~بآركوا للؤلؤة قسنطينة تخرجها ~

[*amani*]

وعليكم السلاام
الف الف الف الف مليون تليون مبروك
خبر مفرح حقا ..تبارك الله ربي هنيك ان شاء الله
والعاقبة للوظيفة ...ومزيدا من التألق والنجاح
بالتوفيق حبيبتي

 

[باتنية و نص]

الف مبروك حبيبتي
تستاهلي كل خير

 

[ثَسْكُورْثْ نَثْدُوكْلِي]

سلاام عليكم
يووه ماجدة عندي مدة ماشفتكش كيراكي صافا غايا الحمد لله ربي يدوم :kiss:

يمممم مريومة تخرجت ماشاء الله مباااارك عليك التخرج عقبال للدكتوراه و الخدمة
مزيد من التالق والنجاح مريوميتا
الله يدوم الافراح يارب
وصح رمضانكم
صحيتي ع الموضوع ماجدة
بالتوفيق​

 

[حروف تائهة]

الف الف مليووووون مبرووووك حنونة
تستاهلي كل خير
ربي يوفقك في حياتك
و لعقوبة لنجاحات اخرى ان شاء الله

 

[Oum Loukmane]

السلآم عليكم​

الف مبروك بنتي ولعقوبه للوظيفه
راني جبت معيا الهدايا

​

والورد للورد

 

[زاد الرحيل]

الف مبروك يا لؤلؤة التخرج ان شاء الله العمل و الأسرة و التفوق في كل ما يرضي الله

 

[لؤلؤة قسنطينة]

السلام عليكم
صباحكم نور وسرور وأحلى المسك والعطور
يومكم طيب ان شاء الله
أولا نحمد ونشكر ربي سبحانو لي وصلني لمثل هاد المرحلة، لولا رحمة ربي سبحانو ما كنت نلحق
خاطر مريت بظروف بزاااف صعبة لدرجة تغلقو كل البيبان في وجهي، لولا ربي سبحانو لي فرج عليا
ماكنت نلحق ولا ننجح، فألف حمد وشكر لله سبحانه وتعالى والحمد لله دائما أبدا
ثانيا نشكر والديا واختي (عائلتي الصغيرة) وقفو معايا وتعبو معايا سواء نفسيا ولا ماديا ولا جسديا
التعب لي تعبوه كامل معايا كنت حابة نعوضهولهم بفرحة النجاح والحمد لله الفرحة البارح شفتها في عينيهم وسمعتها في صوتهم
ثالثا نشكر كل الناس لي شجعتني طول العام سواءا من العالم الواقعي ولا اهل اللمة الطيبين لي مابخلوش عليا
بوقفتهم ولا بدعواتهم ولا بمحبتهم لي ربي رزقني بيها، فألف شكر لكل شخص سقسى عليا ولا تقلق عليا ولا وقف معايا
ولو بدعوة، حبيبتي ماجدة ربي يحفظك ويهنيك غاليتي ربي يوفقك وينجحك ونشوفك في أعلى المراتب يارب
اليوم فرحتي هي فرحتكم وياريت جيت نقدر نحضركم كامل

المهم هادي علبة الحلويات لي قدمتها للأستاذة ولزميلتي في الدراسة تمنيت لو كل شخص تلحقلو وحدة لدارو ولا نمدهالو
مباشرة خاطر تستاهلو والله

علابالي راكم حابين تعرفو واش كاين داخل علبة الحلوى مالا هاي ليكم صورة للحلويات لي تقدمت للاساتذة
نعتلكم الباروك لاشتا في الصورة هههه

ياريت لو قدرت هاد الحلويات نمدها لكل شخص منكم لأنكم تستاهلو كل خير
شكرا لكل من فرح معايا ربي يفرحكم ويوفقكم لكل خير ان شاء الله
والعاقبة للجميع ان شاء الله
شكرا مجودتي على الموضوع ربي يحفظك الزينة
درك ننتقل نرد على كل عضو بإذن الله
تحياتي القلبية







​

 

[لؤلؤة قسنطينة]

السلآم عليكم


يويويو الف مبرووووك
والله فرحتلك مريومة
والعقبة لينا ان شاء الله
ربي يوفقك اختي

الكادو نجيبو معايا من بعد ههه​

وعليكم السلام ورحمة الله وبركاته
صباح الورد حبيبتي ياسمين ويومك طيب ان شاء الله
ربي يحفظك والله يسلمك حبيبتي
الله يفرحك حبيبتي دنيا وآخرة
والعاقبة ليك ان شاء الله، لعقوبة نفرحو معاك حتى حنا
كي اليوم ان شاء الله والله
اللهم آمين حبيبتي لينا وليكم ان شاء الله ربي يوفقك للخير
ههههه حبيبتي وجودك هو أكبر كادو، نتوما أغلى هدية بالنسبة ليا
فرحتكم تكفيني والله
شكرا حبيبتي على التهنئة ربي يفرحك دنيا وآخرة
وصح فطورك الزينة
تحياتي :kiss:​

