السلام عليكم 
فاتني الحال راني روطاار ،، هذا وين تشارجات لاتابليت
وكي تشارجات راحت لاكونكسيون ،، وكي جات لاكونكسيون راحت الضوء
وكي جات الضوء سمعت الآذان روحت نفطر
وڨليبي مع المسابقة ...
أيا بعد ما فطرت رحت نجري للمة و فجأة ..
الماااعن واااع الماعن عرقلوني
تاني .. مي درت شوية كوراج ،، وماكان لا إزيز ولا هم يحزنون عليك وعلى
شطارتك ،، وتان لاكان تحرقت الماكلة والله ما يفكوها غير عضلاتك
ولافورص ههخخهه ... أيا وكي كملت حسيت روخحي خفيفة المعدة خالية
من الدودانات ههخخه ،،، وننطلق لفراشي ايه فراشي نزور اللمة نور عيوني
نديسر بيها أنا :p ،، و لكن وااا فجعتاه ڨليبي فشايلي ركبوا ولا ركايبي
فشلوا من الصدمة تعسكولي الحروف فلساني
،، ظيووف السهرة وااع
استناو تهبط الماكلة يااو ... دوك لازمي نريح معاهم وأنا موالفة نريح
مع احبابي فاللمة والفتهم الفراق صعيب ( دوك يوجعني راسي اللمة فيها
الكافيين يااو كي مندخلهاش يوجعني راسي ههخخخ ). ايا شربت كاشية
و قعدت مع الضياف وأنا نغلي ،، المخلوقة جابتلي العياط للدار دراري
شبعوني كفوف الفجأة
واحد يتعوج ولاخر يسوطي وواحد يبكي وواحد
قريب ياكلني ،، الحمى تزيد تطلع ويماهم زادت بلعت النوافد و قطعت
عليا الهوا ،، قلتلها معليش و ڨلبي راه غير يخرج ،، قلت : خاصني قسم
هنا فرغ واش كاين فقلبك .. و أمي قاعدة كي العروسة و تتشرط عليا
وأنا : سمعا وطاعة يا أمااااه وزيرت على أماااه .. و بدات السهرة و علابلي
ما تخلاصش سيير يسحروا معانا و انا ما نرقدش و اللمة والحلم
مالقيتش قصة ،، حتى الافكار طاروا مع الاعصاب المشتعلة و التي تغلي
مع الدراري المشاغبين سأنعس ،، سأنام والمطرح تاعي محرم عليا احتلوه
وها حوجي يانا واحد فيهم راقد وليكوش ما حاطهمش و الحالة تعووم
تغرق يااو والوسادة تعمرت لعاب يسيل و الأنف نهر جاري اعععع
سمحولي على اللتصويرة الاخيرة حتى انا قلبي الصغير لا يحتمل ... نخرجلكم
قلوبكم معايا ههخخخ ...
و أنا أنعس يا ناس أنعس .. راها ٠٠:٠٠ قد قد حتى ساندريلا وراحت فالوقت
هذا وهذيا مازالها .. وأنا عيني مفتوحة نعس واكتاه تروح علينا و عين مغلوقة
تتذوق طعم النوم .. حتى الاحلام غابوا الليلة هذيك .. أيا وكي سمعت عريس
فطنت ديراكت من الخلعة .. ليا أنا اخطوني واش من زواج هذا .. خصني
العياط هذا
،، أيا عطاتني فوطوا زعما تغر فيا بالزين ولاطاي ،، اواه
منحوسش على الزين منتزوجش قيلوني .. أيا ونسمع ألمانيا و نطير لقيت
روحي واقفة
وكتاه الخطبة قلتها ديراكت ولا نروحوا للعرس ديراكت
خخخخخ .. وأخيرا تحقق الحلم .. وافرحتاه العام الجاي نصوم رمضان
فألمانيا حتى البلاصة توالمني عندي كل المواصفات الطول هو اللي يبان
تماك ما يفرقوش الى كان انا جزايرية ههخخخ ،، لازمي نصبغ شعري
صفر و نمارس الرياضة كل يوم باش ماتخلعنيش المانيا انا نخلعها نياهاهووو
واللغة متهمش الزوج تاعي يدبر راسوا هو يهدر وانا ساكتة هكذا يقول الشرع
نسمع برك ههههووخخخه .. السهرة بدات تحلالي و وقعدت معاهم
وبديت نسقسي واش عنده وواش يخدم لازم من حقي هههه ،، ايا و يصوني
التيلفون : راجلها راه يستنى فيها لتحت ،، وانا تخليني حايرة هكذا
لازم تاكديلي على المانيا ياك منيش نحلم برك .. ،، زيدي ريحي شوية
ولا قعدي للسحور و روحي على روحك ( تقلب المزاج تاعي
)
و أنا نحلف و هي تحلف و أمي تهزز فيا : نوضي .. ،، مانيش مصدقة المخلوقة
ما زالها هنا راها تضرب فطاسة تاع اللبن والتمر
و أنا نحس عظامي ماهمش لاصقين يااو راهم طايجين عليا ولادها
وألمانيا حكايتها كيفاه ،، ألمانيا
والمطرح تاعي الدايم ربي غرق
والله راه يعوم نروح ننشره قبل ما يرهجنا ويرهج الجيران بالريحة
ياو تاع الدراري قاطعة يا محاينك .. خلي نسحر بالروايح انا ندوخ
هذاك هو نطيح راقدة ديراكت ... ( ما تحقق لا حلم ما راحت المخلوقة
ما دات معاها سلسلة المشاغبين تاعها )
فاتني الحال راني روطاار ،، هذا وين تشارجات لاتابليتوكي تشارجات راحت لاكونكسيون ،، وكي جات لاكونكسيون راحت الضوء
وكي جات الضوء سمعت الآذان روحت نفطر
وڨليبي مع المسابقة ... أيا بعد ما فطرت رحت نجري للمة و فجأة ..
