أناقتكم وروهانا .... محلات بيع الملابس

[البحر الهادي]

كنت مهتم اللباس نتاعي مابين 17و23 حتى ان من كان يراني يظنني صوفا طارت غير نتاع هبال لكن شخصيتي المدسزسة لم يكن يعرفها إلا من خالطني حتى البعيدين كانو يطنون بي سوءا
ههههه
لكن الآن اصبحت غير مولعا باللباس ولامهتما به لأني مشغول بنفسي والعمل

 

[لؤلؤة قسنطينة]

السلام عليكم
عدنا من جديد، قلت حتى نشعل الميكرو ونشارك بما يناسب ان شاء الله
صراحة قريت الردود ولقيتهم تقريبا نفس تفكيري ونفس ملابسي، حتى أنا مانحبش الالوان الباينة هادي لي تشعل من بعيد
نحب كترة الالوان القاتمة كيما الأسود والبني وإلا الازرق، واذا الالوان الفاتحة نحب البيج
اصلا ماعنديش الجرأة نلبس أحمر ولا أصفر نحس الأمة كامل تتفرج عليا وانا أكره حاجة عندي أني نلفت الانتباه
أما لباسي المفضل حجاب أسود وخيمار بيج وحذاء أسود مع صاك أسود أو حذاء بيج مع صاك بيج
أصلا الصيكان (جمع صاك ههه) تاعي كامل لونهم اسود عندي واحد برك بيج وكذلك الأحذية حاشاكم كامل لونهم أسود
غير احذية الصيف لي نحب نشريهم بيج، غير هاد الشي مانحبش الالوان لي تلفت النظر نحب الالوان القاتمة بشرط اني ندير تناسق بيناتهم
ولكن كيما قالو الاخوة الملابس نشريهم مرة في العام، اصلا كي تجيني خرجة نشري حجاب ونخبيه للعيد ههههه
مانشريش بزاف ساعات برك والحمد لله يمكن حجاب واحد تبدليلو الخيمارات برك وهادا ماكان
اما الجماعة لي سروال خضر وتريكو حمر وصباط زرق هادو ماش غير نظارات تاع الكسوف لازم التيليسكوب ويا ربي هههه
شكرا ليليوشة على الموضوع الجميل ربي يحفظك حبيبتي
تحياتي

​

 

[Salah eddin]

اهلا صلاح
انا دايما جايبتها يا الغيور مني

هههه
و علاه نغير منك
بالعاكس
انا ماذابيا تنجحي و تجيبيها
ولا وش قلتي ؟ ههه
ههه​

 

[ليليا مرام]

السلام عليكم
أهلا ختي ليليا ان اشء الله تكوني بخير وكل العائلة
والله عندك الحق منذاك نشوف فالطريق ناس تقول حديدوان الله يرحمو
مكاش حتى علاقة بالأسورتي تاع الألوان خلط برك لحمر ولصفر وزيدلهم لكحل وووو
وكاين لي تلقايه لابس سامبل يخرج عليه هايل
وتانيت ماشي العبرة بلي مرفه ولا زوالي
العبرة في تخمام وذوق الانسان ... كاين لي يلبس برك ماعندو حتى ذوق المهم مغطي روحو
وكاين لي عندو الدراهم مي لحوايج مايعرفش يشري
وكاين لي ماعندوش مي يخير لحوايج بأناقة مام ماشي ألامود تلقايهم
أما بالنسبة ليا نحب لحوايج تاع الشتاء ههههه نعرف نشريهم خيرمن تاع الصيف هههه
أنا عندي تقريبا زوج ألوان نمشي عليهم ههههه
البني والأسود
مي تقريبا السراول لي عندي كلهم لونهم بني
والفيستات لونهم أسود مع السباط
هكذا يخرج الأسورتي كي نلبسهم أسود بني أسود وشعري زيديلهم بني ههههههههه
مانحبش نلبس ألوان الشهرة لي شوفوك بيها من بعيد
ولا تريكوات تاع كتيبة ولا فيها صور مانحبهمش
​

