عرفنا به إن كنت بطيفه عارفا .. أو تعرف عليه الطبعة الثانية العدد......... (02)

[أم أُنٌَيسة]

بمفهومك ماهي الصداقة ؟

كلمات تصف بها قرصان الساحل ؟

رأيك في العضوة missing heart بالاخص الانتقادات

رايك في سكيكدة

ذكرى من الإبتدائي
و المتوسطة
و الثانوية
و الجامعي
لا تستطيع نسيانها

اللمة ماذا تعنيه لك؟

قرصان الساحل قبل اللمة وبعد اللمة ؟​

 

[أم أُنٌَيسة]

السلام عليكم و رحمه الله تعالى وبركاته.

مشكورة الاخت @missing heart على الموضوع الرائع وفقتي في اختيار الضيف بارك الله فيك
احترامي وتقديري

الاخ @قرصان الساحل أخ كريم ومواضيعه شيقة ما شاء الله.


سؤالي هو :

منتدى اللمة في جملة ؟
(ما نكثرش عليك)

احترامي وتقديري للأخ الكريم
حلم كبير​

وعليكم السلام ورحمة الله تعالى وبركاته
هاراح تهبلوني بشكرا هدي
تقلقني تديرلي الضيقة
خلوني منها
هلا فيك اخي الكبير​

 

[Salah eddin]

السلام عليكم
في البداية نحسبكم عليا
خخخ
ايا لقيتكم على صاحبنا القرصان
المهم ...
خويا القرصان ...حتى انا نحب فيلم جاك سبارو و الخرطي تاع باربوسا ...لكن هذا الحداد هرد الفيلم
خخخ
والي زاد الفيلم تشويقا هو دايفي جونز يا بن عمي
ههه
و ارواح لكاليبسو ...قالتلهم اسكتو يا جدك
خخخ
ايا عندي شوي اسئلة برك : بسم الله
واش ؟ كاش قراية كاش افيرات ؟ و لا الرقاد و بيع البلاد ؟؟
خخخ
شكون الاعضاء الاكثر بروزا في اللمة حسب منظورك ؟
و
وشكون الي تدي الفينال تاع الشوميونزليغ ؟
ههه
الريال و لا اليوفي ؟؟
ههه
ايا السلام عليكم و في الامان و ان شاء الله راني ما كثرتش عليكم
ايا بالعافية
​

 

[قرصان الساحل]

مارايك بعرفنا به او تعرف عليه ؟
هو موضوع جميل يزيد اواصر التعارف بين الاعضاء ويخليهم يتبادلو الافكار تاعهم في قالب ودي جميل
حقا موضوع يستحق الاهتمام والمتابعة بوركت ختي شيماء
هل مفاجأة استضافتك هنا لها وقع في نفسك ؟ وماهو شعورك وانت ضيف هنا ؟
هههه حقا مفاجئة لاني مكنتش نعرف هذا الموضوع اولا وثانيا انا الضيف الثاني متوقعتش نكون الثاني
شعوري والله وش راح نقلك في الحقيقة مرات وين نغيب كاين بزاف اعضاء يسقسو عليا وين هو قرصان الساحل
اشتقنا لمواضيعو في وش راك تهدر كيما قلتي في مقدمتك معروف اغلبية مواضيعي هناك
نحس ان هناك ناس تبغي تبع مواضيعي وفي نفس الوقت في كل مرة ندير موضوع تماك نقول ربما ما يلقاش اعجاب المتابعين
ههه عارف خرجت على سؤالك لكني سعيد حقا بتواجدي معكم في هذا الموضوع
كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمناها ... ؟
ايااااي اييياااي صعبة صعبة يا حليش ههه وش راح نقلك حلمي وامنيتي هو اني ننجح في حياتي ونفرح ناس لي تتمنالي الخير ونرضي الوالدين
حاب نوصل لابعد نقطة نقدر ونفيد المجتمع تاعي ونأثر فيه ايجابيا ونجمع المال طبعا اخخخخخ
مالفـرق بين الحب والصداقة ؟ وهل يمكن ان يسلكا طرق الغيرة 00؟
الحب هذا مجتمعنا معقد منو كي نقولو حب يعني حب بين ذكر وانثى اخخخ
الحب هذا راه متشعب حب الله حب الرسول الوالدين الاخوة وحب الرياضة والمطالعة والمال وووووو
الحب في وقتنا نادر بين الرجل والمرأة وصار مجرد كلمة في اغلب الاحيان لكنو موجود حقا والصداقة عنوان كبير نادر ايضا
ووقت الشدة فقط لي تعرف صديقك الحقيقي
اما الفرق بينهما فهو شاسع فالحب شي والصداقة شي وممكن للصداقة تتحول لحب ولا يمكن لحب ان يتحول لصداقة ربما يصير ديناصور مثلا ههه
الغيرة في الحب ممكن في الصداقة لا معنى لها ربما اذا انت تغير على صديق فلأنك تحبه عاود حساباتك اخخخخ
_ما رأيك بهذه الكلمات ..
الخيانة .. قاسية
المرأه..
المرأة ام واخت وزوجة
ان اعددتها اعدت جيلا ناجحا ... وادا عوجتها خرجت جيلا معوجا
الصداقة .. الصديق وقت الضيق
النميمة .. سلوك بغيض لاصحاب النفوس المريضة
النفاق .. سلوك جبان لمن لا يستطيع المواجهة
تحياتي لك

