جدتي بين الحياة والموت

[Snow pink]

السلام عليكم ورحمة الله وبركاته :
ناس اللمة ان شااء الله تكونو بخير مانيش عارف اذا عندي الزهر في هذي الدنيا في حب الناس او انو ربي يبلينا بهذا الحب
ترجع من همك وغمك في بلاد الناس باش تشوف هم وغم اكثر منو ايه ياخاوتي جدتي بين الحياة والموت ندخل ليها للسبيطار نصيبها
في غيبوبة تامة والروح تطلع وتهبط منذ ثلاث سنوات وربي شاهد في كل عيد نفقد انسان غالي
العام اللي فات عمتي والي قبلو ابن عمي كامل يموتو في العيد وهذه الاياام كذالك جداتي راهي تتقلب في فراش المرض
تحاول تقسي قلبك وما تبكيش قدام الرجال بيسك رباتك جداتك انو ما تبكيش قدام الرجال بصح ما قاتليش كي تكون هي سباب الدموع واش ندير دعائكم خاوتي ربي يخفف من سكراتها فقط لانو الايام هذي هي النهاية بلا ريب ربي يصبرنا وخلاص دعائكم ​

لا إله إلا الله اللهم إشفيها يارب .... وربي يخفف من معاناتها مع المرض ....

 

[ضآحكة مستبشرة]

السلام عليكم و رحمة الله
لا حول ولا قوة الا بالله
خويا حكيم كونك قوي و راجل
و لازم ترضى بلي كان
ربي يشفيها و يطول في عمرها و يرجعهالكم بخير و تعيد معاكم في الصحة والعافية
اللهم إني أسألك أن تشفي جدة اخي يآ رب​

 

[sanaya]

الأعمار بيد الله كم من أناس اعتقدنا أنهم سيفارقون الحياة عاشوا الكثير من السنين
خليك في هذه المحنة قوي و متمسك وواثق بالله
اللهم رب السموات و رب الأرض و مابينهما أسألك في هذه الساعة أن تفرج على أمتك
ولا رب لها سواك
اللهم إن لم تشفها فلا رب سواك يشفيها
و إن لم تزل عنها دائها فلا رب سواك يزيله
اللهم اشفها وردها إلى بيتها و أحفادها يارب
فإنك على كل شيء قدير
سبحانك يامن يهون عليه كل شيء
سبحانك يارب
اللهم ارحم أمتك واشفها وأرح قلب ابنها يارب
آمين

 

[لاريمان]

عرفناك اخي قوي
ربي يشفيها ويخفف عنها يارب
صبرا جميلا والله المستعان

 

[Hakan]

بارك الله في الجميع
وتقبل الله دعواتكم اخوتي ربي يهنيكم على هذا الدعم ​

 

[*amani*]

وعليكم السلام
لا حول ولا قوة الا بالله..من اصعب مايكون صح راني فيها وحاسة .....
اللهم اشفيها وعافيها والبسها ثوب الصحة والعافية وربي خفف عليها ..ااااامين يارب

 

[Oussama.GF]

ربي يشيفيها ويطول في عمرها وربي يحفها لي ك

 

[Salah eddin]

لا حول و لا قوة الا بالله
ياخويا حكيم وش نقولك
الله يصبركم و خلاص
و والله ق راني حاس بيك
لانو ما يحس بالجمرة ق لي كواتو
و الله يخفف على جداتك و يحظها بحفظو
​