السلام عليكم مالك إسمحلي ما شفتش ردك
الله الله طايح عليا أسود وبني واقيل نخلي صلاح وندور جهتك ههههه
عندك الحق ماشي لازم لبسة غالية مهم الذوق الواحد يعرف واش يلبس كاين يكثرو الألوان والكتيبة والميكيات تقول انت آم بي سي 3 تشوفو تجيك اللgية
وكاين صح مرفه مي ما يعرفش يختار الألوان عرضتني وحدة حفلة نتاع باك وهي بنت مرفهين ما نحكيلكش رحت انا عارفتهم يديرو زردة وحدة مرفهين
اودي واش نقولك لابستلي باروغ نتاع النيلو خضرا خضرا الجرادة شبعت بكا من اللون هذاك ولاروب غير طير مقطعة ومصودية من كل جهة ما فهمتش اللي صممها في واش كان يخمم وزيد هي تقعد وتنوض تتكرفس لازم تمشي وراها بالحديد ههههه ياخا تبهديل لو انا بابا مرفه نكري 10 يرفدو معايا الصاشيات وكمل ساعة نلبس لون من صباط لمساك شعري فالمقابل تلقاها بنت زواولة تمشي والله ماشاء الله وبلا ماكياج مس لبساتها سامبل لون هادي خفيف وأسوختيي كل شيء توب العبرة فالذوق خويا
وراني نخمم فيك هههههه صلاح مازال ما قاليش الحطة نتاعو طايح عليا غير قشابيات بصح يؤبشني ما نقدرش نخونو ههههه
تسلم

 

[ليليا مرام]

هههههه مهبولة
تخيلي معايا ليليا... واحد لابس كوستيم ڨري صباط نوار وشميز بيضا من بعيد يقشع وكي يقربلك يصرع بروايح لي دوخ ...
المهم النظافة ادا الواحد يلبس الغالي ويماريي لي كولور وريحته سمحيلي غير ماكالاه الاناقة تاعه...
وكاين كيما قلتي قوس قزح لي يضحكو وعاجبين رواحهم...
انا نلبس حجاب ونبغي الوان كيما ماغو باج نوار ولخمار نفس لون الحجاب ولا جلابة عندي ڨرونا وبلو نويي وغوج بريك ولعجار طبعا نفس اللون والصباط وصاك نفس شي...

السلام عليكم بشرى أهلا وسهلا
مجيت نتخيل تحرقتلي البياسة هذاك واش موحد ألوان الحزن وزيدي رحيتو دافن فار عندو عشرين سنة فعبونو وااااااااع يا حوجي يا أنا
اي ركزيلي على النظافة ولو يلبس شكارة يا أختي وسنانو واااع وشعال نعيف واحد سنانو لاصق فيهم صديد نتاع الحدايد يا يمى فمرة جاو ناس يشفووني يخطبوني ولمابعدها لازم هعو يجي يشوفوني ونشوفو شوف هو هدر وانا تقولي راني نتوحم وليت نتبوع ههههه خرجت ليمى قتلها شوفي حاوزيه قوليهم ماتت تبخرت قوليلهم راهي بالحمل ههههههه خليهم يهربو سنانو سنانو يمى ما فهمت والو وانا نقولها سنانو هههههه يا بشرى أختي تقولي عض حديدة صدأ في سنانو نحاسي ماشي حتى أصفر قلبي دورولي ههههه كي نتفكرو يا يمى الغمة تجيني
ايه ريحتو واصلة لتندوف ينعل بوها أناقة
الوانك شابين انا نحب الألوان هذيك بلو نوي نلبسو بزاف وثاني الباج والبوغدو بويسك انا بيضة ونبغي السومو يوالمني بزاف والباقي اكحل وبيض هذي الوان نحبسها هذيك خضرا وزرقا وحمرا ما يديوروش بيا خلاص
تسلمي بشرى

 

[البحر الهادي]

نقوللكم مرة صراتلي مع الكوستيم
شريت كوستيم ولبسته ورحت للعمل بقاو التلاميذ محتارين حسبوني تزوجت ههههه
المهم هداك الكوستيم لبسته أسبوعين وجات الوالدة تحدده حرقتلي السروال
هههههه
العين جات في الكوستيم الحمد لله
من ديك المرة مانشريش الكوستيم ومانلبسهاش
ههههههههه

