إنطلاق برامج اللمة TV

[ليليا مرام]

هههههه اهلا اهلا
لباس عليك حنونة...
وعلاه انتي قالولك هذا حانوت عمي قدور تكردي وتنسي ولا دار خالتي دوجة تاكل الغلة وتسب الملة تغيبي وقت ماتحبي وترجعي وقت ماتحبي ...ايا خلصي عشايا انا ومريومة @لؤلؤة قسنطينة
واذا مفلسة ماعليهش...ياو تخلصيها الهربة تخلصيها قريب كتبت شعر فيكم وجبتلكم واحد الخطابة يوقبو هنا (مالقاوكمش طارو خخخ)
خلصيهالي هاني نستنى...

اسمعي لالة جاية معاير من بعيد وشكون قالك أشكري فيا ياخي هذي مليحة وانا عاجبني البوار ماكان لا تشكري فيا ايوا
واش من كريدي ثاني انا راني نساكم وإلا نسيتو ناضت فيكم الرتيلة ختى فتحتلكم قناة وتشركو في فمكم
إسمعي نحتاج العشا ضرك نوضي يضربك الريح فالكوزينة وقوليلي واش راكي دايرة عشا تشوفي
مريومة راهي فالجسور المعلقة قاعدة مانعرف واشبيها تبغي البحوري نتاع الليل

 

[لؤلؤة قسنطينة]

ههههه اهلا اهلا برجوعك يا بنتي قلقتينا عليك
انا ماقدرت ندير والو ونتي ماكانش والفت نتي تحطي فقرة ومن بعد انا فقرة
يعني كي غبتي فجأة ما قدرت ندير والو
ان شاء الله عودة ميمونة حبيبتي​

 

[ليليا مرام]

ههههه اهلا اهلا برجوعك يا بنتي قلقتينا عليك
انا ماقدرت ندير والو ونتي ماكانش والفت نتي تحطي فقرة ومن بعد انا فقرة
يعني كي غبتي فجأة ما قدرت ندير والو
ان شاء الله عودة ميمونة حبيبتي​

اهلا لالا هذي وين عيطت لبومبي بباه يجو ليك للجسور قالولي رحت للخروب واش بيك نبقى ندور نحوس عليك أنا
يا لالة انا غايبة ديري ما تستناينيش نورمال الموضوع موضوعكم
ربي يحفظك راكي عارفتني نمرض بزاف مرة نطل ومرة نغيب
اصبري ندير حصتي وديري
ميرسي

 

[ليليا مرام]

السلام عليكم

الاحباب اللمة فاللمة تيفي واللي ما يحبهاش يكريفي

اليوم نزلت للشارع اللماوي باه نسقسيهم لقيتهم يستناو فيا يا سيدي ولات عندي شعبية
اليوم راح نسقسيكم

انت كمرا تحبي راجلك يجي يديك يوم عرسك وإلا لالا
وانت راجل تحب تروح انت او يجبوهالك ؟
هايا ترا نشوفو
انا بالكفارة وما يجيش ماراني خارجة
يجيبلي هذي عمتي وخالتي وحدة منا ووحدة منا فالطونوبيل ليغارد كور اواه لالا
ههههه وكانت معاكم ليليا مرام من الشارع اللماوي

 

[لؤلؤة قسنطينة]

بصح بالاك الاعضاء ما عجبتهمش فقرة الثقافة :/ ماحبوش يجاوبو المرة لي فاتت ​

 

[حلم كبير]

بصح بالاك الاعضاء ما عجبتهمش فقرة الثقافة :/ ماحبوش يجاوبو المرة لي فاتت ​

ما شفتش الفقرة نتاعك برك عودي ديريلنا إشارة
نشارك ختي نحب الفقرات الثقافية
​

 

[ليليا مرام]

بصح بالاك الاعضاء ما عجبتهمش فقرة الثقافة :/ ماحبوش يجاوبو المرة لي فاتت ​

انت ديريها والله لا تثقفو المهم انا نقراها
يزيدو يتشرطو ايوا اللي دارناهالهم كا تعجب إسمعي انت حطي وخاطيك كيما نهار يقول ضياف نجو ونوجدو وما يجوش ندورو نشربو قهوتنا وحدنا وناكلو ذاك القاطو خير منهم هههه هكاكا انت

 

[لؤلؤة قسنطينة]

