البوم ذكرياتي .... ايه يا زمان وين راك

[racha001]

كي نتفكر دكرياتي نتمنى غير كون نرجع في الزمن ونعيش فيها و منكبرش كامل دوكا كلش تبدل

 

[ليليا مرام]

كي نتفكر دكرياتي نتمنى غير كون نرجع في الزمن ونعيش فيها و منكبرش كامل دوكا كلش تبدل

السلام عليكم رشا
ايه وعلى هذا نقول كبرنا وندمنا والله الذكريات اعز شي عند الانسان يروحو ما يبقا والو
شكرا

 

[الورد الأحمر]

السلام عليكم ورحمة الله وبركاته

ههه ضحكتيني ليليا مي الصندالة هذيك لي كنتي تموتي عليها أنا كنت نكرها لربي وعمري لبستها وكنت نضحك على لي يلبسوها تسمى كون جينا ولاد حومة وحدة وضحكت عليك كنتي تجبدي فيا بكف تبشعيلي وجهي هههه ... بون أنا كنت في اللول من الجماعة هذوك لي زعمة ما يخالطوش وما يلعبوش ألعاب العنف وما يمسوش لرض والتراب على خاطر كون نخمج روحي ماما تعيط عليا عندنا قانون صارم نحو الجراثيم في دارنا مالا كنت من صاحبات اللون الوردي والريبونات وردي والغوبات الوردي مبعد كبرت شوية بديت نتمرد ما خليت حيط ما تسلقتو ما خليت شباك ما طلعت فيه كي القرد ما خليت غصن تاع شجرة ما طلعتش ليه ما خليت باغوداج تاع ثاقة ما تعلقتش فيه ما خليت تراب ما خليت طين مي كنت ناكل التبهديل في النهاية بصح هذاك هو الشاغم واش هذا لي نلعب افتحي يا وردة اغلقي يا وردة ماما شبعتني خرطي بلي هك يلعبو لبنات مالا بطلت نكون من لبنات ورجعت ذكور خخخخ.

أنا ما كنتش نلعب بلعبة معينة برا كنت نحب ندخل للجاغدان ونصيد الكوكسينال في وقت الربيع كنت نهبط معايا بواطة كبيرة تاع نيفيا البيضا فارغة ونعمرها حشرات ونطلع بيها للدار تولي ماما تزعطني برا تقولي فرغيها ارجعي جيبي كوكسينال واحد برك {أمي تعرف كيف تحطم أحلام طفلة} ولا كنت نحب نصايد اليعسوب ونربطو في المفتاح تاع لخزانة وكيف كيف ماما تسمطهالي وتطلقو.

بصح تقى باغبي اللعبة الوحيدة والمفضلة عندي لي لدرك مازلت نموت عليها ومخبيتها ومهما تمردت واسترجلت نرجع ليها أنثى ونلعب بيها ونخيطلها.

آه ونسيت حاجة كنت نموت عليها واش هي؟ نضرب هشام جارنا لي كبير عيا بعامين هههههه كل يوم على الساعة الثامنة صباحا قبل ما ندخلو نقراو . ما تهنى مني غير كي بدلي بابا ليكول وليت ما نطيحش فيه باه نضربو. وكان سفيان تاني جارنا نظلم أختو خديجة باه تروح تستنجد بيه ويجيني يفرفط لاماه ضربتيها نزيد نتلاح ليه وهو يولي يخاف وكي نمارس عليه الترهيب والتخويف ويروح مطأطأ الرأس نقوللها هاااااا واش دارلك خوك فواش فادك؟ وطبعا خديجة هذي كنت نموووووت عليها :Love: ههههه كنت منين نخرج برا نقوللها خديجة أرواحي نروحو لهذيك الدورة نلعبو وتجي معايا نحكمها في ديك الدورة الخالية نعطيها طريحة ونبعتها تبكي وكل يوم نقوللها هك وهي ما تعتبرش تغرها النبرة تاع صوتي تجي معايا مسكينة في بالها تلعب نزيد نضربها ونبعتها تبكي حتى لاحظتني اختي مرة قالتلي واش بيك منين تشوفي خديجة تتحيري وتروحي وتخلينا وين راكي تروحي ؟ وطبعا ما نقوللهاش سي نو تبيّع بيا لبابا بلي راني نظلم ولاد الناس ويبطلو يخلوني نخرج برا .

