كاميرا كاشي في القنوات الجزائرية... مافهمت نظحك ولا نبكي

[دعاء الجنات]

السلام عليكم
وصح فطوركم
__________
كاميرا كاشي في القنوات الجزائرية..... مافهمت نظحك ما فهمت نبكي على سعدي وعلى الشهداء لي فداو وضحاو بأرواحهوم على جال هاذ الوطن...-الله يرحم الشهداء تاعنا-بصح هاذ العباد تاع هاذ الجيل ماصانوش الأمانة .....
_____________
أول نقطة نحكي فيها هي كل القنوات تاع alg تلقاهوم دارو 7 كاميرات كاشي...-علاخاطر اصلا حياتهوم رجعوها كاميرا كاشي- ما خلاو الطريق مخلاو البلدية... ماخلاو استوديوهات... -ماخاصش يديروها في الجامع -أستغفر الله.....
فهموني... واش هاذ الإنحطاط؟؟؟؟؟
صحفي يستضيف إنسان مثلا في حصة... ويبدا يسب ويسب فيه ويخرجلو كامل عيوبو.... حتى يكريزيه...
و après...بكل برودة...
"راك في كاميرا كاشي"
ياو المصيبة...هذاك الضيف... ترجعلو التبسيمة والظحك بعدما سبو وشبع فيه سبان ومسح كرامتو تحت رجليه
بففففففففف يااااااا أمة ضحكت لجهلها الأمم ....
ماعليش تظحكوووو mais ماشي لهاذي الدرجة؟؟ باه توليو تظحكو في الناس على حساب كرامتكم
____________
أولا الكذب حرام.... وعمرو ماكان حلال في كاميرا كاشي ... قال تعالى (قال الله تعالى: {ولا تقف ما ليس لك به علم}[الإسراء (36) ] .
----------------
أي: لا تقل: رأيت ولم تر، وسمعت ولم تسمع،{السمع والبصر والفؤاد كل أولئك كان عنه مسؤولا}[الإسراء (36) ] ......
___________

ثانيا... بردت القلوب وتمادت.... يعني تدير كاميرا كاشي لإنسان وتقتلو بالخلعة وانت تتفرج نورمال قتل المشاعر والأحاسيس باسم الكاميرا كاشي..في الوقت لي طالبنا الإسلام باه نوفرو الأمن والأمان لبعضانا... العكس نخلعو الناس ونقتلوهم بالخلعة باه نحصدو أكبر عدد من المتفرجين وأكبر متابعين...كرامة الإنسان أصبحت تحت الأقدام- أنت مخلوع وتعيط.. وبالمقابل راهوم يتفرجو ويضحكو ويستمتعو -مهازل- .....نعطيلكم نماذج عن هذه المهازل لي داروهم هاذ العام...
-يديرو واحد ميت وواحد يدخل عندو.. ومن بعد يسكرو الباب عليه... وهذاك لي دار روحو ميت يدير روحو ناض -يتبهلل الشيب والعيب-... والرجل لي معاه يموت بالخلعة ويعيط ويعيط ومايفتحوش الباب حتى تخلاص المدة المطلوبة...
*مهزلة أخرى طفلة في السيارة تطلب من راجل يعاونها... ومن بعد يدخل يعاونها -يزدمو زاعما خاوتها طول و عرض -أجسام البغال وعقول عصافير- يحكمو ذاك السيد المسكين لي حاب يعاون ويقولو لازم تتزوج بالطفلة ويقراو الفاتحة -استهزاء بالدين وبسنة الحبيب محمد صلى الله عليه وسلم- وهو مسكين مخلوع مافهم فيها والو حتى يعرب -وأكيد غدوا تحصل طفلة آن بوسيبل يعاونها- مهازل في السلالم في الشوارع....
وحاجة لي تغيضك يخيرو "أعظم الشهور" شهر التوبة والرحمة والغفران.... ويستغلوه لا في العبادة...بل في مصالحهم الدنيوية وبطونهم التي لا تشبع.....
-يعني شحال رايحا نحكي باه نعبر على التقزز تاعي والحالة لي وصلنا ليها-إلا من رحم الله -العالم تتنافس على العلم والمعرفة وعلى الدين والشعب تاعنا يتنافس شكون لي يدير اقوى كاميرا كاشي ولي تخلع بزاااف وتخاف في 2030 كل كاميرا كاشي لازم يقتلو فيها الضحية.. باه يشبعو ضحك على ارواحهوم ويحصدو ملايين المهازل سنويا....هذا هو بلد الإسلام... ...راحت عليه والسلام...