ههههههه عجبتني تاع لي قاردكور
امم مرحبا بعودة الكاميرا للشوارع
علابالي وليتو تعرفوني درك خلاص
هيه واش سؤال اليوم بعد؟ اه هيه العريس
نقولكم ولا مانقولكمش
يخي رانا في الحلال علاه مايجيش مالا يخرجني
يعني تشوف زوج يخرجو مع بعض برا بدون رابط شرعي ونورمال ما حشموش
ولي زوجين قدام ربي وعبادو فيها خلل؟
انا نحب هاد الامر ولكن حسب طبايع الزوج مستقبلا يمكن يكون يحشم او ماعلاباليش
يعني تكون بالتفاهم بين الزوجين والله اعلم
​

 

[لؤلؤة قسنطينة]

انت ديريها والله لا تثقفو المهم انا نقراها
يزيدو يتشرطو ايوا اللي دارناهالهم كا تعجب إسمعي انت حطي وخاطيك كيما نهار يقول ضياف نجو ونوجدو وما يجوش ندورو نشربو قهوتنا وحدنا وناكلو ذاك القاطو خير منهم هههه هكاكا انت

هههههههه والله ضحكتيني
اخر فقرة ما انتابهولهاش خلاص تحبي نعاود نحطها كيما هي؟
على الاقل ننتافعو بيها واش رايك؟​

 

[لؤلؤة قسنطينة]

راني قررت نعاود الفقرة لي فاتت بما أنو واحد بالاك ما تولهلها وباه نستفادو منها
مرحبا بكم أعزائي المشاهدين في عدد جديد من فقرة ثقف نفسك
(راني نبان مليحة ولالا اطونسيو تخرج صورتي في الكاميرا ماش مليحة)
احم احم أعزائي المشاهدين نشكر رسائلكم القيمة التي تلقيناها البارحة
على موقع اللمة تيفي وللتذكير بالموقع
دوبلفي دوبلفي بوان لمة تيفي بوان كوم
فقرتنا البارحة كانت عن معرض الكتب ورايحة تكون فقرتنا كذلك هاد اليوم عن الكتب
والمطالعة فتابعو معنا هذه الحلقة وارسلو رسائلكم
الأمر الذي سنطرحه هذه الليلة هو هاد الاقبال الكبير من طرف شباب
اليوم على الكتب والمطالعة هل هادا فعلا حبا في المطالعة وبحثا عن تثقيف النفس
وإلا أصبحت موضة فقط؟
وهل إقبال الشباب على الروايات بكثرة يعتبر أمر سيء في حق المطالعة؟
لأنو دايما نشوفو الناس تعتبر المطالعة محصورة في الكتب فقط
وان كان بالفعل قراءة الروايات لا تسمن ولا تغني من جوع هل نرضى بها كأقل تقدير
فقط لمواصلة نشر ثقافة المطالعة ولو عن طريق الروايات فقط
أو يجب توعية القراء وتطوير المجالات التي يطالعون فيها؟
سنستقبل رسائلكم حول هذا الموضوع
وأعطيونا رايكم بصراحة
سنكون في الانتظار ان شاء الله

هاهي الفقرة أخي @حلم كبير ​

 

[حلم كبير]

الاقبال الكبير من طرف شباب
اليوم على الكتب والمطالعة هل هادا فعلا حبا في المطالعة وبحثا عن تثقيف النفس
وإلا أصبحت موضة فقط؟
وهل إقبال الشباب على الروايات بكثرة يعتبر أمر سيء في حق المطالعة؟
لأنو دايما نشوفو الناس تعتبر المطالعة محصورة في الكتب فقط
وان كان بالفعل قراءة الروايات لا تسمن ولا تغني من جوع هل نرضى بها كأقل تقدير
فقط لمواصلة نشر ثقافة المطالعة ولو عن طريق الروايات فقط
أو يجب توعية القراء وتطوير المجالات التي يطالعون فيها؟

السلام عليكم اختي الصحافية

ڤدميلي الميكروفون



عجبتني الفقرة نتاع الثقافة وحاب نشارك فيها

تفرجت السمانة اللي فاتت على روبورتاج على معرض الكتاب في الجزائر
ولاحظت أنو الشباب شاريين كتب ما يعرفوش ينطقو اسم الكاتب نتاعو مليح
هذي حاجة ....
وزعما تسقسيهم واش هو آخر كتاب قريتو يڤولك اسم كتاب مشهور الناس أكل تعرفو باه يتخلص من الحرج والسلام ...
أما كاين شباب وشابات ما شاء الله أنا نغير كي نشوف كمية الاطلاع اللي عندهم ...

