ليزيميـGري أرواحو نتفاهمو قبل ماتزدمو

[حلم كبير]

وعليكم السلام
هههههه علبالك ياخويا والله نكتب فالموضوع وانت في بالي ههههههه
قلت مصاب مايزعفش علينا خاطرش علبالي بلي ماشي كامل كيف كيف
انا خالي كونطر خالتي في كلش مام عايشين بين زوج في فرنسا
مي انا الحاجة لي مافهمتهاش فيكم ياليزيمقري تاع فرنسا
علاه نتوما ماشي كيما تاع ألمانيا ولا كندا ولا لانغليز ولا البلدان لوخرين
علاه غير تاع فرنسا لي ديما يشكو
علاه غير تاع فرنسا لي ديما عقليتهم قديمة
علاه غير تاع فرنسا لي مايمشوش مع التقدم
علاه غير تاع فرنسا لي مشحاحين
كاين بزاف اسئلة تخص غير لي عايشين في فرنسا
انا كاين لي يكولولي من كندا من ماريكان من سبانيا من المانيا ياك حتى هذوك ليزيمقري
علاه ماشي كيما لي ساكنين في فرنسا
علبالك كي نشوفو واحد مقري من فرنسا نشوفو متخلف من كل النواحي
من اللبسة والحطة من التكنلوجيا من الأخبار
وزيد حاجة أخرى علاه غير لي ساكن ففرنسا يقولك أخطيك ماتحرقش وماتخرجش من بلادك
علاه لي ساكنين في البلدان أخرين ينصحك بالهجرة وبالقراية فالبلدان المتقدمة
انا كاين عندي بزاف أسئلة دور في راسي من جيهت ليزيميري تاعنا تاع فرنسا
ان شاء الله نلقى شويا اجوبة منك هههههه
انا ياخويا مانيش عليك ومانيش نعمم بصح تقريبا الأغلبة هذا هو تخمامهم
​

السلام عليكم و رحمه الله تعالى وبركاته

الاخ الكريم نجاوبك واش نعرف انا وكصفتي حلم كبير مغترب منذ اكثر من عشر سنوات ،وقبل ما نتغرب قريت فالجامع وحفظت خمستاش حزب وقريت فالجامعة المسيلية يعني أنا مغترب بصح جسدا وفقط أما بيتي وحولي وأولادي وتصرفاتي كلها إسلامية العقيدة عربية المنشأ جزائرية التقاليد وما نستعرف لا بڨاوري لا بتقاليدهم لا بهبالهم ملي كنت في بلادي يعني إنسان بسيط ما نحبش نقلد ولا نبين روحي ....

أما عن أني ما نحبش ولاد بلادي يروحو يتغربو فالجواب هاك تتفرج فيه بعينيك والمغتربين جاوبوك عليه وهاكم تستغربو فيهم يعني تروح ممكن تولي كيفهم
...
يا خويا اللباس ميش مقياس العقل ديرها في بالك لأنو صاحب شركة ميكروسوفت أو ڨوڨل إن لم تخني الذاكرة يلبس دائما قميص ازرق وبنطال اسود ولا يغيرها ولا هي مودا ولا على الصيحات الاخيرة تعاشر الشخص وتخالطو وتتعامل معاه باه تحكم عليه ...

أما حاجة البخل فالحمد لله ربي عافاني منو ...
هاذي معريفتي
نتمنى نكون وضحتلك ولو قليلا
مانزعفش من خويا بالعكس أنا ثاني نستغرب كيما نتم في ناس باعت رواحها لفرانسا ونسات أصلها ...
خمسة وتسعين بالمئة من المغتربين في فرنسا ضاعو ولادهم وضاعو هوما ،وانسلخو على دينهم
والخمسة بالمئة المتبقية راهي تعاني التهميش من الڨور ومن خاوتها المستڨورين
الله يصلح الاحوال ويهدي عبادو نشالله
خويا بارك الله فيك
احترامي مع تقديري
حلم كبير
​

 

[Skor m@k]

