عرفنا به إن كنت بطيفه عارفا .. أو تعرف عليه الطبعة الثانية العدد......... (01)

[أم أُنٌَيسة]

تقصدين عضو هنا ؟ هههه والله بدات تتلفلي ونولي نسقسي انا هههههههههههه​

هنا و في الواقع هههههههههههههه
هارتحي شوي نراكي هنا حتى نهار السبت ان شاء الله
وراكي والزمن طويل ههههههههههههههه​

 

[Salah eddin]

كيفاه تمشي الحالة هنا ؟؟؟
​

 

[أم أُنٌَيسة]

كيفاه تمشي الحالة هنا ؟؟؟
​

اهلا اخي الكريم
ان شاء الله تكون بالف خير يارب
هي سلسلة اقوم كل مرة باختياؤ احد الاعضاء لكن اضعه كلغز بالنسبة لكم واعطيكم بعض التلميحات عن هويته
لما يكتشفه احد يحصل على وسام التميز
ثم اسال ماتريد دون التجريح وغيره
​

 

[Salah eddin]

اهلا اخي الكريم
ان شاء الله تكون بالف خير يارب
هي سلسلة اقوم كل مرة باختياؤ احد الاعضاء لكن اضعه كلغز بالنسبة لكم واعطيكم بعض التلميحات عن هويته
لما يكتشفه احد يحصل على وسام التميز
ثم اسال ماتريد دون التجريح وغيره
​

اي والله
امالا ربي يوفقكم
​

 

[mohamedfathi]

هههههههه الله يحفظك "محمد" ومتحمش السؤال حق من حقوقك هههههخخخههههه
وفكرتني في قلبي حاجة نقولهالك : واش بيك هذا هنا ومتطلش ههه والرسم تخليت عليه وليتنا بائع عملات ههه زعما معندكش االوقت تههه
وبيناتنا ما تسقسيش خاطر راهم بيتوني هنا بالاسئلة هههه (معليش تجاوب فبلاصتي نديرك "مجيب اسئلة معتمد" ههههههههههه
مرسي ومتتخباش

ههههههههه والله وحدك
ان شاء الله اقدم الجديد في الرسم ، لانتي والله لم اجد ما ارسمه ههههه
واما عن بائع معتمد راني مرات برك هههه غير باش نخرج دراهمي ولا ندخلهم ونخدمبيهم
واللقب اللي درتيهلي انتاع مجيب اسئلة معتمد هههههههه والله هايلة هذي
المهم شكرا ليك
وراني نقرعج عليك ونشوف واش تحب سي الفاكهة وواش تكره هههه

 

[بشرى ملاك]

كيفاه تمشي الحالة هنا ؟؟؟
​

عقب النايضين، صباح الخير هاداوين فقت من رقادك ولا كنت هامل......

 

[البحر الهادي]

السلام عليكم
شكرا لك على إدخال هذه المبحوث عنها دوليا
والمتابعة القضائية بسبب الإسم الذي أطلقته علي
وجدي روحك
نريحلك شوية وتشوفي
أيا قولي
راكي تحت المقصلة
تعرفي طيبي ولا والو؟
لو خيرت بين حياتك وحياة عزيز عليك أيهما تختارين؟
عندما تضيق الطريق عليك مع شخص عزيز عليك ولاتتسع إلا لأحدكما أيهما يمر علما أن الثاني لايسمح له بالمرور؟
ماهي طموحاتك المستقبلية؟
واش رايك في الغرب الجزائري؟
ماهي اكلة المفلضة؟
كلمة مختصرة عني؟ حذاري تقولي إسمي
مازال الباقي آت

 

[البحر الهادي]

- عضو محبوب : الاخ حبيب ههه @السحاب العابر

راكي حشمتني بزاف حتى خدودي ولو كحلين غلطت حمرين

 

[Tama Aliche]