اكيد ميش غير الروايات كاين كتب التاريخ كتاريخ الدولة الأموية والفاطمية والعباسيةً
وكتب الدين مثل البداية والنهاية والصحيحين
كتب تربية الاطفال ،وكتب علم النفس ،وكتب التغذية
كتب الصحة ....
وغيرها من كتب في مختلف المجالات اللي تخلي الانسان أكثر اطلاعا على الحياة
هاذي هي المشاركة نتاعي حتي

ويعني من الصباح ونتي تبعدي فالميكروفون ،واقيلا صوتي ما عجبكش
وزكارة فيك نهدي تحياتي لأمي ونڤولها راكي تشوفي فيا راني فالتيليفيزيو ههههه
​

 

[أم أحمــــد يــسّ]

اسمعي لالة جاية معاير من بعيد وشكون قالك أشكري فيا ياخي هذي مليحة وانا عاجبني البوار ماكان لا تشكري فيا ايوا
واش من كريدي ثاني انا راني نساكم وإلا نسيتو ناضت فيكم الرتيلة ختى فتحتلكم قناة وتشركو في فمكم
إسمعي نحتاج العشا ضرك نوضي يضربك الريح فالكوزينة وقوليلي واش راكي دايرة عشا تشوفي
مريومة راهي فالجسور المعلقة قاعدة مانعرف واشبيها تبغي البحوري نتاع الليل

هي هي هي خلعتيني نضت نجري لقيت المطحوش كمل (المحاجب )
راهو ضاربهالي جوع ووحم هذي ليامات يعوضلي في ايام لمرض خخخ
ايا فوتيها سردين اليوم (ميااااوووو)
كولي سهمي وقولي لمريومة تبعثلي الحوت ولا راهي قالبتها قصة حب مع الحوت من فوق الجسر؟؟
ياااو علاه راكي تخلصي في الغاشي في قناتك ؟؟ قالولي يسموها قناة الخير برك كلش باااااطل يا موااااطن قرب قرب..
..
على سلامتك الزينة

 

[لؤلؤة قسنطينة]

وعليكم السلام ورحمة الله وبركاته
معنا أخ بعتلنا رسالة يريد أن يشارك برأيه حول الموضوع
مرحبا بيك معنا وكاش امطار في فرنسا ولا الحالة سخونة كيما عندنا؟
اممم الاخ حسب ما قلت نفسهم أنو الشباب لي يروحو لمعرض الكتب بكثرة
ليس شرطا أن يكونوا من محبي المطالعة قد تكون لهم أهداف أخرى
مثلا يحبو يتعاندو برك ويستكشفو المكان والا لأغراض أخرى لا نعلمها
وعلى هادي لما تسألهم عن نوع الكتاب لي حاب يشتريه ما يلقى ما يجاوب
لأنو من الاساس ماجاش من اجل الكتب وحب المطالعة
وبالمقابل كاين بزاف شباب لي يحب صح المطالعة ويكتسب المعلومات من الكتب لي يقراها
والاخ في الاخير قالكم المطالعة ليست روايات فقط يجب ان تكون منوعة
يعني تلم جميع المجالات
شكرا أخي على تواجدك ونصائحك القيمة
ونوجهو تحية للوالدة بما أنك استدعيتها باه تشوفك
نقولولها ماتنسايناش بالدعاوي تاع الخير
نستقبل رسالة اخرى​

 

[أم أحمــــد يــسّ]

السلام عليكم

الاحباب اللمة فاللمة تيفي واللي ما يحبهاش يكريفي

اليوم نزلت للشارع اللماوي باه نسقسيهم لقيتهم يستناو فيا يا سيدي ولات عندي شعبية
اليوم راح نسقسيكم

انت كمرا تحبي راجلك يجي يديك يوم عرسك وإلا لالا
وانت راجل تحب تروح انت او يجبوهالك ؟
هايا ترا نشوفو
انا بالكفارة وما يجيش ماراني خارجة
يجيبلي هذي عمتي وخالتي وحدة منا ووحدة منا فالطونوبيل ليغارد كور اواه لالا
ههههه وكانت معاكم ليليا مرام من الشارع اللماوي

اممممم يااااو جاء هو علاه ياسيدي عاقد علياويبعثلي فطومة وخدوجة وليكيب ناسيونال يقرعج ويخلطلي كلش (زيدي لهيه احلام ولد بنتي حب يركب مع لعروسة ..ايا ايا بنتي مريم اركبي حذا العروسة وماتنسيش تقرصيها باه تحصليها آآآي ..شعري ...ويلي الشوب يقتل ....هنا يحبس المنام اهبطو كاااامل خخخخ حتى الشيفور روح تعشى ..رحلة الى كوكب الاحلام )..
ليلوش اللي مايجيش العروسة ماتلزموش ولا واش قلنا ؟؟؟
الله يسعدكم. كامل

