"
السلام عليكممالقيت ما نقول ،دعواتي ديما معك قريت موضوعك تقول خنجر دخل قلبي ، ليتني قدرت نساعدك ونساعد روحي ختي ليليا ، قد ما راكي تعاني قيمتك عند المولى سبحانه وتعالى عالية
والله أختي تمنيت لو أنكي تمزحين وفي آخر الموضووووع بكيت عليك صدقيني أنا أول ماسجلت في المنتدى أول مشاركه شركتها في موضوع أنت كتبتيه، عندي يومين أو ثلااثه ندخل للمنتدى ومنصيبكش نعاود نخرج ،حسيت بيك حاااجه لاخاطرش ديما نصيبك متواجده، تتذكري من كتبت موضووع قصتي مع المرض جااوبتيني وعطيتني الكوراج وتحسنت نفسيتي، أختي صلي ركعتين لله وادعي ربي يشفيك يا الغاليه ويعااافيك وأنا رايحه ندعيلك ،ومتقطعيش الأمل من ربي سبحااانو هو شفى النبي أيوب ،وهذا الطبيب ليقالك متبرايش متزيديش تروحي ليه بسكو إنسان سلبي وميزرعش الأمل ،لمريض ليق يعود عندو عزيمه وإراده قويه باش يبرا ،ربي يشفيك حنونتي ويعااافيك قلبي تقطع عليك.السلام عليكم اهل اللمة
انا معاكم دايما نضحك نقسر برغم مرضي حبيت نتزوج وندير اسرة ونفرح لانو من وقت مات بابا ربي يرحمو انا نسيت الفرحة كمل عليها مرضي وقلت معليش يا ليليا تعلمت نصبر ونصبر تحملت امور الرجال ما يتحملوهمش وامور اخرى ما نحكيش لانو كل شي يهون قدام الصحة لانو هي كل شي عندي وتعلمت نتحمل ونعيش مع مرضي كان الكوراج نديه من الاولاد الصغار نتعلم من مرضى السرطان لما يضيق بيا الحال نروح لسبيطار سرطان الاطفال ونضحك معاهم ونقسر ونرجع وننسى ونحمد ربي
عشت فترة مرتاحة من وقت رجعت من الاردن برغم قاطعة لياس من انو نروح ونداوي لانو الواحد يعرف في جيبو 100 ميل ما يتمناش امور توصل للمليون ايه ربي كريم وحنين ورحيم مي العباد اللي قلبهم حجر وما ننكرش ناس عاونوني ورت للترك ورحت لاردن والله يجازي كل انسان
لكن اليوم اللي عرفتو راه خلى كل شي راح قدامي راهي دنيا راحت فعينيا والصبر راحلي
انا جيت تمدولي الكوراج منين نجيبو ما قدرتش
من سمانة نحس وجع فرجلي اليمنى اللي كنت تاكلة عليها ونمشي بها على جال رجلي اليسرى اللي تعفنت راحت رحت اليوم للطبيب على اساس ت نشوف الوجع من واش ما قدرتش نمشي والله ما حكيت فبالي انو شي كبير اغلب الظن انو عندي عرق لاسا فالاخير درت اشعات وتحاليل
وقالي الطبيب فالعاجل تروحي لدويرة ضرك لازم يديرولك الجبس لانو رجلك تكسرت قتلو راك غالط انا ما طحتش وهاني جيت نمشي قالي روحي ضرك لانو المرض خلى عظم رجلك اليمنى يتكسر وحدو وراح يزيد يتكسر العظم لازم عاجل تروحي
واش نقولكم خرجت من عندو قعدت برا فالطريطوار ونخمم انا واش ندير رجلي لاخرى ونتفرج فيها وهذي وزادت مرضت والخوف انو الحوض يزيد يمرض نرمي ورحي تحت طونوبيل ونموت حرام عليا رافدة 50 ميل معايا ورافدة مرض يحتاج ملاين وين نروح بيهم رجليا للزوج
رحت مباشرة امي ما خبرتهاش ورحت وحدي عيطت لطاكسي ورحت عاودولي كل الاشعات وقالولي انو رجلي تكسرت وراح تنقسم اذا فورصيت عليها قتلهم والحل ضرك واش ندير تخيلو
روحي لداركم ما تنوضيش نهائيا ما تمشيش مهما يكن لاي سبب وارجعي لطبيبك السمانة الجاية انا رجلي مكسورة ومجهول واش راح يصرالها ولخرى فالتعفن ويقولي ارجعي لطبيبك منا على سمانة هذي بلاد احنا لمن نشكو انا لمن نروح ضرك ونشكي
طبيبي وانا شكون وصلني لهذا اللي يقولي انت ما تبرايش الطبيب اللي يقولي ما عنديش ليك حل روحي شوفي دراهم وداوي فالخارج هنا ما عندي ما نديرلك انا قولولي واش ندير عارفة حاجة ربي عارف لام نصبر عارفة ناس بزاف راهم مرضى الل مريض عندو اب وعندو اخ وعندو عم وخال يجري معاه شفت ناس مرضى دوار معاهم انا من 20 سنة مريضة وانا نجري وحدي رحت لبلاد الناس ورحت كومة وفطنات لا اب ولا اخ قدامي حتى يمى الله غالب ما عنديش دراهم باه نديها معايا خليته ورحت
