السلام عليكم
اولا ربي يشافيك ويشافيني ويا سعدك ويا سعدي وسعد كل مريض ربي مدلو مرض ومدلو قوة يتحمل
كانك تحكي عليا وانا نتخيل فيك واش عانيتي بقدر ما راني نعاني ونحير نقول انا ربي منين مدلي القوة هذي منين جاتني تصدقيني وليت حتى باه نتوجع وليت ما نحبش نشغل نفسي نقرا أذكار نحفظ قرآن نستغفر ومانخليش الوجع يخرج مني خاطر نحس ربي يزعف مني ونتحمل وراح نتحمل
صح ساعات نضعف خاطر نتعب لما نشوف يمى وحدها لا اب ولا اخ يعاونها فيا ساعات نتقلق لما نشوف مرضي نتعلق بدراهم الدنيا اللي دايما عمري ولا إهتميت بها اليوم جا المال هو سباب اني ما نداويش ونرجع ونقول ربي سبحانو قادر نرقد ونوض نوض شفيت والحمد لله
ضرك نقول ما عنديش باه نداوي ندير جهدي نروح للعمرة والباقي من عند الله يجي سبحانو
اختي نقولك ربي اعطاك الصبر ورجاحة العقل والرزانة ماشاء الله الله يتمم عليك بالشفا ويخليلك الناس اللي وقفت معاك وانا نشكر كل من ساعدني سواء هنا او فواقعي او فمنتديات أخرى كل واحد مارانسش ناسياتو بالدعاء ونطلب منك تدعيلي ربي يسخرلي من يساعدني نروح نداوي
وربي يأجرك بالشفاء التام يا رب
تشرفت بردك واعتز بيه ربي يحفظك
