الخير والعافية والسلام عليكم جميعا وديرو الصف وسلمو عليا على بالي توحشتوني وسورمو انا لالا
ما تقولوش كانت فاكونس أو راحت لتونس وكلات الهريسة أبابا مالها هريسة بلادي
ولا تقولو راحت للترك وكلات البقلاة ولو توحشتها مي فيف بقلاوة بلادي ووان تو ثري فيفا لالجيري
بون يا جماعة الخير توحشتكم وجيت ووليت ووجدو رواحتيكم ليا معولة عليكم
يا جماعة من وقت نخمم تطبيق للنسا مجاني وهايل وخفيف وما تخافوش ما يصرا والو لحياتكم مع لاميزاجور غراتوي من منتدانا مدة عام تكرم بها السي فتحي اللي ربي عالم واش من بلاد راه حواس وألا مولات الشابو الأحمر اللي يا عالم بدلاتو والا لالا خاطر الذيب قالها مليت منك عييت نتوب وأنت تفكريني بليلى وجداها
يا جماعة الراجل المابس .....اي وي عارفين كاين المابس فتلفونات وين الواحد يروح بلاصة وخاصة الناس اللي تسوق وتقدر تعرف بلاما تمشي وتسقسي حاجة مليحة وتطور مليح
قلت انا يا نمد كادو للنسا الراجل المابس اييه العازبات واللي متزوجة تجيبنا راجلها نفلاشوه .....العرض محدود يا جماعة
قالك الراجل من يزيد من كرش أمو وهو يحكم فينا ايييه يبكي وهو صغير ويحرم على يماه معيشتها ووين يبكي من كان فكرشها وهو يتحكم وجا خونا وكبر وبدا عمرو عشر سنين ويحس فروحو راجل الدار.....اييه كلمة يقولوهالو الوالدين واخونا ما صدق وتتفر في ذيك المخلوقة أختو
وطوالو رجليه ويديه وهنا يطوال لسانو والاكيد يبدا يستعمر ذيك الخليقة نتاع اختو دائما مفبونات احنا مساكن ولينا ربي تبا لكم
الطفلة تتزوج هنا تقولك خلاص انا نروح لراجلي ويا سعدي قلاش ودلال وتنسى همومها حنونتي هذي قصة ما قراتهالكش يماك قبل ما ترقدي يماك دزيرية ماشي لبنانية الحنان عند امهاتنا قبل النوم ارقدي يرقد حسك
نظن فهمتيني
لحقا للصح الراجل العزيز هنا يبدا ذاك الرجل الوقور الراجل عمر قتلاتو اذا كان هو زمان يدير واش يحب وحتى يتزوج يبقا يدير واش يحلالو وهي تحت سيطرتو علاه
لانو ممنوع للمدام دخل روحها لانو هو الراجل
تلبسي واش نحب أنا ....علاه انت إيلي صعب يا العميرة انت حدك تهدر على الاحترام والسترة مش اللون والعرض والطول خاطياتك يا حبيبي
ما تقطعيش شعرك حتى تسقسيني ....علاه شعري كان مكتوب فالعقد نحب نديرو قرع ارواح تشوف نحكم فشعرك ونقطعو والا نديرلك ليماش ويا عمري تخرج جمال تدخل عليا جميلة
ما تروحيش لعرس وليد عمك ....حرااااااااااااام ..... وبنت خالو وبنت عمتو قريب يتصدر معاهم اواه بنت خالتي تربيت معاها ..... راجلي قريب ما عرفتكش علبالك
ما تسمعيش الغنا حرام وانا مرتي ما تسمعش الغنا ..... وراجلي دايرلي الكتمان انا لا أدوخ إلا بالصاروخ .....حلال عليه حرام عليا.... صاروخ يديك للمريخ ويهنيني
بلاكي بلاكي نسمع عندك فايس بوك .....نطلقك ..... خليني نشوف انت يا حبي ... فايس خوك وامك واختك متزوج 700 وحدة مورايا ....اين العدل يا زوجي العزيز..... وضرك شعال من مرة نطلقك
فالطريق تمشي معاه حطي راسك اعرفي وين تحطي عينيك ما تهدريش مع مول الحانوت .....وهو عينيه راحت مع لامية وفمو يصفر لسعاد ويتبسم لحنان ..... خارجة مع الشاب عز الدين
وهذي وهذي وبزاف صوالح حبيت نوصلكم للتطبيق
الراجل تصرفاتو مش كالمرا هذي عارفينها بصح يا هل ترى واش من حق للراجل يحقر مرتو تحت قانون انت مرتي وليتي ملكي المرا هذي بالون شراه وإلا طونوبيل يتحكم فيها ما عندهاش كيان
ما عندهاش راي
الراجل هذا ينسى كانت متربية عند رجال باباها وخوها وما خطبها حتى عرفها وسقسى وماشي هو ارجل من ماليها تحت اسمو وفي دارو وتحترمو مي ماشي يصنعها قالب على حسابو ويمشيها كيما تحب عقليتو المريضة نتاع انا الذكر وانا الراجل وانت تحت سيطرتي
