قصة الم

[فيتامين سي]

السلام عليكم اختي
شكرا لانك تحاولي نخلينا نفرحو وننساو صح ما لازمش نعيشو مع الالم والوجع وغيرو وناس نقرالهم هنا يدخلو لموضوع عضوة او عضو مهموم تقولو الشكوى لغير الله مذلة هذي قاع ماراهيش هدرة لانو ما يحس بالشي الا اللي عايشو فرق كبير بين اللي يهدر برك واللي عايش الشي هذاك كل واحد فينا عندو هموم امة بكاملها راهي تعاني مي مثلا لو تكوني انت فمورال طالع ودايما تضحكي مش لازم انو انا فوقت همي نضحك لانو يختلف صج مش لازم نجي انا ونخليكم مهمومين معايا راني معاك والحمد لله نحاول نشارك ونضحك قد ما نقدر لانو انو نخلي غيري يضحك ويفرح حاجة انا تفرحني صدقيني انا لما نكون مريضة بزاف نجي نكتب ونشارك وعادي وممكن نكون نبكي وقت نكتب موضوع يقتلكم بالضحك لانو انا مومنة انو كل واحد فيكم لو حكى راح ننسى همي
ولكن يا جماعة اللي دار موضوع وشكى همو خلوه ممكن واحد ما عندوش وين يعاني وحدو على الاقل يلقى ناس تقرالو يقرا رأي يخفف عليه ولو افتراضيا لكن راح يدي اجر ممكن بزاف وحدة كانت تخمم تنتحر او شي تقرا رد يخليها تتراجع او اعضاء يحكو معاها تحس عندها عايلة وصرات في منتديات وين وقفو ووقفنا مع بنات والحمد لله ما نحبش اللي يستهين بهم الناس ويقولو اضحك في وقت الهم طايح عليه لالا كل واحد وظروفو انت نهنيك معنوياتك عالية وتخبي همك وتتغلبي عليه مش كلنا كيفكيف كل واحد وقدرتو على التحمل
فالتالي نقول ليك وللصحفية وللامين ولنفسي قبلكم انو الحمد لله ربي موجود ولو الناس ما حستش بينا اكيد ربي خير من الناس الكل
مشكورة عزيزتي لانو كل كلمة منك وابتسامة راهي تخفف بزاف

و عليكم السلام حبوبة
العفو غاليتي :Love: جامي واحد يشكيلك و تقوليله هكدا و انسان كي يشكي تعرفي وصلت بيه وين ميقدرش يحمل و ياما شكيت و بكيت علاش نهار نريح و ينحلو مشاكلي نسبو لي يشكو ولا نهينوهم حرام الدنيا تدور انا بالعكس و نقولها لاختي الكبيرة حكيلي بصح بشرط كي تكملي ديري بلي هم و رميتيه في البحر و خمي في الجاي لانه لو نبقو مع الالم الشيطان ميخليناش و يزيد يفركنا بفلانة و فلانة و ندخلو في دوامة و شكون يخرجنا منها :p

لكل انسان طاقة يقدر يحمل يحمل و يجي نهار ينفجر فقط منا حبيت نقوللكم شفتو ضحكتنا انا و بزاف اعضاء و هبالنا و تمهبيلنا و شفتو هذاك القلب راه رافد بزاف لو نحكي ممكن بزاف متفهمونيش :X3: اخر مرة وحدة قالتلي اصبري و قالتلي هكدا لو ما مشاكلنا مكانش الجنة و النار و لو مكانش المظلوم و الظالم لا جنة ولا نار فقط نصبرو و نباسمو و نعيشو بأمل انه يجي نهار ينحل كلش و لي مريض يبرا و لي مهموم يريح و هذاك الالم يروح بعيد
العفو غاليتي :Love: هذا ابسط حاجة نساعدة بيها بعضانا الكلمة الطيبة و نقولك تفرج باذن الله .. ربي اقوى
ربي يشافيك ليلوشة و يفرحك حبوبة :Love::Love::Love:.

 

[الأزرق الملكي]

السلام عليكم

كثرة الذنوب و تراكم المشاكل تؤذي إلى الهموم

عندما يراقب العبد تفاصيل حياته بدقة سيجد نفسه أن لا يسعى إلى حل مشاكله بل يؤجلها وهذا ما يجعلها متراكمة فيعجز ويصبح كئيب

اما الذنوب فهي لا تفتح باب الفلاح أبدا و تبعد النفس عن الاطمئنان في هذه الحالة يجب تصحيح المسار وإلا ستأخذ صاحبها إلى طريق مسدودة مليئة بالأشواك و الآلام .

المهم هذه نقاط الرئيسية التي تنكد الحياة و لا يوجد شخص يعيش بمثالية كلنا نمر بمرحلة صعبة لكن هناك من يتجاوزها بسرعة وهناك من لا يتجاوزها ويبقى غارق فيها .

ربي يعطيكم الهناء ​

 

[Salah eddin]

اللهم امين ... كلام جميل يحكي واقعنا و تفكرينا .و طريقنا فاتو منها بزاف كاين لي صبر و كاين لي لا و حنا نتمنو نصبرو و نكونو قويين
اسعدني مرورك عمو

الحمد لله
و يبارك فيك بنيتي
ههه
​

 

[دعاء الجنات]

أول مرة تقولي حاجة مليحة:p:p
هههههه نظحك برك ماتزعفيش فيتامين © المهم كلامك صحيح ختي أنا وحدة لوكان عاندت الحزن لوكان راني في الفراش ونستنا ملك الموت برك.... صح ساعات الإنسان يتشارجا ويحب يفضفض هذا ماكان لكن قلبي يبقى سعيد لأنو فيه ربي سبحانو وقلبي راه عليش بحب الله تعالى أما الناس كاين لي ماهداهمش ربي تعمر قلبهم بالحسد وتعمات عيونهم بصح نهار يكمل الشيطان خدمتو ويشوفهوم خلاص عليهم... هذاك نهار يفيقو على رواحهم... بصح فات الأوان لأنو لي يجرحك صعيب باه تمحيها ممكن تسامح بصح جامي تنسا...
شكرا هيبة. لازم نبقاو سعداء لأنو بعد 100 سنة برك نكونو احنا ماكانش ويكون جيل وحدآخر ونلقاو رواحنا ضيعنا عمرنا غير بالحزن والتشائم.
تحياتي

 

[دعاء الجنات]

السلام عليكم

كثرة الذنوب و تراكم المشاكل تؤذي إلى الهموم

عندما يراقب العبد تفاصيل حياته بدقة سيجد نفسه أن لا يسعى إلى حل مشاكله بل يؤجلها وهذا ما يجعلها متراكمة فيعجز ويصبح كئيب

اما الذنوب فهي لا تفتح باب الفلاح أبدا و تبعد النفس عن الاطمئنان في هذه الحالة يجب تصحيح المسار وإلا ستأخذ صاحبها إلى طريق مسدودة مليئة بالأشواك و الآلام .

المهم هذه نقاط الرئيسية التي تنكد الحياة و لا يوجد شخص يعيش بمثالية كلنا نمر بمرحلة صعبة لكن هناك من يتجاوزها بسرعة وهناك من لا يتجاوزها ويبقى غارق فيها .

ربي يعطيكم الهناء ​

بارك الله فيك أنا دائما أقول أن أكبر عدو للإنسان بعد الشيطان لعنة الله عليه هو ذنوبه فكم من انسان يذنب كيف يشاء ومتى يشاء ويعتقد أن يفعل مايشاء ولكن ينسى أن كل شيئ له ثمن.