وفي الأخير اسمحولي في الطريقة لي حكيت بيها ولكن على الأقل نفرغ قلبي شويا...
وتحية ليكوم وصح صحوركوم.​

​

 

[Gül Bahar]

الله غالب يادعاء تعيش ياسر تشوف ياسر_______????​

 

[Oussama.GF]

سلام ووو
رمضان مبارك
قبل مانخربش وش كاين في قلبي نظن موضوع تحطيه في منتدى وش راك تهدر
مهم ناس فسدت وتخلفت
صح منقلوش منتفرجوش مي سمطوها كل عام وهي تسماط يركبو خلايع لناس وطلعلهم سكر وقادر حتى يقتلوهم من الخوف
نفتقد الى البرامج التلفيزونية المثقفة مثل مسابقة حفظ القران و لا هل تعلم ..الخ
ويبقى المجتمع متخلف الفكر

 

[ريحـان]

السلام عليكم

ينقل الموضوع للمكانه المناسب

يا اختي دعاء هذي ولات موضة القنوات
التلفيزيونية خاصة الجزايرية كل ساعة كاميرا
كاشي و مرات تكون بلا فايدة غير تكثر في الدنوب
و تمرض الناس برك و يهبلوهم
و لي يزيد الطين البلة مسكين هذاك لي يطيح فيها
مرتين في نفس العام اخخ يركبولو السكر


ربي يهديهم برك
يعطيك الصحة اختي
في امان الله​

 

[{هِشام}]

وعليكم السلام ورحمة الله~

بارك الله فيك

عن عبد الرحمن بن أبي ليلى قال:
حدثنا أصحاب محمد صلى الله عليه وسلم أنهم كانوا يسيرون مع النبي صلى الله عليه وسلم، فنام رجل منهم
فانطلق بعضهم إلى حبل معه فأخذه ففزع، فقال رسول الله صلى الله عليه وسلم: "لا يحل لمسلم أن يروّع مسلما".
رواه أبو داود وأحمد، وصححه الألباني.

وقال أيضا صلى الله عليه وسلم: "لا يأخذ أحدكم عصا أخيه لاعبا أو جادا، فمن أخذ عصا أخيه فليردها إليه".
رواه الترمذي وحسنه، وأبو داود وأحمد، وحسنه الألباني.

~~

وقال صلى الله عليه وسلم :
"ويل لمن يحدث فيكذب ليضحك به القوم ، ويل له".
رواه أبو داود.

~

والعتب بعد القائمين على هذه السخافات الّذين 'قد أسمعت لو ناديت حيا .. ولكن لا حياة لمن تنادي'

فالعتبُ على المُشاهد الّذي يستمتع بالمحرّم من المَشاهد والسّخيف من المقالب

فيُضِيع وقته ويساهم في إنجاح هذه الترهات واستمرارها.

فالمقاطعة المقاطعة !

وإذا تديروا عليا، ما تتفرجوش التيلي وخلاص :p​

 

[يزيد 05]

صحيح ربي يهدي ما خلق

 

[Mårőųā Řāhïł]

الله يهديهم شهر رمضان ولاو دايرينو شهر يقضيو. فيه المصالح الدنيوية في الوقت لي لازم يستغفروا فيه ربي

 

[زاد الرحيل]

هزيلة و سخيفة خاصة كاميرا النهار قمة الازعاج

 

[sad_pb]

قمة التفاهة و قنوات دون المستوى ... رمضان شهر للعبادات و الطاعات تحول إلى ثلاثين حلقة كاميرا خفية و اغلبها إن لم أقل كلها مبتذلة و مصطنعة ... كلنا أحرار في اختيار ما نشاهد .. لهذا ليس علينا أن نحشو رؤوسنا بما لا يفيدنا

 

[❤️كلي أمل❤️]

السلام عليكم
اختي هادو كاميرا كاشي كامل مخدومين
يعني تمثيل في تمثيل
وزيد سمطوها بزاف في كل قناة تلقى
كاميرا كاشي وتافهين ولله
أنا وحدة ما نشوفهمش نحسهم جياحة
شكرًا اختي على الموضوع