ما هو تعرفك للمجنون؟؟
ههههه والله نعرفو لغويا نقلك فاقد لعقله
ولو نعرفو مجتمعيا كي نقولو واحد مهبول يعني هارب في راسو
بالنسية ليا واحد مجنون هو لي يقدر يدير حوايج يعجز عليه غيرو
العاقل؟؟
ناس ملاح ويقول ايه وخاطيه التوسويس اخخخ
المتكبر؟؟
هذا لبنادم حاسب في روحو رسالتي له من تكون امام فرعون وقارون وانظر لمصيرهما
المتواضع؟؟
المتواضع انسان متشبع من كل جوانب الحياة
ملئ السنابل تنحني تواضعا ... والفارغات رؤوسهن شوامخ
هل انت راض عن نفسك ..؟؟
حقيقة في جوانب كثيرة نتمنى تتسقم فيا
ما هي المجالات التي تتمنى ان تأخذها منهاجا في حياتك ؟؟
ليس لي مناهج محددة ناخذها في حياتي​

مشكوووورة ختي شيماء نتمنى نكون قستها شوية ههه​

 

[أم أُنٌَيسة]

كيف تعبر عن غضبك,فرحك,رفضك ؟

هل أنت صريح , أم كتوم, أم مجامل؟

أحب زاوية إليك في المنتدى ؟

عبارة أو حكمة تعجبك؟

((......)) عضو نشيط بصراحه.

((......)) عضو حاب تعرف معنى اسمه.

( العلاقات في الإنترنت تصبح قوية بصورهـ سريعه ... وسرعان ماتضعف و تتحطمـ ).. رأيك بهذهـ المقولة .. ! :d

أعضاء تنطبق عليهمـ هذهـ الأسماء من وجهة نظرك ... :p
الشاعري
المسالمـ
الخلوق
المميز
خفيف الدمـ
العنيد
الملقوف


أكمل الفراغات التاليه : :p

عضو تتمنى تشوف شكله هو .........

عضو تلقبه زعيمـ أو زعيمة المنتدى .......

عضو بتقوله يا غايب ليه ما تسأل ..........

عضو بتقوله الله يعطيك العافيه و يجزاك خير .........

عضو بتقوله ماتوقعتها منك ويجي منك أكثر ..........

عضو تعرفه برى المنتدى ......

عضو تحس انه طيوب وعلى نياته ........

عضو تحس انه حلووووو .........

عضو شعبيته كبيرة و محبوب عند غالب الأعضاء ..........

( الثقل و الرزانه والهدوء والفرفشه ) تجتمع في العضو ........

عضو ذووويق .........

هل أنت شخص نستطيع الإعتماد عليه وقت الضيق و الحاجة ؟​

 

[قرصان الساحل]

هههههه سلام حباب
صراحة منعرفش قرصان الساحل راح نحاول نطل عالمواضيع تاعو
ومتابعة سلام

اوووو من نيتك ما تعرفيش قرصان الساحل اخخخ راكي مراطية سقسي لي يعرفوني ههه
متشرف بيك ختي اي فرصة باه تتعرفي عليه
مرحبا بيك​

 

[قرصان الساحل]

الأخ متمكن فاللغة الانجليزية ممكن نحتاجوا مع الأخوات للمساعدة في تصحيح خربشاتي متابعة لكم ومرحبا بك أخي
سلام

اهلا بيك اختي
شكون هذا لي قالك متمكن اه .. لا مزالني مبتدأ ونتعلم ههه انا وراهم يصلحولي في خربشاتي
على كل اذا قدرت نساعد ما نبخلش مرحبا بيك ديما​

 

[أم أُنٌَيسة]