السلام عليكم و رحمة الله تعالى وبركاته
أولا يعطيك الصحة مالك موضوع حساس بزاف هههههه
راك قستها و جبتها سواسوة
واش نقولك و الله رآهم طيحو علينا البق خخخخ
الواحد حاير في روحو و يزيد يحصل فيهم
شفت دار عمي مساكن هوما الله يبارك دار عيال قيسهم قيس روحهم و يزيدو يجيو تاع لهيه الدار و ما فيها يزيدو يحصلولهم في ماكلتهم و شرابهم
و كيما قلت تقوشي خاصنا شيفون باش يزيدو يجيبو الفضلة ديالهم يروموها لهنا
لوكان واحد يمدلي الشيفون قدام عينيه نقطعو نرجعو نشاف هههههه
على الأقل حاجة تصلح شوي كيما العام لي فات مدولي كادو شباب من فغونسا جاااي نيهاهاهاهاها
و تقول قاتلهم الشر الحاجة لي يشوفوها يطيحو على عينيهم و إذا شافو حاجة ما تعجبهمش يبداو حنا في فغونسا و حنا في فغونسا
والله أنا عمي يسكن لثم مشاء الله خاطيه التبهليل هذاك متواضع و الحمد لله
و الحمد لله معدناش لي زيميڨري لي يجونا للدار ولا كان راني نسوفري ههههه منفهمش الفرانسيسا مليح و بابا لي يفهمها و ميحبش يهدر بزاف ههههه
الحمد لله تهنينا ربي يعنيكم هههههه
بصح كاين شي ناس لا حول ولا قوة الا بالله
و منين ذاك يا مالك منلوموهمش إذا معجبهمش الحال
خاطرش رآهم عايشين في لوروب ماشي في شكوبي الفقاقير هههههه

يعطيك الصحة مالك بارك الله فيك
شكرا ^^​

السلام عليكم
ايه شفت علاه يحيروني انا تلقايهم يخلصو مليح وهكذاك يشكو
لي مايخلصش فيهم يخلص 10 ملاين بدراهمنا ويزيد يشكي
هوما كل حاجة يشريها يحسبها يقارنها بالدينار تاعنا
ممبعد يجي يجوز كونجي تلقاه شهر صرف مليون ولا زوج
حنا فنا فالدزاير تروح جوز كونجي سمانة تصرف زوج ملاين وتلقاه يخلص 3 ملاين للشهر
وزعما كي تقولو اصرف على روحك وولادك يقولك ياك جينا ضياف عندكم
الضيافة 3 ايام ودبر راسك ماشي شهر ماتشري والو
والمشكلة يدعاو جبنالكم حوايج تاع فرنسا ههههه وهوما جابو الشيفون ههههههه
يعطيك الصحة
سلام​

 

[Malika Tlm]

مساء النور اخي مالك
راني رجعت نمشر شويا هههههههه
تعرف نسيت حاجة محكيتهالكش حتي لي ديمو يديو بالخمسة وزيد ههههه
والهدايا واو خليها وسكت تعرف انا عندي بنت خاي في فرنسا كيما قلت ماشي هدايا تفرح هههه
وعندي اخي تاني عايش تما املا نقولك حاجة والله ميجيب والو هههههه الشح قاتلهم يا لطيف
ايا يلا تفكرت راني نولي هه
تحياتي اخي

 

[Skor m@k]

هذو هم العرب يرجعو من برا لبلادهم قاتلهم الفوخ والزوخ والمظاهر يحسبو في رواحهم مانعرف منين جاو
تلقاه يحكي بغير العربيه وينفخ في روحو تقول مادي جائزه نوبل
وهذوك الاشكال لي حكيت عليهم ماشي صدفه خويا دايرينهم بالذمه باش كي يشوفوهم الناس يقولك هذو جاو من برا
مره نتفرج فتيلي نعتوهم يبيعو فالشمه والدخان في فرنسا تشوف حالتهم يبكي عليهم الي مايبكيش بصح هم تبانلهم تجار كبار هههه
وكنت وقت نخدم في سيبار يجي واحد كبير اب ولاد داخل بشورت قصير تبانلو راه في مارسيليا قلت لخوه وشبيه خوك هذا لا حشمه لا حيا داخل علينا يبان راح يتحمم ههههه وزيد ولادو لصقولي فالميكرو والله يا خويا تقول عمرهم لا شافو ميكرو بالسيف باش نوضتهم
بناقص من هكذا جنس نعيشو في بلادنا ونموتو فيها خير من الحاله هذيك

