ناس تاكل وناس طبل ..... شعب أكول خموس عليه

[ليليا مرام]

السلام عليكم جماعة الخير

اليوم حبيت نحكي على سوجي ممكن كاين فدياركم كامل عند خاوتكم أو خوتاتكم او فالخدمة
او حتى شفتوه فالبيتزيريات بلاما نقول المطاعم عارفة التشومير ههههه

اليوم نحكي على ناس حاطة جروب نتاع زرنة في فمها ايييه
الناس اللي طبل وهي تاكل ......

انا كي نروح للطبيب ونطول لازم نروح للبيتزيريا باه نفطر وانا نحب ناكل بالعقل وبأدب وتقريبا لو نلقى ما يشوفونيش افضل ليا وخاصة لو كاين هذوك المصورات اللي يقابلوك

كانو شافت مخلوق فضائي تبغي تاكلك الماكلة اللي قدامك وتشوف فيك تقول راح تخلصهالك
جني وعفريتي فوحدة تشوف فيا من ساسي لراسي وانا ناكل نبغي نوص نعطيها كف ندورها

المهم فمرة وأنا قاعدة ويجي واحد باه ياكل المهم حطيت راسي قدامي ونبدا نسمع تقول ياكل فالحجر وشوي يتقرع

يا يمى قالي راسي نوضي اخطبطيه بذيك البيتزا للوجه
وشوي رافد صبعو وينحي فالماكلة من فمو ويا يمى وفمو كي فتحو ما نحكيش على ذيك الريحة اللي خرجت سموم مش روائح يا يمى على العفن والفن فبتيزيريات بللادي

ناس تجي تاكل وإلا طبل
يقرع بسنانو ويتقرع وينقي في فمو هذو ناس ما يحترموش ناس مقابلينهم وإلا ناقصين ثقافة تاكل بسكات قدام الناس
وحتى فالدار مرات يجو ضياف يجي واحد من الدار قدامهم يدير التبهيل

عندي خالتتي ما تجيناش تسمع عندنا ضيوف تجي هي تكون لاباس نحطو قهوة وتبدا تحكي امور العفن فالعفن الضيف هذاك لو تخلصو ما يكمل القهوة
حشمت منها مرات فالتالي حكمتها قتلها انا وحدة نعيف يا اختي اقعدي قسري كيما تحبي بصح عيب قدام الضياف قتلها المرا حطت فنجان القهوة وشوي وراحت قلبها تقلع واش هذا العفن

الماكلة ثقافة وأدب مش لازم تاكل فماكلة غالية الواحد يحترم ضيفو ويحترم الناس فالمطاعم
هذيك تاكل والزرنة في فمك رقدهم واراوح تاكل

وانت لالة تدخلي تاكلي ماكان لاه تقعدي تفلي فالناس من ساسك لراسك ماشي انت راحا تخلصيها
حطي راسيك قدامك ارهجي واحكمي الطريق

انا مقلقة وإلا واش رايكم فالموضوع وإلا نخلص بدراهمي نطبل نزغرت إنت خاطيك

هايا جماعة اللي يقربعوا ما تحشموش ههههه​

 

[همس الوُرود]

وعليكم السلام أختي ليليا
والله موضوع شباب وعندي مانحكي فيه
بصح أسمحيلي راني ميييتة بالتعب والله آسفة حبيبتي

 

[فيتامين سي]

موضوع مقرف هههههههههههه يعععععععععععععععععععععععع
انا كي نفوت على بيتزيريا نغلق نيفي يا يما على العفن في بلادي
كاين وحدة كنت نفوت عليها باش نروح نقرا نبدل طريق بسبتها ديك البلاصة ريحتها معفنة بزااااااااااااااف
تقريبا انا من الناس لي مستحيل ناكل برا من غير المثلجات و المثلجات مستحيل انا و الاشغاغ نرضاو بواحد ههههه
مرة رحنا ندورو حديقة قدامها برا واحد يبيع لاكريم كل شوية نخرجو نشرو و نرجعووقيلة طلعنا معانا 5 كغ زيادة
انا منحملش لي يديرو اصوات في الماكلة ولا تصرفات ولا هدرة تعيف ولا يعس العبد قداش كلا كل واحد يلهى في لي قدامه
مي عندنا عمت بابا ههههههههههههههههههههه يا الموضوع جامي تجيبه في وقته
مرة رايحين نفطرو و بدات تخلط المهم متهنات حتى تفركتنا الهربة تسلك لي تخرج تجيب حاجة مترجع ههههههههه

