فَعَآلية ~صيفنآ إبدآع في اللمة الجزائرية~

[MAROUA HAIBER]

السلام عليكم جماعة
والله فرحت كي شفت هاذ الموضوع لأنو الأشغال اليدوية من هواياتي ونتمنى نفيدكم وتفيدوني
جماعة شوفوا كاين موقع تاع أشغال وفنون وموضة كل شي وش تحتاجوا فيه أفكار عديدة ادخلوا وماتندموش
انا هبلت بيه اسمو Pinterest تقدروا تدخلوا ليه فالحاسوب و لا تيلفون ولا تطبيق كيما تحبوا وتقدروا تدخلوا ثاني بالفيسبوك ولا
جيميل ولا تحلوا حساب جديد ساهل للغاية غير بريد وكلمة سر وخلاص ماتندموش

 

[MAROUA HAIBER]

وإن شاء الله راني معولة نطبق أفكار و نوريلكم وحتى نتوما كشما تلقاو جيبولنا علابالي شاطرات وفحلات
طبقوا بالخف لأنوا الموقع فيه أفكار كثيفة حتان نهبلوا هههه هكذا كل وحدة جيب شوي ونتعاونوا ونختاروا
غير المفضلات وشكرررا للأميرة ديالنا لي دارت هاذ الفكرة يعطيك الصحة

 

[{مُدَلَّلَتُهُ}]

الله يفتح عليك حبيبتي مروة ضوك ندخل لهاد الموقع نشوف

ما تبخليش علينا بأفكارك و إبداعك

تسلمي ختيتي​

 

[MAROUA HAIBER]

الله يفتح عليك حبيبتي مروة ضوك ندخل لهاد الموقع نشوف

ما تبخليش علينا بأفكارك و إبداعك

تسلمي ختيتي​

إن شاء الله بلا ميزة حبيبة يعيشك

 

[عاشقة الإحسان]

سلام الله عليكن يا امورات

ماشاء الله عليك حبيبتي فكرتك رائعة و مميزة

رح نحاول نشارك معاكم بإذن الله لأنو عندي إلتزام الصيف هذا ،ورح نحاول باللي نقدر عليه و راني متابعة لأفكاركم و إبداعاتكم يا عسولات .
تقبلي مروري الخجول عزيزتي

 

[Snow pink]

Helllo girls how are youحبيت نشكر صاحبة الموضوع الرائع هذا فعلا فكرة مميزة يعطيك الصحه انا نمووووت على الأشغال اليدوية والصيف هذا بعد ماكملت الباك بديت نخدم خدمت شوي حوايج ان شاء الله رح نصورهم ونشاركم بيهم وعندي بعض التطبيقات الرائعة رح نشارككم بيهم ... رح نرجع عن قريب ان شاء الله

 

[آمِيْرَتُه]

السلام عليك
إن شاء الله يتم التفاعل
زيدي حطي لينا أفكار إن شاء الله الخميس نخرج نشري المستلزمات ونبدا معكم
ربي يجازيكم

 

[{مُدَلَّلَتُهُ}]

و عليكم السلام

مشكورين حبوباتي على الردود و التفاعل بصح خصنا التطبيق هايا الفحلات وروني شطارتكم


الفكرة الأولى رااني حطيتها بالمراحل في الردود السابقة​

 

[السلطانة]

وعليكم السلام ورحمة الله وبركاته
الله يبارك عحبتني الفكرة بزاف
خاصيني لحوايج معنديش هاذ الشباك ولي بارل هاذوك
ان شاء الله نخرج هاذ اليومين نشريهم ونجيب التطبيق
يعطيك الصحة حبيبتي انتي والخالة ام لقمان ^^

 

[السلطانة]

سؤال: هذا القماش تاع التيلو
بشحال يتباع
مثلا باه نخدم 6 نابروات شحال نشري من ماتر ؟

 

[{مُدَلَّلَتُهُ}]

سؤال: هذا القماش تاع التيلو
بشحال يتباع
مثلا باه نخدم 6 نابروات شحال نشري من ماتر ؟

كيما حنا ما كبرناش القلوب بزاف مالا 1 متر تع شبيكة و 1 متر تع استراس كملولنا الخدمة وبقا شوية ​

 

[Snow pink]

