سلام عليكم
صمتو وفطرتو والحمد لله وربي يتقبل منكم ومنا وصايي اتحركو رقدتو بزاف واللي غابو سيبو نقولوهم رحلنا بدلنا لادريس
اليوم يا جماعة حابين نحكو شوي
كيما والفين نمنشرو وما احلى ان نعيش ..... هذي نتاع سنان يا سنان يا احلى الاصدقاء
حبيت نحكو على المورال .....
االلي واسمو ......والفتنا لاروتين .....واحنا والفناها
نرقد ونوض نقعد ونرجع نرقد وهي ماشية داكور تقولو ليليا المرض وطيط وبيط وهاني نحاول نلاهي روحي
ايا نتوما راكم صحاح ...تخرجو تقراو تخدمو عندكم مرا وعندكم ذراري ونهار كامل ونتوما مالين ....غير اللي ينسف واللي يبخر واللي هامل
ما نحكوش على ليجون لاروتين معشوقتهم نامبر وان اللي ما فارقتهمش
حنا والفنا لاروتين .....واللا حنا خليناها توالفنا
بمعنى يا جماعة احنا عندنا وضع معين اللي شومار واللي مريض واللي تالفتلو من دزاير للصين وما لقاش عليها وين .....بصح علاه ما نبدلوش ..... وعلى قولت بدل المراح تستراح نبدلو
ايوا انا ما نتحركش بصح يديا الحمد لله مش مكسىرين نعرف نخدم بزاف امور مش بالضرورة نمشي هاني نخدم فالكروشي نخدم امور تزينية للدار هواية ووقت كافي راني نحفظ فالقرآن هذي وحدها
نجو ليكم ليجون يقولك واش ندير تشومير وماكانش وين .....الرحلة من البلاد ....،.شوف اسيدي الرحلة لوين وبواه ياخي شومار والحرقة بالاورو باه تجيب الاورو وليدي
والا ماشي الحرقة روح لادروG وهذي طاكسي وهذي صاروخ ومانيش عارفة واش كاين ثاني ...،.تحت شعار تنسيك وتديك للعالم الآخر .....ايوا روحو شوفو مدمنين واش من عالم داتهم زعمى لدبي امالا Gاع ندروGو
تقدر دير سبور تقدر تدخل مع جمعيات منها تعاون ومنها تلاهي روحك ايوا ما تحبش هذي معليش خاطيكم الجمعيات برك شوف هواية لاهي روحك يا سيدي دخل تتعلم صنعة ......تقولو كي شاب علقولو حجاب ايوا هذا تخمامنا علاه نقطعو لياس من حاجة مازال حتى ما فتنا بيها العلم ما عندوش لاج
الشومار الخدمة ما تجيش طبطبلك فالباب وزيد لو تلقى خدمة راقد ففراشك فريحتك وتختار انا نخدم كذا انا نخدم كذا ايييه انت تخدم وزير وانت ما لحقتش للسيزيام ......تخدم بشي قليل وحلال خير من تستنى يماك والا تسرق والا تروح للطريق العوجة والربح السريع لالا بيدك تبدل روتينك
الطفلة ثاني من تنوض وهي كالنافخ اوف بوف سماطة ديGوتاج .....وهي حبة بيض ما تعرفش تقليها نوضي فرغي فوقتك فالكوزينة تعلمي امور تلقايهم كروشي خياطة وما تقوليش ما يخلونيش نخرج لالا فالدار الوقت اللي ديريه للفايس روحي يوتوب تعلمي الله يبارك امور بزاف مارانش نقولو راح تولي ايلي صعب وتصممي لأحلام لالا تتعلمي امور تلقايهم
الخلاصة يا خاوتنا حسيت بإجابية اليوم وحابة ولو فبلاصتي نطبق هواياتي وواش نعرف ونزيد نتعلم كوني فالكرسي ماراهش مخي معوق اقل شي نكتب نشعر اسيدي نكتب قصص خرطي والا صح نقراهم غير انا معليش مهم ندير حاجة تخرجي من الروتين وما تخلينيش نقعد مع عماد حمدي ونبكي على الاطلال
واش راهي دايرة لاروتين معاكم ؟ ويا درا وقولو الصح مش مخمين ديرو حاجة ؟ يعني ممكن واحد منكم قرارالموضوع قال والله نشوف عفسة ونديرها
نتوما رجال مع لاروتين واش راكم ؟
الخط ليكم
نتمنى نكون فدتكم واو شوي
صمتو وفطرتو والحمد لله وربي يتقبل منكم ومنا وصايي اتحركو رقدتو بزاف واللي غابو سيبو نقولوهم رحلنا بدلنا لادريس
اليوم يا جماعة حابين نحكو شوي
كيما والفين نمنشرو وما احلى ان نعيش ..... هذي نتاع سنان يا سنان يا احلى الاصدقاء
حبيت نحكو على المورال .....