ابار المثلجات و لا كرواصون حاجة نخرجها في يدي منقدش ناكل مع الناس
متعسيني منعسك
موضوع هبال حبيبة ​

 

[لؤلؤة قسنطينة]

السلام عليكم
مساء النور حبيبتي ليليا ان شاء الله احوالك بخير؟
هههههه عجبني موضوعك وسورتو عجبتني تاع شعب يطبل هههه
انا كي قريت العنوان قلت هادا مايكون فيها غير عرس مادام فيها تطبال وشطيح هههه وهو موضوعك على واحد
النوع من الناس المبدعين عندهم اوركيسترا في فمهم يدخلو للمطاعم يزهيو الناس هههه
انا صراحة كيما قلتي المطاعم هادا ندخلو بالاك مرة في 10 سنين هههه ساعات كي تعود عندي قضية بعيدة
باه ماندوخش ندخل لمكان محترم ناكل لقمة ونروح وماش وحدي يعني مع واحد من العائلة
يعني باه ناكل برا إلا إذا كان امر ضروري كيما باه ماندوخش ولا مايطيحليش السكر ناكل لكن غير هاد الشي
مانحبش ناكل برا والناس تتفرج فيا، اما بقية الناس والله ما يحشمو سورتو النساء كن حتى تلقايها
في مطعم محترم وتاكل تلقايها برا مكوفرا ومدايرة لاشان على طرف بيتزا وسط الرجال
وتزيد تاكل بدون حشمة،ساعات كي يعود كرواصون كيما قالت فيتامينة ولا حاجة خفيفة يتقبلها العبد بصح بيتزا
في الطريق شويا، اما هادوك لي عندهم فرقة موسيقية لداخل مانهدرش خير خاطر للأكل آداب
ووصانا بيها الدين تاعنا ماش نهجمو برك على الماكلة هكاك
يعني ربي يهديهم وربي يبعدهم علينا هههه شكرا ختي ليليا على الموضوع ربي يهنيك
تحياتي​

 

[السلطانة]

وعليكم السلام ورحمة الله وبركاته

كيما تقول نينا بنتي بععععععععععععععع ههههههههههه
بدات تتعلم تهدر وزعم كي تشوف حاجة تعيف تقولنا بع
يعني طفلة صغيرة وقلبها يوجعها من صوالح هكا ههههه
نرجعو للموضوع انا نحب ناكل في المطاعم بصح لي نشوفهم نظاف منكذبش عليكم
هالشاورما هالبيتزا هالشوا هاذو مهما نطيبهم في الدار ميجوش كي تاع البرا
ومع راجلي طبعا ولا كي نعود مع لافامي تاعنا بابا يما خويا
والله معندي عقلية ناكل ونشوف في الشعب
بالعكس نتلهى في ماكلتي ومع الاشخاص لي معايا
وسورتو كان بنتي معايا او منشوفش قاع الباقي
نعيش اللحظة كيما يقولو
اما عن ابراج المراقبة هههههههههه لي يكونو تم والله معلابالي بيهم
كاين مرات شي بنات يبقاو يخزرو مع راجلي ونلمحهم بشط العين نرجعوها ضحكة انا وياه

وعلى الناس لي يديرو اصوات في المجمع تاع الماكلة يغزلو تاع الصح
ومنحكيلكش على مجامع العراس نكره المرا لي تلبز في الطبسي
كان غطست يدها يعني انا يسموني نوض ونخليلها
ولا الدراري الصغار تاني منحملهمش يلبزولي في الماكلة
بنتي وقريب نسلخها درك
ومن اداب الاكل انو الواحد ميحكيش حكايات عفن ويرهج بيهم الغاشي
مرة في دار راجلي جات عندنا ضيفة قاعدين نتعشاو وعندي بنت سلفتي تقرافي الثانوية بدات تخلط وتجبد في حكايات العفن والشعر لي يطيح في الماكلة:X3:قرصتها تحت المايدة
بلعي فمك
هيا صحيتي ليلوش

 

[يزيد 05]

