الســــــــــلام عليكم و رحمة الله
و عليكم السلام و رحمة الله
يعطيك الصحو خويا على الاهتمام هذا راك في طريق النحاج هههههه قصدي راك تناقش مواضيع باش تستفاد من الشعب و يفوطي عليك ههههه
تعرفلها يا خو
ههه
ها لازم باه نربح ثقة الشعب ... هاو دنديها هاك برك ؟؟؟ ههههه
و شكرا على السلسلة راني نشوف بلي رح نخرجو منها بحاجة مفيدة ان شاء الله
الله يحفظك و يبارك فيك و ان شاء الله نلقاو التفاعل المأمول في هذي السلسلة
بون نولو للموضوع هذا الموضوع مؤلم لدى الشعب الجزايري
الادارة في بلادنا جحيم و شيء لا يحمد عقباه خاطرش الادارة ضد الشعب
مكاش مجال سواء طب تعليم بلدية لابوست وين تروح تلقى الادارة " مخروبة " كيما قالها النوي ههههه
لاشان يبدا على السبعة تاع الصبـاح متجي تلحق دالتك تلقاها الخمسة تاع العشية و يقولك ولي غدوة نفوتو فيك
كي ترجع يقولك الله غالب راه خاصك الكاغط الفلاني متجي تخرج ورقة تخرج عمرك معاها مع المعاملة السيئة تقول هو الغني و انت الفقير ولا هو الملك و انت الخدام عندو
نحكيلك هاذي باش تعرف انو بلادنا بلاد معوجــــــــــــة قد الموزنبيق الشقيقة
كاين وحد الطبيب في ولاية البويرة عندو كلينيك خاص { متقولش كي راك طبيب راني جايبتها موراكم هههههههههههه } مور العيشــــا المرضى يجيو يمركيو اسمواتهم في ورقة باش يديو الجيــطو من 11 تاع الليل و هو لي يجي يمركي حتى 3 - 4 - 2
-1 في كل وقت و الصباح على 7 تجي تدي الجيطو تاعك تبدات قاعد و مبعد في اي لحظة الورقة هاذي تتقطع و كي تروح الصباح يقولك مكاش اسمك
سما تبات قاعد و تصبح نايض كي تروح تلقى اسمك مكاش و اذا لقيت اسمك اعرف بلي دالتك رح تكون على ربعة تاع العشية
شوف حجم التعب لي تتعبو و مبعد يضربك بزوج ملاين دوا
لوكان في الدول الاجنبية يصرا هذا كـــــــــــامل ؟؟؟؟؟
ياودي نتي دوري دوري و ارجعي ق للطبا ..هههه
راني نقسر برك ... صح الادرة في دزاير مهما كان نوعها مخروبة و مقلبة قاع
و لازم الواحد يعس و يجري و يوصي و يعاود باه يقضي صالحتو
و الدراهم و المصاريف لي يصرفها الواحد في سبيل الصالحة هذيك يا ودي حكاية و خلاص
لكن الله يصبرنا في بلاد العجائب
ههه
الادارة الجزائرية هي المعنى الحقيقي للمواطن و هي بمثابة الجحيم
اذا بنادم حب يكره حياتو يروح يجيب حاجة من الادارة خاصة باش يخرج الكواغط
صح الي يحب يشوف المكر و المنكر يروح للادرات تاع دزاير قم يعرف المعنى الحقيقي للمكر و الاستهزاء
الله يهديهم
بلاك طولت بصح مقدرتش نسكت اسمحولي ههههههههههههههههه
و بلاك راني خلطت الحالة هههههههههه
لا يا اختي بالعكس راكي زهيتي الموضوع بردك هذا
شكرا على الموضوع اخ صلاح
و بالتوفيق في السلسلة
العفو و بارك الله فيك اختي
