البوم ذكرياتي .... ايه يا زمان وين راك

[ليليا مرام]

السلام عليكم يا جماعة الخير ويا الحاضرين واللي غايبين وتقرعجو علينا بالتخبية الحمد لله انكم بخير
اليوم يا جماعة حبيت انا ونتوما نجبدو

لالبوم نتاع التصاور ..... وصندوق الطفولة

اليوم نحكو على رواحنا وخلونا نضحكو شوي
ماكان لاه الوحدة تزوخ فينا ولا اوحد يزوخ ويقولك انا كنت وكنت وضرك يجي يهدر هلى الحطة
ايه يا السروال المقطع ارواح تشوف سراول بكري سنسلة فيه تقول رمانة هههه نروحو ليكول يا حسراه نحصلو ما تنحلش عكس سراول اليوم تضرب نسمة طاح السروال وديجا راهم قطعوه وهبطوه واش يزيدو
مولات الحطة نجبدو تصاورك نتاع بكري تبكي دم ههعهه يسشتشفى غير مالك وحكيم فينا وحتى هوما عندنا ما نستشفاو فيهم ونضحكو
كل واحد فيكم يجي يحكي واش كان يلبس ويجيبلي بواش كان يلعب وراح نبدا انا
قالكم انا كنت نموت على الصندالة هذي



والحطة واش نقولكم كانو اهلينا معجبني بينا الالوان غير الفقاعي ونموتو عليهم
كانو ليروب حمرا صفرا خضرا والكيكينات فالشعر ذيك هي مولات الحطة فيهم هههه
وسالوبات شعال كنت نلبسهم
والريبانات والالوان كل مرة نشري لون

واللي يجو من الحج نستناهم غير على جال هذا هههه هو نتاع ذكورة مي نحبو


والالعاب يا حسراه شوفو هذي كنت دايرة بيها رايي وطحت بها من بعد وليت شوفور نيميرو 1




ههههه بزاف العاب كانو المخيرين عندي ونموت عليهم
بساطتهم ما كناش نحسو بواش صاري فالدنيا والدينا الفقر مي عيشونا مليح ورباونا مليح وكنا قانعين ما كناش نشوفو لوليد فلان عندو اودي والا واش لابس كنا كامل فرحانين
تبدل الزمان وكل شي طور مي البنة راحت وولادنا عمرهم ماراح يعيشو واش عشنا حنا لانو ما راهمش يلعبو كيما كنا ما راهمش يعرفو للجار كيما كنا احنا
والله الجيل هذا نقولك راح نص عمرك لانو ما عشتش فالزمان نتاعنا
وشكون يشفى للخمسمية هههه


وهذي الفرانك كيمدوناها كي شفل عيد



والله يا جماعة صدقوني دمعو عينيا كي تفكرت زمان وبابا ربي يرحمو والطفولة وقداش كنت فرحانة وكانت حياتي هايلة يا ريتني ما كبرت والله

نخليكم نتوما تحكولي على طفولتكم وجيبولي تصاور واش كنتو تلبسو بواش تلعبو
اجبدو لالبوم خلونا نضحكو شوي
مالك ارواح يرحم باباك حابة نضحك انت والحلم الكبير الميقري نتاعنا ارواح ارواح المادام ما تقراش هههههه
شكرا والورد الاحمر ابدي لاروب الصفرا نتاعك
فتحي ماكان لاه تلعبها اليوم قناص وفالبيرو اجبد سروالك الازرق ههههه
ورينا التصاور كي كان شعرك غابة لامازون هههه
الخط ليكم​

 

[لؤلؤة قسنطينة]

السلام عليكم
موضوع هايل ختي ليليا والله صح الطفولة عندها حلاوة ماتروحش مهما تطور الزمن
المهم راني نرجع بإذن الله ونرد بما يليق بموضوع كيما هادا
خاطر ختك سبيسيال ذكريات ههههه اي حاجة تخص الذكريات تلقايني هنا
لي عودة ان شاء الله​

 

[العَنْقَاءُ]