االلي واسمو ......والفتنا لاروتين .....واحنا والفناها
نرقد ونوض نقعد ونرجع نرقد وهي ماشية داكور تقولو ليليا المرض وطيط وبيط وهاني نحاول نلاهي روحي
ايا نتوما راكم صحاح ...تخرجو تقراو تخدمو عندكم مرا وعندكم ذراري ونهار كامل ونتوما مالين ....غير اللي ينسف واللي يبخر واللي هامل
ما نحكوش على ليجون لاروتين معشوقتهم نامبر وان اللي ما فارقتهمش
حنا والفنا لاروتين .....واللا حنا خليناها توالفنا
بمعنى يا جماعة احنا عندنا وضع معين اللي شومار واللي مريض واللي تالفتلو من دزاير للصين وما لقاش عليها وين .....بصح علاه ما نبدلوش ..... وعلى قولت بدل المراح تستراح نبدلو
ايوا انا ما نتحركش بصح يديا الحمد لله مش مكسىرين نعرف نخدم بزاف امور مش بالضرورة نمشي هاني نخدم فالكروشي نخدم امور تزينية للدار هواية ووقت كافي راني نحفظ فالقرآن هذي وحدها
نجو ليكم ليجون يقولك واش ندير تشومير وماكانش وين .....الرحلة من البلاد ....،.شوف اسيدي الرحلة لوين وبواه ياخي شومار والحرقة بالاورو باه تجيب الاورو وليدي
والا ماشي الحرقة روح لادروG وهذي طاكسي وهذي صاروخ ومانيش عارفة واش كاين ثاني ...،.تحت شعار تنسيك وتديك للعالم الآخر .....ايوا روحو شوفو مدمنين واش من عالم داتهم زعمى لدبي امالا Gاع ندروGو
تقدر دير سبور تقدر تدخل مع جمعيات منها تعاون ومنها تلاهي روحك ايوا ما تحبش هذي معليش خاطيكم الجمعيات برك شوف هواية لاهي روحك يا سيدي دخل تتعلم صنعة ......تقولو كي شاب علقولو حجاب ايوا هذا تخمامنا علاه نقطعو لياس من حاجة مازال حتى ما فتنا بيها العلم ما عندوش لاج
الشومار الخدمة ما تجيش طبطبلك فالباب وزيد لو تلقى خدمة راقد ففراشك فريحتك وتختار انا نخدم كذا انا نخدم كذا ايييه انت تخدم وزير وانت ما لحقتش للسيزيام ......تخدم بشي قليل وحلال خير من تستنى يماك والا تسرق والا تروح للطريق العوجة والربح السريع لالا بيدك تبدل روتينك
الطفلة ثاني من تنوض وهي كالنافخ اوف بوف سماطة ديGوتاج .....وهي حبة بيض ما تعرفش تقليها نوضي فرغي فوقتك فالكوزينة تعلمي امور تلقايهم كروشي خياطة وما تقوليش ما يخلونيش نخرج لالا فالدار الوقت اللي ديريه للفايس روحي يوتوب تعلمي الله يبارك امور بزاف مارانش نقولو راح تولي ايلي صعب وتصممي لأحلام لالا تتعلمي امور تلقايهم
الخلاصة يا خاوتنا حسيت بإجابية اليوم وحابة ولو فبلاصتي نطبق هواياتي وواش نعرف ونزيد نتعلم كوني فالكرسي ماراهش مخي معوق اقل شي نكتب نشعر اسيدي نكتب قصص خرطي والا صح نقراهم غير انا معليش مهم ندير حاجة تخرجي من الروتين وما تخلينيش نقعد مع عماد حمدي ونبكي على الاطلال
واش راهي دايرة لاروتين معاكم ؟ ويا درا وقولو الصح مش مخمين ديرو حاجة ؟ يعني ممكن واحد منكم قرارالموضوع قال والله نشوف عفسة ونديرها
نتوما رجال مع لاروتين واش راكم ؟
الخط ليكم
نتمنى نكون فدتكم واو شوي