صح كاينه لواحد لازم يحترم نفسو ويحترم الناس لي قدامو خاصه فلماكله
فكرتيني في واحد مره نخدمو وجابلنا مول لخدمه لغدا ناكلو من صحن واحد وهو لعابنو يطايرو و يسيحو فالصحن قلبي راح يخرج نخمم نحبس لماكله ومن بعد نولي نقول لخدمه صعيبه كون مناكلش منقدرش نكمل
طحت في خيارين احلاهما مر
عفست على قلبي وكليت شوي ونضت هههه حطي روحك نتي في موقف كيما هذا
لازم تدربي على الامور هذي هههه

 

[همس الجفون 93]

هههههه الموضوع جميل
انا ما ناكلش برا على بال الاصوات والحركات المقرفين 8ههههه واكثر شئ يقلق اسقلي اي تقولي فيك كاش حاجة اعقدوك سبحان الله ما يتعبوش 8ههههههه خدمتهم

 

[ليليا مرام]

وعليكم السلام أختي ليليا
والله موضوع شباب وعندي مانحكي فيه
بصح أسمحيلي راني ميييتة بالتعب والله آسفة حبيبتي

السلام عليكم أختي أهلا وسهلا
مشكورة على إعتماد الموضوع
ايه ارجعي احكينا عالطبالين بالفم هههههه
معليش الحبيبة خذي راحتك أختي

 

[ليليا مرام]

موضوع مقرف هههههههههههه يعععععععععععععععععععععععع
انا كي نفوت على بيتزيريا نغلق نيفي يا يما على العفن في بلادي
كاين وحدة كنت نفوت عليها باش نروح نقرا نبدل طريق بسبتها ديك البلاصة ريحتها معفنة بزااااااااااااااف
تقريبا انا من الناس لي مستحيل ناكل برا من غير المثلجات و المثلجات مستحيل انا و الاشغاغ نرضاو بواحد ههههه
مرة رحنا ندورو حديقة قدامها برا واحد يبيع لاكريم كل شوية نخرجو نشرو و نرجعووقيلة طلعنا معانا 5 كغ زيادة
انا منحملش لي يديرو اصوات في الماكلة ولا تصرفات ولا هدرة تعيف ولا يعس العبد قداش كلا كل واحد يلهى في لي قدامه
مي عندنا عمت بابا ههههههههههههههههههههه يا الموضوع جامي تجيبه في وقته
مرة رايحين نفطرو و بدات تخلط المهم متهنات حتى تفركتنا الهربة تسلك لي تخرج تجيب حاجة مترجع ههههههههه

ابار المثلجات و لا كرواصون حاجة نخرجها في يدي منقدش ناكل مع الناس
متعسيني منعسك
موضوع هبال حبيبة ​

السلام عليكم
هههههه وانا عارفاتو موضوع مقرف منين ذاك لازم نعيفكم شوي ههههه وهذا راني ما حكيتش تفاصيل ههههه
الله غالب انا مرات لازم ناكل برا السبيطار بعيد بزاف على دارنا واختك لوز ما تاكلش ممكن نطيح فالطريق فقر دم ونتعب على الاقل حاجة حلوة
ويبدا العفن قدامي نخرج ونخليهم ما ناكل ما والو وهذوك اللي يعسو انا ندابز معاهم فمرة وحدوة تشوف معايا قلت ضرك تحشم ضرج تحشم
قتلها اديني ضرة لراجلك كي راني عاجباتك ههههه حمارت وصفارت وجات تدابز رفدتلها صنيوة نتاع بيتزا قلتها زوج دقايق يذوقو بنة بيتزا بالبقري ضحكو اللي كانو فالبيتزيريا عليها خرجت تجري
انا لاكريم تأمني الناس الكل تحبو إلا انا نحب ناكل فيه شيكولا إذا جاني للدار وشراتو يمى هاني ناكل منو ماكانش ما نقدرش نفوت ونشريه خاطر ما نقدرش نمشي وناكل لازمني نقغعد ههههه نشري بواطة ونجيبها للدار نحطها فالكونجيلاتور وبعدها فالليل هات ليا هههههه بواطة كبيرة ههههه يععني 40 ميل او 50 ميل يعمرهالي تشدلي واحد السمانة هههه كل يوم ناكل شوي ههه
انت عمة باباك وانا خالتي يا حوجي ولينا كي نشوفوها ما نحطوش قهوة حتى تروح من كلامها المعفون تقلقني انا
يعطيك الصحة فيتامينة

 

[ليليا مرام]

