عودة الأحبة

[روز]

@الورد الأحمر والله ليك وحشة على بالك ناكسيبتي لي نعرفهم برك لازم تبعثيلي رسالة اذا عاودتي دخلتي
تفكرك ذوك ليام ياحسراه ماشاءالله راكي متواضعة سيدتي المديرة
بنات مشكورين على الترحيب المشاغل برك صارت اكبر والا كل يوم تلقاونا مزروعين هنا اللمة لي بنات صداقات حقيقية ..وقت النية مانعرف هذ الجدد قدروا يعملو هذ الشي او لا
نهاركم زين

 

[hadda0425]

سلامو
مبروووك عودتهم
والله حرت كيفاش جيتو دربو وحدة خخ
@عآشقة الجنـة نورمالمو نتي توجدي قاطو ليهم

حنا قلنا اللمة لي لامتنا ندخلو كيف كيف نخرجو كيف كيف ههه

 

[nassima 87]

السلام عليكم ورحمة الله وبركاته

أهلا أهلا أهلا منورين والله ع السلامة زارتنا البركة مرحبا بيكم في داركم أصلا ...

@روز جيتي بعد تهلكي فيا بطيابك شفت هذيك الكيك لي بالشوكولا وأنا مكلحة شفت الموضوع وقت صيام تسمى أنا المغبونة في الغاشي الكل هههه نلم السخفة للثمنية تاع مغرب اليوم :p. تقولي عليا ستوتة سأنتقم منك. أو رحلت من هيه وبعتلك طلب صداقة ومبعد أنا بذاتي وليت لا علاقة بالفايس .

حدة أم ندى أمنياتي شهرزاد تسنيم الهناء أن سيف نسيمة والقائمة طويلة مشكورين كل وحدة باسمها ع الإلتفاتة هذي والطلة لحلوة في توقيت روعة . يعطيكم الصحة ع الصور ومشاركتنا الأطباق .

ان شاء الله ما تكونش هذي الأخيرة وان شاء الله تجمعنا الأيام أكثر وأكثر

صحة سحوركم وربي يتقبل منا ومنكم :kiss: .

لي ما عرفوش يدخلو يديرو عضويات جدد يطلبو بيها كلمات المرور ولا وحدة فيكم تقولنا عليهم ونسترجعولهم كلمات المرور.

للتذكير إذا نسيتوني أنا NOUR_light سابقا ولا Moon_light ولا صآحبة القبعة الحمرآء كل وحدة وواش من اسم تتفكرني بيه :p .

اهلين اختي كون ماقلتيش كيفاه كان اسمك والله مانعرفك

 

[الورد الأحمر]

@الورد الأحمر والله ليك وحشة على بالك ناكسيبتي لي نعرفهم برك لازم تبعثيلي رسالة اذا عاودتي دخلتي
تفكرك ذوك ليام ياحسراه ماشاءالله راكي متواضعة سيدتي المديرة
بنات مشكورين على الترحيب المشاغل برك صارت اكبر والا كل يوم تلقاونا مزروعين هنا اللمة لي بنات صداقات حقيقية ..وقت النية مانعرف هذ الجدد قدروا يعملو هذ الشي او لا
نهاركم زين

أهلا روزيتا

نسيت بلي بيناتنا باسوورد هههه تشفاي نهار قلتلك هاتي كلمة السر باه نتأكد بلي انتي في هذاك لجروب انا وانتي وشوشو خفت كاش جاسوس يدخل بيناتنا هههه :p

@ام ريهام مرحبا بيك منورة أختي عودة ميمونة .

@nassima 87 عرفتها بلي ما تعرفونيش على خاطر هذا الإسم مؤخرا برك استعملتو لدواعي تقنية :p . منورة أختي .

 

[Salah eddin]

ههه
ناس بكري
ههه​

 

[بنت الجسور المعلقة]

اييييه يا لياااااام عرفنا أخوااااات عشرتهم ترفع الراس <3

 

[*amani*]

السلام عليكم
اهلا وسهلا بكم من جديد..عودة ميمونة
وان شاء الله اخر غياب

 

[حاملـة المسك]

السلام عليكم احباب اللمة ..
رمضان مبارك على الجميع تقبل الله منا ومنكم صالح الاعمال
كل الشكر لحبيبتي حدة على المبادرة الطيبة و الدعوة

​

 

[hadda0425]

اهلا بيك رغود نورتو اللمة

 

[nassima 87]

صحى فطوركم لحباب وين راكم اليوم مابنتوش

 

[nassima 87]

هدا واش قدرت نصور اليوم في اخر دقيقة طاحتلي قرعة قازوز في الكوزينة عشيت نمسح او نسيق

 

[oumniati]

الله الله شكون زارتنا ومعامن حصلنا الشرف نسمعو صوتها ههههه ياقلبي راح يغمى عليا من الفرحة واش هاذي الغيبة امنياتي ليك وحشة لبنات كامل نتلاقاهم فالفايس غير انت يا الهرابة لا اخبارك واش احوالك تووووووحشتك بزززاف ياعمري ان شاء الله تكوني بخير متغيبيش عليا راني منقدرش على غيابك

ميميييييييييييييي نستنى فيك تعرضيني للعرس ياكشرودة وانت لاخبر ههههه كاش طوايش كاش طيابات موالفة دايما تجيبي الجديد
والله ليك وحشة كبيييييرة قد الدنيا ليك ولكل البنات المتواجدات والغايبات

 

[oumniati]

عودة ميمونة لكل لبنات الملتحقات هل هلالكم مع هلال العيد ماشاء الله عليكم
سمحولنا برك راهي شوية تالفة هههه الغياب والكبر الله غالب خخخ
فطورنا اليوم
سوب العدس الاحمر من برنامج لمسة شهرزاد
وتاڤلياتال بالكريمة الطازجة
صحا سهرتكم

 

[oumsif]

صح فطوركم لبنات فطورنا اليوم شربة فريك بوراك وطجين البرقوق باللحم

 

[la_safa]

السلام عليكم
شفت خالتو حدة قاتلنا ادخلو حبيت ندخل يا حسراااا هادي مدة على اللمة بصح تبقى اللمة لي لمتنا و عرفتنا بلحباب كيما نتوما ❤❤❤
ان شاء الله تكونو بخير ❤

 

[ام تسنيم واحلام]

السلام عليكم ورحمة الله وبركاته
انتا منعرفكومش لكن من خلال تعليقاتكم ومن تعليقات الزملاء ماشاء الله عليكم وعودة ميمونة ان شاء الله مع مرور الوقت نتعرفو على بعضنا أكثر وبهذه المناسبة السعيدة نقدم لكم هذي التحلية تراميسو عربون محبة وصح فطوركم

 

[nassima 87]

السلام عليكم ورحمة الله وبركاته
انتا منعرفكومش لكن من خلال تعليقاتكم ومن تعليقات الزملاء ماشاء الله عليكم وعودة ميمونة ان شاء الله مع مرور الوقت نتعرفو على بعضنا أكثر وبهذه المناسبة السعيدة نقدم لكم هذي التحلية تراميسو عربون محبة وصح فطوركم
مشاهدة المرفق 65131

يعطيك الصحة اختي على التيراميسو معريفة خير ان شاء الله

 

[nassima 87]

 

[oumsif]

صح عيدكم كل عام وانتم بالف خير
حلوياتي

 

[دعاء الجنات]

السلام عليكم صح عيدك... تقدري تعطيني لاروسات تاع هاذاك القاطو الابيض لي داخلو بالأحمر؟