 

[لؤلؤة قسنطينة]

السلام عليكم
مساء الورد حبيبتي ان شاء الله راكي بخير؟
والله يا ختي راكي بردتيلي قلبي تاع الصح، خاطر الشي لي كنت حابة نقولو قلتيه كامل
يا عجابة ولات القناة الوحدة فيها 7 كاميرا كاشي كيما قلتي، وهادا لي يبين بلي حياتنا كامل استهزاء وماكانش السيريو
ماقدروش يديرو حاجة فيها فايدة كحصة دينية مثلا تجذب المشاهدين أو حتى حصة نورمال المهم فيها منفعة وخلاص
بصح انك تخلع الغاشي وتسبهم وتطيحلهم قدرهم مقابل غاية في نفسك هنا عيب كبييير، وهنا هوما ما يتلاموش
يتلام الشعب خاطر لقاو الشعب يتبع وأكتر حاجة تجبدو هي الكاميرا كاشي ولاو يديروها بكثرة حتى ولو تاذي الغير
انا نشوف ساعات في التلفاز مقالب تاع أجانب والله تفوت بضحكة وفرحة ومافيها لا خلعة ولا عياط ولا سب ولا شتم
وحنا مدايرينلك حصة تلفزيونية يجيبو عرة الفنانين غير تاع الغناء الفاسق يعني علابالهم بأخلاقهم مسبقا ويبدا ينارفي فيه
ولاخر يرجعلو بالسب والشتم وابشع الكلام، ومن بعد يقولك تم اكتشاف ان الشعب الجزائري عنيف و ما عندوش أخلاق
شوف اسيدي؟ جايبلي واحد خاطيه الصلاة خلاص وزيد تطيحلو قدرو وتبروفوكيه وتهيجو باه يسب ويضرب ومن بعد
تقول الشعب عنيف، يعني مافهمتش واش هاد الاخلاق وواش هاد التربية وواش هاد التفكير، وحدة رايحتلي للبلدية
ترخس بروحها حتى يجي واحد يعطيها بالكفوف علاواه؟ باه يضحكو الناس؟ والله مارضيتها واحد يشبعني كفوف ويسبني
باه ندير حصة تلفزيونية ولا نضحك الناس، يعني للدرجة هادي لحقنا؟ والمشكلة العظمى لحقت درك للديار يعني في دارك وماش هاني هههه
آخر مرة نشوف في كاميرا كاشي تاع واحد رايح يخدم في دار يعني يبريكولي وتما دارولو كاميرا كاشي درك ماش العبد يخبط في راسو
والله كارثة وسورتو تاع الميت لي قلتي عليها يعني يتمسخرو بالميت وزيد تاع الطفلة هاديك لي تقول لواحد عاوني ويجيو خاوتها
يعني كارثة عظمى تبين أولا غباء الشعب، والله ما لقيت مانقول، انا كاين بعض الكاميرات كاشي يعجبوني كيما تاع ليكسبيريونس
ولخرا نسيت اسمها، هاديك يعالجو من خلالها ظاهرة اجتماعية يعني عندها فايدة ومافيهاش عنف اما البقية والله حتى العبد يوجعو قلبو
شكرا حبيبتي على الموضوع ربي يهنيك، وربي يهدينا ويهدي الجميع
صح فطورك
سلام
​

 

[دعاء الجنات]

الله غالب يادعاء تعيش ياسر تشوف ياسر_______????
​

اهلا ماجدو... عيش تشوف الكوارث.. الله يهدينا -مشكورة حبيبتي وصح فطورك​

 

[دعاء الجنات]

سلام ووو
رمضان مبارك
قبل مانخربش وش كاين في قلبي نظن موضوع تحطيه في منتدى وش راك تهدر
مهم ناس فسدت وتخلفت
صح منقلوش منتفرجوش مي سمطوها كل عام وهي تسماط يركبو خلايع لناس وطلعلهم سكر وقادر حتى يقتلوهم من الخوف
نفتقد الى البرامج التلفيزونية المثقفة مثل مسابقة حفظ القران و لا هل تعلم ..الخ
ويبقى المجتمع متخلف الفكر