السلام عليكم
شفت ياخويا ماشي غير انا لي هدرت عليهم الناس والشعب الجزائري كامل فايقلهم
المشكلة يجو يزوخو علينا وكي تقوللهم نروح نكمل قرايتي هناك مايعجبوش الحال
يخافو نخسرولهم حياتهم هناك
والمشكلة غير تاع فرنسا لي عندهم هذو الصفات
ليزيميقري تاع البلدان الاخرى ماشي هكذا تخمامهم
والله هذي كلمة مليحة نعيشو في بلادنا ونموتو فيها
ولا نروحو لبدان آخرين مكاش غير فرنسا تاعهم لي علمتهم البخل والجحش خخخخخخخ
بإذن الله غير فرنسا لي ماندخلهاش كيما قال بومدين الله يرحمو

 

[Skor m@k]

السلام عليكم و رحمه الله تعالى وبركاته

الاخ الكريم نجاوبك واش نعرف انا وكصفتي حلم كبير مغترب منذ اكثر من عشر سنوات ،وقبل ما نتغرب قريت فالجامع وحفظت خمستاش حزب وقريت فالجامعة المسيلية يعني أنا مغترب بصح جسدا وفقط أما بيتي وحولي وأولادي وتصرفاتي كلها إسلامية العقيدة عربية المنشأ جزائرية التقاليد وما نستعرف لا بڨاوري لا بتقاليدهم لا بهبالهم ملي كنت في بلادي يعني إنسان بسيط ما نحبش نقلد ولا نبين روحي ....

أما عن أني ما نحبش ولاد بلادي يروحو يتغربو فالجواب هاك تتفرج فيه بعينيك والمغتربين جاوبوك عليه وهاكم تستغربو فيهم يعني تروح ممكن تولي كيفهم
...
يا خويا اللباس ميش مقياس العقل ديرها في بالك لأنو صاحب شركة ميكروسوفت أو ڨوڨل إن لم تخني الذاكرة يلبس دائما قميص ازرق وبنطال اسود ولا يغيرها ولا هي مودا ولا على الصيحات الاخيرة تعاشر الشخص وتخالطو وتتعامل معاه باه تحكم عليه ...

أما حاجة البخل فالحمد لله ربي عافاني منو ...
هاذي معريفتي
نتمنى نكون وضحتلك ولو قليلا
مانزعفش من خويا بالعكس أنا ثاني نستغرب كيما نتم في ناس باعت رواحها لفرانسا ونسات أصلها ...
خمسة وتسعين بالمئة من المغتربين في فرنسا ضاعو ولادهم وضاعو هوما ،وانسلخو على دينهم
والخمسة بالمئة المتبقية راهي تعاني التهميش من الڨور ومن خاوتها المستڨورين
الله يصلح الاحوال ويهدي عبادو نشالله
خويا بارك الله فيك
احترامي مع تقديري
حلم كبير
​

وعليكم السلام
نشكرك كي تفضلت ورديت على تسائلاتنا بصدر رحب
خاطرش انا موحال نعمم على المغتربين كامل وحتى لي عايشين هنا فلبلاد كاين لي كيفهم
بصح الأكثرية لي الناس كامل تشكي منهم
انا خالتي وحدة من الناس لي هدرت عليهم هنا
مي فهمت حاجة من كلامك هي انو ماشي الغربة هي لي ترجع العبد هكذاك
المعيشة لي ففرنسا خاصة لي ترجع الواحد هكذاك
يعطيك الصحة خوو​

 

[Skor m@k]