 

[ليليا مرام]

ههههههه مرت حديدوان هربتلهم
هي الحاجة لي تبشع الانسان المكياج
كي تكون زوج الوان 3 مليحة بصح تزيد تخلط في وجها هنا كارثة عضمة بيكاسو و مرسمش كيفها

اهلا فيتامينة
هو الماكياج اللي كارثة يا أختي قد ما تخفف تكون شابة والأفضل كريم على الشمس وخلاص تخرج بوجهها خير
مثلا باش تفهمي درس مليح
انا درت شحال من خمار راكي مريضة مالكي شاصرالك راكي تباني فيك لانيمي املا هذي المرة ملقيتش خماري قلت لماما تعيطي لاختي تجيبهلي منخرجش بلا بيه الازرق هذا الوحيد لي يخطوني كي نلبسه :X3:
و الطبع السيئ تاعي صوالحي و قشي يعجبني على اغلى خاجة تنباع توجور نشوف روحي top لابغا نكون مشقاش نخلعكم
بصح تباي مام قبل كنا احسن درك تستيكي روحك الحجاب مي انيق و تركبي زوج سوايع طالعة و بلا منقولك من bus ل bus شحال تتمشي غير هذا يديرلك احباط و تزيدي زوج سوايع و نص باش ترجعي و ديفوا كثر ..دجا كي راني نخرج يقولولي راه عندك الكوراج هههههه
زيد انا من الناس لي لازم نخرج قيس 12 نوض 12 قل 10 نلبس هههههههههه
توجور روطار
هذو الاسباب قاع يخلوني نخمم نلبس حاجة نمشي بيها احسن و نريح
و داك الصاك والله مزاله عندي تأمني رحلنا عام ليفات قبل منرحلو درته في صاشي زعما نخرجه و عطيتهلهم ايا واحد الشهر رحت للبلاكار :X3: نلقاه في ديك الصاشي محطوط قلتله راك هنا سبحان الله مام انا توحشتك
قريت بيه هذي الخطرة ختي قالتلي منعرفكش قيليني دايما ظالميني :Love:
و تبانلي كل واحد و طبعه كاين حجات في الانسان وراثية عقلية مينجمش يبدلهم انا من عشاق البساطة و تكون حاجة قليلة مكانش لي عنده كيفها و الحاجة لي نشوفها بزاف نكرها
و كي يعجبني حجاب غير لا قالي يرحم باباك كاين وحدخرين لبسيهم
و الصاك نعجز نبدله و نبقا نقل في صوالحي من قنت لقنت كما الرحالة
نقرا سكريتارية طبية كل مرة يديرولنا درس على الهندام و المكياج تقول راهم يهدرو مع حجرة :/ حجرة و كون راها فهمت بلاك يحكو مع بيدو متقوب
المهم ابسط حجات تلقيهم عندي لا بغا لبسة الدار ولا برا حتى في الاكسسوارات ولا الحقائب تلقي حاجة سامبل و خفيفة نكره التغنجيق
و النقاوة اهم من كلش مشفتيش تطلعي ال bus شبابنا التعيس مستيكي شعره كما هذاك لي كان بهبل ماروكو و ريحته تصرع و توصل لمالي
الله يبارك تقول حصة احكي حكايتك قلعت مبغيتش نحبس هههههه رد من بارح و انا نكتب فيه و فورماطيت البورطابل رجعت لقيتو قلت نكمله و نحطو هههههه