السلام عليكم
مساء النور حبيبتي ليليا ان شاء الله احوالك بخير؟
هههههه عجبني موضوعك وسورتو عجبتني تاع شعب يطبل هههه
انا كي قريت العنوان قلت هادا مايكون فيها غير عرس مادام فيها تطبال وشطيح هههه وهو موضوعك على واحد
النوع من الناس المبدعين عندهم اوركيسترا في فمهم يدخلو للمطاعم يزهيو الناس هههه
انا صراحة كيما قلتي المطاعم هادا ندخلو بالاك مرة في 10 سنين هههه ساعات كي تعود عندي قضية بعيدة
باه ماندوخش ندخل لمكان محترم ناكل لقمة ونروح وماش وحدي يعني مع واحد من العائلة
يعني باه ناكل برا إلا إذا كان امر ضروري كيما باه ماندوخش ولا مايطيحليش السكر ناكل لكن غير هاد الشي
مانحبش ناكل برا والناس تتفرج فيا، اما بقية الناس والله ما يحشمو سورتو النساء كن حتى تلقايها
في مطعم محترم وتاكل تلقايها برا مكوفرا ومدايرة لاشان على طرف بيتزا وسط الرجال
وتزيد تاكل بدون حشمة،ساعات كي يعود كرواصون كيما قالت فيتامينة ولا حاجة خفيفة يتقبلها العبد بصح بيتزا
في الطريق شويا، اما هادوك لي عندهم فرقة موسيقية لداخل مانهدرش خير خاطر للأكل آداب
ووصانا بيها الدين تاعنا ماش نهجمو برك على الماكلة هكاك
يعني ربي يهديهم وربي يبعدهم علينا هههه شكرا ختي ليليا على الموضوع ربي يهنيك
تحياتي​

وعليكم السلام اهلا مريومة
شفت نحوسو غير على العرس وعلاه بغاو يعرسو ههههه هذا العام الاعراس قلال ياحي الحالة تهدرت هههه
انا ما نحبش ناكل وواحد مقابلني نشوف طابلة لاصقة للحيط او يكون معايا واحد من ولاد اختي نبقا نحكي ونقسر باه ما نشوفش اما لو لقيت اللي مبلقين عينيهم نسكت نسكت فالتالي نطرطق وفمرة رحت بيتزييا تبان من برا الله الله نظيفة وانا نشوف فذاك البيتزاريو اللي يدير البيتزا يا اختي الشعر فيديك تقوليه كينغ كونغ وظفارو مسخين ويكسل فالعجين وانا قلبي يتقلع نضت قالي والبيتزا قتلها ابعثها للحفاف وانا كنت على شعرو هخهخههه دورلي قلبي معفون يا أختي انا ما نحملش الصوالح هذو الله غالب النظافة ثم النظافة
وأصحاب التقربيع هذوك الزرنة انا نوض يا اختي ما نحملش طق طق تقولي ياكل فالحجر وهذاك كل صبع بصنعة صبع ففمو وصبع فنيفو وصبع يلحس واش كلا واااااااع هذا إذا لقيتيه فقسنطينة أعدميه مريومة ههههه
الله يهديهم آمين الله يبعدهم كاش مرة ندير كالأفللام نكري كامل الطوابل ونبقى ناكل وحدي ههههههه
وتحياتي أختي

 

[ليليا مرام]

وعليكم السلام ورحمة الله وبركاته

كيما تقول نينا بنتي بععععععععععععععع ههههههههههه
بدات تتعلم تهدر وزعم كي تشوف حاجة تعيف تقولنا بع
يعني طفلة صغيرة وقلبها يوجعها من صوالح هكا ههههه
نرجعو للموضوع انا نحب ناكل في المطاعم بصح لي نشوفهم نظاف منكذبش عليكم
هالشاورما هالبيتزا هالشوا هاذو مهما نطيبهم في الدار ميجوش كي تاع البرا
ومع راجلي طبعا ولا كي نعود مع لافامي تاعنا بابا يما خويا
والله معندي عقلية ناكل ونشوف في الشعب
بالعكس نتلهى في ماكلتي ومع الاشخاص لي معايا
وسورتو كان بنتي معايا او منشوفش قاع الباقي
نعيش اللحظة كيما يقولو
اما عن ابراج المراقبة هههههههههه لي يكونو تم والله معلابالي بيهم
كاين مرات شي بنات يبقاو يخزرو مع راجلي ونلمحهم بشط العين نرجعوها ضحكة انا وياه