 

[أم أحمــــد يــسّ]

وعليكم السلام ورحمة الله وبركاته
معنا أخ بعتلنا رسالة يريد أن يشارك برأيه حول الموضوع
مرحبا بيك معنا وكاش امطار في فرنسا ولا الحالة سخونة كيما عندنا؟
اممم الاخ حسب ما قلت نفسهم أنو الشباب لي يروحو لمعرض الكتب بكثرة
ليس شرطا أن يكونوا من محبي المطالعة قد تكون لهم أهداف أخرى
مثلا يحبو يتعاندو برك ويستكشفو المكان والا لأغراض أخرى لا نعلمها
وعلى هادي لما تسألهم عن نوع الكتاب لي حاب يشتريه ما يلقى ما يجاوب
لأنو من الاساس ماجاش من اجل الكتب وحب المطالعة
وبالمقابل كاين بزاف شباب لي يحب صح المطالعة ويكتسب المعلومات من الكتب لي يقراها
والاخ في الاخير قالكم المطالعة ليست روايات فقط يجب ان تكون منوعة
يعني تلم جميع المجالات
شكرا أخي على تواجدك ونصائحك القيمة
ونوجهو تحية للوالدة بما أنك استدعيتها باه تشوفك
نقولولها ماتنسايناش بالدعاوي تاع الخير
نستقبل رسالة اخرى​

الوووووو...
هاني معاك تحبي تسمعي ولا....
ها افرشيها وقولي جايين كانش ما يلقو ثم وحدة شابة ووحدة متثقفة ولا وحدة حابة تتثقف....:kiss::kiss:
نظن حبيبتي كاين صح هذا الشيء
اقبال المثقف واللي حاب يتثقف(علاه نبخلوه):p
نظن باللي التكنولوجيا ماخلاتش للورق شيء كثير
وليس في مجال الروايات فقط (فلا تحزني ولا تيأسي واكتبي)..المجالات عديدة وكل حسب اختصاصة وهوايته غير ان ماتفضلتي به حول مطالعة الروايات فقظ نرجعها ل(بعض من الفقر العاطفي ) للقارئ العربي عموما والجزائري خصوصا ...
احيانا يلجأ البعض لعيش تجارب ابطال الروايات اما تناسيا لهمومهم وإما تقليدا لها وحبا في تجسيد دور البطولة ...

 

[ليليا مرام]

هي هي هي خلعتيني نضت نجري لقيت المطحوش كمل (المحاجب )
راهو ضاربهالي جوع ووحم هذي ليامات يعوضلي في ايام لمرض خخخ
ايا فوتيها سردين اليوم (ميااااوووو)
كولي سهمي وقولي لمريومة تبعثلي الحوت ولا راهي قالبتها قصة حب مع الحوت من فوق الجسر؟؟
ياااو علاه راكي تخلصي في الغاشي في قناتك ؟؟ قالولي يسموها قناة الخير برك كلش باااااطل يا موااااطن قرب قرب..
..
على سلامتك الزينة

احلفي درت المحاجب امممم شهيتيني واشس داني نسقسيك في هذا الليل
غدوة لازمني نديرهم اه نسيت راني بالعكازات ما نقدرش ويمى تخدم كل اليوم وااااااااااااع
اسمعي طبقيهم وابعثيهم مساج ويكونو سخونين وحارين كثري الجار قد ما ديري حار ما تخميش ناكل نورمال راجلك راه يتوحم ههههه معليش خليه شوي يرفد الحمل عليك ريحي انت ادي كونجي هههه
مريومة كي تشوف حوتة فقسنطينة تديها مناحة تغيضها الي صيدوها وخرجوها ما تقليها ما تشويها تقابلها وتقعد تصادي عليها نعرفها مولاات القلب الحساس
نونو الغاشي فقناتي غراتوي يا مواطن مي دور عليا تخلص الفاتورة
يسلمك حبوبة الزينة

 

[بشرى ملاك]