أههههه
لولاد كانت عندهم كواسر وجوارح من ليل للّيل ، وكلاكات كاتيكا هاذيك يحملها في يدو تشوفيه طاير من شارع للشارع ميغ
راحت جيل تاع ذرك ما يعرفوهاش ، حتي تاع الحج راهم طورو كن ما يجيب أيفون 5 ولا بلاستيشن 4 راهم مايفرحوش لولاد
مرا جدي الله يرحمه جاب هذيك السوارة لنشوفو فيها مكة تعرفيها؟ عطاها لولاد قالولو يابوي هاذي وش نديرو بها عمارهم لسع 6 سنين
طورت الحالة سبحان الله بكري كانت النية في كلّ شيء .
يعطيك الصحة ليليا على التذكرة والسفرية معك في الزمن الذهبي

 

[بشرى ملاك]

وهاد الالعاب تعقلوهم

 

[العَنْقَاءُ]

هههه قرة

هاذي يقولولها نطيطة مزالت منتشرة شوية ، كانت عمتي خضرا الله يذكرها على خير ضالة تلعب فيها مرار على مرا كي تصل للحلقة الأخيرة وتصد ورائها باه تخير دار
تبعث حجرة فوق راسي تنوضلي حبات حبات في راسي ههه

 

[أم أُنٌَيسة]

السلام عليكم
مميز كالعادة
في المتابعة باذن الله
و ربما اعود
تحياتي​

 

[أم أُنٌَيسة]

مازلت نلعبها هههههههههه

تصدقي ؟؟ مازالو عندنا نفس الالوان تاعي الزرقاء و الحمراء لاختي الكبرى و الخضراء لاختي الصغرى

هدو عندي منهم يا حسراه نحب الوانهم

هدي لليوم نلعبها
نرسمو في فناء بيتنا ونلعبها

 

[Malika Tlm]

السلام عليكم
اه يا ليليا ختي واش جبدتيلنا
اه علي ايام الطفولة الراااائعة والله صدقيني مزالني لحد الان نروح للشارع لي كنت ساكنة فيه والمنزل نتاعنا ونوقف ويمر عليا شريط طفولتي
ونحوس علي ولاد وبنات الجيران لي كبروا
المهم حبيبتي دوك نرجعلك ونجيلك الصور هههه
ياريييييث يولي زمان فات ياريييث
مشكورة حبيبتي
تحياتي

 

[حلم كبير]

السلام عليكم و رحمه الله تعالى وبركاته

يعطيك الصحة والعافيه ختي الفرفوشة

الذكريات منين نبدا من ربع سنين ولا خمس سنين ولا عشرة......

كنت نلعب بصح ميش بالالعاب ،لانو حنا ما يشريولناش الالعاب

كنا نروحو للحمادة ونخيرو حجرات يشبهو للسيارات ونخيرو بلاصة فيها الظل ونديرو طرق وشوارع بالتراب ،ونبداو عن عن عن شتا البنات ولا الذراري.
ونبنيو ديار بالحجر والطين قدام الساقية ونتنافسو وشكون اللي دارو ابهى ونعدلوهم مليح ( الله غالب ما كانتش كاينة الصوارة في هاذاك الوقت ،نخدموهم تحفة ).

وحنا كنا عشرة الله يبارك خمسة بنات وخمس ذراري نديرو ماتش نتاع بالو والبالو نخدموه بالسواشي والخيوط والكتان ( ما عدا خويا الصغير خلاص ما يلعبش ) نديرو زوج افرقة ربعة ربعة والحكم ختي لكبيرة زعما هي ما تحبش تلعب معانا كبرت(بريستيج) ونقعدو كامل العشية نلعبو تسمعي غير تيري ياو تيري ،ولاخر يعيط ياو جي دفوع( زعما دفاع) وتزيدك نعرفو حتى التسلل و لاما ( زعما مسها بيديه ) خخخخخخ.