آآآآه وينك يا خديجة توحشتك أم نقلو درك ليهم زمان بدلو السكنة وأنا بقيت بلا خديجة

 

[البحر الهادي]

السلام عليكم اخي الحبيب اسمحلي طولت فالرد
نونو علاهزنحشمك الذكريات هذو احسن شي في حياتنا
ايه انت كيفي نحب الطبيعة والريف. والشجر والوديان نحب الجو هذاك
مي يقولو الاساتذة مشحاحين وصح زوج.كلمات قلتهم ارواح احكينا واش كنت دير والعابك وواش كنت تلبس بلا حشمة وشعرك ههههه قالولي كنت روشيرشي من عند الحفافين ههته
شكرا

وعليكم السلام ورحمة الله
ههههههه
كنت نحب الكرة بزاف واب كان يقتلني عليها كي مانقومش بالأعمال معاه مي أنا كنت مايهمنيش الضرب المهم نلعب الكرة
كنت نظل سايح في الطبيعة ههههههه
وكنت نحب الرسوم المتحركة هههههه
وههههه وأما شعري كنت نطلعه للوراء [ماتحشمينيش بزاف]
ماكنتش نلبس السرواليل مقطعين لالا
واما ديك الصندالا ربما لبستها مانشفاش عليها
كنت نهتم بالباس شوية شوية

 

[زهور الأمل]

يا حسراه
انا بابا كان هو يختارلي ملابسي
يشريلي فساتين جميلة تحيبي عندو اميرة فالدار
ولى كنت نتمناها يشريهالى حسب مقدوره حيث انا الطفلة الوحيدة
وماما ديما توععدني بهدية ادا جبت مليح فالدراسة
ولكنى كنت بعقليه ميكانيكية صغيرة الحاجة لى تشريهالى نديمونطيها ههه

 

[ليليا مرام]

السلام عليكم ورحمة الله وبركاته
وعليكم السلام اهلا وسهلا
ههه ضحكتيني ليليا مي الصندالة هذيك لي كنتي تموتي عليها أنا كنت نكرها لربي وعمري لبستها وكنت نضحك على لي يلبسوها تسمى كون جينا ولاد حومة وحدة وضحكت عليك كنتي تجبدي فيا بكف تبشعيلي وجهي هههه ..
هي بيناتنا لو فحومة وحدة وضحكتي الكف انا عندي نتاع الجايحين ياو شعرك يولي مكنسة نتاع البلدية قالو كف يا مرا انعلي بليس اتا نتاع تكركير من الشعر والعض ههه

. بون أنا كنت في اللول من الجماعة هذوك لي زعمة ما يخالطوش وما يلعبوش ألعاب العنف وما يمسوش لرض والتراب على خاطر كون نخمج روحي ماما تعيط عليا عندنا قانون صارم نحو الجراثيم في دارنا مالا كنت من صاحبات اللون الوردي والريبونات وردي والغوبات الوردي مبعد كبرت شوية بديت نتمرد ما خليت حيط ما تسلقتو ما خليت شباك ما طلعت فيه كي القرد ما خليت غصن تاع شجرة ما طلعتش ليه ما خليت باغوداج تاع ثاقة ما تعلقتش فيه ما خليت تراب ما خليت طين مي كنت ناكل التبهديل في النهاية بصح هذاك هو الشاغم واش هذا لي نلعب افتحي يا وردة اغلقي يا وردة ماما شبعتني خرطي بلي هك يلعبو لبنات مالا بطلت نكون من لبنات ورجعت ذكور خخخخ.

ايه وانا دايما نقول الذراري اطلقوهم خاطر السجنة هاهي واش دير ختنا ولات كالقرودة تتعلط ما خلات لا حيطان ولا باروداج والو انا ما نلومكش الصراحة زيروك وكي انطلقتي تشردتي تبا حطمتيلي طفولتي عتد بالي غير انا موكلي فوق الشجرة خرجو الخاوة كامل كالطرزان ربي يستر عندك ما درتي راني خايفة اذا مازلتي هههه

أنا ما كنتش نلعب بلعبة معينة برا كنت نحب ندخل للجاغدان ونصيد الكوكسينال في وقت الربيع كنت نهبط معايا بواطة كبيرة تاع نيفيا البيضا فارغة ونعمرها حشرات ونطلع بيها للدار تولي ماما تزعطني برا تقولي فرغيها ارجعي جيبي كوكسينال واحد برك {أمي تعرف كيف تحطم أحلام طفلة} ولا كنت نحب نصايد اليعسوب ونربطو في المفتاح تاع لخزانة وكيف كيف ماما تسمطهالي وتطلقو.
ايه كنت من جماعة الحشرات انا نلم الفيران والقرلوات للبنات فليكول والكوكسينال نغنيلها فوق يدي باه طير كنت نحبها ونكره الخنفوس نعييييفو