ايه انت مخلطتها تنوضي روطار مع تحبي لون واحد وتعشقي فيه ما تبدليهش وتحبي البساطة نحب هكذا مي شوي انا ماشي كيما انت لازم نستيكي وإذا رايحة معايا يمى ننساها خاطر تتقلق ما نحبش تستناني يعني إما نلبس وانا نستناها وهذي خير ليا وإما نقولها نروح وحدي وتخليني وتخطيني نلبس في غرضي ونهار نكون مريضة وبالوجع ما نشوفوش والو اختك خخمار 700 دورة على راسي وحجاب اللي جا فطريقي نتاتع جدة نتاع جارنا اللي جات بليغة نتاع نيلو المهم نركب فالطاكسي للسبيطار ما نشوفش قدامي
حكيتلكم مرة على الحطة اللي ضربتها ولبست وكملت وكل شي باج بالنواغ وحطة ورايحة وانا نمشي والناس كامل تشوف فيا وانا نقول واشبيا عجبتهم بلاك هههههه الغرور بدا فيا وبديت نديها في روحي
ويا أختي جيت نقيس رجلي فالبوس ونلقى بليغة نتاع نيلو زرقا زرقا واش نقولك تعمي فالعين نسيق بها حاشاك فالدار هههههههه حطة توب قلت والله والكفارة وصيام زوج قرون مش قرن ما نرجع للدار كملت ههههههه دخلت عند الطبيب بالبليغة نتاع الدار شاف فيا قتلو لامود هههههههههه

مشكورة أختي على المشاركة

 

[ليليا مرام]

هههههههههههه يا الكحلوشة باينة راكي تحكي علــي احم احم
انا نحب الاناقة بلا مبالغة يعني لبسة مهما كانت قديمة و تكون نظيفة و محددة و معاها تحفيفة زينة
يخرج الواحد أنيق
انا نلبس دجين بزاف في الخدمة و في يوم الراحة قميص أبيض بلا تعقيدات المهم النظافة و البشاشة ههههههههههه
ما حبيتش كثر الهدرة علابالي بلي تغيري مني خخخخخخخخخخخخخخخ

السلام عليكم الكحلوش الغيور مني والميت من الغيرة الله يشافيك منها
ماشي مهم لبسة جديدة وإلا غالية مهم ما تخلطليش الألوان ويعيطولي ندي نديك من سبيطار المهابل حتى المهابل عندم طابلية زرقا سماوي مقبولة ركزلي على التحفيفة الزينة والخفيفة معشوقة البنات هههه
ايه ما تكثرش غرت منك أصلا نحب اللي يلبس الجين وبديت نتقلق كي قتلي نلبسو نغير انا ما نحملش
مشكور

 

[ليليا مرام]

السلام عليكم
عدنا من جديد، قلت حتى نشعل الميكرو ونشارك بما يناسب ان شاء الله
صراحة قريت الردود ولقيتهم تقريبا نفس تفكيري ونفس ملابسي، حتى أنا مانحبش الالوان الباينة هادي لي تشعل من بعيد
نحب كترة الالوان القاتمة كيما الأسود والبني وإلا الازرق، واذا الالوان الفاتحة نحب البيج
اصلا ماعنديش الجرأة نلبس أحمر ولا أصفر نحس الأمة كامل تتفرج عليا وانا أكره حاجة عندي أني نلفت الانتباه
أما لباسي المفضل حجاب أسود وخيمار بيج وحذاء أسود مع صاك أسود أو حذاء بيج مع صاك بيج
أصلا الصيكان (جمع صاك ههه) تاعي كامل لونهم اسود عندي واحد برك بيج وكذلك الأحذية حاشاكم كامل لونهم أسود
غير احذية الصيف لي نحب نشريهم بيج، غير هاد الشي مانحبش الالوان لي تلفت النظر نحب الالوان القاتمة بشرط اني ندير تناسق بيناتهم
ولكن كيما قالو الاخوة الملابس نشريهم مرة في العام، اصلا كي تجيني خرجة نشري حجاب ونخبيه للعيد ههههه
مانشريش بزاف ساعات برك والحمد لله يمكن حجاب واحد تبدليلو الخيمارات برك وهادا ماكان
اما الجماعة لي سروال خضر وتريكو حمر وصباط زرق هادو ماش غير نظارات تاع الكسوف لازم التيليسكوب ويا ربي هههه
شكرا ليليوشة على الموضوع الجميل ربي يحفظك حبيبتي
تحياتي