نتحاربو مع بعضانا بالزنباع ( ثمار الصنوبر) واللي تقاس الله يرحمو ،ميش من الضربة ياو من الوالدة تلحق عليه بطريحة لانو الوحيد اللي ما هربش والباقي أكل تفرg فالحمادة شواطن في حمادة وحدنا .

كل صباح نوضو رايحين للقراية على الاذاعة الوحيدة وعلى غنا ميادة الحناوي ،ووردة الجزائرية وزليخة وهاذيك اللي تغني : يا اللي عاقب منا وا... لابس الناضور ،والفيستا كحلة والصباط صبورا( زعما حذاء رياضي باسكات)

نطلعو مع الشجر نحيو الفاكية ،العشوش نتاع الوعل وما خليناهمش .
كنا نلعبو ثاني فالواد ،نروحو كامل مع الوالدة كي تعود رايحة تغسل الزور والملاحف والحنابل ( مسكينة أمي الله يذكرها على خير ويكون معاها ) تحطهم تغسلهم مع اختي الكبيرة وحنا ذراري وبنات نروحو نديرو سد فالواد نتاع حجر ونعومو .

صرحنا بالمعز والشياه وصرحنا بالدنودة ( جمع دند وهو الديك الرومي :p)

لبسنا المقطع اللي راه ولا اليوم مودا

الحلاوة هاذي تجي كيما المنام ،بصح عندنا ما أحلى منها ،التمر ،والوالدة كانت تديرلنا الgاطو السابلي وتديرلنا خبز الدار ( لحد الان ما صادفتش واحد يديرو كيما هي ).

والله يا كي يجي الربيع وتخدملنا الوالدة هاذوك الربيعات ( خبزات كسرة صغيرين تزينهم بالمgواسة والخاتم قبل ما يطيبو وتطليهم بصفار البيض كي يطيبو ) ويملاولنا الطلاعة الصغيرة تمر وتشينة ومبرجا ( البراج) ونروحو للتل نربعو ونغنيو : بوربيع الربعاني كل عام تلقاني انا وأمي وأبي وخوياني ونملاو الطلالع نوار بعد ما كلينا كلش ونروحو للدار في اتم السعادة نرقدو بلا عشى( شبعناها كسرا ومبرجة وخضرا من برا ....)

ياااااه يا ختي وين راها يامات زمان ،رحت ومانيش حاب نولي .....
يعطيك الصحة درتي موضوع مختلف وينحي على الخاطر

تقبلي مروري مع فائق الاحترام والتقدير
حلم كبير​

 

[Only me]

( خبزات كسرة صغيرين تزينهم بالمgواسة والخاتم قبل ما يطيبو وتطليهم بصفار البيض كي يطيبو )

عجبتني لاروسات هههههه
والله طريقتك في سرد الذكريات خليتني نعيشهم في لحظة

 

[Only me]

باين من الصور عشتي طفولة سعيدة

 

[دعاء الجنات]

ايه يامات زمااااان وشحاااال كانو شابين شكرا ليليا فكرتينا في يامات زمان كانت ايام جميلة مختلطة بأيام حزينة وهاذي هي سنة الحياة ، شكرا حبيبتي

 

[حلم كبير]

عجبتني لاروسات هههههه
والله طريقتك في سرد الذكريات خليتني نعيشهم في لحظة

لا حبيتي تسييها ما تنسايش حقوق الطبع محفوظه لامي ،وبراءة الاختراع هههههه
سعيد انها اعجبتكي ،بارك الله فيك
احترامي وتقديري

 

[Only me]

لا حبيتي تسييها ما تنسايش حقوق الطبع محفوظه لامي ،وبراءة الاختراع هههههه
سعيد انها اعجبتكي ،بارك الله فيك
احترامي وتقديري

مهما حاولت ، تبقى لمسة الوالدة تشكل كل الفرق

 

[ليليا مرام]

السلام عليكم
موضوع هايل ختي ليليا والله صح الطفولة عندها حلاوة ماتروحش مهما تطور الزمن
المهم راني نرجع بإذن الله ونرد بما يليق بموضوع كيما هادا
خاطر ختك سبيسيال ذكريات ههههه اي حاجة تخص الذكريات تلقايني هنا
لي عودة ان شاء الله​