التطبيق يا مرا يقول
راجلك أفلاشيه نلبس نحترم ديني مش حتى انت تجي تقولي عليه
نروح لعرس لافامي او غيرو لانو محال نقطعو صلة رحمنا وهو يوصل صلة بنات عمو وبنات خالاتو
نعرف حدود لبستي وسترتي ونعرف حدود اني متزوجة ومش عازبة
التطبيق يقولك راجلك حطي فيه لادريس وين باغية تروحي وشوفي واش يخرجك ووين يديك مش نحرض فيك يا لالة هنا انا نحكي على نوع معين من رجال ونوع من نسا اللي خلاو الرجال يحقروهم
ترفدي فالذل علاه ولادك ودارك وكرامتك وين
وانت السي خونا مادام تعرف الحرام والحلال وعلاه ما طبقتوش على روحك قبل ما تجيب بنت الناس
وعقلية حلال وحرام وعلاه تحبوها حتى كي تتزوجو وعلاه ما تعرفوش ونتوما عزاب
يا الخواتات التطبيق يقولك ... اول ما يدخل راجلك للدار ديري العنوان وشوفي سي خونا وين راح اليوم وواش دار وجربي تعكسي اييه
قوليلو ما تلبس الضيق حراااااااااااااام ...العدل هو قالهالك
ما تقطعش شعرك يا طرزونتي ...... نحبو طويل عليك
ما تروحش لعراس صحابك الغنا حرام وما تلبس العريان يا تؤبشني الكاميرا تصورك
وما تروحش للكورتاج البنات والاختلاط ..........هذي هدرتك حياتي ما جبتهاش من عندي
وفالدار يديك ما يبانوش وشعرك يتغطى وحل عينيك من بونتاكوغ
وكي تخرج حط عينيك فالارض وصوتك عورة ومشيتك ما تترنحش
اعكسو وشوفو رجالتكم .....
الخلاصة من كل هذا نقول
بعض الرجال يتحكمو في نساهم او حتى خوتاتهم بغير وش حق وبامور زايدينها من عندهم الرسول عليه الصلاة والسلام لما وصاكم رفقا بالقوارير ما قالكمش احكمو في شعورهم وواش ياكلو الا فيما يرضي الله واللي يعرف ربي يعرفو وهو عازب ما يستناش يجيب بنت الناس ويولي المهدي المنتظر
نظن وصلتكم فكرتي واللي مش عاجبو من الشعب الذكوري ما تزعفونش تؤبشوني جربو نحكمو فيكم كيما تحكمو فينا
سلامو
ما تقولوش كانت فاكونس أو راحت لتونس وكلات الهريسة أبابا مالها هريسة بلادي
ولا تقولو راحت للترك وكلات البقلاة ولو توحشتها مي فيف بقلاوة بلادي ووان تو ثري فيفا لالجيري
بون يا جماعة الخير توحشتكم وجيت ووليت ووجدو رواحتيكم ليا معولة عليكم
يا جماعة من وقت نخمم تطبيق للنسا مجاني وهايل وخفيف وما تخافوش ما يصرا والو لحياتكم مع لاميزاجور غراتوي من منتدانا مدة عام تكرم بها السي فتحي اللي ربي عالم واش من بلاد راه حواس وألا مولات الشابو الأحمر اللي يا عالم بدلاتو والا لالا خاطر الذيب قالها مليت منك عييت نتوب وأنت تفكريني بليلى وجداها
يا جماعة الراجل المابس .....اي وي عارفين كاين المابس فتلفونات وين الواحد يروح بلاصة وخاصة الناس اللي تسوق وتقدر تعرف بلاما تمشي وتسقسي حاجة مليحة وتطور مليح
قلت انا يا نمد كادو للنسا الراجل المابس اييه العازبات واللي متزوجة تجيبنا راجلها نفلاشوه .....العرض محدود يا جماعة
قالك الراجل من يزيد من كرش أمو وهو يحكم فينا ايييه يبكي وهو صغير ويحرم على يماه معيشتها ووين يبكي من كان فكرشها وهو يتحكم وجا خونا وكبر وبدا عمرو عشر سنين ويحس فروحو راجل الدار.....اييه كلمة يقولوهالو الوالدين واخونا ما صدق وتتفر في ذيك المخلوقة أختو
وطوالو رجليه ويديه وهنا يطوال لسانو والاكيد يبدا يستعمر ذيك الخليقة نتاع اختو دائما مفبونات احنا مساكن ولينا ربي تبا لكم
الطفلة تتزوج هنا تقولك خلاص انا نروح لراجلي ويا سعدي قلاش ودلال وتنسى همومها حنونتي هذي قصة ما قراتهالكش يماك قبل ما ترقدي يماك دزيرية ماشي لبنانية الحنان عند امهاتنا قبل النوم ارقدي يرقد حسك
نظن فهمتيني لحقا للصح الراجل العزيز هنا يبدا ذاك الرجل الوقور الراجل عمر قتلاتو اذا كان هو زمان يدير واش يحب وحتى يتزوج يبقا يدير واش يحلالو وهي تحت سيطرتو علاه
