هذي حياتي،،،التعيسة طبعا

[ليليا مرام]

السلام عليكم
اييه حال لبلاد وين وصل .وكيلهم ربي برك
ربي يصبرك ويقدرك ياغالية ربي يخفف عليك ويفرجها عليك في اقرب وقت ان شاء الله

السلام عليكم
آمين اختي ربي يحفظك يا رب ويجازيك
هذا حال المسؤولين في بلادنا وكلت عليهم ربي
الحمد لله الشدة والفرج من ربي الطمعة فيه سبحانو
شكرا

 

[ليليا مرام]

السلام عليكم ورحمة من الله و بركاته
كان الله معكم في مصابكم
انها الدنيا الدنيئة بدناءة أمثالهم
لو كانت الدنيا التي اتينا اليها بهجة لما
بكينا في اول ظهور لنا فيها او ليس الذي
لايبكي حين خرزجه من بطن امه يموت ؟
نعم يموت ... لا يبكي لانه راحل الى الجنة
من ها هنا نحن .
كان الله معك .. تقبلي مروري
متابع بصمت

السلام عليكم اخي الفاضل
بارك الله فيك وتقبل منك ومن كل الاخوة
الدنيا مش هي السبب السبب اللي حكم بلاصة هو مسؤول عليها قدام ربي ويتهرب
اللوم عاللي يسرق فحقنا كمرضى وحق اليتامى هذوك السبب زدنا نبكو ومازلنا وراحين نموتو هاكا اللي مكتب عليه الشقى يبقى معاه لآخر عمرو
ربي يحفظك خويا

 

[ليليا مرام]

ربي يشفيك اختي
وربي معاك
رانا كامل ندعيولك
ان شاء الله شدة وتزول

السلام عليكم الشاوية
آمين اختي والله عارفة وتدعيلكم الملائكة ان شاء الله
شكرا

 

[ليليا مرام]

السلام عليكم
واش نقلك يا مرام
الله يجعل في قضاه اللطف
و الله يسلك وحلك
...
ترددت قدام لنرد عليك هنا
لانو صراحة راني حاس بلي رانا نزيدو عليك اكثر كي نردو عليك
لانو نفس الكلام نعاودو فيه
بصح الله غالب ...هذي لي نقدرو عليها
و اسمحيلنا ...
​

السلام عليكم صلاح
لالا خويا ونتوما واش فيدكم زواولة حالكم من حالي يا ربي الواحد قايم همو لالا خويا نعذر الناس وكل واحد حليلو وربي معاه ومش مجبرين بيا يكفي دعائكم ما تدري ابواب السما مفتوحة دعوة واحد منكم تفتحلي باب انا ما نطيحش بالدعاء يفتح ابواب ويفرج هموم
الحمد لله على كل شي خويا
ربي يحفظك يا رب

 

[ليليا مرام]

الله يشفيك..

سلام عليكم
آمين شكرا لك

 

[ليليا مرام]

الله يشفيك ويعطيك الصحه

السلام عليكم اخي الجانتل نورت المنتدى
آمين يا رب ربي يتقبل منكم ان شاء الله
شكرا

 

[ليليا مرام]

قريت ووجعني قلبي
وحمدت ربي سبحانو على نعمة الصحة
ياأختي ليليا سمحيلي نكررها لك ربي راهو حاسس بيك
متقطعيش الياس
هاذي حالة السبيطارات فبلادنا كل وحدة دخلت السبيطار عندها حكايتها
ولكن لوقتاه ؟
نتخيلك ياليليا نتي تكوني من الناس اللي يدخلوا الجنة يوم القيامة بغير حساب
و تقولي الحمد لله الذي ابتلاني في الدنيا بعد ما تشوفي هذاك الخير
اللهم يارحمان إنها دعوة في أواخر الليل أن تفرج عن أختي كربتها عاجلا غير آجل يارب
اللهم إنها أمتك ولارب لها سواك
اللهم لاحول ولا قوة لها إلا بك
اللهم إن لم تشفها فلارب سواك يشفيها
اللهم أجب دعائي يارب