بصح تقى باغبي اللعبة الوحيدة والمفضلة عندي لي لدرك مازلت نموت عليها ومخبيتها ومهما تمردت واسترجلت نرجع ليها أنثى ونلعب بيها ونخيطلها.
وانا علاه كونتر البنات ذيك باغبي ما جاتش على قوسطويا ما نعرف رحليها رقاق بزاف انا لعبت بالعاب الذكور الدمى وهذو نغتبرهم ضعف ههههه كنت نحب العنف هههه كوابس البالو التيربولا نصيدو بيها هههه
آه ونسيت حاجة كنت نموت عليها واش هي؟ نضرب هشام جارنا لي كبير عيا بعامين هههههه كل يوم على الساعة الثامنة صباحا قبل ما ندخلو نقراو . ما تهنى مني غير كي بدلي بابا ليكول وليت ما نطيحش فيه باه نضربو. وكان سفيان تاني جارنا نظلم أختو خديجة باه تروح تستنجد بيه ويجيني يفرفط لاماه ضربتيها نزيد نتلاح ليه وهو يولي يخاف وكي نمارس عليه الترهيب والتخويف ويروح مطأطأ الرأس نقوللها هاااااا واش دارلك خوك فواش فادك؟ وطبعا خديجة هذي كنت نموووووت عليها :Love: ههههه كنت منين نخرج برا نقوللها خديجة أرواحي نروحو لهذيك الدورة نلعبو وتجي معايا نحكمها في ديك الدورة الخالية نعطيها طريحة ونبعتها تبكي وكل يوم نقوللها هك وهي ما تعتبرش تغرها النبرة تاع صوتي تجي معايا مسكينة في بالها تلعب نزيد نضربها ونبعتها تبكي حتى لاحظتني اختي مرة قالتلي واش بيك منين تشوفي خديجة تتحيري وتروحي وتخلينا وين راكي تروحي ؟ وطبعا ما نقوللهاش سي نو تبيّع بيا لبابا بلي راني نظلم ولاد الناس ويبطلو يخلوني نخرج برا .
هذا هشام وين راه ولاخر تبوانتيلو على 8 انا كان جارنا ما يروحش يقرا يوصلو باباه يخاف مني هههه واكبر مني فمرة بابا ربي يرحمو رفدني من فوقو قتلتو هههه قالهم اسمحولي الطفل اللي عندي متشرد ههههه شبعني بخص فالدار تتضاربي مع الاولاد احشمي على روحك هههه ومناك كبرت وانا متناقرة معاهم ههه
آآآآه وينك يا خديجة توحشتك أم نقلو درك ليهم زمان بدلو السكنة وأنا بقيت بلا خديجة

اللي يعرف خديجة يتصل بالمنتدى خاطر ميم انا خدمتلي عليها وهشام هذا لازم نجيبوه حي والا ميت قطفتحي وليد سكيكدة خدمتك تحوسنا على خديجة وهشام وبلاك تزوجو ههه. ويقعدو يتفكروك ويدعو عليك ههههه
ضحكتيني

 

[ليليا مرام]

يا حسراه
انا بابا كان هو يختارلي ملابسي
يشريلي فساتين جميلة تحيبي عندو اميرة فالدار
ولى كنت نتمناها يشريهالى حسب مقدوره حيث انا الطفلة الوحيدة
وماما ديما توععدني بهدية ادا جبت مليح فالدراسة
ولكنى كنت بعقليه ميكانيكية صغيرة الحاجة لى تشريهالى نديمونطيها ههه

السلام عليكم اختي فدوى
حتى انا عشت مدلله والدي واللي نحبها تكون عندي عمرو لا يقولي ما عنديش ولما كبرت ومات انتقمو مني تحرمت من كل شي الحمد لله
الطفولة نعمة لما كبرت ومرضت وليت نقول يا ريتني مت وانا طفلة صغيرة
امالا انت عقلية ميكانيك تكشري انا عكسك نحافظ على الحاجة كي نتقلق نكسر العاب اختي والا بنات. الخال والا العم حاجتي انا يا حسراه وين يلقاوها بله يكسروها مخبيتها وغير انا نعرف بلاصتها هههه
اجمل شي فحياتنا الذكريات. شكرا

