اليوم عيد ميلاد أميرة اللمة أدخلو تعرفو شكون

[Tama Aliche]

عيد ميلاد سعيد حبيبتي
ايا البنات راكم كامل معروضين عندي باش نديروا احتفال يليق بيها اوك الدعوة عاااامة
مطولوش برك
عقبال ل100سنة يااارب
سنة حلوة يا جميل

وين ^^

 

[ليليا مرام]

السلام عليكم أهل اللمة الكرام
وصباحكم ورد وفل وياسمين وأسعد الله كل أوقاتكم

من عادتي كل يوم نبدا نهاري بالقراية لكن اليوم حبيت نبدا نهاري بحفلة عيد ميلاد أخت عزيزة عليا بزاااف
وأكيد عزيزة عليكم حتى نتوما خاطر ماكانش لي ما يحبهاش راهي محبوبة الجماهير
شكون لي ما ضحكش معاها وشكون لي ما استفادش منها ومن مواضيعها
وين تحطها تلقاها، إما في مكان الأخت أو الصديقة أو أي مجال توضعها فيه تلقاها فيه
أخت عرفناها بمرحها وبطيبة قلبها وبصفاتها الطيبة ولي من أهمها الصبر والقرب من الله عز وجل
نزيدلكم شوي سيسبانس ولالا ههههه
نظن بديتو تعرفوها هيه هاديك هي بالذات هي أختنا الغالية والعزيزة والمميزة
@ليليا مرام
هاد الوردة الله يبارك اليوم زادت تفتحت عام آخر على هاد الدنيا وعطرتلنا اللمة بعطرها الفواح
ووجودها الطيب وبهاد المناسبة السعيدة نوجه كلام من القلب لهاد الاخت
نقولها ختي ليليا عيد ميلاد سعيد وعمر مديد وكل عام وختي العزيزة بألف خير وسعادة
الله يجعلك هاد اليوم بداية الخير وبداية السعادة والفرح بإذن المولى
نطلب من ربي في هاد اليوم أنو يشفيك ويعافيك ويرزقك كل الخير والصحة والعافية
ربي يخليك ليماك أولا ولينا ثانيا وللمة ككل يا كنز ويا أميرة اللمة
المهم نحليو الحالة شوي بالقاطة والمأكولات باه لي يدخل مايقولش ماكانش ضيافة

المهم يا الخاوة هاد اليوم ماش يوم نورمال حابة اللمة تتقلب هادي هدايا وهادي تهنئة
اليوم نقلبوها بربي ان شاء الله عندي ليليا وحدة في الدنيا ماعندناش غيرها مالا خليونا نقلبوها
هيا نخليلكم ليكم الخط فرحو ختنا ليليا هادا ماش يوم عادي
وكل عام وأنت بخير يا وردة اللمة
تحياتي
​

السلام عليكم مريومة
اسمحولي طولت ما رديت عليكم
مريم يا مريم واش نقولك احسن قلب فالدنيا ربي يفرحك ويهنيك يا رب اختي
لانو رغم قرايتك وانشغالك وما نسيتينيش ربي يحفظك
الله حسيت كانو راكم عندي ودرتولي حفلة مع انو فدارنا ما درت والو راهي اختي قاتلي شريتلك لاتارت وراهي جاية وراني نصورهالكم لما تجيبها ان شاء الله
مريم ربي يفرحك اختي ويجعلها في ميزان حسناتك ويرزقك ربي الرجل الصالح اللي يعرف قيمتك ويقدرها يا رب
شكرا

 

[ليليا مرام]

هادو الهدايا تاوعي
راني جبتلك غير الغالي ههههه

​

اه يا مريومة رفهتيني اليوم يا اختي
واش نقولك حسيت صج جبتيهم راني نقد فيهم والسنسلة الستيل اللي نحبو سامبل وحاجة كلاص الله يحفظك والتلفون خلي نكونيكتي به معاكم ربي يفرحك مريومة تسالني كادو السوتنونس ان شاء الله يا رب
ربي يخليك اختي ويفرحك

 

[ليليا مرام]

صباحو يا احلى مريامو
شوفي اني غير شفت الااشارة وفقت بلي عيد البوقوسة تعي ليليا بقيت نندب قلت اوياااا سبقتني مريم
ايا معليش كنت متوقعاتك تحطيها انا صباح تلهيت بتنظيف البيت