السلام عليكم اختي
بارك الله فيك ربي يتقبل منكم جميعا
الحمد لله راضية وحامدة ربي وشاكرة قبل من لاخرة ربي خلقني وكتبلي هكذا اللهم لا اعتراض
تغيضك الاستهتار الحقرة فبلادنا والله فوت اسبوع فالسبيطار من اسوأ ما عشت راح نحكيلكم امور تدهشو هذي اللي تغيض مش حاجة ربي
اللهم آمين اختي ربي يحفظك
شكرا

 

[ليليا مرام]

السلام عليكم
اليوم نكمللكم الجزء الثاني من الحكاية
الجزء هذا راح نحكيلكم على

استعجالات بلادنا .... رجعت تأخرات

لما وصلت لدويرة لقيت جيراني ديجا وصلو قبلي حسبو الحماية هبطوني لدويرة مي لقاوني جاية فالطونوبيل العادية
ارواحو الشابة لما وصلت رجليا مقسومة مدو كرسي يعني جاية نتصدر عرشتلهم يمى جا الطبيب وباه يخرجوني بطلوع الروح اللي شفتو غاشي كبير لانو ذيك الليلة بزاف حالات دخلوني الداخل واول ما شافوني طقم طبي عرفوني لانو كنت عندهم قبل ايام لما رحت ورجلي بدات تتكسر وقالي واش صار تكسرت قتلو طحت دوها للراديو الكلمة المشهورة قتلو خلاص دارولي فالسبيطار فالقليعة قالك لالا تعاودي ويا عذاب ليليا جاية مزية راجل اختي وجيران وواحد ليجون اموبيلونس بريفي جابو مرا يعرفو يرفدو ساعفوني رفدوني للطابلة نتاع الراديو وهات يا تصوير من كل جهة رجلي اليمنى واليسرى والحوض والظهر كل شي رجعوني وبداو يتفاهمو واش يديرو وقتلها على بالي الميزان لانو درتو فرجلي اليسرى
مهم داوني لبلاصتي اللي زعمى بلاصتي عندها 17 سنة ايه طحت فنفس الشمبرة والبونك نفس الجهة كانو الدنيا حبست وما مشاتش
راحت يمى للدار تجيبلي حوايجي وصوالحي ونسمع الرجلين جايين اصحاب الورشة جايين للميزان
مهم كانت طبيبة و معاها 3 اطباء جابو الادوات زمان من جاو هاكاك ما كنتش نعرف في بالي يخدمو التاقة والا الباب بلاشينيور وفالحق انا هي الباب
مهم جبدو الادوات ركبو لابريز وانا اللي حمدت ربي عليها صدقوني نزلت على قلبي واحد الرحمة وجاني على الاستغفار والحمد ونقرا فالقرآن
طبيبة تفهم فيه وين يثقب وكيفاه يدخل لاشينيور وهو اصلا ستاجور
بدا يقطع فرجلي وانا نستغفر شدولي رجلي لخرين وهو يثقب وانا نعيط لربي ونستغفر قد ما يتغمق فالثقب ولاشينيور دور فرجلي لما وصلو لوسط رجلي خلاص الكوراج راحلي وبديت نعيط لبابا ربي يرحمو
مهم خرج المسمار الجهة الدوزيام هناك حسيت الروح خرجت مني مي استناو السي خونا غلط وقاتلو مش هناك وحاب يرجع يخرج المسمار طبعتو ما قدرتش الطبيبة هي شدت الماشينة ورجعت للورا زوج دورات تقدرو تتخيلو الوجع اكبر وجع انو لاشينيور تثقبلك فعظمك وانت تشوف
مهم دارولي الميزان اللي هو يربطو المسمار اللي خرج من رجلي على الجهتين يربطو بكومبراس ويشدو الرجل لورا السرير بميزان ثقيل على هذا يسمى ميزان
مهم كملو وراحو وعادي جا ليا اللي يسيق ربي يحفظو ويشوف واش خصني الطبيب والفرامل راحو
يخلوك لا دوا ولا شي الحمد لله انو طبيب منهم وليد فاميلياىرجع عندي وركبلي دوا الصطر حتى دخلت يمى
لبستني وما نقدرش نوصفلكم كل حركة واش تسوا والسلك خارج من رجلي ومربوطة بميزان واش تسوا انك تتحرك
بقات يمى معايا شوي وانا نبكي ونستغفر ونحمد فربي راحت امي وانا نرقد ونوض ونغفا ونوض حتى للفجر نسمع فالآذان وانا ندعي لربي وطلع عليا النهار فاستعجالات الجزائر
الشمبرة التاقه مكسره والنظافة ماكان لاه نحكي راكم صايمين قمة العفن
وفاتت الليلة وقالو صومي ممكن ديري العملية
جات امي صباح بكري لقاتهم جاو يبدلولي السيرفيس جات لومبيلونس
اللي تفرج فيلم الثورة يعرف لومبيلونس نتاع المجاهدين صطافات نتاع بكري كان ليا الشرف يدوني فيها ويا يمى مخضتني منين تتزعزع وانا نعيط حتى وصلوني وزادو بدلوني فسرير اخر وهنا جاو فرامل كلهم يعرفوني من 17 سنة الحمد لله طحت عند ناس كامل يعرفوني والحق تهلاو بزاف رفدوني بالمسايسة وقالو ليمى ما تحيريش هذا اللي قالوه وفالحق يوم يخدمو هوما يتهلاو
الوجع تحكمو فيه ادوية وحقن وبديت نرتاح من ليلة كاملة عذاب مهم قالو ما ديريش العملية وبقيت شوي نرتاح لما رجلي حكمت بلاصتها ما تتحركش
وهنا نحبس ونتلاقو فالجزء الجاي

