا و نختم القران الكريم و تكون عندي لمسة خاصةة في الحلويات هههه


وفي الأخير أبقي متفائلة كما انت

ان شاء الله نبقى متفائلة مع انو صعب في الوقت الحالي
شكرا على المرور الطيب
نورتي​

 

[ضآحكة مستبشرة]

السلام عليكم

و عليكم السلام و رحمة الله

جيتك ختي باسئلة خفاف وحلوين كيما انا ههههههههه

هههه اكيد حلوين كيما انتي حبيبتي مليكوووة كي الميلكا الله يبارك
و مرحبا بيك و بأسئلتك

واش هو لبسك المفضل؟

في المنزل نفضل الجبب { قنادر } و بيجامات
خارج المنزل حجاب طويل
في الاعراس الفساتين

تعرفي طيبي ولا والو ؟

الحمد لله نعرف قيس الحال ماشي خاليتها بالشطارة ههههه و ماشي مكسرة اليدين
نص نص راني نتعلم

اختي واش هي الحاجة لي تقلقك ؟

مؤخرا يا اختي مليكة وليت نتقلق من كلشي و الله مراني نعرف الحاجة لي تقلق فيا كثر
لكن في الحالة الطبيعية نتقلق من الظلم و نهار كاش واحد يحب يحكم فيا و انا منكونش حابة

تستعمي صبغات الشعر ولا تحبي لون شعرك طبيعي؟

جامي صبغت شعري و ان شاء الله منصبغوش الا في عرسي ههههه ندير ليماش ان شاء الله

نتمني منكونش طولت عليك حبيبتي
ربي يوفقك
تحياتي

لالا مطولتيش كنتي خفيفة بزااااف
نورتي حبيبتي
ان شاء الله متكونش آخر مرة ​

 

[ضآحكة مستبشرة]

السلام عليك

و عليكم السلآم

عدتتت

مرحبا بيك في اي وقت

هل عندك فيس بوك ؟

كان عندي في السابق اما حالياً لآ

ان كان نعم ماهو هدفك من إستعماله ؟

كي كان عندي كان الهدف ديالي منو هو التواصل مع الاهل و الاصدقاء و التعرف على ما يحدث في العالم الخارجي
اما الآن فلا ارى فيه اي فائدة

وان كان لا لماذا؟

حاليا لا املك لاني لا ارى فيه فائدة فهو مضيعة للوقت فقط
كما انه اكثر شيء يبعدنا عن الحديث و التجمع مع الاهل

هل ترتدين حجاب ام ليكات وسروال؟؟وعلاش ؟

ارتدي حجاب طويل
لانو اكثر سترة من السروال و ليكات

شكرا اختي الحبيبة
نورتـــــــــــي​

 

[cosette]

اختي اسماء والله ارتحت معك في الكلام
بدون انا اراك بنتيلي طيوووووووبة وحبابة ربي ينجحك حنونة يااااااااارب ويوفقك وتكوني المثل الأعلى وترفعي راس أبوك وامك

 

[ضآحكة مستبشرة]

اختي اسماء والله ارتحت معك في الكلام
بدون انا اراك بنتيلي طيوووووووبة وحبابة ربي ينجحك حنونة يااااااااارب ويوفقك وتكوني المثل الأعلى وترفعي راس أبوك وامك

و انا ايضا تشرفت بمعرفتك ختي لعزيزة ربي يحفظك و يهنيك
انتي الطيبة لا ترين الا طيبا حبيبتي اللهم آمين يا رب العالمين و لك بالمثل حبيبتي
بارك الله فيك و في اخلاقك

 

[❤️كلي أمل❤️]

السلام عليكم
كيفك اختي اسماء ان شاء الله تكوني لباس
انا أسئلة تاعي ساهلين ههههه
1-هل اسمك الحقيقي هو اسماء؟؟
2-كم هو طولك و وزنك ؟؟
3-هل ترتدين حجاب شرعي ام حجاب عادي ؟؟
4- ماهي امنيتك الان ؟
جاوبي ونزيد نرجع ان شاء الله

 

[ام تسنيم واحلام]

ان شاء الله نبقى متفائلة مع انو صعب في الوقت الحالي
شكرا على المرور الطيب
نورتي​

حتى انا أهل يمة من المدية الدميات (عين الذهب )وانت وش من جها بلاك نعرفك

 

[ضآحكة مستبشرة]

السلام عليكم
كيفك اختي اسماء ان شاء الله تكوني لباس
انا أسئلة تاعي ساهلين ههههه
1-هل اسمك الحقيقي هو اسماء؟؟
2-كم هو طولك و وزنك ؟؟
3-هل ترتدين حجاب شرعي ام حجاب عادي ؟؟
4- ماهي امنيتك الان ؟
جاوبي ونزيد نرجع ان شاء الله

و عليكم السلام اختي عبير
الحمد لله بخير و انت ؟؟

مرحبا بيك و بالأسئلة ديالك

1- نعم اسمي الحقيقي هو اسماء
2- طولي حوالي 1.62 قصيرة شوية ههههه
وزني لا أعلم بالتحديد اخر مرة وزنت كنت 54
3- لالا حجاب عادي طويل مع شال
4- امنيتي الان هي اني نجيب الباك بمعدل مليح باش نقرا واش حابة ان شاء الله

شكرا على المرور العطر حبيبتي
نورتي اختي​

 

[ضآحكة مستبشرة]

حتى انا أهل يمة من المدية الدميات (عين الذهب )وانت وش من جها بلاك نعرفك

الله يبارك خيار الناس
ايه هذيك الجهة بعيدة علينا احنا ما بين تابلاط و عين بسام

 

[❤️كلي أمل❤️]

شكرًا اختي اسماء على صراحتك
ربي يحفظك
نزيدلك شوية أسئلة ههههه
- ما هو لون شعرك وعينيك؟؟
-اين تدرسين ؟؟
-لونك المفضل ؟؟
-ولاية راكي حابة تزوريها ؟
-اقرب شخص ليك في اللمة من الإناث و الذكور؟
-ماهي نسبة جمالك ؟؟ يعني جميلة او عادية ؟؟
امممم راح نخطب هههههههه
شكرًا حبيبتي نزيد نرجع ان شاء الله

 

[ضآحكة مستبشرة]

شكرًا اختي اسماء على صراحتك
ربي يحفظك
نزيدلك شوية أسئلة ههههه
- ما هو لون شعرك وعينيك؟؟
-اين تدرسين ؟؟
-لونك المفضل ؟؟
-ولاية راكي حابة تزوريها ؟
-اقرب شخص ليك في اللمة من الإناث و الذكور؟
-ماهي نسبة جمالك ؟؟ يعني جميلة او عادية ؟؟
امممم راح نخطب هههههههه
شكرًا حبيبتي نزيد نرجع ان شاء الله

العفو غاليتي ربي يحفظك
ههه معليش زيدي ههههه مرحبا بيك في كل وقت

- لون شعري هو بني و عيوني بنيين ثاني
- أدرس في خروبة شريعة سنة اولى و راني نعاود في الباك حرة
- لوني المفضل الاحمر
- حابة نزور بجاية
- أقرب عضوة هي @لؤلؤة قسنطينة و أقرب عضو هو @Skor m@k
- نسبة جمالي ههه و الله معلبالي ماشي انا لي نحكم على روحي و لكن نقول عادية


العفو حبيبتي عجبتني القعدة معاك هههه
يعطيك الصحة
في إنتظار العودة​

 

[❤️كلي أمل❤️]

شكرًا اسماء ربي يحفظك ويوفقك يارب
لي عودة ان شاء الله