وعلى الناس لي يديرو اصوات في المجمع تاع الماكلة يغزلو تاع الصح
ومنحكيلكش على مجامع العراس نكره المرا لي تلبز في الطبسي
كان غطست يدها يعني انا يسموني نوض ونخليلها
ولا الدراري الصغار تاني منحملهمش يلبزولي في الماكلة
بنتي وقريب نسلخها درك
ومن اداب الاكل انو الواحد ميحكيش حكايات عفن ويرهج بيهم الغاشي
مرة في دار راجلي جات عندنا ضيفة قاعدين نتعشاو وعندي بنت سلفتي تقرافي الثانوية بدات تخلط وتجبد في حكايات العفن والشعر لي يطيح في الماكلة:X3:قرصتها تحت المايدة
بلعي فمك
هيا صحيتي ليلوش

السلام عليكم أختي أم يسمين أهلا وسهلا
يا عمري بدات تهدر ربي يحفظها ههههه شفت بدات تعيف والبراءة ما تكذبش هذي لازملها خرجة مع خالتها ليلوش ههههه انا نعيف وهي تقول يييعععععع هههههههه سكر ربي يحفظها
صح انت كيما انا مهما ديري فالدار بنتهم نتاع برا وحدها كالجاج روتي مهما تحمريه فالدار ماشي كاللي يتباع برا منين ذاك تنفحلك تاكلي برا تغيير
ياحي يشوفو مع راجلك وانت قدامو ياو انا والله نسيق بيها ريستو هههه
هيط نتاع الأعراس مهما يكونو قراب ليا ناكل فدارنا ونروح هذي عشرة فالطبسي وحدة كانت تحك وتجي تحط تغمس يدها كومبلي تقولي حنة اواه لالا يا اختي انا ما ناكلش فالأعراس انا مريضة ومش خصني ميكروبات مش نعيف الناس والله والو مي نستحفظ على روحي وحدة نقية وحدة مريضة وانا نفسي مريضة ونخاف
هي من آداب الأكل الناس تاكل بإحترام خاصة فبلايص عامين وين الناس كاين او قدام ضيف تبهديلة مي مع من تهدري
لو عضيتيها تبهديل مي صغيرة تخلط وخلاص لازم تعرف باللي وقت الماكلة قدامكم وإلا مع الضيف تتربى
انتت صحيتي وبوسيلي نينا خاطر راهي كيما انا فالدار يقولولي نينا

 

[ليليا مرام]

صح كاينه لواحد لازم يحترم نفسو ويحترم الناس لي قدامو خاصه فلماكله
فكرتيني في واحد مره نخدمو وجابلنا مول لخدمه لغدا ناكلو من صحن واحد وهو لعابنو يطايرو و يسيحو فالصحن قلبي راح يخرج نخمم نحبس لماكله ومن بعد نولي نقول لخدمه صعيبه كون مناكلش منقدرش نكمل
طحت في خيارين احلاهما مر
عفست على قلبي وكليت شوي ونضت هههه حطي روحك نتي في موقف كيما هذا
لازم تدربي على الامور هذي هههه

السلام عليكم يزيد واش راك ؟
يا حوجي يا نا وكليت ونورمال اواه يا يزيد انا لو فالموقف هذا نخرج نشري سندويتش وما ناكلش بعدا لحقت لريوقو فوق الطبسي واااااااااااع يا ربي ان شاء الله كي نجي نتعشى ما نتفكرش كلامك
ربي يحفظك

 

[ليليا مرام]

هههههه الموضوع جميل
انا ما ناكلش برا على بال الاصوات والحركات المقرفين 8ههههه واكثر شئ يقلق اسقلي اي تقولي فيك كاش حاجة اعقدوك سبحان الله ما يتعبوش 8ههههههه خدمتهم

السلام عليكم أختي
انا ناكل وقت نخرج للطبيب مي تقربيع ما نحملوش ونختار بلاصة وحدي وهذوك العجايز اللي يسكانو ما تخميش ندابز انا معاهم هههه
نتاع فضايح نبغي النش نحملها مرة وزوج تكثرها نعطيها الحس
مشكورة أختي

 

[ضيوف وسـنغادر]