السلام عليكم اختي مريومة يعطيك الصحة على اعتماد الموضوع
ايه عربني وارجعي رانا خلينالك الستاد نعرف ردك ههه
ارواخي خليني نعرف واش كنتي تلبسي ههه
شكرا

 

[ليليا مرام]

أههههه
لولاد كانت عندهم كواسر وجوارح من ليل للّيل ، وكلاكات كاتيكا هاذيك يحملها في يدو تشوفيه طاير من شارع للشارع ميغ
راحت جيل تاع ذرك ما يعرفوهاش ، حتي تاع الحج راهم طورو كن ما يجيب أيفون 5 ولا بلاستيشن 4 راهم مايفرحوش لولاد
مرا جدي الله يرحمه جاب هذيك السوارة لنشوفو فيها مكة تعرفيها؟ عطاها لولاد قالولو يابوي هاذي وش نديرو بها عمارهم لسع 6 سنين
طورت الحالة سبحان الله بكري كانت النية في كلّ شيء .
يعطيك الصحة ليليا على التذكرة والسفرية معك في الزمن الذهبي

السلام عليكم اختي اهلا وسهلا بيك
ايه والصوارة ننساها هبلتي انا كانو يهفوني يقولولي ذيك هي مكة راهي الداخل وانا نفرح كي يجو نشوف فيها ونعاود يا حسراه كانت اغلى هدية نستناو الحجاج عليها والمسايس ههه
كنا نلعبو مع الذكور نورمال ما عندناش الحيلة نخيرو العريس هههه كبرو وما داونا ما والو ههه ضيعنا غير وقتنا معاهم هههه
النية هي اللي غابت بين الناس
ويعطيك الصحة انتي ثاني شكرا

 

[ليليا مرام]

وهاد الالعاب تعقلوهم

اهلا بشرى ايه ضرك نسيميهملك
هذي القريدة

صوارة مكة يجيبوها الحجاج

البي نتاع ذكور وتعلمنا نلعبو بيهم

لاماغين معشوقة الجماهير منين ذاك نرسمها فالدار ونلعب وحدي ههه

هذي ايه اللي يطيحها انا كنت نغش نجيب حجر كبار ومن بعيد نرميه نحرم اللعب عليهم ههه

بشرى راكي من الجيل الذهبي كبرنا وندمنا ياو شكرا

 

[ليليا مرام]

السلام عليكم
مميز كالعادة
في المتابعة باذن الله
و ربما اعود
تحياتي​

السلام عليكم اختي اهلا وسهلا نورتيني
تسلمي نحبك تشاركي ومش تابعي ورك نستناك ترجعي تحكيلي وواش كنتي تلبسي الوقت هذاك لو تشفايلو او حتى طفولتك احكينا عليها وواش تبدل فرايك

 

[ليليا مرام]

السلام عليكم
اه يا ليليا ختي واش جبدتيلنا
اه علي ايام الطفولة الراااائعة والله صدقيني مزالني لحد الان نروح للشارع لي كنت ساكنة فيه والمنزل نتاعنا ونوقف ويمر عليا شريط طفولتي
ونحوس علي ولاد وبنات الجيران لي كبروا
المهم حبيبتي دوك نرجعلك ونجيلك الصور هههه
ياريييييث يولي زمان فات ياريييث
مشكورة حبيبتي
تحياتي

سلام عليكم مليكة واش راكي واش راها تلمسان وطاحت المطر كاش ببوش راح يولي خنفوس من وعدتيني عندو عامين
انا ضرك فالحومة ذاك النهار عاودو الGودرو وراكي عارفة كنا صغار نحبوه جديد وسخون ونجرو فيه عيطت لجارتي قتلها اليوم وماشي كل يوم انا طالعة هابطة نجري فيها بالحفا هههه جارتي تبكي من الضحك تقولي مهبولة ضرك يقولو هبلت قتلها نورمال قوليلهم تتوحم ههههه جريت حتى شبعت ههه