وانا نعست ورقدت حدا تيليفون نسنى يعيطو المشاهدين والو رقدت ومزال راقدة ولا قصة لا عبرة @ليليا مرام ...
المهم على سلامتك مديرة وفيما يخص سؤالك احم احم بيانسير نبغي يوصلني وين نروح منين كنت عادا عروسة قبل الوقت بساعة يجي يبقى يسنى فيا باش يوصلني :Love: واليوم بمياة تليفون وين راك جيت ولا مزال تجي تديني ولا نروح وحدي وتستمر الحياة

 

[ليليا مرام]

وانا نعست ورقدت حدا تيليفون نسنى يعيطو المشاهدين والو رقدت ومزال راقدة ولا قصة لا عبرة @ليليا مرام ...
المهم على سلامتك مديرة وفيما يخص سؤالك احم احم بيانسير نبغي يوصلني وين نروح منين كنت عادا عروسة قبل الوقت بساعة يجي يبقى يسنى فيا باش يوصلني :Love: واليوم بمياة تليفون وين راك جيت ولا مزال تجي تديني ولا نروح وحدي وتستمر الحياة

اهلا بشرى
بلاك يعيطولك فالمنام اعضاءالمنتدى ديريلهم موضوع يجو كامل يزغرتو ونهار العرس ما يجوش هذي هي نورمال نعيطولك انا ومريومة وقمر بزاف احنا حكمنا الموضوع ندوروعلى بعضانا
ايه شفت قالك قبل الزواج رطاب وبعدو حطاب هاهي اللي نخاف منها انا تقولي الوحدة تقعد دايما عروسة كل سمانة كورتاج يعاود يجيبها ههههه
انا كنت نقصد نهار العرس فالكورتاج يعني جا هو اداك والا عمتو فاايسار وخالتو فاليمين وباباه من للامام ههههه احكي فرغي قلبك ههه

 

[ليليا مرام]

اممممم يااااو جاء هو علاه ياسيدي عاقد علياويبعثلي فطومة وخدوجة وليكيب ناسيونال يقرعج ويخلطلي كلش (زيدي لهيه احلام ولد بنتي حب يركب مع لعروسة ..ايا ايا بنتي مريم اركبي حذا العروسة وماتنسيش تقرصيها باه تحصليها آآآي ..شعري ...ويلي الشوب يقتل ....هنا يحبس المنام اهبطو كاااامل خخخخ حتى الشيفور روح تعشى ..رحلة الى كوكب الاحلام )..
ليلوش اللي مايجيش العروسة ماتلزموش ولا واش قلنا ؟؟؟
الله يسعدكم. كامل

ايوا ذي هي عقد هو يكمل هو لاه هذوك الغارد كور ويعجبوني ذوك اللي يركبو عجوز كبيرة كبيرة حتى مهرية وموشمة انا نهرب من تاقة وعلاه نبدا حياتي بالظلمة جداه او جداه الكبيرة مازالت حية وانا علاه ندي ذنوبها جداه هو كاشي جدة انا يخليها فالدار شادة سبحة وتستغفر ماشي يجيبها تديني نونونو يا يمى ان شاء الله ندي واحد يكون منايفهم كامل ههههه يجي وحدوتهنية نروح غير انا وهو كيما القور لا دارنا لا دارهم ياو دارنا ساهليز انا نقولهم ما تجوش مي المشكل فالناحية العسكرية الاخرى كزيرنة تخرج ههههه

 

[بشرى ملاك]

اهلا بشرى
بلاك يعيطولك فالمنام اعضاءالمنتدى ديريلهم موضوع يجو كامل يزغرتو ونهار العرس ما يجوش هذي هي نورمال نعيطولك انا ومريومة وقمر بزاف احنا حكمنا الموضوع ندوروعلى بعضانا
ايه شفت قالك قبل الزواج رطاب وبعدو حطاب هاهي اللي نخاف منها انا تقولي الوحدة تقعد دايما عروسة كل سمانة كورتاج يعاود يجيبها ههههه
انا كنت نقصد نهار العرس فالكورتاج يعني جا هو اداك والا عمتو فاايسار وخالتو فاليمين وباباه من للامام ههههه احكي فرغي قلبك ههه

آ حي على يجي يديني نهار العرس بالتحلال ومابغاش قتله رواح نديرو كورتاج واحد قالي نو نو نو يتخلطو شيرات مع صحابي نو نو نو ونحشم مانجيش نورمال فالوجه تقولي باغية ناكله المهم لصقهالي بغيت نبكي وروحو معايا خواتاتي وحدة منا ووحدة منا تحسبي باغية نهرب ونسيتك عمته كبيرة ركبت من قدام قالولها يركب راجل قالتلهم نو انا نعس كنة خويا ياخي ياخي...