 

[Salah eddin]

السلام عليكم
و لله يا اختي ليليا راكي رجعتيلنا الذكريات تاع 15 سنة للوراء
كي نتفكر الكبوس هذك تاع الاصوات ...جبولي الشيخ الله يرحمو ن كنت صقير
و بديت نتيري على خاوتي
ههه
ما خليت حتى واحد
و كي نتفكر الجوي هذيك

و يا حسراه ...نهار جابلي بوي الله يرحمو الكابوس تاع القرطاس

و اللهيتحسر الواحد على هذاك الوقت و الزمان
و ثاني الرورمة لي كنا نديروها انا و اصحابي و نطلقوها مع الحدرة
ههه

ايييييييه ...ايــــــــــــــــــــه
و الله يحفظك يا ليليا
راكي فكرتينا في وقت الرحمة و العافية
بارك الله فيك
شكرا
​

 

[ليليا مرام]

السلام عليكم
و لله يا اختي ليليا راكي رجعتيلنا الذكريات تاع 15 سنة للوراء
كي نتفكر الكبوس هذك تاع الاصوات ...جبولي الشيخ الله يرحمو ن كنت صقير
و بديت نتيري على خاوتي
ههه
ما خليت حتى واحد
و كي نتفكر الجوي هذيك
مشاهدة المرفق 62511
و يا حسراه ...نهار جابلي بوي الله يرحمو الكابوس تاع القرطاس

و اللهيتحسر الواحد على هذاك الوقت و الزمان
و ثاني الرورمة لي كنا نديروها انا و اصحابي و نطلقوها مع الحدرة
ههه
مشاهدة المرفق 62512
ايييييييه ...ايــــــــــــــــــــه
و الله يحفظك يا ليليا
راكي فكرتينا في وقت الرحمة و العافية
بارك الله فيك
شكرا
​

السلام عليكم صلاح الدين
ويحفظك ربي يرحم والدك ووالدي الله يغفرلهم ويكونو من اهل الجنة ان شاء الله
يا صلاح فكرتني فالروبمة الرانج فال تسعينات هههه كنا نحلو الذكور يخدموهانا ونتاع لبنات نديرو فيهم تيكيات نتاع رسوم بنات ونشبحوهم بصوالح البنات طونوبيل نتاع بنات هههه ولاكورس هههه
شفت يا صلاح شعال كانت النية والقلوب صافية الفقر وي مي راحة البال ومهنيين
الجيل هذا والله ما يقدر يعرف بنة واش عشنا
شكرا

 

[الورد الأحمر]

اللي يعرف خديجة يتصل بالمنتدى خاطر ميم انا خدمتلي عليها وهشام هذا لازم نجيبوه حي والا ميت قطفتحي وليد سكيكدة خدمتك تحوسنا على خديجة وهشام وبلاك تزوجو ههه. ويقعدو يتفكروك ويدعو عليك ههههه
ضحكتيني

ههههههه
هشام راه مازال جاري وكنت كي يحكولي على واحد باشع نقوللهم باشع كتر من هشام ؟ خخخخ كان مقياس البشوعة عندي مي درك تنقى يا بنتي عاد باهي وكلش تسمى التشرد تاع الصغر برك كان مبشعو ههههه مي خديجة وسفيان رحلو ومن هذاك اليوم ما بان عليهم خبر جيبوهملي أحياء أم أموات هههه

 

[ليليا مرام]

ههههههه
هشام راه مازال جاري وكنت كي يحكولي على واحد باشع نقوللهم باشع كتر من هشام ؟ خخخخ كان مقياس البشوعة عندي مي درك تنقى يا بنتي عاد باهي وكلش تسمى التشرد تاع الصغر برك كان مبشعو ههههه مي خديجة وسفيان رحلو ومن هذاك اليوم ما بان عليهم خبر جيبوهملي أحياء أم أموات هههه

والله ما تعرفيلها ياك اللي بشعيين فالصغر يرجعو بوقوسيين فالكبر انا كنت دايرة حسابي هههه
مازال جارك وماراهش يحشم كي يشوفك دا من عندك طرايح تبهديل هههه يمشي بوجهو صحيح هههه
ايه خديجة وسفيان رفعنا ملفهم للدياراس يجيبوهم مسيو فتحي القناص الدوسي طلعلو للبيرو خدمتو سكيكدة ولايتو ايرجو يبيننا خدمتو والا شاد الغاريتا يعس فينا برك ديجا البارح شفت لازيير الاحمر يدور جهتي كان معول عليا ههههه