​

السلام عليكم مريومة اهلا وسهلا ايه فتحت الميكرو نبعثولك الخلاص يلا فنيانة تقولي رحت لغزة حاربت
الألوان القاتمة توالم وحدة بيضة بزاف وانا نحبها والأكحل سيد الألوان المهم تناسق يعني تعرفي واش تلبسي معاه والحجاب كيما قلت نفس التفصيل يبقى تبدلي الخمارات
انا صراحة نبدل الخمارات والصيكان عندي والصبابط وحتى اديداس بلا نلبيهم أما بيضة وللازم حاجة بيضة من فوق وإلا كحلة أو بيج وانا نلبس بزاف الأكحل ونبدل معاه الخمارات وكي تنفحلي نلبس سومو بما انو هذا العام لونو جاني شباب والمني لاني بيضا
ونقول ونعاود مش لازم كل يوم نشرو والا غالي انا ما نشريش تقريب مرة او مرتين فالعام لانو دايما فالدار لكن نلم دراهم لما نخرج نشري زوج تبدليلات او 3 باه نكمل بيهم السنة كلها وانا مش دايما مع لامود خاطر راهي تخرج تقيي حاشاك ما نتبعهاش نهائيا السومو لوما عجبني ووالمني ما نشريهش لانو نتاع العام هذا برك لانو لفيت لونو بين الوردي والاورونج عجبني بزاف
العفو غاليتي وتحياتي لك

 

[ليليا مرام]

نقوللكم مرة صراتلي مع الكوستيم
شريت كوستيم ولبسته ورحت للعمل بقاو التلاميذ محتارين حسبوني تزوجت ههههه
المهم هداك الكوستيم لبسته أسبوعين وجات الوالدة تحدده حرقتلي السروال
هههههه
العين جات في الكوستيم الحمد لله
من ديك المرة مانشريش الكوستيم ومانلبسهاش
ههههههههه

السلام عليكم
ههههه والله يا الكوستيم تزوجت وما عرضتنيش هههه مي نورمالمو العروسة تعرضني إستنى نحكمها نوريلها تفاهمتو على راسي
كانت تقريني أستاذة نتاع العربية تقول رفدت شكارة نتاع بطاطا خيطتها والله ما علجال زوالية مهبولة من ربي انا نقولهم قرات فلسفة وقاسوها غلاط فالعربية
هي تدخل وانا نقولها استاذة شعال راهي دير البطاطا اليوم تقولي طيري برا ههههه نقولها وعلاه حمامة راني خارجة وعلاه ما تحبيش اللي يوريلك يا استاذة راكي تشبهي لشكارة البطاطا وانا نحبك ما نحبش يضحكو عليك تقولي نتاع وجهك غير البسي كيما هي طيري برا هههههه
ستر ربي انت جات فالكوستيم ههه

 

[لاريمان]

السلام عليكم
موضوعك مليح بزاف
واش نقولك راهوعندي شهر من لبسي الجلباب الحمد لله
ونحب تكون عندي لمستي الخاصة في لباسي هههه

 

[ليليا مرام]

السلام عليكم
موضوعك مليح بزاف
واش نقولك راهوعندي شهر من لبسي الجلباب الحمد لله
ونحب تكون عندي لمستي الخاصة في لباسي هههه

السلام عليكم أهلا أختي لاريمان
ألف الف مبروك بصحتك أختي روعة العاقبة ليا لانو راني نخمم نلبسو
بصحتك احسن ما إخترت
شكرا

 

[Soumia hadj mohammed]

السلام عليكم ورحمة الله وبركاته
حياك الله وبياك اختي لولو وسدد على الهدى خطايا وخطاك

قبل ان انسى احتاجك ضروري ومع كثرة انشغالي اليوم لم استطع مهاتفتك
ههه يا حبيبي ،،على وزن مقولة كونان ،،، يعني اناقة ليوم ،،مهرودة ،،، حقا قلتي مرحش نحكو على لي يلبسو ديكونستخيكتيفيزم تع لي فيتمو