هنا و في الواقع هههههههههههههه
هارتحي شوي نراكي هنا حتى نهار السبت ان شاء الله
وراكي والزمن طويل ههههههههههههههه​

اه اوكي فالواقع مكانش ههههه
وبالنسبة لتاع مزالي هنا حتى للسبت ملا الليلة ندي عطلة نومية هههههه
وانا بلا طويل و بلا زمن بالبشماق وراك ههههههه

 

[أم أُنٌَيسة]

اه اوكي فالواقع مكانش ههههه
وبالنسبة لتاع مزالي هنا حتى للسبت ملا الليلة ندي عطلة نومية هههههه
وانا بلا طويل و بلا زمن بالبشماق وراك ههههههه

هاريحي لكن انا مازالني باه نريح
ياو لما ترجعي ماتلقي مين تبدي وتخلصي نيهاهاهاها
اجري برك وعلاه تجري ؟اني نخليك تضربيني اصلا نحوس على اللي يضربني من زمان ​

 

[Tama Aliche]

شخص جذبني قلمه (قبل لا اعرفه)

جذبني اسلوبه (قبل لا اعرفه)

جذبني شعره (قبل لا اعرفه)​

شخص جذبني قلمه (قبل لا اعرفه)
@Soumia hadj mohammed كي تكتب تطرطق الحالة
جذبني اسلوبه (قبل لا اعرفه)
^^ مزال ههه مي كاين انسان فالواقع ماشي هنا جذبني اسلوبه نظن (لانه افكاره كافكاري , ربما ^^
جذبني شعره (قبل لا اعرفه)
المتنبي هههه قلتي فالواقع تان هههه​

 

[Tama Aliche]

هاريحي لكن انا مازالني باه نريح
ياو لما ترجعي ماتلقي مين تبدي وتخلصي نيهاهاهاها
اجري برك وعلاه تجري ؟اني نخليك تضربيني اصلا نحوس على اللي يضربني من زمان ​

وييلي هههه ندمت اللي ماسوطيتش لوكان مانيش هنا معاك يا مصييبة

 

[أم أُنٌَيسة]

وييلي هههه ندمت اللي ماسوطيتش لوكان مانيش هنا معاك يا مصييبة

استناي برك ماشفتي والو حبيبة
​

 

[Tama Aliche]

السلام عليكم
شكرا لك على إدخال هذه المبحوث عنها دوليا
والمتابعة القضائية بسبب الإسم الذي أطلقته علي
وجدي روحك
نريحلك شوية وتشوفي
أيا قولي
راكي تحت المقصلة
تعرفي طيبي ولا والو؟
لو خيرت بين حياتك وحياة عزيز عليك أيهما تختارين؟
عندما تضيق الطريق عليك مع شخص عزيز عليك ولاتتسع إلا لأحدكما أيهما يمر علما أن الثاني لايسمح له بالمرور؟
ماهي طموحاتك المستقبلية؟
واش رايك في الغرب الجزائري؟
ماهي اكلة المفلضة؟
كلمة مختصرة عني؟ حذاري تقولي إسمي
مازال الباقي آت

وعليكم السلام

ههههههههههههه راك باغي تشنقني ولا واش هههه
تعرفي طيبي ولا والو؟
ههههههههههههههههههه ضحكتني تاكدت بلي الطريق الى قلب الرجل معدته وي نعرف الحمد لله ماشي
طباخة ماهرة برك تعرف ساعات تظهرلي حاجة ما تصلحليش وخايبة فيها ههههههههه
لو خيرت بين حياتك وحياة عزيز عليك أيهما تختارين؟
بفلسفتي الساخرة شوي ههه كي نخير حياتي افضل خاطر كوون نخير حياة عزيز عليا هو ينساني من بعد وانا االدايم رربي ههههههههه اوااه هذا سؤال يحتاج تجربة ههههه
عندما تضيق الطريق عليك مع شخص عزيز عليك ولاتتسع إلا لأحدكما أيهما يمر علما أن الثاني لايسمح له بالمرور؟
أطبقها في حياتي قاعدة "مر أنت أولا " بلاك فيها خير (منعرف بلاك الطريق هذي ماتخرجش ههههه (قاعدتي في الحياة هكا الغير قبل نفسي"
ماهي طموحاتك المستقبلية؟))
تقديم شيء مفيد لهذا العالم (باذن الله)
واش رايك في الغرب الجزائري؟