 

[koko DZ]

الف مبروك التخرج

 

[لؤلؤة قسنطينة]

الف مبروك اختي العقبة لنجاحات اخرى

موفقة

صباح الورد حبيبتي ويوم طيب ان شاء الله
الله يسلمك غاليتي وربي يهنيك ان شاء الله
العاقبة معاك نشوفوك ناجحة وواصلة لأعلى المراتب
ربي يوفقك ان شاء الله لكل خير ويفرحك دنيا وآخرة
شكرا على التهنئة الرائعة لعقوبة معاك نفرحو ان شاء الله
ربي يهنيك ان شاء الله
وصح فطورك الزينة تاعي
تحياتي :kiss:​

 

[لؤلؤة قسنطينة]

السلام عليكم
انا جامي شفت وحدة دير موضوع تبارك وتعاير ابابابا عييت نقول انا جادور سرقتولي المهنة يا لالة واش من كادو نجيبوهولك انت خلصينا حق ما دخلنا انا ما نجيبش نتوما ارواحو طلو عليا راني مشومرة ماركو فالكارني نتاع الكريدي
مريومة الغالية الف الف مبروك حبيبتي تستاهلي اعلى المراتب الله يبارك شاطرة وتعبت وهذا حق تعبك مبروك العاقبة للنجاح فحياتك الخاصة ان شاء الله
فرحتي بيك كبيرة وكانو اختي معايا فالدار ربحت اصبري نبرا شوي قيس كاش زغروتة والا كاش شطحة
اي كادو قليل عليك لأنو تستاهل كل خير
خليني نترفه شوي ونبعثلك كادو ليك برك الزهرا الموف لالا يا اختي تكتب وتعاير ذلتنا بالناقص هههه
صحا فطوركم

وعليكم السلام ورحمة الله وبركاته
صباح الورد حبيبتي ليليا ويومك طيب ان شاء الله
هههههههه اي تضحك برك معاكم ماجدة اكيد مرحبا بيكم في اي وقت وجودكم يشرفني
الله يسلمك حبيبتي ليليا والله يفرحك ختي كي فرحتي معايا ربي يرزقك واش تتمناي
نتي من الناس لي كنت فعلا حابة نهديلهم نجاحي خاطر كنتي كل مرة تسقسي ومقلقة عليا مع انو نتي محتاجة لي يسقسي عليك
والكادو تاعي هو نتي ختي، معرفتك ووجودك اهم حاجة في حياتي، وكي ترتاحي وتتعافاي هاداك هو الكادو تاعي ماعنديش
هدية أغلى من انو ترتاحي وتوقفي على رجليك، ربي يفرحك ان شاء الله ويحققلك كل واش متمنية يارب
لأنك تستاهلي كل خير، وتهنئتك هادي تعنيلي الكثير
لعقوبة معاك ان شاء الله نشوفوك فرحانة وهانية يـــــارب
بارك الله فيك حبيبتي ليليا وربي يهنيك ويحفظك ختي
وصح فطورك غاليتي
تحياتي القلبية :kiss:​

 

[لؤلؤة قسنطينة]

السلاام عليكم
اووووو ما شاء الله الف الف الف مبروووووووووك مريهاااام ي عمري اخيراااا بصحتك ختيتي و الله تستاهلي و اكثر
بالباراكة عليك خيتووو العقوبة لأفراح اخرى ^^
حمدلله الزينة :kiss: و صحيييتي ميجو عالخبر الزييين ​

وعليكم السلام ورحمة الله وبركاته
صباح الورد أمونة ويومك طيب ان شاء الله
الله يسلمك حبيبة قلبي والله يحفظك والله يفرحك دنيا وآخرة يــــارب
لعقوبة معاك الزينة تاعي نشوفوك استاذة الله يبارك حاكمة أعلى المراتب وتقري اجيال واجيال
اللهم آمين حبيبتي ربي يحفظك ان شاء الله فرحتك تعنيلي الكثير والحمد لله انو ربي رزقني محبتكم
ربي يرزقكم ان شاء الله افراح وافراح لا تنتهي يارب
شكرا على التهنئة غاليتي ربي يخليك لينا ان شاء الله
وصح فطورك أمونتي
تحياتي القلبية :kiss:​