الماااعن واااع الماعن عرقلونيتاني .. مي درت شوية كوراج ،، وماكان لا إزيز ولا هم يحزنون عليك وعلى
شطارتك ،، وتان لاكان تحرقت الماكلة والله ما يفكوها غير عضلاتك
ولافورص ههخخهه ... أيا وكي كملت حسيت روخحي خفيفة المعدة خالية
من الدودانات ههخخه ،،، وننطلق لفراشي ايه فراشي نزور اللمة نور عيوني
نديسر بيها أنا :p ،، و لكن وااا فجعتاه ڨليبي فشايلي ركبوا ولا ركايبي
فشلوا من الصدمة تعسكولي الحروف فلساني
،، ظيووف السهرة وااعاستناو تهبط الماكلة يااو ... دوك لازمي نريح معاهم وأنا موالفة نريح
مع احبابي فاللمة والفتهم الفراق صعيب ( دوك يوجعني راسي اللمة فيها
الكافيين يااو كي مندخلهاش يوجعني راسي ههخخخ ). ايا شربت كاشية
و قعدت مع الضياف وأنا نغلي ،، المخلوقة جابتلي العياط للدار دراري
شبعوني كفوف الفجأة
واحد يتعوج ولاخر يسوطي وواحد يبكي وواحدقريب ياكلني ،، الحمى تزيد تطلع ويماهم زادت بلعت النوافد و قطعت
عليا الهوا ،، قلتلها معليش و ڨلبي راه غير يخرج ،، قلت : خاصني قسم
هنا فرغ واش كاين فقلبك .. و أمي قاعدة كي العروسة و تتشرط عليا
وأنا : سمعا وطاعة يا أمااااه وزيرت على أماااه .. و بدات السهرة و علابلي
ما تخلاصش سيير يسحروا معانا و انا ما نرقدش و اللمة والحلم
مالقيتش قصة ،، حتى الافكار طاروا مع الاعصاب المشتعلة و التي تغلي
مع الدراري المشاغبين سأنعس ،، سأنام والمطرح تاعي محرم عليا احتلوه
وها حوجي يانا واحد فيهم راقد وليكوش ما حاطهمش و الحالة تعووم
تغرق يااو والوسادة تعمرت لعاب يسيل و الأنف نهر جاري اعععع
سمحولي على اللتصويرة الاخيرة حتى انا قلبي الصغير لا يحتمل ... نخرجلكم
قلوبكم معايا ههخخخ ...
و أنا أنعس يا ناس أنعس .. راها ٠٠:٠٠ قد قد حتى ساندريلا وراحت فالوقت
هذا وهذيا مازالها .. وأنا عيني مفتوحة نعس واكتاه تروح علينا و عين مغلوقة
تتذوق طعم النوم .. حتى الاحلام غابوا الليلة هذيك .. أيا وكي سمعت عريس
فطنت ديراكت من الخلعة .. ليا أنا اخطوني واش من زواج هذا .. خصني
العياط هذا
،، أيا عطاتني فوطوا زعما تغر فيا بالزين ولاطاي ،، اواه منحوسش على الزين منتزوجش قيلوني .. أيا ونسمع ألمانيا و نطير لقيت
روحي واقفة
وكتاه الخطبة قلتها ديراكت ولا نروحوا للعرس ديراكتخخخخخ .. وأخيرا تحقق الحلم .. وافرحتاه العام الجاي نصوم رمضان
فألمانيا حتى البلاصة توالمني عندي كل المواصفات الطول هو اللي يبان
تماك ما يفرقوش الى كان انا جزايرية ههخخخ ،، لازمي نصبغ شعري
صفر و نمارس الرياضة كل يوم باش ماتخلعنيش المانيا انا نخلعها نياهاهووو
واللغة متهمش الزوج تاعي يدبر راسوا هو يهدر وانا ساكتة هكذا يقول الشرع
نسمع برك ههههووخخخه .. السهرة بدات تحلالي و وقعدت معاهم وبديت نسقسي واش عنده وواش يخدم لازم من حقي هههه ،، ايا و يصوني
التيلفون : راجلها راه يستنى فيها لتحت ،، وانا تخليني حايرة هكذا
لازم تاكديلي على المانيا ياك منيش نحلم برك ..
،، زيدي ريحي شوية ولا قعدي للسحور و روحي على روحك ( تقلب المزاج تاعي
) و أنا نحلف و هي تحلف و أمي تهزز فيا : نوضي .. ،، مانيش مصدقة المخلوقة
ما زالها هنا راها تضرب فطاسة تاع اللبن والتمر
و أنا نحس عظامي ماهمش لاصقين يااو راهم طايجين عليا ولادها
وألمانيا حكايتها كيفاه ،، ألمانيا
والمطرح تاعي الدايم ربي غرق والله راه يعوم نروح ننشره قبل ما يرهجنا ويرهج الجيران بالريحة
ياو تاع الدراري قاطعة يا محاينك .. خلي نسحر بالروايح انا ندوخ
هذاك هو نطيح راقدة ديراكت ... ( ما تحقق لا حلم ما راحت المخلوقة
ما دات معاها سلسلة المشاغبين تاعها )