يا ريت يولي الزمان يا مليكة مي لالاسف راه يمشي وناس بكري راحو واللي بقاو تبدلو
الله يجعل الخير
العفو نستنامك عاودي ارجعي نعرف واش كنتي تلبسي وكيفاه كانت طفولتك
وعليكم السلام شكرا

 

[ليليا مرام]

السلام عليكم و رحمه الله تعالى وبركاته

يعطيك الصحة والعافيه ختي الفرفوشة
السلام عليكم خونا الميGري ويعطيك الصحة نهارك مبروك

الذكريات منين نبدا من ربع سنين ولا خمس سنين ولا عشرة......

كنت نلعب بصح ميش بالالعاب ،لانو حنا ما يشريولناش الالعاب
ايه والحلاوة هناك ماكناش نشرو الالعاب من العيد للعيد نصهم نخدموهم حنا

كنا نروحو للحمادة ونخيرو حجرات يشبهو للسيارات ونخيرو بلاصة فيها الظل ونديرو طرق وشوارع بالتراب ،ونبداو عن عن عن شتا البنات ولا الذراري.
ونبنيو ديار بالحجر والطين قدام الساقية ونتنافسو وشكون اللي دارو ابهى ونعدلوهم مليح ( الله غالب ما كانتش كاينة الصوارة في هاذاك الوقت ،نخدموهم تحفة ).
يعني تبنو شوارع وطرق روعة كنتو ميار الله يبارك من بكري ههههه

وحنا كنا عشرة الله يبارك خمسة بنات وخمس ذراري نديرو ماتش نتاع بالو والبالو نخدموه بالسواشي والخيوط والكتان ( ما عدا خويا الصغير خلاص ما يلعبش ) نديرو زوج افرقة ربعة ربعة والحكم ختي لكبيرة زعما هي ما تحبش تلعب معانا كبرت(بريستيج) ونقعدو كامل العشية نلعبو تسمعي غير تيري ياو تيري ،ولاخر يعيط ياو جي دفوع( زعما دفاع) وتزيدك نعرفو حتى التسلل و لاما ( زعما مسها بيديه ) خخخخخخ.
ايه نتوما تلعبو فبعضاكم ولاد العم وخاوتك ما دخلوش البراني معاكم والا تلعبو كامل ولاد الجيران
ايه احنا ثاني كنا نخدمو البالو بالساشيات ونربطوه ونلعبو بنات كونتر الذكور
نتحاربو مع بعضانا بالزنباع ( ثمار الصنوبر) واللي تقاس الله يرحمو ،ميش من الضربة ياو من الوالدة تلحق عليه بطريحة لانو الوحيد اللي ما هربش والباقي أكل تفرg فالحمادة شواطن في حمادة وحدنا .
ايوا جبتلي المفيد وانا نقول واش هو الزنباع مي ندابزو يقولك نوريلك الزنباع وين يتباع راه عندكم اسيدي ههههه وهطي تستاهل عليها صنيوة بقلاوة فالطيارة لفخنسا مي كولها وحدك ما نحبش القاوريات ياكلو طيابي ياكلو الرهج
واش هي الحمادة يا حلم بلاصة والا واش

