محتاجة لارائكم حول الزواج من عسكري

[Miamima]

يحبو الحنانة

السلام عليكم ردي بالك تخليه يروح وحدو ردي بالك
جامي تسمحي في راجلك و تخليه يسافر وحدو تغبني معاه اصبري معاه نوضي معاه اسهري معاه مش قصدي تبعيه وين راح لالا قصدي كوني معاه في كلش في السفر و المكوث راهو راجلك يا اختي كيفاش تقعدي في دار باباك هو يسافر وحدو لالا عمرك ما ديري هاك شوفي العسكري على حساب خبرتي يحب الحنانة وي يحب الحنااااااااااااااااان و الابتسامة دايما في وجهك في سبيل الله

بارك الله فيك اختي اوافقك الرأي انا ايضا مستعدة نكون معاه في اي مكان لا اقبل هو في مكان و انا في مكان اخر شكرا على نصائحك و لدي سؤال بخصوص لونكات كيفاه تكون اذا عندك فكرة و شكرا

 

[Miamima]

شوفي بنتي العسكري معندوش حق في السكن الا اذا كان رتبة عالية
انا اختي راجلها كابتان راه يخدم في دزاير وهي ساكنا في عين امليلة ويندارنا ودارهم
اذا عطندو سكنة واجدا وفي يدو اقبلي وراح تتغبني في الرحلات ودراسة الاولاد

شكرا لك و بارك الله.فيك ربي يسر الامور ان شاء الله

 

[Mademoiselle carbone]

بارك الله فيك اختي اوافقك الرأي انا ايضا مستعدة نكون معاه في اي مكان لا اقبل هو في مكان و انا في مكان اخر شكرا على نصائحك و لدي سؤال بخصوص لونكات كيفاه تكون اذا عندك فكرة و شكرا

العفو مفهمتكش يعني وش من لونكات؟؟

 

[Miamima]

العفو مفهمتكش يعني وش من لونكات؟؟

نقصد التحريات لي يديروها الدرك على الزوجة لانو كل شخص ينتمي لهذا القطاع قبل الزواج يقومون بالتحري على الزوجة.

 

[Mademoiselle carbone]

نقصد التحريات لي يديروها الدرك على الزوجة لانو كل شخص ينتمي لهذا القطاع قبل الزواج يقومون بالتحري على الزوجة.

اااه صحة صحة دوك فهمتك
نورمامو كاين ايه بصح معلباليش بالضبط واش يسقسوك شوفي ختي من بعد نسقسيلك
الوايج لي نعرفهم انك كي تزوجي بيه يكون عندك انتي و ولادك دواء باطل الطيارة باطل كل عام هذا وش نعرف
تاني وقيلة السرتافيكة لازم ديريها فهمتيني يخي و تاني اذا تزوج زوجة ثانية ميكونش عندها كيما عندك يعني مكاش دواء باطل مكانش طيارة باطل يعني يولو مسئولين عليك انتي و ولادك و راجلك برك اجة زايدة لالا
من بعد نجيبلك الرسمي

 

[Mademoiselle carbone]

شوفي راني سقسيتلك : قالولي يبعتولك استدعاء للدار من بعد كي تروحي لعندهم يسقسوك على باباك وين يخدم و خاوتك تاني هكذا وايج هذا ملقيتلك ختي و الله أعلم نتمنى نكون افدتك سلام عليكم

 

[Miamima]

شوفي راني سقسيتلك : قالولي يبعتولك استدعاء للدار من بعد كي تروحي لعندهم يسقسوك على باباك وين يخدم و خاوتك تاني هكذا وايج هذا ملقيتلك ختي و الله أعلم نتمنى نكون افدتك سلام عليكم

بارك الله فيك ربي يجازيك كل خير شكرا

 

[ليليا مرام]

السلام عليكم اختي اول شي ان شاء الله تبعي المكتوب واش يقول
والله يا اختي واش نقولك طكل واحد وعقليتو كاين عسكر صح ولاد فاميليا وعاقلين وحقوكيما اي شاب انو يتزوج ويدير دار عادي تتحملي معاه الرحلات وخدمتو لانو ماراحش يكون معاك كل الوقت وحطي فبالك العسكري وليد البلاد كلها ماراهش ملكك ليك لانو انت لو تلوميه يقولك انت قبلتي انا يا بنت الناس هذا وضعي راه ما يحكمش فروحو مهما تكون رتبتو وكاين اللي صح واعرين عقليتهم واعرة بزاف ونتاع نسا الصراحة راحة الواحد ما يخبيهاش مي يا اختي كل واحد وتربيتو انتوما سقسو عليه وعلى اهلو مش ترمي روحك وخلاص ذا زواج واولاد راحين يدو عقلية باباهم يعني تعرفي ولادك مع من تجيبيهم مش تخمي فروحك وبرك خمي اسرة راح تكون ورا هذا الزواج
ربي يكملك ان شاء الله

 

[أسينات]

كاين فيهم لي يسكن بالايجار كل واحد حسب الرتبة تاعو قريبتي تزوجت بعسكري من الشرق لكن بسبب عملوا بعثوه إلى مدينة في حدود المغرب لا أعلم ما هي بالضبط بصح عايشة مرتاحة ويحبوا بعضاهم ومعندهاش مشكلة وين يروح تروح معاه وقالها متخدميش وش تحتاجي نجيبلك وهي وافقت وراهي متهنية والحمد لله
وانت يا أختى اذا شفتيه قد المسؤلية صلي استخارة وتوكلي على الله أما على الخيانة كل واحد واخلاقو العسكر معندوش علاقة و ربي يوفقك ان شاء الله

 

[ربي فرج علينا]

السلام عليكم ارجوا ان تجيبوني انخطبت من عسكري ومرة كنت شاهدة في قضية في المحكمة هل يعرقلوا دالك على زواجي؟