شكرا

 

[Mårőųā Řāhïł]

ربي يكون معاك ختيتي ويحفظك
قطعتيلي قلبي

 

[ليليا مرام]

ربي يكون معاك ختيتي ويحفظك
قطعتيلي قلبي

اهلا اختي
سلامة قلبك اسمحيلي
آمين الحمد لله على كل شي
بارك الله فيك

 

[mohamedfathi]

قطعتيلي قلبي اختي
لكن لا تحزني بشيء قد قدره الله ، ولا تقطعي الامل بالله
فكونك بقيتي صابرة فكوني كذلك وبإذن الله سيفرج الله عنك ويرفع عنك هذا البلاء
شفاك الله وعفاك يارب
في هذا الشهر العظيم سنستغله بالدعاء لك ولك مريض يعاني

 

[mohamedfathi]

الصبر ثم الصبر والله المستعان
والله لن يضيع من اجر من احسن عملا

 

[ليليا مرام]

قطعتيلي قلبي اختي
لكن لا تحزني بشيء قد قدره الله ، ولا تقطعي الامل بالله
فكونك بقيتي صابرة فكوني كذلك وبإذن الله سيفرج الله عنك ويرفع عنك هذا البلاء
شفاك الله وعفاك يارب
في هذا الشهر العظيم سنستغله بالدعاء لك ولك مريض يعاني

السلام عليكم خويا محمد
صحا رمضانك خويا
الحمد لله أمر ربي راضية وقانعة انا نتمنى برك لما تقرو قصتي تدعولي واللي تجي عليه محنة يتفكرني وانا ندي العبرة من مرضى اخرين من هم آخر وهكذا واحد يونس واحد والاهم يحمد ربي على النعم اللي مدهملو
صابرة وقادرة نكمل واللي جات من ربي الف مرحبا بيها انا منو ونرجع ليه ما عنديش حق نعترض على حكمو سبحانو رحيم وربي يبعث الرحمة
بارك الله فيك خويا

 

[ليليا مرام]

الصبر ثم الصبر والله المستعان
والله لن يضيع من اجر من احسن عملا

الحمد لله الصبر نعمة
آمين يا رب
بارك الله فيك خويا

 

[mohamedfathi]

السلام عليكم خويا محمد
صحا رمضانك خويا
الحمد لله أمر ربي راضية وقانعة انا نتمنى برك لما تقرو قصتي تدعولي واللي تجي عليه محنة يتفكرني وانا ندي العبرة من مرضى اخرين من هم آخر وهكذا واحد يونس واحد والاهم يحمد ربي على النعم اللي مدهملو
صابرة وقادرة نكمل واللي جات من ربي الف مرحبا بيها انا منو ونرجع ليه ما عنديش حق نعترض على حكمو سبحانو رحيم وربي يبعث الرحمة
بارك الله فيك خويا