السلام عليكم ورحمة الله تعالى وبركاته
موضوع يخرج مكنونآت الصدر والله ههههه
أنا صرآحة مش من النآس اللي يآكلو بزآف برآ
مي أكيــد تتحتم عليك مرات مش راك هاز كوزينة في جيبك ههههـ
نحب نفري شغلي وlet's go home لكن....
المهم دايما نكون صعبة الارضاء بين صحاباتي نقولهم والله ماني داخلة غير بالشروط هادو
-النظآفة وأكيد كاينين وحايد ماشاء الله
-الغاشي اذا مكاينش بزاف لانو نذوب حشمة كون ناكل قدام واحد منعرفوش عذاب نفسي والله وفكرتيوني في حالة الريسطو في الجامعة وياما كلآني الجوع
-واذا فيها شوارما يا دلآلي ههههـ
مرة ننتصر وياخذو رايي كي يكون الوقت في صالحنا ناكل بعقلي ونشبع راحة نفسية لا مثيل لها خخخ
ومرة يغلبوني...وهنا يبدأ العذاب والله
هوما ياكلو يشبعوا وانا الله غالب والله مانقدر ناكل ونشبع بين المخاليق هاديك
والله ني تكبر ني والو راكم كنتوا تحكيو والله تشوف وحاحد كيفاه ياكلو غير تقول نشارجي فيديو تع '' كيف تعلم طفلك مضغ الطعام '' ونتفرجو قدامو ونزيدلو الvوليم بلاك يفهم روحو
ناكل بضع مضغات نضمن بيها انو متطيحليش السكر ولا لطونسيو ونخبي الباقي لمبعد الى أجل مسمى
وأما كي نخرج مع عايلتي الحمد لله بآبآ بنفس عقليتي ونفس معاييري الانسان ياكل على عقلو ويحظى بوقت هاديء ويدير حتى سيلفي باطمئنان نفسي مكانش كميرات المراقبة ههههه
مي شغل رانا مش نعايرو ولا حاجة حاشا مي ''رحم الله امرئ عرف قدر نفسه''
الاسلام علمنا الاسس واداب الاكل منحكيوش غير على برا من المنزل وجيب اصلا كل واحد راه يمثل تربيتو في بيتو
الطعام راه نعمة الانسان يحاسب نفسو على نظافتو الشخصية و يسمي ويذكر ربي وياكل بعقلو واحد ماتبعو اذا مزروب يا بن عمي خلي لمبعد ويا حبذا ويا حبذا يخلص الصحن كامل وهذا شبه مستحيل عندنا الا مع فخامة البيتزا و الشوارما انا متأثرة بالحضارة اليابانية لأبعد الحدود وهوما يكملوا طبقهم تعلمتها منهم مع الاسف مع انو اسلامنا هو الاول اللي حط هذا الاساس
المهم بعد الانتهاء يجب المضمضة وكل واحد ونظافتو الشخصية وراك وين تروح تلقا لافابو بن عمي لذلك لا تجعل مكان الاكل والتنظيف واحد
ان شاء الله ربي يهدي مجتمعنا كي تشوف كون برك جات فالماكلة ومgدودين في حاجة اخرى يآو Nothing ..
المهم وربي يبارك ويثبت في اللي فيه الخصال الحميدة ويزرع فاللي مافيهش
نورمالمو نحاولو نوريلهم وين الصح وننصحوهم لوجه الله لانو الدين النصيحة مي مايعرفوش هادي هوما اذا نصحتيهم بحاجة بينك وبين الشخص هاداك خلات عليك صايي طيحت السماء على راسك راك حطيتو في gوgل طبعا كاين وكاين
المهم ربي يصلح لاحوال واغتنم حضوري في هذه المناسبة بتوجيه تحية حارة الى فخآمة طآطآ الشوراما ♥
شكرا للموضوع ♥​

 

[ليليا مرام]