وعليكم السلام...
صح.. كانت بكري كاميرا كاشي تظحك ومعقولة.. بصح دورك ولاو يركبو الخوف في الانسان باسم كاميرا كاشي وراهوم كل مرة يزيدو فيها
-الله يهدينا ومشكور اخي​

 

[دعاء الجنات]

وعليكم السلام ورحمة الله~

بارك الله فيك

عن عبد الرحمن بن أبي ليلى قال:
حدثنا أصحاب محمد صلى الله عليه وسلم أنهم كانوا يسيرون مع النبي صلى الله عليه وسلم، فنام رجل منهم
فانطلق بعضهم إلى حبل معه فأخذه ففزع، فقال رسول الله صلى الله عليه وسلم: "لا يحل لمسلم أن يروّع مسلما".
رواه أبو داود وأحمد، وصححه الألباني.

وقال أيضا صلى الله عليه وسلم: "لا يأخذ أحدكم عصا أخيه لاعبا أو جادا، فمن أخذ عصا أخيه فليردها إليه".
رواه الترمذي وحسنه، وأبو داود وأحمد، وحسنه الألباني.

~~

وقال صلى الله عليه وسلم :
"ويل لمن يحدث فيكذب ليضحك به القوم ، ويل له".
رواه أبو داود.

~

والعتب بعد القائمين على هذه السخافات الّذين 'قد أسمعت لو ناديت حيا .. ولكن لا حياة لمن تنادي'

فالعتبُ على المُشاهد الّذي يستمتع بالمحرّم من المَشاهد والسّخيف من المقالب

فيُضِيع وقته ويساهم في إنجاح هذه الترهات واستمرارها.

فالمقاطعة المقاطعة !

وإذا تديروا عليا، ما تتفرجوش التيلي وخلاص :p​

بارك الله فيك... على الإضافة الجميلة.. هذا ماكان يخص في موضوعي شكرا لك تحياتي

 

[دعاء الجنات]

السلام عليكم
اختي هادو كاميرا كاشي كامل مخدومين
يعني تمثيل في تمثيل
وزيد سمطوها بزاف في كل قناة تلقى
كاميرا كاشي وتافهين ولله
أنا وحدة ما نشوفهمش نحسهم جياحة
شكرًا اختي على الموضوع

اهلا اختي... صح كاين لي مخدومين المهم يحصدو المشاهدات برك هذا ماكان .. شكرا ليك على المرور

 

[زهور الأمل]

كارثة كاشي
والله لا حرام عليهم
خلعو الناس وركبولهم الظفط والسكري

 

[rycerz]

هاذا و اش حلبت .. المستوى نتاعنا يتكركر .. فالحضيض .. الناس لي يسيرو في هاذوك القنوات ناس غارقين فالسخافة و الحماقة و البلادة ..
الكاميرات الكاشي هاذو أكدولنا بلّي المشكل أنو يكاد ينعدم فينا ليس فقط الذكاء التقني و الفكري و إنما أيضا الذكاء الذهني و الإجتماعي و العاطفي ..
الكاميرات الكاشي هاذو كشفولنا أنو عرقنا عرق مهابل .. تصرفاتنا نتاع بهايم (حاشى المومنين)
مرّات نشك أنو الأمر مقصود في تشجيع الرداءة
--
أنا شخصيا ما نشوفش معاهم خلاص .. و ما نقدرش و ما نحملش نشوف و لو نصف ثانية ​

 

[دعاء الجنات]