لانو ممنوع للمدام دخل روحها لانو هو الراجل
تلبسي واش نحب أنا ....علاه انت إيلي صعب يا العميرة انت حدك تهدر على الاحترام والسترة مش اللون والعرض والطول خاطياتك يا حبيبي
ما تقطعيش شعرك حتى تسقسيني ....علاه شعري كان مكتوب فالعقد نحب نديرو قرع ارواح تشوف نحكم فشعرك ونقطعو والا نديرلك ليماش ويا عمري تخرج جمال تدخل عليا جميلة
ما تروحيش لعرس وليد عمك ....حرااااااااااااام ..... وبنت خالو وبنت عمتو قريب يتصدر معاهم اواه بنت خالتي تربيت معاها ..... راجلي قريب ما عرفتكش علبالك
ما تسمعيش الغنا حرام وانا مرتي ما تسمعش الغنا ..... وراجلي دايرلي الكتمان انا لا أدوخ إلا بالصاروخ .....حلال عليه حرام عليا.... صاروخ يديك للمريخ ويهنيني
بلاكي بلاكي نسمع عندك فايس بوك .....نطلقك ..... خليني نشوف انت يا حبي ... فايس خوك وامك واختك متزوج 700 وحدة مورايا ....اين العدل يا زوجي العزيز..... وضرك شعال من مرة نطلقك
فالطريق تمشي معاه حطي راسك اعرفي وين تحطي عينيك ما تهدريش مع مول الحانوت .....وهو عينيه راحت مع لامية وفمو يصفر لسعاد ويتبسم لحنان ..... خارجة مع الشاب عز الدين
وهذي وهذي وبزاف صوالح حبيت نوصلكم للتطبيق
الراجل تصرفاتو مش كالمرا هذي عارفينها بصح يا هل ترى واش من حق للراجل يحقر مرتو تحت قانون انت مرتي وليتي ملكي المرا هذي بالون شراه وإلا طونوبيل يتحكم فيها ما عندهاش كيان
ما عندهاش راي
الراجل هذا ينسى كانت متربية عند رجال باباها وخوها وما خطبها حتى عرفها وسقسى وماشي هو ارجل من ماليها تحت اسمو وفي دارو وتحترمو مي ماشي يصنعها قالب على حسابو ويمشيها كيما تحب عقليتو المريضة نتاع انا الذكر وانا الراجل وانت تحت سيطرتي
التطبيق يا مرا يقول
راجلك أفلاشيه نلبس نحترم ديني مش حتى انت تجي تقولي عليه
نروح لعرس لافامي او غيرو لانو محال نقطعو صلة رحمنا وهو يوصل صلة بنات عمو وبنات خالاتو
نعرف حدود لبستي وسترتي ونعرف حدود اني متزوجة ومش عازبة
التطبيق يقولك راجلك حطي فيه لادريس وين باغية تروحي وشوفي واش يخرجك ووين يديك مش نحرض فيك يا لالة هنا انا نحكي على نوع معين من رجال ونوع من نسا اللي خلاو الرجال يحقروهم
ترفدي فالذل علاه ولادك ودارك وكرامتك وين
وانت السي خونا مادام تعرف الحرام والحلال وعلاه ما طبقتوش على روحك قبل ما تجيب بنت الناس
وعقلية حلال وحرام وعلاه تحبوها حتى كي تتزوجو وعلاه ما تعرفوش ونتوما عزاب
يا الخواتات التطبيق يقولك ... اول ما يدخل راجلك للدار ديري العنوان وشوفي سي خونا وين راح اليوم وواش دار وجربي تعكسي اييه
قوليلو ما تلبس الضيق حراااااااااااااام ...العدل هو قالهالك
ما تقطعش شعرك يا طرزونتي ...... نحبو طويل عليك
ما تروحش لعراس صحابك الغنا حرام وما تلبس العريان يا تؤبشني الكاميرا تصورك
وما تروحش للكورتاج البنات والاختلاط ..........هذي هدرتك حياتي ما جبتهاش من عندي
وفالدار يديك ما يبانوش وشعرك يتغطى وحل عينيك من بونتاكوغ
وكي تخرج حط عينيك فالارض وصوتك عورة ومشيتك ما تترنحش
اعكسو وشوفو رجالتكم .....
الخلاصة من كل هذا نقول
بعض الرجال يتحكمو في نساهم او حتى خوتاتهم بغير وش حق وبامور زايدينها من عندهم الرسول عليه الصلاة والسلام لما وصاكم رفقا بالقوارير ما قالكمش احكمو في شعورهم وواش ياكلو الا فيما يرضي الله واللي يعرف ربي يعرفو وهو عازب ما يستناش يجيب بنت الناس ويولي المهدي المنتظر
نظن وصلتكم فكرتي واللي مش عاجبو من الشعب الذكوري ما تزعفونش تؤبشوني جربو نحكمو فيكم كيما تحكمو فينا
سلامو