زيد راني حابة ندير انقلاب على رؤساء الجمهورية اللماوية الموزنبيقية السيد بوتفتيحة والسيدة بن وريد ، كيفاه الطعطوشة تع ليلا تزيدوها خمسين نقطة على عيد ملاديها وحنا لااااا اواه متشي سوا سوا هههه نقصر برك
فرحت لك ليليا كان غير كنا كيف كيف ربي يبارك فيك عمرك ويشفيك ، والله انتي درر ولؤلؤة تع صبر الله يجزيك الخير ويجعل مقدار صبرك في ميزانك
مريامو مرسي عليك على تنظيم الفرحة وعقبى لتخرجك فرحته عليا باذن الله ، ربي يوفقك ويسدد خطاك

هاكي حقك تع لقاطو راني جبت الضيافة ، هيا زيدينا جويدة

اهلا سمسومتي الغالية
يا لالة انت كنت ورا مريم لانومريم اول وحدة عرفت ميلادي وينتا وانت البارح
الله يبارك القاطوات اشكال والوان اسمعي راني جاية عندكم من يجو الضباف نشرب معاهم القهوة ويجو اخرين نعاود هههه تبارك الله ولو ندير اقاطو مي نحب هاكا واجد هههه يعجبني
ايوا ضرك حسدتيني فالنقاط راهويؤبشني تفتوحي مدهملي البارح ونزيد واقيل نقولكم واش جابلي موتو وما نقلوكمش
غيورة هاكا شدتيها فقلبك يا لالة واليوم خرجت بها ديركت تبا حطمت مشاعري
ربي يحفظك اختي ويهنيك ويخليك وانت غالية عليا بزاف يا سمسوم وراكي عارفة
ربي يحفظك ويحفظ مريومة الغالية مولات الحفلة

 

[ليليا مرام]

عيد ميلاد سعيد ليلوشة
علابيها مبغاتش تعرضنا البارح
خايفة ناكلو التارت معاها ههههههه
عيد ميلاد سعيد ولعقوبة لألف عام
و نشالله العام هذا يكون فاتحة خير من كل النواحي
ويكون عام الفرج والفرح وماذلك على الله بعزيز
وربي يكبرك على طاعتو
سلام

السلام عليكم سنايا اهلا سهلا اختي
ربي يحفظك يا رب ويهنيك
ايه وانا قلت ندير حو رومانسي ونتوما طبيتو عليا والراجل هرب حرمتوها عليا ياو معليش اليوم قالي نعاودهالك ههه
امين يا رب ويفرج على كل مومن يا رب
امين اختي الغالية مشكورة

 

[ليليا مرام]

وعليكم السلام ورحمة الله وبركاته
اوااه اليوم صح راه رووعة راني نقول على واش اليوم مليح هكدا
طلع عيد ميلاد الغالية والحبيبة ليليا
الله يبارك:Love:
ربي يطولك في عمرك في طاعتوا ويبارك فيه وان شاءالله تكون بداية خير وسعادة
ربي يعطيك واش تتمني ويشفيك ويسعدك في الدنيا والاخرة
ربي يوفقك حبيبتي
تفضلي

وحبيبتنا مريومة ماشاءالله دائما تسعى للخير ربي يحفظهالنا
بارك الله فييييييك مريوووومة :kiss::kiss::kiss:
وهاهي باقة ورد لييك:Love:

في امان الله

السلام عليكم اختي جيهان ان شاء الله امورك بخير يا رب
ربي يحفظك يا رب ويفرحك كلامك فرحني وبزاف عليا والله ربي يخليك يا رب
كل شي قلتوه ندعي ربي باه يكون فميزان حسناتكم يا رب
ونحس فيكم معايا وفدارنا والله يا ريت تمنيت مي لقيت الجو هنا عندكم احتفالي اكثر من دارنا والله
ربي يفرحكم ويفرح مريومة مولات الهدات ربي ينجحها يا رب

 

[ليليا مرام]

@ليليا مرام عيد ميلاد سعيد وكل عام وانت بخير ومن الافضل للاحسن وقبال 10000000 سنة مملوءة سعادة وفرح.