مشكوووورة ختي شيماء نتمنى نكون قستها شوية ههه​

كون تزيد تقللي شكرا مانزيدش نرجع
اجل اجاباتك جميلة ماشاء الله​

 

[قرصان الساحل]

و عليكم السلام ورحمة الله تعالى وبركاته
اشكرك وبعدها اختي نمستحيل يكونو في زوج مع بعض
هاواقيل حاب ترجع مع جماعة البشماق مع امكانية اختيار اللون
كل الشكر لك لتلبية الدعوة اخي الكريم ، وكل الشرف لي والله واعود وادكر الموضوع خاص بالعم عميد القلم الازرق انا احييته فقط
ترحب بك الجنة باذن الله
المهم ساجننك بالاسئلة و كل مالايعجبك لا تجب عليه
واسفة مقدما نيهاهاهاهاهاهاهاهاهاه
تحياتي​

كيف ستجنينني وانت تقولين لي الاختيار ان لا اجيب هاهاهاها -_____-
حق الفيتو في جيبي ​

 

[لاريمان]

السلام عليكم
اهلا اختي مشكورة على هاته السلسلة الجميلة
ومراحب بالاخ قرصان الساحل كانت له بدايات قوية في قسم واش راك تهدر لكن لاحظت تراجع في المواضيع
هل ممكن نعرفو سبب عزوف القرصان عن النشاط؟ ام ان تحويل الوجهة الى القسم الانجليزي هو السبب
سؤال اخر لماذا لا نرى القرصان في قسم النقاش الجاد
مع انو قرأت له موضوع بالفصحى هايل؟
اود معرفة التخصص الجامعي للقرصان؟
والسلام

 

[Malika Tlm]

السلام عليكم
مرحبا بيك اخي واش حوال لافريك
اخي شخصيتك كيف هي ؟
واش هي امنياتك في الحياة؟
نت برصاوي ولا مدريدي ؟
ما مفهوم الحب عندك ؟
كيف تتمني شريكة حياتك ؟
عصبي ام العكس؟
كم تحفظ من القران الكريم؟
نتمني منكونش كثرت عليك ويلا كانش متفكرت راني نرجعلك اوك
تحياتي

 

[Only me]

وأصبح صديقي نجم يستضاف في البرامج ههههه
أهلا وسهلا بيك فيثا
امم مالقيتش واش نقرعج،، امالا راني نطل وخلاص ​

 

[Only me]

مشكورة حبيبتي على الموضوع ،missing heart

 

[قرصان الساحل]

السلام عليكم و رحمه الله تعالى وبركاته.

مشكورة الاخت @missing heart على الموضوع الرائع وفقتي في اختيار الضيف بارك الله فيك
احترامي وتقديري

الاخ @قرصان الساحل أخ كريم ومواضيعه شيقة ما شاء الله.


سؤالي هو :

منتدى اللمة في جملة ؟
(ما نكثرش عليك)

احترامي وتقديري للأخ الكريم
حلم كبير​

مشكور خويا حلم كبير على تواجدك ومشاركتك لينا الموضوع حتى انت خويا انسان محترم وردودك ربي يبارك

اممم منتدى اللمة في جملة : هو فضاء جميل متنوع يجمع كل الفئات الجزائرية باختلاف الاعمار والعادات والتقاليد في قالب واحد ويمكن من التعارف وتبادل الافكار في اطار محترم
باختصار .. الثقافة ، والفكاهة، وحلول المشاكل ، والتعلم يعني مجتمع قائم بحد ذاتو وهذا الشيء الجميل لي يخليه متميز على مواقع التواصل الاجتماعي هو الاحترام وطابع المعرفة والعلوم بعيدا عن اي اختلافات سياسية او عرقية او جهوية فكلنا ابناء بلد واحد​

 

[أم أُنٌَيسة]

مشكورة حبيبتي على الموضوع ،missing heart

نخرج ومانزيدش نرجع للمنتدى موش غير الموضوع
يرحم باباكم خلوني من الشكرا هدي
لا شكر على واجب باذن الله
اهلا وسهلا بيك​

 

[Only me]

كم عمرك ؟؟ وهل ترى أن عمرك

نخرج ومانزيدش نرجع للمنتدى موش غير الموضوع
يرحم باباكم خلوني من الشكرا هدي
لا شكر على واجب باذن الله
اهلا وسهلا بيك​

ماكنتش راح نشكرك علابالي بلا مزيتك ههههه
غير كي جبتيلنا خونا الافريقي برك :p:p​

 

[قرصان الساحل]