كل صباح نوضو رايحين للقراية على الاذاعة الوحيدة وعلى غنا ميادة الحناوي ،ووردة الجزائرية وزليخة وهاذيك اللي تغني : يا اللي عاقب منا وا... لابس الناضور ،والفيستا كحلة والصباط صبورا( زعما حذاء رياضي باسكات)
انا ضرك نحتاج للحن ايرجو هههه كنت نروح نقرا نشفا كانت حرب الخليج وكان ميكي قبل ما يبداو النشرة نعنوع الدلوع محال نقرا قبلم ام نتفرجو
وزليخة نسمعها فالاذاعة ووليت نحبها مناك ونسمعها وثاني هذاك مازال حي يا رب اه المازوني ههههه
نطلعو مع الشجر نحيو الفاكية ،العشوش نتاع الوعل وما خليناهمش .
كنا نلعبو ثاني فالواد ،نروحو كامل مع الوالدة كي تعود رايحة تغسل الزور والملاحف والحنابل ( مسكينة أمي الله يذكرها على خير ويكون معاها ) تحطهم تغسلهم مع اختي الكبيرة وحنا ذراري وبنات نروحو نديرو سد فالواد نتاع حجر ونعومو .
ربي يطول عمرها ويخليهالك يا رب تعبو اهلينا الله يجعل يسمحونا وتحملو على جالنا
ايه نتوما ذكورة هذا واش تعرفو ديرو المرا تتعب ونتوما فالوديان متشردين وتجو ضرك تعرفو للماكلة وتتشرطو ههه
صرحنا بالمعز والشياه وصرحنا بالدنودة ( جمع دند وهو الديك الرومي :p)
يا يمى لو يخلصوني بالدولار ما نسرح بالداند كنت نخافو نحكيلك اول مرة شفت داندة ما نعرفهاش
رحت نجر ي للدار طيارة لبابا ربي يرحمو تمدلي ضرك دراهم نجيلكم حاجة كبيرة والله ما تامنو ربي يرحم بابا ما يردلي حتى طلب
مدلي وقالهم واش راح تجيب قتلهم ضرك تشوفو واش نجيب قبل ما يدوها الجيران راهي كبيرة ببزاف
رجت للبوشي وشريتها كاملة وما قدترش نرفدها كانت كبيرة عليا هههههه وجبتها ونطبطب تلمو فالدار بابا يقولي واش شريتي واش هذا
فتحتها قتلههم شوفو هذي جاجة كبيرة قالي البوشي هذا وين ماتت عاشت بزاف هههههههه جامي ننساها هوما يبكو من الضحك وانا مكرزة فالارض ونبكي على جال يضحكو عليا ههههه
وقعدو سنوات يعايروني بها الداندا اللي حسبتها جاجة عاشت بزاف ههه
كانت بنت جيرانا تروح تسرح مع خوها ونحب نروح معاهم فالحق عيني في خوها ماشي فالسريح نهار تزوج قتلو عندي ما سرحت على جالك وانت خليتني هذا جاري وما نحجبش منو ضحك قالي مكتوب فاقو ام الجملة الشهيرة ههه
لبسنا المقطع اللي راه ولا اليوم مودا

الحلاوة هاذي تجي كيما المنام ،بصح عندنا ما أحلى منها ،التمر ،والوالدة كانت تديرلنا الgاطو السابلي وتديرلنا خبز الدار ( لحد الان ما صادفتش واحد يديرو كيما هي ).

والله يا كي يجي الربيع وتخدملنا الوالدة هاذوك الربيعات ( خبزات كسرة صغيرين تزينهم بالمgواسة والخاتم قبل ما يطيبو وتطليهم بصفار البيض كي يطيبو ) ويملاولنا الطلاعة الصغيرة تمر وتشينة ومبرجا ( البراج) ونروحو للتل نربعو ونغنيو : بوربيع الربعاني كل عام تلقاني انا وأمي وأبي وخوياني ونملاو الطلالع نوار بعد ما كلينا كلش ونروحو للدار في اتم السعادة نرقدو بلا عشى( شبعناها كسرا ومبرجة وخضرا من برا ....)
عيط لامك ربي يحفظها وابعثلي فاتورة المكالمة كيما قال هواري بومدين ربي يرحمو انت لااهدر وانا نخلص مهم جيبنا لاروسان او كي تجي للبلاد قولها ديرهملك وصورنا

ياااااه يا ختي وين راها يامات زمان ،رحت ومانيش حاب نولي .....
يعطيك الصحة درتي موضوع مختلف وينحي على الخاطر

تقبلي مروري مع فائق الاحترام والتقدير
حلم كبير​

والله يا خويا قريت ونتخيل كل شي روعة روعة والله ماكان قد معيشة الريف وولاد الجيران والنية خسارة كلشي راح والله
ومرورك كيفاه ما نتقبلوش يا الميقري راك ديتنا بعيد
شكرا