السلام عليكم
فتوحي تؤبشني ربي يحفظك يا رب ويفرحك معايا اكيد ركز على هذي بلاك تنساها وهذوك الاعوام نعيشهم معاك ههههههه
وكادوك عارفة فالحفلة الرومناسية اليوم خليهم يموتو تؤبشني
ربي يحفظك يا رب مشكور على لمتنا فالمندى هذا وشكرا على انو واسع بالك معانا ربي يحفظك
شكرا

 

[ليليا مرام]

كل عام وأنت بخير أختي @ليليا مرام .. عمر مديد وانجازت اعظم ..
وربي يوفقك

السلام عليكم
خويا محمد اهلا وسهلا
ربي يخليك يا رب ويهنيك وعمر مديد ليك تعيشو مرتاح ومهني وفرحان يا رب
آمين خويا ويوفقك

 

[ليليا مرام]

مشاهدة المرفق 63237 مشاهدة المرفق 63238 مبروووووك كل عاااام وأنت بخير حنونتي عقبال100سنه إن شاااء اللهمشاهدة المرفق 63236

السلام عليكم صفاء
اهلا وسهلا ربي يخليك يا رب ويهنيك اختي العزيزة ويحفظك ومشكورة على البطاقة راني نخبيها عندي الله يخليك هايلة
مشكورة

 

[ليليا مرام]

عيد ميلاد سعييييد و كل عام و انتي بألف خير أختاه ..
عقبال 100 سنة ان شاء الله

السلام عليكم ميسم اهلا وسهلا
امين اختي ربي يفرحك يا رب ويهنيك مشكورة اختي

 

[صانعة الإبتسامة]

السلام عليكم صفاء
اهلا وسهلا ربي يخليك يا رب ويهنيك اختي العزيزة ويحفظك ومشكورة على البطاقة راني نخبيها عندي الله يخليك هايلة
مشكورة

لا شكر على واجب ...أنت غاليه والطلب رخيص....خبي البطاقه عندك ...وين تشوفيها ...تفكريني.....أحبك في الله...

 

[ضآحكة مستبشرة]

السلآم عليكم و رحمة الله تعالى و بركاته
عيد ميلاد سعيد كل عام و انتي بخير اختي الغالية
ان شاء الله ربي يكبرك في طاعتو
ان شاء الله يكون هدا العام فال خير عليك زينة

​

 

[زاد الرحيل]

عيد ميلاد سعيد غاليتنا @ليليا مرام
أتمنى لك كل الخير مما يرضاه الله و أسأل الله ان يشفيك انه قادر على كل شيئ

 

[ليليا مرام]

السلام عليكم و رحمه الله تعالى وبركاته

شكرا على الدعوى للحفلة أختي
@لؤلؤة قسنطينة
وبارك الله فيك على الالتفاتة الطيبة
السلام عليكم اهلا وسهلا
خويا حليم
فعلا بارك الله في الاخت مريم وفيكم جميعا

عيد ميلاد سعيد فرفوشة اللمة وكل عام وانت جميلة ومتألقة ... والعاقبة لأعوام يتركك فيها المرض ويغادرك كما تغادر الورقة الغصن في فصل الخريف الى غير رجعه يا رب....


أهديكي هذه الكلمات
اتمنى أن تقبلي هديتي البسيطة

ربي يهنيك خويا ويفرحك وين ما كنت ويخليلك اولادك يا رب
آمين الله يقبل منك يا رب ويشفي بنتك يا رب

ليليا يا ليل هادىء بنسيم بارد
ليليا بسمة البراعم عند صباح ندي شارد

ليليا أزمة الرجال وعند كلماتها تجف الاقلام
ليليا طفولة بريئة بين ثناياك وعند مشاعرك بالآخرين ينحني السلام

كل عام وأنت بعطر الأخوة تعطرين المكان
وكل عام وأنت فرفوشة وتزرعين الابتسامة واجمل الالحان




أدعو الله أن تعيشي وتعيشي وتحكي حكايتك لأحفادك ....

أدعو الله القدير أن تمري على مراحل حياتك القادمة وأنت واقفة ومتألقة ....