بمفهومك ماهي الصداقة ؟
الصديق وقت الضيق .. هذا مفهوم الصداقة
انا عرفت اصدقائي في احلك الظروف ناس توقف معاك صح وقت الازمات حتى تفرج عليك
ويوم فرحك يفرحو معاك بقلوبهم .. الصداقة هي قلوب صادقة تحابت بعيدا عن اي مصالح
كلمات تصف بها قرصان الساحل ؟
مجنون ، ميزاجي ، هذا وش نعرف عليه ههه
رأيك في العضوة missing heart بالاخص الانتقادات
ايه هي عضوة طيبة اكثر على اللزوم يظهر هذا من تصرفاتها ..
ردودها دايما قيمة ومفيدة بخصوص الانتقادات بناءة الى حد بعيد
ربي يبارك اختي من احسن الاعضاء لي حصلي الشرف تعرفت بيهم هنا بدون مجاملة
رايك في سكيكدة
سبقلي زيارة مدينة سكيكدة عدة مرات مدينة ساحلية سياحية هادئة جميلة جدا لي فيها ذكريات رائعة
بخصوص اهلها ناس مكرمين مضيافين يعني مدينة ما عندك ما تقول فيها صراحة
ذكرى من الإبتدائي
في الابتدائي كانت تقريني معلمة سنة اولى ربي يسامحها عمرها ما طلعتني للسبورة ولا عيطلتي باسمي
حقيقة لو كملت معايا كانت راح دمرني ما تعلمت والو حتى كي يعطونا النتائج منعرفش وش معناتها الاول ولا الاخير
ههه مرة رحت لما نجري عندبالي جبت مليح قتلها ما جيت في الرتبة 20 ههه تبا
لما طلعت سنة ثانية ابتدائي معلمي لحد الان نحتارمو ربي يحفظو سقل المواهب تاعي احم وليت تلميذ نجيب من وقتها حبيت القراية
وهنا رسالة للمعلمين خاصة الابتدائي والله انتم رسالتكم عظيمة قادرين تحطمو انسان كيما قادرين تنجحوه نتمنى ياخدو الامور بجدية اكبر
و المتوسطة
هههه المتوسطة مرة دابزت مع واحد يقرا معايا عند باب المدرسة هو كان حيلي كي شاف المراقب ناض يبكي
ايا شبعني هداك المراقب بالضرب وقالي جيب باباك باه تدخل زاد بابا رخسني يومها
وهداك ولا ضحية هههه تبا
و الثانوية
الثانوي مرة طاحت علينا الجياحة في سنة الاولى زرطينا العشية ورحنا درنا ماتش في ماتيكو وكي مجبناش حوايجنا تاع السبور لعبنا حفيانين
وكانت العشية وقت صيف ايا وقتها كامل ناضو لينا فقاعات مائية في رجلينا هههه غدوة صباح عند الرقابة كامل نمشو معوقين
و الجامعي
الجامعة مرة كنت نقرا في القطب هذا وجاي معزول كان عندي بحث كملتو في البلاد ودخلت روطار عيطلي واحد ايا غير قربت عندو جبدلي سيف
اوووو يومها تعرفي وش سلكني كرطابلة تاع البسي ههه بدون تفكير ضربتو بيها طاحلو السيف تاعو وهربت
احبك كرطابلتي بسببك حي ارزق اخخخخخ
لا تستطيع نسيانها

اللمة ماذا تعنيه لك؟
اللمة فضاء رائع في ناس مميزين في جميع المجالات كي ندخلها نحب نعبر على حوايج من المجتمع وناقشها تلقى مستوى نقاش جدي ماشي كيما مواقع التواصل الاجتماعي
ولا واحد مديها بجدية ناس كامل تتمسخر
قرصان الساحل قبل اللمة وبعد اللمة ؟
هههه نفسو قبل ولا بعد​

ههههه والله هاد المرة فكرتيني في ليامات يا حسراااااااااااااااااه ​

 

[قرصان الساحل]