السلام عليكم
مساء الورد حبيبتي ان شاء الله راكي بخير؟
والله يا ختي راكي بردتيلي قلبي تاع الصح، خاطر الشي لي كنت حابة نقولو قلتيه كامل
يا عجابة ولات القناة الوحدة فيها 7 كاميرا كاشي كيما قلتي، وهادا لي يبين بلي حياتنا كامل استهزاء وماكانش السيريو
ماقدروش يديرو حاجة فيها فايدة كحصة دينية مثلا تجذب المشاهدين أو حتى حصة نورمال المهم فيها منفعة وخلاص
بصح انك تخلع الغاشي وتسبهم وتطيحلهم قدرهم مقابل غاية في نفسك هنا عيب كبييير، وهنا هوما ما يتلاموش
يتلام الشعب خاطر لقاو الشعب يتبع وأكتر حاجة تجبدو هي الكاميرا كاشي ولاو يديروها بكثرة حتى ولو تاذي الغير
انا نشوف ساعات في التلفاز مقالب تاع أجانب والله تفوت بضحكة وفرحة ومافيها لا خلعة ولا عياط ولا سب ولا شتم
وحنا مدايرينلك حصة تلفزيونية يجيبو عرة الفنانين غير تاع الغناء الفاسق يعني علابالهم بأخلاقهم مسبقا ويبدا ينارفي فيه
ولاخر يرجعلو بالسب والشتم وابشع الكلام، ومن بعد يقولك تم اكتشاف ان الشعب الجزائري عنيف و ما عندوش أخلاق
شوف اسيدي؟ جايبلي واحد خاطيه الصلاة خلاص وزيد تطيحلو قدرو وتبروفوكيه وتهيجو باه يسب ويضرب ومن بعد
تقول الشعب عنيف، يعني مافهمتش واش هاد الاخلاق وواش هاد التربية وواش هاد التفكير، وحدة رايحتلي للبلدية
ترخس بروحها حتى يجي واحد يعطيها بالكفوف علاواه؟ باه يضحكو الناس؟ والله مارضيتها واحد يشبعني كفوف ويسبني
باه ندير حصة تلفزيونية ولا نضحك الناس، يعني للدرجة هادي لحقنا؟ والمشكلة العظمى لحقت درك للديار يعني في دارك وماش هاني هههه
آخر مرة نشوف في كاميرا كاشي تاع واحد رايح يخدم في دار يعني يبريكولي وتما دارولو كاميرا كاشي درك ماش العبد يخبط في راسو
والله كارثة وسورتو تاع الميت لي قلتي عليها يعني يتمسخرو بالميت وزيد تاع الطفلة هاديك لي تقول لواحد عاوني ويجيو خاوتها
يعني كارثة عظمى تبين أولا غباء الشعب، والله ما لقيت مانقول، انا كاين بعض الكاميرات كاشي يعجبوني كيما تاع ليكسبيريونس
ولخرا نسيت اسمها، هاديك يعالجو من خلالها ظاهرة اجتماعية يعني عندها فايدة ومافيهاش عنف اما البقية والله حتى العبد يوجعو قلبو
شكرا حبيبتي على الموضوع ربي يهنيك، وربي يهدينا ويهدي الجميع
صح فطورك
سلام
​

وعليكم السلام مريم... والله راكي زدتي كامل الشي لوكنت حابة نقولو ونسيت سيرتو تاع البلدية بففففف لوكان يعطوني مال الدنيا مانوقفش في البلدية ونتبلا الناس علاجال الشهرة وكاميرا كاشي.. والله ماهاذو عباد هاذو والله وجعني قلبي سيرتو تاع الشروق والنهار كوارث القرن العشرين -شكرا مريم على الاضافة والله يهدينا وصح فطورك

 

[دعاء الجنات]

هاذا و اش حلبت .. المستوى نتاعنا يتكركر .. فالحضيض .. الناس لي يسيرو في هاذوك القنوات ناس غارقين فالسخافة و الحماقة و البلادة ..
الكاميرات الكاشي هاذو أكدولنا بلّي المشكل أنو يكاد ينعدم فينا ليس فقط الذكاء التقني و الفكري و إنما أيضا الذكاء الذهني و الإجتماعي و العاطفي ..
الكاميرات الكاشي هاذو كشفولنا أنو عرقنا عرق مهابل .. تصرفاتنا نتاع بهايم (حاشى المومنين)
مرّات نشك أنو الأمر مقصود في تشجيع الرداءة
--
أنا شخصيا ما نشوفش معاهم خلاص .. و ما نقدرش و ما نحملش نشوف و لو نصف ثانية ​

والله يا اخي ماشي العرق تاع مهابل العكس جدودنا بكري كانو صح عايشين علاخاطر لقاو الاستعمار ووقفو ضدو وتحداو... بصح هاذو لقاو كل شي واجد قدامو وماكان لا استعمار لا والو__ علابيها تخلف العقل تاعو وكيما قلت حاشا المومنين والله انا شفت برك باه نكتشف مي شفت والله ندمت -كوارث- الله يهدينا وشكرا على المرور اخي​

 

[أمين 27]

234 كاميرا كاشي ولا وحدا فيهم تنحي على الخاطر كلها عنف و شكيل