ما يعجبني فيك اختي صبرك وقوتك .. فيارب يقويك ويحميك ويسعدك
وماهيا هذه الدنيا الا متاع الغرور
فالأحسن منا ان نحضر ونجهز انفسنا لدار الخلود ودار النعيم وهيا جنة عرضها السموات والارض الله يجمعنا اختي في جنة الفردوس ووالدينا ولكل من قال آمين يارب العالمين
هذا هو المبتغى الذي خلق الانسان لأجله

 

[ليليا مرام]

الصبر ثم الصبر والله المستعان
والله لن يضيع من اجر من احسن عملا

الحمد لله الصبر نعمة
آمين يا رب
بارك الله فيك خويا

 

[ليليا مرام]

ما يعجبني فيك اختي صبرك وقوتك .. فيارب يقويك ويحميك ويسعدك
وماهيا هذه الدنيا الا متاع الغرور
فالأحسن منا ان نحضر ونجهز انفسنا لدار الخلود ودار النعيم وهيا جنة عرضها السموات والارض الله يجمعنا اختي في جنة الفردوس ووالدينا ولكل من قال آمين يارب العالمين
هذا هو المبتغى الذي خلق الانسان لأجله

ربي يحفظك محمد
واش ندير أمر الله فرضا راني ما صبرتش واش راح نربح نتمرد على أمر ربي محال راني من كنت فكرش يمى وربي سبحانو مكتبلي هكذا
تعرف واش خرجت بنتيجة من ضربتي هذي انو خلاص بربي ان شاء الله اي شي فالدنيا ما يزيدش يهمني نقرب من ربي بزاف وندعي ربي يكتبلي نعتمر ان شاء الله واي شي اخر فالدنيا الفانية ما يهمني
ربي يحفظك خويا ويهنيك وينجحك ان شاء الله

 

[mohamedfathi]

ربي يحفظك محمد
واش ندير أمر الله فرضا راني ما صبرتش واش راح نربح نتمرد على أمر ربي محال راني من كنت فكرش يمى وربي سبحانو مكتبلي هكذا
تعرف واش خرجت بنتيجة من ضربتي هذي انو خلاص بربي ان شاء الله اي شي فالدنيا ما يزيدش يهمني نقرب من ربي بزاف وندعي ربي يكتبلي نعتمر ان شاء الله واي شي اخر فالدنيا الفانية ما يهمني
ربي يحفظك خويا ويهنيك وينجحك ان شاء الله

الله يعطيك ما تتمناي اختي
ويقدرك ويسدد خطاك الى ما يحب الله ويرضاه
اجعلي املك بالله ...فيا من قصص قد حكيت ويا من قصص قد حضرتها وكانت فيها اشخاص قد عانو اشد المعاناة والعذاب لكن والله الفرج الالاهي قد اتى اليهم
اما بتبشيرهم بالجنة او برفع عنهم البلاء وذلك بسبب شيء وحيد ايمانهم بقدرة الله وثباتهم على الحق
ان شاء اله يارب انت منهم يفرج الله عنك قريبا وستحققين كل ما تتمنينه باذن الله

 

[لؤلؤة قسنطينة]

لا حول ولا قوة إلا بالله العلي العظيم
اللهم فرجك ورحمتك وعونك، الحمد لله أنو جازت مع انو مجرد الحديث عنها يدمي القلب
والله يا ختي ليليا مالقيت مانقول، فيلم الرعب وماش هكا
كان الله في عونك حبيبتي، جزاءك رايح يكون مليييح بزاف في الآخرة بإذن المولى عز وجل
ربي يشفيك ويعافيك ويقويك ويزيدك صبر فوق صبرك ويجازيك عليه
مالقيت واش نهدر والله
ربي يوفقك لكل خير ان شاء الله​

 

[الزهرة الحمراء]

السلام عليكم اختي
رمضان مبارك علينا وعليك
اولا اختي ربي يشافيك ويعافيك
ماذا بيك طمنينا عليك اختي كل شوية ووش صرا في حكايتك
والله نقرا وانت توصفي فالوجع وانا حاساتو فيا
خاطر وجع الكسر ماهوش ساهل وخاصة اذا كنت مكسورة وزدتي خذيتي طيحة واعرة على نفس الرجل المكسورة
ربي يصبرك ويشفيك ورانا معاك اختي ولو بالدعاء
​