ما شاء الله 48 كاامل خيار ناس والغرب حنا الجواوجلة نحبووهم حييلي ناس الغرب من ضبابة كحلاء لضبابة اكحل ههههه
نتمنى نروح تحويسة جهة الغرب الجزايري لتلمسان و لا مستغانم نحبهم سيرتو التلمسانيين خالطت ناس منهم ماشاء الله ايا
ديديكاس لحبيبتنا @Malika Tlm ^^ وناس وهران اللي يطيحو فيهم تحية كبيرة لييكم وخياار ناس


ماهي اكلة المفلضة؟
حاجة تطيب بلخضرة برك مهم بلا لحم ههه ومعنديش اكلة مفضلة ديجا انا نظل نشرب غير لحليب بالقهوة ههههه
كلمة مختصرة عني؟ حذاري تقولي إسمي
مازال الباقي آت
هههههههههههه يااو كاين غير هذاك الاسم اللي يختصرك انت ههههههههههههه
ديجا بينتلي بكلمة حذاري بلي انت "صاارم" ههههه (الأخ حبيب باختصارة إنسان محبوب و متواضع"

 

[البحر الهادي]

ههههههههههههههههههه ضحكتني تاكدت بلي الطريق الى قلب الرجل معدته

هههههههههههههههههههههههه.............إلخ
لالا راكي غالطة
مش المعدة
انا مش نتاع بطني
ونزيدك حاجة كرشي صغيرة مش كبيرة هههههها
ماقلتيش علا ناس بلعباس قلت وهران وتلمسان واقبلا ماكاينش الولاية22
أيا قولي الصراحة عليها

 

[Skor m@k]

السلام عليكم
أهلا بك ختي فاطمة القعدة راهي منورة هنا هههه
ان شاء الله اخت شيماء راهي متهليا فيك مليح
على حساب واش راني نشوف اسئلة دسمة تقول بوزلوف راهوم يطيبوك ههههه
ان شاء الله اذا كان عندي وقت راني نطل عليك بأسئلة
ولا خلاص ندعمك بسؤال او سؤالين خخخخخ

واش الحاجة لي خلاتك تسجلي هنا فاللمة بعدما كنت متابعة لها فقط ؟

بعدما والفتينا ووالفناك ... يجي النهار وين تخلي المنتدى على جال مشكل مع عضو(ة) ؟

​

 

[Tama Aliche]

هههههههههههههههههههههههه.............إلخ
لالا راكي غالطة
مش المعدة
انا مش نتاع بطني
ونزيدك حاجة كرشي صغيرة مش كبيرة هههههها
ماقلتيش علا ناس بلعباس قلت وهران وتلمسان واقبلا ماكاينش الولاية22
أيا قولي الصراحة عليها

هههههههههه كرشك صغيرة نشك في هذي هههه
ياك قلتلك 48 ولاية خيار ناس واقيلا تحب نهدر غير على ولايتك ههههه (فكرتني انوش مافيا من قبيلة بلعباس ولا ؟ هههه ياخويا واش نقولك اوكيييي هههه فيري نايس رومنسيين ههههه
كاينة ولاية 22 وناس بلعباس معروفين بالكرم و الظرافة ومنعرف اعلاه واحد هنا اسموه "ضبابة كحلاء" مشحاح

 

[Tama Aliche]