مساء النور اخي مالك
راني رجعت نمشر شويا هههههههه
تعرف نسيت حاجة محكيتهالكش حتي لي ديمو يديو بالخمسة وزيد ههههه
والهدايا واو خليها وسكت تعرف انا عندي بنت خاي في فرنسا كيما قلت ماشي هدايا تفرح هههه
وعندي اخي تاني عايش تما املا نقولك حاجة والله ميجيب والو هههههه الشح قاتلهم يا لطيف
ايا يلا تفكرت راني نولي هه
تحياتي اخي

اهلا ختي مليكة
ههههه تقول هدرت على خالي هههههههه
عندو وحد العامين جا شرى ديمو وداه معاه هههههههه
وكاين تانيت وليد عمتي كل ما يجي يروح يشري الدخان والشمة يطلعهم معاه لفرنسا خخخخخخ
ياخي حالة ياخي هذا واش خصهم هناك ههههههه
لالا باش يجيبو مايجيبوش يحبو يدو برك هههههه
شكرا ختي

 

[أم منيــــــر]

السلام عليكم
الله يعطيك النو تصب عليك حتى تولي تقطر يا مالك
مواضعيك دايمن فور
شوف راني نقرا و نضخك و نقول كاينة منها والله صدقت
المشكل انو حاسبينا جيعانين و عريانين يضحكو علينا باي حاجة
كما قالت اختي مليكة عايشين تما و يخلصو بالاورو و اذا دخلو تما للقهوة يحسبها بالدينار تقول راه ماشي يخلصها بالدينار
و على العام يشكيو من غلاء التذكرة يقولك (ابن عمي لبيي راه غالي بزاف كدا و كدا و يحب يبكي)
بصح جامي يقولو شحال راهم يدخلو دراهم بالدينار مقابل الاورو
يجيبو وريقات يديو فيها رزمة دراهم و هادي كما قلت حتى واحد ما عندو الشجاعة و يقولها
انا نقولهم برك بركاو ما تحقرونا بالعين احنا ناس لاباس بنا و لله الحمد
يعطيك الصحة ملاك موضوع شباب و لي اعجبني الاسم لي اعطيتولهم الجراد هههه
انا تاني نقول كاين فئة بصح قليلة لي تفكر العكس ​

 

[GI Joe]

hh na9ra w nimagini fi wahd l hadja
imagini tkhali l pc waala 3afssa okhra aalmohim khaltek ta9ra wech ktebt 3lihom, tetchoka meskina tgoul l mamak ooh mon dieu mais bnek il est pas gentil aaaana djebtlo serwel napolean anaaa?? w thez 9achha w troh M3a wladha w jaamais la tzid tchoufha hatan ta3erdhoha fi 33erssek w teb9a tgate3 fik , haaahahaha mana3refek mata3refni mais imaginit hata salon li djet ga3det fih w bdet tefrog f l 9ach hadek

 

[آمِيْرَتُه]

السلام عليك
مرحبا بناس فخونسا هههه
الاكثرية لي مبهدلين بينا هما لي ساكنين في فخونسا ههههه تقول مراهم ياكلو مراهمش يشربو اللهيط ومين يجو طالعين ميخلو ميدو الخضرا الفواكه اللحم وزيد الادوات المدرسية يا ماما حنا نحوسو على الادوات المليحة نتاع الخارج وانت تديلي قريصات من عام كان يقرا جدي ربي يرحمه هههههه كوارث نتاع الصح خطرة في 5 متلايمين على بيتزا ومدابزين ههههه

 

[أماني أماني]

و الله غير عندك الحق انا واحدة كي انشوفهم نكره حياتي و زيد مازلهم ايجيبونا حوايج تاع الشيفون تاعهم ويقولونا هادا تاع فرنسا ماركة ماشي تاع دزايراغسل و البس و يبداو فالحكايات تاع الهنا تاعهم و كل حاجة ايقولو حنا في فرنسا ماشي هكدا نتوما عندكم الهاراج بزاف وزيد وزيد... و الشابة كي ايكونو رايحين ترقاهم يدو معاهم الرفيس و الطعام اتقول راهم داخلين في حرب خاطرش ايعيطو للهم