انا سوفريت يا ناس عييت اسمحولي ما قدرتش مش نشكي ليكم همي راه كل واحد بهمو اسمحولي راهي ضايقة بيا اسمحولي
واش ندير انا مانيش نقولكم عاونوني الله غالب عليكم زواولة كيفكم كيفي اعطوني الصبر انا منين نجيبو خايفة نقتل روحي ما قدرتش
اسمحولي الله يخليكم اسمحولي
صح واحد ما تفاعل معاي كي حبيت نعاونوك كامل مي مانيش قانطة وحتى ناس نعرفهم هدرتلهم عليك ما اهتموش كاين االلي ماصدقش قلت : معليش ندعي ربي سبحانه ونصبر ونحوس على حل بلاك تفرج (مزالي نخمم فيك لليوم خسارة جيتي عليا بعيدة لوكان راني بحذاك نغصروا كي العجايز هههه) وباذن الله تجيني فرصة ونزورك برك , يا "ليليا" تحسبي ماهيش صعيبة عليا نلقاك هكا فالحالة هذي ؟ صعييبة والحياة علمتني نحس بالناس و تغيضني كي ما نقدرش نعاون ناس عزاز عليا واش نهدر فبلااد ولادها يموتو واللي حاكمينها يلعبوا هذو سبتنا الكبيرة اللي خلاتنا منعرفوش نصبروا (راني صايمة اليوم والمصحف قدامي والله الذي لا اله الا هو غير ندعيلك ونقوم الليل وندعيلك انتي والاخت @Soumia hadj mohammed اللي هي تان ماهيش مليحة خلاص وماهيش ترد على رسائلي ) وربي يفرج عليك وعلى اللي عنده هم يااا رب
اهلا وسهلا مريومة
صح مقدرناش نعاونوك مصح راح نحاولو ونطلبو منعرفوش من أي جهة ربي جيب الخير إخواني مدابيا كامل تبعثوا هاك للناس اللي تعرفوهم و منقطعوش الياس وأنا لم أنشر هذه الصورة رياءا ولكن حبيت نشجع اخواتاتي واخواني باش يبعثوا لكل أرقام هواتفهم حتى لوكانوا أطباء أو أشخاصا لا تعرفونهم وسيجازيكم الله
الحمد لله ما نزكيش نفسي علاقتي بربي ولو كلنا.نحسو بالتقصير لكن الحمد لله نصلي ونصلي فالليل قدما نقدر وندعي ليا وللناس ونحفظ القرآن هذا اللي يخفف علياوعليكم السلام ورحمة الله وبركاته أختي ليليا
اهلا اختي وعليكم السلام والرحمة
أولا نقولك الله يرحم الوالد ويدخلو الفردوس الأعلى يا رب
آمين الله يرحم.كل موتانا شكرا
ثانيا حبيبتي شوفي " علاش نتي بالذات صرالك هكا ؟ لأن الله إذا أحب عبدا ابتلاه
المرض تاعك همك هذا كل شيء وش يصرالك كل شيء هو اختبار من عند الله كل ما تصبري كل ما تنالي جزاء أكبر حبيبتي
أنتي ذنوبك راهي تتطاير تروح كامل بإذن الله لما تموتي تلقاي ذنوبك قليلة بسبب هذا المرض
هدا ما نتمنى ان شاء الله يكون سبب انو ذنوبي تنقص ويشفعلي مرضي ان شاء الله
هادي هي الدنيا أختي ليليا كلها شقاء وتعب كاين ناس بزاف هنا فاللمة راهي تعاني كيفك ربما لكن برك معلابالكمش بيسك مايهدروش
كاين ناس تاني تحتاج تدير عمليات بدراهم بزاف ولكن قدر الله ما شاء فعل مكانش كيفاش يجيبو دوك الدراهم
أنتي حياتك من يوم زدتي راهي مكتوبة ووش رايحة تمري بيه كامل موجود واقع متقدريش تغيريه وصدقيني لو عرفتي حياتك إن كانت بلا مرض ولا هموم كيفاش رايحة تكون قبل وبعد الموت
رايحة تبكي وتحمدي ربي على المرض الله اختار لك الأفضل كوني على ثقة بهذا
والله عارفة مش فالمنتدى برك راهم ناس يعانو المرض والهم واللي مشردين واللي عندهم معاقين عارفه الهم متفرق في كل بيت انا ما يغيضنيش المرضىلانو من ربي يغيضك قسوة الاهل والاقارب تغيضك استهزاء اطباء من المفروض عندهم رسالة انو يقومو بالمريض مي فبلادنا والو اما امر الله متقبلاتو وانا انسان نفوت بوقت نضعف. ونتعب وننهار الله غالب انا مش ملاك.
حاولي تتقربي من الله أكتر وأكتر الدنيا فانية حبيبتي وإن شاء الله جزاء هذا التعب رايحة تلقايه عن قريب
واستغفري بزاف أختي و أدعي ربي بزااااااف فالسجود وألحي و بقاي أدعي أدعي الفرج قادم أختي لا تخافي كوني واثقة بالله واستعيني بالله ولا تجزعي
لا بأس هورا إن شاء الله أختي مرام ربي يهنيك يا رب
السلام عليكم اختي اهلا وسهلا