السلام عليكم ورحمة الله تعالى وبركاته
موضوع يخرج مكنونآت الصدر والله ههههه
أنا صرآحة مش من النآس اللي يآكلو بزآف برآ
مي أكيــد تتحتم عليك مرات مش راك هاز كوزينة في جيبك ههههـ
نحب نفري شغلي وlet's go home لكن....
المهم دايما نكون صعبة الارضاء بين صحاباتي نقولهم والله ماني داخلة غير بالشروط هادو
-النظآفة وأكيد كاينين وحايد ماشاء الله
-الغاشي اذا مكاينش بزاف لانو نذوب حشمة كون ناكل قدام واحد منعرفوش عذاب نفسي والله وفكرتيوني في حالة الريسطو في الجامعة وياما كلآني الجوع
-واذا فيها شوارما يا دلآلي ههههـ
مرة ننتصر وياخذو رايي كي يكون الوقت في صالحنا ناكل بعقلي ونشبع راحة نفسية لا مثيل لها خخخ
ومرة يغلبوني...وهنا يبدأ العذاب والله
هوما ياكلو يشبعوا وانا الله غالب والله مانقدر ناكل ونشبع بين المخاليق هاديك
والله ني تكبر ني والو راكم كنتوا تحكيو والله تشوف وحاحد كيفاه ياكلو غير تقول نشارجي فيديو تع '' كيف تعلم طفلك مضغ الطعام '' ونتفرجو قدامو ونزيدلو الvوليم بلاك يفهم روحو
ناكل بضع مضغات نضمن بيها انو متطيحليش السكر ولا لطونسيو ونخبي الباقي لمبعد الى أجل مسمى
وأما كي نخرج مع عايلتي الحمد لله بآبآ بنفس عقليتي ونفس معاييري الانسان ياكل على عقلو ويحظى بوقت هاديء ويدير حتى سيلفي باطمئنان نفسي مكانش كميرات المراقبة ههههه
مي شغل رانا مش نعايرو ولا حاجة حاشا مي ''رحم الله امرئ عرف قدر نفسه''
الاسلام علمنا الاسس واداب الاكل منحكيوش غير على برا من المنزل وجيب اصلا كل واحد راه يمثل تربيتو في بيتو
الطعام راه نعمة الانسان يحاسب نفسو على نظافتو الشخصية و يسمي ويذكر ربي وياكل بعقلو واحد ماتبعو اذا مزروب يا بن عمي خلي لمبعد ويا حبذا ويا حبذا يخلص الصحن كامل وهذا شبه مستحيل عندنا الا مع فخامة البيتزا و الشوارما انا متأثرة بالحضارة اليابانية لأبعد الحدود وهوما يكملوا طبقهم تعلمتها منهم مع الاسف مع انو اسلامنا هو الاول اللي حط هذا الاساس
المهم بعد الانتهاء يجب المضمضة وكل واحد ونظافتو الشخصية وراك وين تروح تلقا لافابو بن عمي لذلك لا تجعل مكان الاكل والتنظيف واحد
ان شاء الله ربي يهدي مجتمعنا كي تشوف كون برك جات فالماكلة ومgدودين في حاجة اخرى يآو Nothing ..
المهم وربي يبارك ويثبت في اللي فيه الخصال الحميدة ويزرع فاللي مافيهش
نورمالمو نحاولو نوريلهم وين الصح وننصحوهم لوجه الله لانو الدين النصيحة مي مايعرفوش هادي هوما اذا نصحتيهم بحاجة بينك وبين الشخص هاداك خلات عليك صايي طيحت السماء على راسك راك حطيتو في gوgل طبعا كاين وكاين
المهم ربي يصلح لاحوال واغتنم حضوري في هذه المناسبة بتوجيه تحية حارة الى فخآمة طآطآ الشوراما ♥
شكرا للموضوع ♥​

السلام عليكم أختي
نورت يا عاشقة الشاورما انت كيما انا نحب ناكل على اقل من مهلي ونتمتع ونخمم فأمور وانا ناكل ناخذ راحتي هذيك اجري اجري ما نحبهاش ومرات نخرج لما نتوسوس من عباد مقابليني ماشي ياكلو يتفرجو فيك تتقلقي بالذراع وكاينة بلاصة ديما ناكل عندهم خاطر نظاف بزاف وطابلة ديما مقابلة الحيط ديما نمدهم بظهري
احنا لما رانا نحكو مش نحشو فيهم او نعايرو لالا مي آداب الأكل راهي مذكورة فالدين وزيدي من التربية لما ما تحرمتيش ناس قدامك او ضيفك ما بقا والو كاين اسس هذو انا نشوف لما الوحدة تكون تربي فولادها تعلمهملهم يكبرو عليهم
وكيما قلت ردك كافي ووافي الله يصلح احوالهم
وغطذا تلاقيتي بالشاورما سلميلي عليها راني مدة ما خرجتش هههه