استضافة مع ضيف لماوي في رمضان- الضيف الثاني Twinkle Stars -

[Only me]

اهلا وسهلا بيك أختي عبير
صح رمضانكك وكل عام وانت بخير
تصومي بالصحة والهنا، أنت وكل العائلة

لي عودة​

 

[همس الوُرود]

اهلا وسهلا بيك أختي عبير
صح رمضانكك وكل عام وانت بخير
تصومي بالصحة والهنا، أنت وكل العائلة

لي عودة​

وبيك تحلى أختي فاطمة
وأنتي زادة تقبل الله منا ومنكم حبيبتي
في انتظار تواجدك أختي:p​

 

[شاعرة الأمل]

اهلا اهلا بضيفتنا عبير رمضانك مبارك
مرحبا بيك بيناتنا ليوم نقرقشولك راسك بالاسئلة ههههه والله غير نضحك معاك برك
راح نديرلك اسئلة خفاف ضراف
اوصفي عبير في جملة
وش هي الحاجة لي تتمنايها في زوجك المستقبلي
نصيحة للفتيات المتبرجات
نصيحة للشباب الطائش
@Twinkle Stars لما اخترتي هذا الاسم
ان شاء الله ماكنتش تقيلة عليك تصومي بالصحة والهنا ختيتو وربي يتقبل منك
سلام

 

[همس الوُرود]

اهلا اهلا بضيفتنا عبير رمضانك مبارك

وبيك تحلى حبيبتي تقبل الله منا ومنكم

مرحبا بيك بيناتنا ليوم نقرقشولك راسك بالاسئلة ههههه والله غير نضحك معاك برك
هههه ماعليش مرحبا بيك أختي

راح نديرلك اسئلة خفاف ضراف
اوصفي عبير في جملة
عبير فتاة بسيطة تحب البسمة وتقرأ باجتهاد خخخ يا أختي ماعرفتش هههههههه

وش هي الحاجة لي تتمنايها في زوجك المستقبلي

التربية والوفاء والصدق

نصيحة للفتيات المتبرجات

إتقي الله يا غالية واعرفي قدر نفسك

نصيحة للشباب الطائش
إتقوا الله في أنفسكم
@Twinkle Stars لما اخترتي هذا الاسم

لأني أحب النجوم ومراقبتها ليلا

ان شاء الله ماكنتش تقيلة عليك تصومي بالصحة والهنا ختيتو وربي يتقبل منك
سلام
مرحبا بيك أختي ~ بارك الله فيك
​

 

[Only me]

السلام عليكم
راني رجعت وان شاء الله مانكونش تأخرت
أختي عبير اسمحي لي أن أخبرك أني أحبك في الله ،، حضورك في المنتدى لافت ومميز واسمك غير شكل ، كل مانشوفك نتفكر twinkle twinkle little star , how I wonder what you are وتزهالي الحياة ههههه
رايحة نكون خفيفة ظريفة ان شاء الله

~ واش راكي اديري في حياتك ( تقراي، تخدمي ، قاعدة) ؟؟؟
~ واش هي أولى أولوياتك في الحياة؟؟
~واش هي مشاريعك لي ناوية تنفذيها في أقرب الآجال ؟؟؟
~ في أي قسم في المنتدى تجدين راحتك أكثر؟؟
~ عضو في المنتدى تفديه بروحك ؟؟
~ قسم في المنتدى عمرك ما طليتي عليه هههه ؟؟؟

أيا بزااف راني كثرت واقيل هههههه
تقبلي مشاركتي غاليتي
كل الود ​

 

[ضآحكة مستبشرة]

السلام عليكم و رحمة الله تعالى وبركاته
أهلا وسهلا بك اختي عبير في هذي القعدة الطيبة ^^

كيفاش راكي مع الصيام و رمضان ؟؟

مممممممممم ختي عبير رح نكون خفيفة عليك بالأسئلة ديالي ههههه
- وآش هي طموحات عبير بخصوص القراية ؟؟
- أهداف عبير غير الدراسة ؟؟
- أهم حاجة في حياتك وآش هي ؟؟
- واش تعنيلك اللمة ؟؟
- عبير ولات ملتزمة بعد الجلباب ولا مزال ؟؟
- وآش هي الحاجة لي تقلقك ؟؟
- الصداقة في رأيك ؟؟
- شكون هي الفتاة المثالية في رأيك ؟؟
- طبع سيء فيك حابة تغيريه ؟؟


إن شاء الله نكون خفيفة عليك الزينة
ربي يحفظك حبيبتي
وصح فطوركم​

 

[aljentel]

متابع ولي عوده ان شاء الله

 

[همس الوُرود]

السلام عليكم
وعليكم السلام ورحمة الله وبركاته

راني رجعت وان شاء الله مانكونش تأخرت
أهلا بيك أختي فاطمة ^^
أختي عبير اسمحي لي أن أخبرك أني أحبك في الله ،، حضورك في المنتدى لافت ومميز واسمك غير شكل ، كل مانشوفك نتفكر twinkle twinkle little star , how I wonder what you are وتزهالي الحياة ههههه
ههههههههههه علاش تحشمي فيا هكا دوك يحمارو خدودي ومنقدرش نجاوب على الأسئلةهههه
ربي يحفظك حبيبتي ~ أحبك الذي أحببتني من أجله ~

