شكون هذا.... موضوع للشاطرين

[Salah eddin]

فكرة الأخت ليليا مرام ترتكز على معرفة ما إذا كنا نعرف بعضنا حقا أم لا فيجب علينا أن نحزر من هو العضو
وفكرة الأخ حكيم هو أنه نعرف بالشخصية أولا ثم نتكلم عن ما نعرفه عنها

أظن أن الجدير بالموافقة على الفكرة أو رفضها هي الأخت ليليا لأنها صاحبة الموضوع ^^

راني عرفت الفرق زين ضرك
صح الفكرة تاع الاخت ليليا عميقة اكثر
اسمحلي خويا حكيم ههه
الفكرة تاع ليليا ثاني زينة ياسر
ههه​

 

[همس الوُرود]

فكرة الاخ حكيم عندها ميزة
لكن الشي لي حبيت نوصلو، مثلا لما تقولكم ليليا شكون هي لؤلؤة قسنطينة وتبداو تتفكرو الشي لي فيا
وتبداو تتكلمو عليا، ماش كيما شخص يمد شوي معلومات عليا والناس تعرفني
يعني فهمتيني واش حابة نوصل؟ فكرة الاخ حكيم جيدة لكن أنك تعرف شخص مجهول معناها صح تعرفو مليح
وفي كلتا الاحوال كيما قلتي نخليو ليليا تدخلو تقرر وحنا نشاركو في كلتا الاحوال الفكرتين فيهم متعة​

ايه هي فكرة مميزة لكن حنا كي نحزرو شكون الشخص نشوفو ويلا صح نعرفوه أو لا
لكن كي يكون معروف يولي أشبه بكرسي الإعتراف سيبو عرفنا الشخصية نقدرو نتبعو مواصفاتو عند كل الأشخاص
لكن فنفس الوقت أغلب الناس مش رايحين يشوفو وش نحكو على الشخصية ممكن يحكو عليها أو يقولو منعرفوهاش ويروحو
لكن لما نحاولو نتعرفو عليها من مواصفات شخص آخر ممكن نتعرفو على الشخصية أكتر

 

[Malika Tlm]

فكرة شابة بزاف
مشكورة اختي ليليا
العضوة هذي اضن عاشقة الاحسان

 

[أم منيــــــر]

الاسلام عليكم
رانا محتاجين مواضيع كما هادو و انا مع اخي محمد
العضوة اظن انها ليليا صاحبة الموضوع و الله اعلم

 

[لؤلؤة قسنطينة]

بما أنه لا أحد عرف الأخت ومع الاقتراحات الجديدة
أقترح على الأخ @aljentel أن يؤكد اذا كانت إجابة الاختين صحيحة يعني (هي ليليا أو عاشقة الاحسان المقصودة؟)
اذا كانت الاجابات خاطئة اقترح على الاخ أن يعطينا الاجابة الصحيحة
وبالمقابل يكمل الأخ صلاح يتكلم على عضوة لأنو الاخ صلاح هو ثاني شخص كشف العضوة سكون في اول اللعبة بعد الاخ الجانتل
ما رايكم؟ وهكا نكملو في بقية اللعبة اذا صراولنا حالات مشابهة​

 

[Salah eddin]

ايا خونا @aljentel ... سرحنا
العمسيدي سرحنا !!
سرح قلبك للجنة !!
ههه​

 

[همس الوُرود]

Wana goult zouhour chaw9
Kayrn 3 khyarat ^^

 

[Salah eddin]

الظاهر انو خونا الجنتل خرج
وش رايكم نكملو و نعتذرو منو لاحقا ؟ ههه​

 

[لؤلؤة قسنطينة]

Wana goult zouhour chaw9
Kayrn 3 khyarat ^^

هيه سامحيني حبيبتي ماتولهتش هههه
وزهور الشوق كذك كاقتراح
لي تكون اجابتها صحيحة تولي هي لي تتكلم على عضو خلاف
واذا ماكانش صاحب المشاركة يعطينا الاجابة وخونا صلاح يكمل بعدو​

 

[Malika Tlm]

ايه نكملوا بلاك راه مشغول

 

[لؤلؤة قسنطينة]

خويا صلاح سقسي االخوات اولا اذا يسمحولك
خاطر قادرة الاجابة الصحيحة عند وحدة منهم وبهادا تكون ديتلهم بلاصتهم
اذا وافقو نكملو نورمال ونطلبو السماح من الاخ​

 

[أم منيــــــر]

ما كانش مشكل نكملو باش الحال يمشي

 

[همس الوُرود]

عادي اختي مريم هههه راني غير كملت كلامك
مع فكرة مريم
يلا دوك نكملو دام راح الأخ

حان دورك اخي صلاح صف لنا عضوية ^^

 

[لؤلؤة قسنطينة]

هيا على بركة الله
ومرحبا بالغالية @أم منيــــــر نور المنتدى بوجودك والله ^^​

 

[Salah eddin]

جماعة ق نبدا ؟
ههه
ايا بسم الله :
العضو الي راح نتكلم عليه ... في الحقيقة هي عضوة ... أغلب مشاركاتها في مدونتها ... قليل وين تشارك في مواضيع الاعضاء
و الظاهر انها من المترشحين لشهادة البكالوريا لهذا العام ... و يمكن نقولو عليها انها مزاجية
من هي ؟
​

 

[الأزرق الملكي]

على ما أظن هي الأخت @الأفق البعيد

 

[لؤلؤة قسنطينة]

جماعة ق نبدا ؟
ههه
ايا بسم الله :
العضو الي راح نتكلم عليه ... في الحقيقة هي عضوة ... أغلب مشاركاتها في مدونتها ... قليل وين تشارك في مواضيع الاعضاء
و الظاهر انها من المترشحين لشهادة البكالوريا لهذا العام ... و ينكم نقولو عليها انها مزاجية
من هي ؟
​

كارلا​

 

[لؤلؤة قسنطينة]

جماعة ق نبدا ؟
ههه
ايا بسم الله :
العضو الي راح نتكلم عليه ... في الحقيقة هي عضوة ... أغلب مشاركاتها في مدونتها ... قليل وين تشارك في مواضيع الاعضاء
و الظاهر انها من المترشحين لشهادة البكالوريا لهذا العام ... و ينكم نقولو عليها انها مزاجية
من هي ؟
​

وإلا فيولا​

 

[Salah eddin]

كارلا​

خطأ... ههه​

 

[Salah eddin]

وإلا فيولا​

فيولا تقرا في المدرسة العليا
ههه
خطأ​