السلام عليكم
وعليكم السلام مرحبا خويا صلاح
في البداية نحسبكم عليا
خخخ
ايا لقيتكم على صاحبنا القرصان
اخخخ والحل نبدلو ارواح ريح في بلاصتي
المهم ...
خويا القرصان ...حتى انا نحب فيلم جاك سبارو و الخرطي تاع باربوسا ...لكن هذا الحداد هرد الفيلم
خخخ
والي زاد الفيلم تشويقا هو دايفي جونز يا بن عمي
ههه
و ارواح لكاليبسو ...قالتلهم اسكتو يا جدك
خخخ
ههه ديفي جونز خويا وماشي صاحبي غير خليه طرونكيل
ايا عندي شوي اسئلة برك : بسم الله
واش ؟ كاش قراية كاش افيرات ؟ و لا الرقاد و بيع البلاد ؟؟
خخخ
اخخخخ الرقاد وبيع البلاد كملنا القراية ولافيرات
شكون الاعضاء الاكثر بروزا في اللمة حسب منظورك ؟
اممم الاكثر بروزا خويا وش راح نقلك انا راني مقصر خاصة الاشهر الاخيرة ماشي متابع
على هادي والله منقدر نجاوب على هاد السؤال
و
وشكون الي تدي الفينال تاع الشوميونزليغ ؟
ههه
الريال و لا اليوفي ؟؟
ههه
خخخخ حتى هادي صعيبة كثر من لي قبلها
ماتش قصف من كل الجبهات صعب تتكهن بيه كلشي ممكن
وبما اني ريالي نتمنى يكون من نصيب القلعة البيضاء خاصة مع مجيئ زيدان تبدلو بزاف حوايج
ولات الريال كل ماتش تلعبو بمعطياتو وتشكيلتو راني متفائل بلي الريال تربح
ايا السلام عليكم و في الامان و ان شاء الله راني ما كثرتش عليكم
لا خويا صلاح وجودك هنا شرفني ربي يبارك فيك
ايا بالعافية
​

يعطيك الصحة خويا صلاح شرفني مرورك هنا​

 

[Only me]

اممم منتدى اللمة في جملة : هو فضاء جميل متنوع يجمع كل الفئات الجزائرية باختلاف الاعمار والعادات والتقاليد في قالب واحد ويمكن من التعارف وتبادل الافكار في اطار محترم
باختصار .. الثقافة ، والفكاهة، وحلول المشاكل ، والتعلم يعني مجتمع قائم بحد ذاتو وهذا الشيء الجميل لي يخليه متميز على مواقع التواصل الاجتماعي هو الاحترام وطابع المعرفة والعلوم بعيدا عن اي اختلافات سياسية او عرقية او جهوية فكلنا ابناء بلد واحد

هاذي فقرة مش جملة هههههه​

 

[قرصان الساحل]

كيف تعبر عن غضبك,فرحك,رفضك ؟
عن غضبي نعيط كي الكينغ كونغ منعرفش كامل صلاحي خخخ الله لا يشوفكم فيه
فرحي .. معرف والله
رفضي .. نقلك ارفض قطعا
هل أنت صريح , أم كتوم, أم مجامل؟
على حسب الموقف
أحب زاوية إليك في المنتدى ؟
منتدى وش راك تهدر ، مدونتي ، وقسم الانجليزية
عبارة أو حكمة تعجبك؟
الكاتبة في الجبين ما امحيها اليدين
((......)) عضو نشيط بصراحه.
سكر مي او في مدة ما شفتوش
((......)) عضو حاب تعرف معنى اسمه.
لا احد
( العلاقات في الإنترنت تصبح قوية بصورهـ سريعه ... وسرعان ماتضعف و تتحطمـ ).. رأيك بهذهـ المقولة .. ! :d
والله على حسب الاشخاص
أعضاء تنطبق عليهمـ هذهـ الأسماء من وجهة نظرك ... :p
الشاعري ملامح شاعر
المسالمـ وعلاه رانا في حالة حرب اخخخ
الخلوق الكل ما شاء الله
المميز
خفيف الدمـ سكر
العنيد Only me
الملقوف ما فهمتش الكلمة


أكمل الفراغات التاليه : :p

عضو تتمنى تشوف شكله هو .........

عضو تلقبه زعيمـ أو زعيمة المنتدى جنود الخفاء الساهرين على قيام المنتدى

عضو بتقوله يا غايب ليه ما تسأل ..........

عضو بتقوله الله يعطيك العافيه و يجزاك خير الكل

عضو بتقوله ماتوقعتها منك ويجي منك أكثر ..........

عضو تعرفه برى المنتدى ......

عضو تحس انه طيوب وعلى نياته صاحبة الموضوع

عضو تحس انه حلووووو .........

عضو شعبيته كبيرة و محبوب عند غالب الأعضاء .لؤلؤة قسنطينة

( الثقل و الرزانه والهدوء والفرفشه ) تجتمع في العضو ........

عضو ذووويق .........

هل أنت شخص نستطيع الإعتماد عليه وقت الضيق و الحاجة ؟
هههه على حسب الحاجة مرحبا بيكم​

ههههه سنرى من يجن​