 

[زهور الأمل]

السلام عليكم اختي فدوى
حتى انا عشت مدلله والدي واللي نحبها تكون عندي عمرو لا يقولي ما عنديش ولما كبرت ومات انتقمو مني تحرمت من كل شي الحمد لله
الطفولة نعمة لما كبرت ومرضت وليت نقول يا ريتني مت وانا طفلة صغيرة
امالا انت عقلية ميكانيك تكشري انا عكسك نحافظ على الحاجة كي نتقلق نكسر العاب اختي والا بنات. الخال والا العم حاجتي انا يا حسراه وين يلقاوها بله يكسروها مخبيتها وغير انا نعرف بلاصتها هههه
اجمل شي فحياتنا الذكريات. شكرا

الخير فيما اختاره الله
وحافظي على نفسيتك الجميلة كما كنتى تحافظي على العابك عزيزتي
تقبلي مروري

 

[ليليا مرام]

الخير فيما اختاره الله
وحافظي على نفسيتك الجميلة كما كنتى تحافظي على العابك عزيزتي
تقبلي مروري

اهلا فدوى اختي
ربي يحفظك ويجمل ايامك ان شاء الله
شكرا

 

[آمِيْرَتُه]

السلام عليك
يا حسراه فكرتيني بيامات زمان
بابا ربي يرحمه بكري كان عندنا مصنع نتاع نعايل بلاستيك كيما لي في صورة كان يجيبلنا لي يبقى باه يبيعه لجارنا ربي يرحمه حتى هو توفى اختي كانت تحكم تلبس كل يوم لون ههه وقبل مايرجع لدار تروح تغسلهم وتنشف وترجعه للصاشية كأن حاجة مصرات حتى فاق بيها كلات طريحة عمرها متنساها هههه
لعبت في صغري بزاف العرايس المسمار الميديا الكوردا كنت نجمع علك فلة اه ياحسراه الغميضة و حتى حارس كرة قدم فالحي مع ولاد جيران خخخخخخ مبولحي وماشي كيفي وكنت لي يضربه كاش واحد ولا وحدة تديني ليه بصح مكنتش نحقر نعاون برك ونتحامة هههه ياريت يرجع الصغر غير نهار

 

[ليليا مرام]

السلام عليك
يا حسراه فكرتيني بيامات زمان
بابا ربي يرحمه بكري كان عندنا مصنع نتاع نعايل بلاستيك كيما لي في صورة كان يجيبلنا لي يبقى باه يبيعه لجارنا ربي يرحمه حتى هو توفى اختي كانت تحكم تلبس كل يوم لون ههه وقبل مايرجع لدار تروح تغسلهم وتنشف وترجعه للصاشية كأن حاجة مصرات حتى فاق بيها كلات طريحة عمرها متنساها هههه
لعبت في صغري بزاف العرايس المسمار الميديا الكوردا كنت نجمع علك فلة اه ياحسراه الغميضة و حتى حارس كرة قدم فالحي مع ولاد جيران خخخخخخ مبولحي وماشي كيفي وكنت لي يضربه كاش واحد ولا وحدة تديني ليه بصح مكنتش نحقر نعاون برك ونتحامة هههه ياريت يرجع الصغر غير نهار

اهلا بيك هنا
ربي يرحم كل موتانا وموتى المسلمين يا رب
انا كنت نحبهم ونبدل الالوان خفاف ودحس بيها فكل بلاصة
والله يا مبولحي لازم زطشي يسمع بختنا هههههه اونكا مبولحي طاح مريض ههههه
تتحماي املا نحتاجك هنا كاين اللي قريب نعطيهم طريحة
ايه والله يا ريت نرجعو غير نهار للطفولة
شكرا

 

[الأميرة الخجولة]

هههههههههههه متفكرنيش ههههه ذكريات مهما نكبرو ميتنساوش
انا واحدا من ناس دايمن رايني حاطا صور وقشي كي كنتي صغيرا دايمن نتفكر هههه والوااالديين ن كيفاش قلشونا مخلو حتى حاجة في خطرنا صراحة حنا واه عسنا طفولة وصغر
ماشي دركا حلو عينهم ديراكت علا طابلات هههه