مشروع الجزائر الخضراء في إطار ~ دز معاهم ~

[Skor m@k]

انا وليت كي نخرج برا ونفوت على كانش زنقة ومانلقاش قرعة خضرة مطيشة نكره حياتي تالمو والفت نشوفهم دايما مزوقين الشوارع ههههههه
راني نضحك برك الله يهديهم

شفت ياختي زهاونا المنظر ههههههههه
أضحكي اضحكي الناس راهي تعمل بجد باش تبهينا الطرقات هههههه

والله ياختي غير تبهديلة كحلة بلاد الاسلام وراه صاري فينا هذا لعجب
الله يهدينا ويهديهم

 

[SOFIANE020]

ههههه اليتيمة مسكينة فقدت بريقها

 

[Skor m@k]

وعليكم السلام يحيا السي مخلوف تاعنا ههههه ينجح ويخدمنا البلاد ايه ايه عادت الدنيا مزروعة بالاخضر والمخبوط كثر من خوه في هاذ البلاد ربي يستر.... وهاذا لي يحوسو عليهم هوما شكون هوما هوما.. صحيت خويا ماليك

السلام عليكم
السي مخلوف راهو وعدنا كيما تشوف بلخدمة والسكنة وووو ... الخ
ولينا فلبلاد هذي مسخرة كبيرة
دارو احصائيات لقاو بلي الجزائر هي اكثر بلد عربي منتج للخمور
يامحاينك لوزينات ماحياوش وخلي الاستراد لي البابورات كامل ولاو خمور

 

[Skor m@k]

خخخخخ اشرب وين حبيت
الله يستر برك راهي معلقة بدعاوي لجدود
ماتخافوش ضرك يريقلها مول الياغورت

هههههه علاه ياخويا زيد كمل شعارنا وارمي على حافة الطريق ههههههههه
مول الياغورت قالك نقسلكم في لابورص تاع الطلبة ههههههه
الدولة قالك عات منهم طلبة بدون مستوى ههههه

 

[Skor m@k]

السلام عليكم خاي مالك
راني رجعتلك اه يا خويا وعلاه متخدمنيش معاك سكرتيرة ديالك ههههه
المشروع باهي بزاف وزوين
تعرف والله عيب كبير رانا فيه والمصيبة حتي تخرج في الغابات تلقاهم فوجهك مرميين غلبوا العشب ههههههه
الله يجب ساعة خير راها مخلطة
وننتظروا منك يا سي مالك الانطلاقة هه
بالتوفيق

وعليكم السلام
هههههه ماتخافيش ياختي الصالح راهو وعدنا كامل بسكنة وخدمة ههههههههه
وتعرفي خوك مايخيرش المشاريع الباهية ههههههه
ايه هذيك لي حرت فيها انا تلقاي القرع أكثر من العشب لي نايض فالطريق
فالغابات والطرقات والشواطئ وفي وسط الباطيمات وفي كل بلاصة ولاو يشربو ويرميو
بدون اي خوف او حشمة من الناس
ولات تهديلة تخرج مع يماك ولا باباك وتلقى الطرقان معمرة بيهم
الله يعافينا ويهدينا

 

[Skor m@k]

السلام عليكم
صحا مليكو ..قولي قبل راك صاحي و لالا ههه و قيلا جيت مالحانة تاعي خخخ راهم يسربو ثما كل انواع العنب :p
و الله وش نقولك مادام الخمر و العياذ بالله يجيبوه مالفوق الشعب علاه ميزهاش خخخ الناس تبيع بالريجيستر و تمشي رافعة راسها و عادي في بلادي الله يعافينا
تقول مانا دولة مسلمة ربي يصلح الاحوال
صحيت ​

وعليكم السلام
هههه ضرك راني طريبيان بصح كي كنت نكتب مريت على الحانة تاعك وشميت برك ماشربتش هههه
هاذي لي حبيت نوصلها الرسالة تاع ولاو يبيعو بالريجيستر وواحد مايقدر يحاسبهم ولا يهدر معاهم
دارو دراسة وحد لبلد منعرف شكونها ههه لقاو بلي الجزائر
هي أول دولة عربية عندها لوزينات تاع الكحول وهي أكبر منتج له
يامحاينك حنا غلبنا لجناس كامل تاع لعرب واش بقى مانعرف
لالا مسلمين سورتو الى قريتي الدستور
فالصفحة الاولى والمادة الثانية الاسلام دين الدولة بصح غير فالوق
ربي يهدينا​

 

[الصحافية الساخرة]

السلام عليكم ورحمة الله
عههههههههه واش السي سكر راك مع أنا قلت تخرج ضد المهم دبرلي معاك خدمة وخلاص هههخهه

اييه تعيش جزائرنا خضراء و قولي تلقا غير الاخضر فالطريق أنا ديما نحب نسقسي كي نشوف قرعة خضرا فالطريق اووه كيفاه غير الخضرا كاينة يحبو غير اللون هذا ها زعما الأحمر هو الواعر ڨاع حسب العقل هههه ولا الأخضر هو الغالي عليها دايرين عليه هههه
مي السي مالك معرفتش أنت تبدل شوي قالك عاند و لا تحسد بصح ماشي تكوبيي وتكولي فكرة تونسية ترجعها جزايرية اه بدل حنا ندخلو الأحمر النجمة والهلال يااو اللي باتت عساسة على مجاهدين اللي مزالهم عايشين يخلصو دراهم كبار هههخخه تحسب ول وزيد يديو قفة رمضان يااه ذيك النعمة ياه
مالا متنساش زيد الأحمر كما الورد ههههه
ايا خضرا و حمرا نجمة و هلال و مزال مزال ههههه

واقيلا خلطتها أنا ^^ معليه "دزو معاهم"