من اروع ما قرأت دون مجاملة روعة جزاك الله كل خير يا رب واسعدك فالدارين

أدعو الله لك كأخ وكأب وكعائلة تجمع شتات أفرادها ،أدعو لك بقلب أبيض ونور يملأ هذه الاسطر أن تري أياما حلوة وتعيشي دنيا كما رسمتيها ....
أدعو وأدعو ولا أملك سوى الدعاء
كل عام وأنت بخير والعام القادم أحسن من هذا العام إن شاء الله
تقبلي مروري مع فائق الاحترام والتقدير
حلم كبير


​

الله يتقبل منك والله دعواتك الصادقة عندي خير الف مرة من الف هدية
الله يجازيك بالجنة
امين يا رب عليا وعليكم
لك مني كل التقدير

 

[ليليا مرام]

يا ريت إسمي ليليا.....هههه....كلام راقي

كالعاده.... تقبل إحترامي وتقديري لك..

انت لاحقتني فالراجل ولاحقتني حتى فخونا حلم كتبلي ليا يكتبلك يالطيف ياو م تخافيش ندي قاع رجال المنتدى الا حليم راه خويا تهني وحلي عينك نشوفك منا والا منا هني نعس فيك ايوا كثرتيها
راه يقولي راسي نعطيك ديركت

 

[ليليا مرام]

كل ععام و انت بالف الخير و عقوبة 100 عام

السلام عليكم
اهلا وسهلا اختي ربي يحفظك ويهنيك
بارك الله فيك

 

[ليليا مرام]

ياهوووو جييييت الحمد لله كاينين اللي يديرولنا اشارة ترن رن رن هههه بصح فعيد ميلادنا ما تفكرونا ترن رن رن حبيت نجيبها كما اغنية الحمد لله ما بقى استعمار فبلادنا ههه ماعليش جات شوية مخلطة نهديلك اختي "ليليا" هذي من عندي و رانا كيف كيف خلقنا فشهر الضحك "ماي"

السلام عليكم فطيطمة
ابه كايبن ابسيو نتاع البيباج
اياو حتى انت مع المخلوقة نتاع صفاء ها برك زردة ثاني تبعتوني ويا فطيطمة واش معولة انت وصفاء
ايه شهر الضحك أنا وأنتي هههه المشكل انو احنا اكثر تعاسة كش ماراكي فاهمة

ان شاء الله تعجبك و احتفظي بيها كصورة عندك فالهاتف ^^ معرف لكان جبتها باهية مي خرجت من القلب @ليليا مرام

اه عجبتني بزاف خدمتيها روعة وراني سجلتها عندي والله خرجت هايلة لانو من قلبك ووصلتني
ربي يحفظك يا رب ويهنيك
شكرا

 

[ليليا مرام]

مالغري ماعرضتنيش لؤلؤة بصح نجي على خاطرك ان شاء الله هاد العام تكون الاخبار السارة

السلام عليكم اهلا وسهلا جزاك الله كل خير
الله يخليك اختي ويهنيك وبارك الله فيك لالا مريومة والله عارفة تعرض الكل ونتوما اهل الدار وعلى راسي وتنورينا يا رب
راكي مولات العرضة والهدة وشكون اللي ستالا الحالة ورتب الطابلة مالغري راكي قريب توليد واحنا نجو كامل نرفدوك ونقومو بيك
الله يطلعك على خير وتجيبينا الطمينة
ربي يحفظك اختي

 

[ليليا مرام]

عيد ميلاد سعيد حبيبتي
ايا البنات راكم كامل معروضين عندي باش نديروا احتفال يليق بيها اوك الدعوة عاااامة
مطولوش برك
عقبال ل100سنة يااارب
سنة حلوة يا جميل

السلام عليكم اهلا وسهلا
الله يحفظك اختي مليكة وينورك يا رب وما نجي نوصل لتلمسان نولي فعمري 90
مشكورة اختي على الدعوة وراهم جايين البنات انا نجي فالطيارة هههه
تسلمي يا رب ربي يحفظك

 

[ليليا مرام]

السلآم عليكم و رحمة الله تعالى و بركاته
عيد ميلاد سعيد كل عام و انتي بخير اختي الغالية
ان شاء الله ربي يكبرك في طاعتو
ان شاء الله يكون هدا العام فال خير عليك زينة

​

السلام عليكم متفائلة اهلا وسهلا
ربي يخليك يا رب ويهنيك ويفرحكم كلكم لانو والله حسيتكم اكثر من الاهل
ومشكورين على الورد لانو نحبو بزاف
ربي يخليكم
شكرا