 

[لؤلؤة قسنطينة]

اه مريومة مليون مبروك عليك
الفرحة تستاهليها و اكثر
ماشاء الله عليك التفوق
ربي يسترك ان شاء الله

صباح النور خويا يونس يومك طيب ان شاء الله
الله يسلمك خويا ربي يحفظك ان شاء الله
لعقوبة معك مع أفراح اخرى ان شاء الله، والحمد لله حتى نتا ربي فرحك والحمد لله
ربي يدوم فرحتنا وفرحتكم يارب
اللهم آمين خويا ربي يهنيك ويرزقك ما تتمنى ان شاء الله
شكرا جزيلا على التهنئة خويا ربي يجزيك الخير
وصح فطورك
تحياتي ​

 

[دعاء الجنات]

ماشاء الله تبارك الله خبر مفرح حبيبتي مريم مبروك ليك والعاقبة للخدمة ان شاء الله وافراح اخرى بإذن الله​

 

[لؤلؤة قسنطينة]

الف مبرووووك النجاح
على قبال المراتب الكبيرة
اكيد معزومين على حفلة التخرج

مساء النور أخي ويومك طيب ان شاء الله
الله يسلمك أخي العاقبة لكم ان شاء الله بمزيد من الافراح والنجاحات
اللهم آمين ولكم بالمثل وزيادة ان شاء الله ربي يهنيك ان شاء الله
حفلة التخرج كانت البارح ههه واكيد تواجدكم يسعدني والله
جزاك الله خيرا اخي على التهنئة ربي يفرحك دنيا وآخرة ان شاء الله
العاقبة معكم ان شاء الله
صح فطورك اخي
تحياتي ​

 

[لؤلؤة قسنطينة]

الف مبروك حنونة
مبروووك التخرج وعقبال حاجة اخرى
كل الشكر لكي حبوبة ماجدة

مساء الورد ملوكتي يومك طيب ان شاء الله
الله يسلمك حبيبتي وربي يحفظك لعقوبة معاك ان شاء الله بأفراح اخرى
ربي يرزقك ماتتمناي غاليتي وربي يفرحك دنيا وآخرة ان شاء الله
شكرا على التهنئة الطيبة ربي يدوم افراحنا وافراحكم ان شاء الله
صح فطورك ملوكة ربي يهنيك ختي
تحياتي القلبية :kiss:​

 

[صاحب الظل]

الف الف مبروك الاخت مريم
و عقبال لنجاحات اخرى في حياتك
ربي يسعدك و يعطيك ما تتمني

تحياتي

 

[لؤلؤة قسنطينة]

السلام عليكم

ألف مبروك النجاح نتمنى ان نرى نجاحات اخرى في المستقبل

لي يتعب يلقى تستاهلي كل الخير وربي يفرحك

ما تنساوناش برك في الباتيسري

ربي يحفظك

بالتوفيق ​

وعليكم السلام ورحمة الله وبركاته
مساء النور اخي ويومك طيب ان شاء الله
الله يسلمك اخي ويبارك فيك ان شاء الله
العاقبة نفرحو معاكم ان شاء الله في واش متمني قلبكم
ربي يرزقك كل الخير وربي يفرحك دنيا وآخرة ان شاء الله
ههههه والله تستاهلو اكتر من الحلويات وكنت متمنية لو نقدر كل شخص
في هاد اللمة الطيبة انو تلحقو حصتو تاع الحلويات حتى لباب الدار
شكرا أخي على التهنئة الطيبة التي اسعدتني ربي يهنيك ان شاء الله
صح فطورك خويا
تحياتي ​

 

[لؤلؤة قسنطينة]

مرحبا

لؤلؤة قسنطينة
مبروك

مساء النور أخي ويومك طيب ان شاء الله
الله يسلمك اخي ويبارك فيك لعقوبة معاكم ان شاء الله
ربي يفرحك دنيا وآخرة ان شاء الله
شكرا للتهنئة الطيبة ربي يهنيك
صح فطورك خويا
تحياتي ​

 

[لؤلؤة قسنطينة]

وانت @الزهرة الحمراء

مساء الورد حبيبتي ويومك طيب ان شاء الله
ماشاء الله على الحلويات اللذيذة الله يحلي ايامك ان شاء الله
شكرا غاليتي على التهنئة الطيبة والرائعة العاقبة معاك ان شاء الله
ان شاء الله ربي يفرحك دنيا وآخرة ختي
صح فطورك الزينة
تحياتي القلبية :kiss:​