اه بالمناسبة احيي الجميع والاخت ميلينا ، رب يسلمك اختي حتى انا اشتقتلك
اما عني فالاناقة ههههه امبوسيبل نكون انيقة في ضل الضغط الدراسي ومن زمان فيي كان همي هو نحضر دروس ونحل تمارين ههه اما صباح نقرا كيف ما جات لبسة ، خطرة رحت ببليغة صباح ع ثمنية ، ايام متوسطة ومزيا فقت فالحي تعنا
مهم انو اناقتي برا عادية جدا ، نهتم نظافة وخماري فطريقة لفه اما الوان منخلطش بزاف اغلبية اسود وعندي عباءات كي شغل فيهم ورود معدتش نحب نلبسهم بزاف برا نحب حاجة سامبل والحذاء نحب احذية رياضية ولي صوندال فالصيف
صباط يوجع هه بوانتير كارونت يا جدك
وليت نحب الوان شويا فاتحة بصح بحكم اني ماوالفتهاش مالغري عندي منلبسش وبزاف قش قاعد هك
اما فالمنزل نحب بزاف نكون انيقة لبس ومشطة ومعنديش ستيل ثابت نحب لبس رياضي ، روبات تع دار طوال مع خمار تع دار ، مرات جيب مش طويل فالصيف
والاخص والمميز انو نحب نلبس قندورة تع امي هه او جدتي علامة عراض وفصالة تع بكري نحس بشعور هايل ومنهتمش بزاف بل اكسسوارات خاتم ومنديرش ،، مرة فزمان حتى اعراس لافامي
كاين بزاف امور تاثر على اناقة الشخص ، بصح منطولش فالرد اصلا حطيت رد مبعثر والله غير راني عيانة وجوبونسك راني نوم ونرد اتولي كونستخيكسيو ، تست تيوري نهار ثنين ، افيشاج بروجي فلفانتناف وولاخر تخونت اي ان
وراني متعبة جدا وحابة نرقد

بروح طيبة

 

[Hakan]

اهلا بيك ليليا راكي منشطة ااحالة ربي يهنيك صراحة في الملابس نتاوعي عندي ميل للاحذية الرياضية. نايك واديداس ومالازمش يكونو من النوعية الهابطة بلا كيما نقولو السروال نلبس سراويل سوداء ولا دجين سامبل. العشق نتاعي في ليشوميز يعني نموت عليهم خاصة كي ندير في الشتاء فوقهم تريكو كي شغل ستيل تركي
واكيد في الدار كاين الاقمصة ولا ملابس رياضية والهنا ربي يهنيكم ​

 

[ليليا مرام]

السلام عليكم ورحمة الله وبركاته
حياك الله وبياك اختي لولو وسدد على الهدى خطايا وخطاك

قبل ان انسى احتاجك ضروري ومع كثرة انشغالي اليوم لم استطع مهاتفتك
ههه يا حبيبي ،،على وزن مقولة كونان ،،، يعني اناقة ليوم ،،مهرودة ،،، حقا قلتي مرحش نحكو على لي يلبسو ديكونستخيكتيفيزم تع لي فيتمو

اه بالمناسبة احيي الجميع والاخت ميلينا ، رب يسلمك اختي حتى انا اشتقتلك
اما عني فالاناقة ههههه امبوسيبل نكون انيقة في ضل الضغط الدراسي ومن زمان فيي كان همي هو نحضر دروس ونحل تمارين ههه اما صباح نقرا كيف ما جات لبسة ، خطرة رحت ببليغة صباح ع ثمنية ، ايام متوسطة ومزيا فقت فالحي تعنا
مهم انو اناقتي برا عادية جدا ، نهتم نظافة وخماري فطريقة لفه اما الوان منخلطش بزاف اغلبية اسود وعندي عباءات كي شغل فيهم ورود معدتش نحب نلبسهم بزاف برا نحب حاجة سامبل والحذاء نحب احذية رياضية ولي صوندال فالصيف
صباط يوجع هه بوانتير كارونت يا جدك
وليت نحب الوان شويا فاتحة بصح بحكم اني ماوالفتهاش مالغري عندي منلبسش وبزاف قش قاعد هك
اما فالمنزل نحب بزاف نكون انيقة لبس ومشطة ومعنديش ستيل ثابت نحب لبس رياضي ، روبات تع دار طوال مع خمار تع دار ، مرات جيب مش طويل فالصيف
والاخص والمميز انو نحب نلبس قندورة تع امي هه او جدتي علامة عراض وفصالة تع بكري نحس بشعور هايل ومنهتمش بزاف بل اكسسوارات خاتم ومنديرش ،، مرة فزمان حتى اعراس لافامي
كاين بزاف امور تاثر على اناقة الشخص ، بصح منطولش فالرد اصلا حطيت رد مبعثر والله غير راني عيانة وجوبونسك راني نوم ونرد اتولي كونستخيكسيو ، تست تيوري نهار ثنين ، افيشاج بروجي فلفانتناف وولاخر تخونت اي ان
وراني متعبة جدا وحابة نرقد

