ختي ليليا خطيبك راهو حلالك ماش حلالك بالمعنى التام ولكن علاقة معروفة قدام الناس
كيفاه مالا هادا يجي يخطبك ونتي كنتي مخطوبة ويحوسك تكوني تكرهي خطيبك؟ باينة كنتي معجبة بيه
السلام عليكم مريومة اهلا وسهلا نورت الموضوع
ايه راني عارفة لكن مالغري نو لازم نصارح
ماشي اعجاب ياو كنت نحبو هخخهه الصراحة راحة مريومة الإعجاب ما يكفينيش باه نبني حياتي مع راجل لازم نحبو هههه آآآآآآآوي شفتيها ياخي نتاع حمود بوعلام ههههه
كن هكاك ما قبلتيش بيه من الاساس ولوكان ما بعض المشاكل كن راهو حلالك وكن راكي في دارو
يعني اعترافك بمشاعرك اتجاه خطيبك السابق امر بديهي حبيبتي ليليا ماتحتاجيش حتى تكدبي فيه
لكن تكلمت عليه الاخت بشرى والاخت مليكة هو لي علاقة في الخفاء اخطينا من علاقة محرمة مائة بالمائة وتوصلت للكبائر
نتكلم على مرأة او حتى رجل لانو هو تاني ماش معصوم من الخطأ كان ولا كانت في علاقة مع طرف آخر
سواء هاتف ولا تلاقاتو في الشارع ولا ادري ولا حتى في قلبك كيما قلتيها لكن الانسانة هادي ولا الانسان هادا تابو
ورجعو لربي، انا مانشجعش على الكذب ولا على الفاحشة ولا على التمادي في الذنب وكل واحد يدي حقو في الدنيا
لكن صدقيني كاين بنات صغار طيشوهم والديهم للشارع ما اهتموش بيهم تلقايها يجيها واحد من الشارع تلقى معاه الحنان
تولي تبعو وراكي شفتي مؤخرا في قسم مشكلتي طفلة في عمرها 14 سنة دار بيها واحد 32 سنة درك هادي لي في عمرها 14
هل يوما ما تحب تكتم على هاد الحادثة (طبعا دون الوقوع في الحرام الاكبر) هل بكتمانها تعتبر مخادعة؟ او امرأة غير عفيفة؟
قادرة تلحق 16 سنة تتحجب وترتدي الجلباب وتقدر حتى تحفظ القرآن وتكون أحسن من ألف طفلة
نتا كخاطب أكيد عندك الحق ولك الحرية التامة باه دير واش يناسبك واحد ما يسالك ولكن هل طفلة ملتزمة وقريبة من ربي
على غلطة دارتها وهي غير واعية تخلصها حياتها كاملة؟ هي ما دارتش حاجة من الكبائر غلطت صح وذنبها يعتبر ذنب
بصح وعات ورجعت لربي وربي قبل توبتها وولات مثال للزوجة الصالحة علاه تحب تشوهلها ماضيها؟
يعني فهمتي المغزى لي حبيت نوصلو ختي ليليا؟ وكيما قالها الأخ قادر الطفلة غلطت وهي عمرها 9 سنين ماش حتى واعية
لكن الرجل قادر تكبر في راسو، كلامي اكيد يحتمل الخطأ والصواب لكن انا من رايي لي يتوكل على ربي
ربي يرزقو كل خير