السلام عليكم
أهلا بك ختي فاطمة القعدة راهي منورة هنا هههه
ان شاء الله اخت شيماء راهي متهليا فيك مليح
على حساب واش راني نشوف اسئلة دسمة تقول بوزلوف راهوم يطيبوك ههههه
ان شاء الله اذا كان عندي وقت راني نطل عليك بأسئلة
ولا خلاص ندعمك بسؤال او سؤالين خخخخخ

واش الحاجة لي خلاتك تسجلي هنا فاللمة بعدما كنت متابعة لها فقط ؟

بعدما والفتينا ووالفناك ... يجي النهار وين تخلي المنتدى على جال مشكل مع عضو(ة) ؟

​

وعليكم السلام
ههههههههه راك تشوف الراحة مكانش مخي غير يخدم وخلي قلبي كي يلحقني تنبيه يخبط ههههه
ايا نجاوبو الاخ "لحم لحلو" ههههههه (اسمك الجديد الله غالب معروفة اني ندير اسم للناس باش يتفكرووني كي يشوفو اسمهم فبلاصة هكذا يدعولي بالخير ههه)

واش الحاجة لي خلاتك تسجلي هنا فاللمة بعدما كنت متابعة لها فقط ؟
هي حاجة بسيطة وحاجة أبسط ههه تسما زوج حوايج , الاولى : كي بحثت فغوغل صافدت احد مواضيع من منتدى واش راك تهدر , وللأخت @ليليا مرام نسيت بالذات العنوان لكن حسب تذكري يحكي على الرجال اللي يقولو الغاورية خير على الجزايرية ههه قصفتهم وبديت نتجول فهذاك القسم ولقيت هبالكم فوور جدبتني المواضيع قلت : واقيلا نحجز بلاصة معاكم خاطرش عندي واش نهدر هههه
والحاجة الزاوجة ههه قصدي الثانية ماشي الزواج ههه هي : الاحترام اللي بين الاعضاء و النشاط كاامل مأدبين و تتحاوروا بأدب وكذلك عجبني انو توجد اقسام بزاف مختلفة وكل واحد وين ينشط وكل اراءه وتتقبلوها وهذا اللي خلاني نسجل هنا ونعتزل الفيسبوك نهائيا بعد مادرت مقارنة ههه ربحت اللمة ههه (المهم مانيش راضو وخلاص ههههه)
بعدما والفتينا ووالفناك ... يجي النهار وين تخلي المنتدى على جال مشكل مع عضو(ة) ؟
"الولف ساهل والفراق ماقدرت عنو" شحال نحب الشعبي ياه ههه , هذيك فالفيسبوك كي يصرى مشكل مع عضو تخرج من مجموعة ههه هنا لا باذن الله ما يصراش مشكل (واصلا علابلكم كي نحس راح يصرى مشكل كي نتوجه للادارة خير هكذا ما نزعفوش من بعض )
وانت مالقيت فواش تخمم فالمشاكل انسى غير اللمة منعتزلهاش واقيلا حابني نخرج ههههههه (توسويس جزائري لحلو )

مرسي عليك "مالك" ايه حقا مالك اسم الله "عبد المالك" نورمالمون انا عندي خويا اسمه هكذا ونعوجولو اسمه ساعات "مَكاَ وساعات "ماليكو" وساعات "مالك" هههههه المهم يعطيك الصحة والصحيحة ههه

​

 

[Only me]

3-تتابع بعد العشرة بعدد فردي و بعد العشرين بعدد زوجي

هذا انت يا صحافية اهلا بيك
مي هاذي تاع عشرة وعشرين مافهمتهاش
ممكن تفهميهالي ​

 

[أم أُنٌَيسة]

هذا انت يا صحافية اهلا بيك
مي هاذي تاع عشرة وعشرين مافهمتهاش
ممكن تفهميهالي ​

هلا وسهلا فيكي نورتي غاليتي
الغو خاصية الاصدقاء و اضافو خاصية المتابعة
هي تتابع 13 شخص و ستابعها 24 شخص ان لم انسى
هدا هو الامر​