بروح طيبة

سلام عليكم سمية أهلا وسهلا
آمين أختي وكان الله معك ووفقك يا رب
على حساب الرد راكي عورة يا بنتي ماشي غير عيانة
انا شفت لبستك موالماتك بزاف وهايلة عليك وعارفة فالدار يا الكشرودة تحبي تتهلاي تظلي تحربي فخلطات الشعر ههههه اييه اللي يديك عليه وعلى نيفو يغلقو من كثرة الزيوت اللي يظل يشم فيهم هههههه ماركي باللي راني نحرش فيه ههههه
مرات صح تبانلك باللي لون واحد يغمك انا مرة على مرة نبدل لون كنت نلبس غير الأكحل قلبي تغم على العام وانا حازنة بدلت شوي الوان خفيفة ما نحبش الفقاعي وتروح تريسيتي ونبان غير انا فالزنقة ولو نحب أضواء الشهرة هههه كارول سماحة الله الله عليا ههه
انا عكسك نموت على الشناشل بصح ماشي دوريندا جدات كاساندرا قادرة نديرر خاتم صغير وبسيط وساعة نحب الكلاسيك رقيقة وصغيرة هذيك االي دايرة قد طبسي نتاع البارابول ما نحملهمش نرفدها وإلا نرفد روحي
وتبقى القضية قضية أذواق
مشكورة أختي وروحي ترقدي واقيل راكي راقدة ضرك يا طفلة ههههه
وشكون قالك خيري هندسة معمارية واعرة بزاف
ربي يوفقك

 

[ليليا مرام]

اهلا بيك ليليا راكي منشطة ااحالة ربي يهنيك صراحة في الملابس نتاوعي عندي ميل للاحذية الرياضية. نايك واديداس ومالازمش يكونو من النوعية الهابطة بلا كيما نقولو السروال نلبس سراويل سوداء ولا دجين سامبل. العشق نتاعي في ليشوميز يعني نموت عليهم خاصة كي ندير في الشتاء فوقهم تريكو كي شغل ستيل تركي
واكيد في الدار كاين الاقمصة ولا ملابس رياضية والهنا ربي يهنيكم ​

السلام عليكم حكيم
أهلا وسهلا ايه نحوسو نوضو الراقدين شوي ويهنيك خويا
اصلا نايك واديداشس لوكان ما يكونوش أصليين الباقي عيانيين ويبانو مدرحيين ايه انا نحب ذاك اللي يلبس شوميز وفوقها تريكو اييه ماشي انت ثاني تحساب روحك عليا الستيل هذاك يعجبني وترابور ويا سلام لو يكون فالباج توووووب
ربي يهنيك أنت ثاني يا التركي

 

[السلطانة]

وعليكم السلام ورحمة الله وبركاته
اكيد الاناقة ثم الاناقة هههه
نحب اللون الاسود سيد الاناقة هاذا تقريبا لازم ديما يكون في لبستي
سواء تاع خرجة ولادار
نحس روحي انيقة كي نلبسو اكثر من اي لون
حجاباتي عامة نلبسهم يانوار يالوان فاتحة في الصيف وغامقة في الشتا
الصبابط ولي بالغين مع لون الخيمار والصاك
والنظارات نحب نلبسهم في الصيف
ودركا راني نشري لبنتي ونحب ننسقلها الالوان هههه لاعبتها عليها خبيرة
ونركزلها على الابيض والوردي
موضوع شيك يخلينا نتعرفو على ستيل اهل اللمة