سلام عليكم حبوباتي كيما وعدتكم راني رجعت بش نحطلكم أعمال عجبتني لقيتها في تطبيق ان شاء الله تعجبكم وبعد شوي ان شاء الله ولا غدوة رح نصورلكم الاعمال الي قمت بيها انا ونشاركها معاكم واعطوني رأيكم فيها ^_^... الأن تفضلو بعض أفضل الأعمال إلي عجبتني أكثر من غيرها

 

[Oum Loukmane]

السلام عليكم

الفكرة الثانية بنفس الأدوات لكننا استخدمنا اللون الفضي بدل الذهبي و غيرنا الشكل "ثماني بدلا من القلب"

طبعا الأحجام حسب الرغبة

الأدوات المستخدمة كما قلت نفس تع المرة الي فاتت

فقط في الوسط زدنا درنا وردة

نقص الشبيكة حسب الشكل المرغوب به

و نقطعوا الإستراس خيطين و نبداو من الوسط و نروحو

و مبعد نديرو الوردة في الوسط وفوقها فص

مبعد نروحو للحواف نديرو فيهم الإستراس

هنا بعد ما كملنا

الفصوص نبداو نديرو في القنوتا

و مبعد نكملو بالفصوص و درنا وريدات صغار في الوسط

و هادو القطع كاملين بالأحجام المختلفة

انهينا الفكرة الثانية بحمد الله

هايا الحبيبات ورولنا عملكم و تطبيقاتكم وين راكم


​

 

[Malika Tlm]

السلام عليكم
واو روعة خرجوا شابيييين وبزاف
يعطيكم الصحة ان شاء الله
ربي يوفقنا كامل يارب

 

[Oum Loukmane]

السلام عليكم
واو روعة خرجوا شابيييين وبزاف
يعطيكم الصحة ان شاء الله
ربي يوفقنا كامل يارب

وعليكم السلام
الله يسلمك حنونه عيونك الحلوه
لكن هيا ورني تطبيقك لكي يستفيد الكل

 

[Only me]

ياعمري على اللمة الغالية رايحة تولي كيما بكري انا اول ماشاركت كنت نشوف عير الاشغال اليدوية نمووووت عليهم لكن للاسف مانقدرش نشاركم اعمالي البسيطة لانو راني متصلة من الهاتف
متابعة لجديدكم وشكرا على الموضوع

 

[آمِيْرَتُه]

الله يخليك الشبيكة رقيقة ولا غليظة ,
واذا كانت رقيقة منديرو تحتها والو ؟

 

[{مُدَلَّلَتُهُ}]

ياعمري على اللمة الغالية رايحة تولي كيما بكري انا اول ماشاركت كنت نشوف عير الاشغال اليدوية نمووووت عليهم لكن للاسف مانقدرش نشاركم اعمالي البسيطة لانو راني متصلة من الهاتف
متابعة لجديدكم وشكرا على الموضوع

ههه البركة فيكم حنونة يد بيد نرجعوها كي بكري ♥ ان شا الله تقدري تشاركينا ماذابينا نشوفو تشجيعاتكم حنونتي ♥​

الله يخليك الشبيكة رقيقة ولا غليظة ,
واذا كانت رقيقة منديرو تحتها والو ؟

شوفي المودال الأول خدمته بالشبيكة الي عينيها رقاق و الثانية باللي عينيها غلاض "اذا هاذا هو قصدك على غليظة ورقيقة" اما ااذا كان في الشبيكة أنواع فالله أعلم انا لقيت هاذي شريتها ...
و ما درت تحتها حتى حااجة برك كي تكونو تخدمو بمسدس الشمع ديرو حاجة تع بلاستيك من تحت باش كي تنحوهاا من فوق طاولة العمل تجيكم العملية ساهلة و ما تلصقلكمش ​

 

[GI Joe]

ya3tikom saha lebnet
haani mteb3a men b3id manhebech les nappes bi anwa3iha nheb nchoufhom bark kifeh yetkhadmou
et oui je confirme 3la pinterest haayel;; na9der n3ich ghir bih sur internet fih kolech

 

[{مُدَلَّلَتُهُ}]

راني قريب نجيكم للدار

البنات وينكم هاذا ما تدورو ماا تطلوا

زعفتوني ​