رايحة نكون خفيفة ظريفة ان شاء الله

مرحبا بيك كيما تكوني أختي ~ عسل

~ واش راكي اديري في حياتك ( تقراي، تخدمي ، قاعدة) ؟؟؟
أنا نقرا طالعة ثانية جامعي
~ واش هي أولى أولوياتك في الحياة؟؟
أممم حابة نتعلم بزاف فالدين ونتفقه ويهديني ربي إن شاء الله
~واش هي مشاريعك لي ناوية تنفذيها في أقرب الآجال ؟؟؟
حابة نتعلم الخياطة تع الزينة فالوقت الي راني نقرا فيه ونتعلم فنون الطبخ و فن الفوتوشوب شوية
~ في أي قسم في المنتدى تجدين راحتك أكثر؟؟
قسم عالم المرأة رغم أني منيش ناشطة فيه راني نتعلم منكم برك
~ عضو في المنتدى تفديه بروحك ؟؟
اووه ههههه ماعرف
~ قسم في المنتدى عمرك ما طليتي عليه هههه ؟؟؟
أممم ممكن عالم الرجل منيش نطل عليه :p

أيا بزااف راني كثرت واقيل هههههه

ههههه لا أختي كي العسل مرحبا بيك
تقبلي مشاركتي غاليتي
كل الود

ربي يحفظك أختي زيدي طلي عليا والمرة الجاية كي تجي جيبي معاك شوية حاجة تتاكل
نتمسخر برك حبيبتي​

 

[همس الوُرود]

السلام عليكم و رحمة الله تعالى وبركاته
وعليكم السلام ورحمة الله وبركاته
أهلا وسهلا بك اختي عبير في هذي القعدة الطيبة ^^
بيك تحلى حبيبتي أسماء

كيفاش راكي مع الصيام و رمضان ؟؟
والله صافا في فترة غالبني وفي فترة ناشطة معاه

مممممممممم ختي عبير رح نكون خفيفة عليك بالأسئلة ديالي ههههه
هههههههه يا ودي وشبيكم مع خفيفة أقصفي برك
- وآش هي طموحات عبير بخصوص القراية ؟؟
نكمل قرايتي برك وين مسهل ربي ندي شهادة و نريح فالدار ولا الي جات مرحبا بيها
- أهداف عبير غير الدراسة ؟؟
ههههه نتعلم فنون بزاف كيما عالم الفوتوشوب وعالم الزينة~ الزينة المنزلية مشي تع البشرة وهداك الشي خاطيني هههه~
- أهم حاجة في حياتك وآش هي ؟؟
عايلتي تكون دايرة بيا وبصحة جيدة
- واش تعنيلك اللمة ؟؟
صراحة تعنيلي بزااف حوايج عييت نخمم بلا بيها كيفاش نقدر نكمل مسيرتي فالأنترنت مكانش ههه
بيسك مين عرفت النت وأنا نعرف اللمة
- عبير ولات ملتزمة بعد الجلباب ولا مزال ؟؟
يا أختي نحاولوا قدر الإمكان نكونوا ملتزمات ونسأل الله الهداية والثبات والتوفيق من عند الله عز وجل
- وآش هي الحاجة لي تقلقك ؟؟
بزاف هههه هاتي برك لعبي على المورال نتقلق ~ خخخ حساسة الله غالب
- الصداقة في رأيك ؟؟
مكانش صداقة فالحياة هادي
- شكون هي الفتاة المثالية في رأيك ؟؟
الفتاة الي تقدر توفق بين الجد والمزاح وتقدر ترضي عايلتها و ترضي زوجها وترضي أهل زوجها
وتحكم دينها تع الصح
- طبع سيء فيك حابة تغيريه ؟؟
الحساسية الزائدة والتسرع


إن شاء الله نكون خفيفة عليك الزينة
مشي غير خفيفة راكي ريشة ههههه ربي يحفظك الزينة:p
ربي يحفظك حبيبتي
وصح فطوركم

وأنتي زادة حبيبتي بارك الله فيك​

 

[همس الوُرود]

متابع ولي عوده ان شاء الله

مرحبا بك ~​

 

[حلم كبير]

السلام عليكم و رحمه الله تعالى وبركاته


أهلا بأختنا مراقبة النجوم الساطعة واللامعة ،وصاحبة القلب الذهبي...

أهليييييين بها الطلة هلا ولا

هههههههههه

سؤالي وحيد ولا يوجد غيره:

مسرورة بإنجازاتك لحد الان ؟

أتمنى لك إقامة طيبة
احترامي وتقديري
حلم كبير

​

 

[همس الوُرود]

السلام عليكم و رحمه الله تعالى وبركاته
وعليكم السلام ورحمة الله وبركاته

أهلا بأختنا مراقبة النجوم الساطعة واللامعة ،وصاحبة القلب الذهبي...
أهليييييين بها الطلة هلا ولا

هههههههههه

هههههه وبكم أهلا

سؤالي وحيد ولا يوجد غيره:

مسرورة بإنجازاتك لحد الان ؟
بعض الإنجازات نعم
وبعضها الآخر لا طبعا
هناك نقائص كثيرة الله يوفقنا يا رب لما فيه خير وإياكم يا رب
أتمنى لك إقامة طيبة
احترامي وتقديري
حلم كبير
بارك الله فيك أخي
شكرا على المرور الطيب ~
​

 

[أم أُنٌَيسة]

السلام عليكم
بارك الله فيكي وجزاكي كل خير غاليتي لتقبل الاستضافة
اتمنى ان تكوني قد استمتعتي وان الاسئلة كانت خفيفة ظريفة
اسفة لعدم تواجدي كنت متابعة ،لكن الله غالب مريضة
صحى رمضانكم حبيبتي
في امان الله وحفظه
تحياتي القلبية​

 

[Oum Loukmane]

السلام عليكم
الله يعينك بنتي على اسئله شيماء دخلت تجري ماخلات والو
صح فطورك ولا لقيت كاش سؤال غادي نطرحه