أهلا ومرحبا خاوتي اللماويين توحشتكم كامل
ان شاء الله تكونو بخير وكل العائلة تاعكم
خويا الصالح حط في برنامجو الانتخابي مشاريع عملاقة للفوز بالانتخابات
وبصفتنا معلباناش شكون حنا قررنا ننظمو للحملة البرمائية تاعو وتشمل كل المشاريع والمواضيع
المهم يدز معاهم نشاركو ولا نسمطو خخخخخخ
أيها الشعب الافريقي التعيس ( على ميزان الاخ هشام الله يذكرو بالخير )
بما أنو تونس من زمان دارو مشروع تونس الخضراء ونجحو فيه مام طغى عليها البنايات والمراكز السياحية
بقات تونس خضراء باهية وشابة
وبما أنو حنا عندنا المدخول لباس بيه نديرو مشروع كيفهم
ياك قالك عاند ولا تحسد ياك هكذا الصالح ولا راني غالط
يا إخوتي يا أخواتي يا أيها الناس الأفاضل يا أيها الجمهور الأفاضيل وووو ... الخ
قررنا أنو نديرو عشب طبيعي أخضر على طول الطرق الوطنية الشمالية الجنوبية الشرقية الغربية
بما أنو اسم الحملة تاعنا أشرب وأرمي من التاقة ستصبح الحالة خضرا
بدينا الحملة تاعنا من الطرق الرابطة بين ولاية تيزي وزو وبجاية وكل الأحياء التي فيها
أشرب يامواطن وأسكر حتى ماتصحاش وطيش القرعة الخضرا برا
ولينا مسخرة بمشروع القرن اللي شارفنا على الإنتهاء منو في هذو الولايتين العضيمتين
وكاين ولايات أخرى كيما عنابة مزالنا في مباحثات معاهم
خاطرش الناس راهي فيها الصاحي أكثر من المصحصح بمصطلح عامي خابط للوحة
قررنا نفتحو عدة أماكن لبيع العشب الأخضر الطبيعي لزرعه على حواف الطرق والمحطات
باش يكون بزاف ناس تعاونا فالحملة تاعنا ويكون نشاط ملحوظ فالليل
ان شاء الله يكون عجبكم مشروعي السياحي الضخم
ربي يكون معانا فالحملة هذي برك نطلب من جميع المواطنين
صغار كبار شيوخة وعجايز
لو حبذا كي تشربو وتصحصحوها مليح أرمو القرعة فالطرف تاع الطريق
خاطرش كاين بزاف ناس عمبالو راهو يلعب رمي الجلة يبعدها بزاف على حافة الطريق
وفي الأخير نقوللكم أشربو هنيئا وواحد مايخيقكم ولا يديرونجيوكم
تحيا بلادنا خضراء مزدهرة
ويحيا رئيسنا
ويحيا الصالح البرمائي تاعنا
ربي يصلح الاحوال 
