إنتخابات زوجية ......تفضلوا للإنتخاب

[ضيوف وسـنغادر]

السلام عليكم ورحمة الله تعالى وبركاته

أختي @Twinkle Stars
نوافق على كل الشروط كامل راهي تع دنيا وديـــن
مي تع التعدد غير هآدي و غير هآدي....
(غـــيرة تفوق الحدود)

/////
ليليااانا نقول الله يبارك بش منضربوكش بالعين على الافكار الجميلة ههههه
اما بعـــد

انت فتاة تفكيرن في الزواج اكيد ولك نوع معين من الرجال تريدين ان يكون شريك حياتك فرضا سألك هذا الخطيب ويريد تعريفا منك ليس ما سأل الناس عنك وإنما منك له
قدمي برنامجك آنستي ولنرى أن كنت تنفعين لتكوني رئيسة بلدية حياته الزوجية

ليليانا ماعلاباليش علاه حسيت روحي دخيلة مي معليش سأتقدم هههههه
وتعيشوا تذكروني علاش حآgريني في الاشآرآت يتمزق قلبي
والله لآ أعلم من اين أبدا
منحبش نوعد... زعمة نبين بلي رآني انسانة فوور في النقطة هآديك وانا منحبش حوحو يشكر روحو اللي عندي راهو عندي اللي معنديش ماعنديش
ناذرا مانوعد اي شخص ونتجنب هذا الشي تماما لاني نخاف اني منكونش قد الوعد ومسؤولستو ولكن ان وعدت وعد نتاكد بلي تمنعني منو غير الموت^^
وان شاء الله منكونش من الناس اللي يقولوا ومايديروا والـــو حاليا الحمد لله لست منهم و يا مقلب القلوب ثبت قلوبنآ^^
حســنا شغل بش نشارك برك هههههـ
نوعدو ان شاء الله اني نعطيه راحة كبيرة من جهة علاقتي مع عايلتو سواء عشنا معاهم ولالا راح نكون الكنّة البآرة قد استطآعتي
خآصــــــــة اذا كآنو وآلديه طيبين:Love:
واذا قدر الله واعرين نصبر حتى آخر رمق والله ياربي مانحب المشآكل رآك علابالك ارزقني بطيب وآلديه طيبين:Love:
أيضا نوعدو بلي حتى ولو قدّر ربي وصرآت مشآكل بين وبين قريبة اوبعيدة مآرآحاش ندخل روحي انا او اولآدي في أمور مآقآستنيش حيآدية حتى الممات
أيضآ ان شاء الله راح نوعدو بلي في الامور الشرعية اللي نغفل عليها انا وباين حكمهآ ويقولي عليها هو راح نطبقهآ
وان شاء الله نسبقو ليها كامل ومنخليهش يحكي على الجانب الديني أبدآ^^يااارب♥
مممم اييه حقا نوعدو من الناحية المعنوية والمورالية مارايحش gع يطيحلو المورال سيتزوج 'التفاؤل' اون بيرسون هههههههه
ومن النآحيــــة الــغذائية خخخ اللي يحبو نطيبهولو مايكسرش gع راسو سيتزوج'ضيوف' او بيرسون هههههه
أحم احم متنساوش منحبش حوحو يشكر روحو
هادي اهم النقاط اللي تفكرتها ونحسها اجبارية وان شاء الله سأكون عند كلمتي لن يفرقني بها الا الموت
وتروي الاساطير اني قلت بكري : منحبش نوعــــــد ههههه
بمناسبة ذكر الوعود ليليانا ديرينا مبعد موضوع على الشروط التي تحبها تكون في زوجتك/زوجك
لكي يبدع الجنس اللطيف في التفنن ههههههه
ان شاء الله اللي مامزوجش يتزوج (زوجة/زوج صالح)
اللي عقيم ربي يرزقو الذرية الصالحة
اللي متزوج ربي يهنيه
واللي يقرى ربي يوفقو ♥
تقبلي مروي
وشآكرة لك دائما وابدآ للأفادة
دمتِ♥
/////​

 

[قلم مغرور]

ما شاء الله عليك تستحضرين المواضيع و كأنه منبع يجود عليك حين تطلبين فلا يبخل
و ها انت تضعين بين ايدينا ركنانضع نبوح فيه بمشاريع ان شاء الله عقلانية لا وهمية
السلام عليك يا من أردت ان تكوني لي بقدر ومشيئة من الله
أنا امامك حاضري بين عينيك و اسالي عن الماضي فلا اخجل و استقصي عن اهلي
و مستقبلي بين يدي الله يقدر فييسر و يعسر .
اسكن في قرية ساحلية شرقية لي من العلم ما تعرفين و ما تجهلين .
على قدر استطاعتي لا شيء مني يبكيك.. اهلك اهلي واهلي أهلك
و انا الرجل وانت الانثى جملة لاتغيب عليك
و لأنني اخترتك لمواصفات رايتها فيك و مثلت اهلك و لم تحيدي عن شرع ربي
أنا لك وانت لي ان رضيت .فقط ضعي بين يدي جميع حساباتك الالكترونية ^^
مالي مالك و مسكني مسكنك و أنت الاولى لا ثانية بعدك ان متِّ وأنا حييت
و لتعلمي يا من ستكونين زوجتي ان مشكلتي حب السفر فلو أردت معي الرحلات ما أبيت .
المعاطف اليوم نتدفأ وغدا ان ابتلينا لا نتأفف و العواطف بإذن الله من قلب لك لا تجف .
و تبقى لي مشاريع لاني في الجزائر أعذريني ليس لعدم قدرتي بل لان حسابي هذا
سيراقب يوما ما من قبل ولاّة أمتنا .

 

[الأزرق الملكي]

ماشاء الله عليك خويا
ها الرجال ههههه
ربي يرزقك بزوجة صالحة يارب
ربي يوفقك

السلام عليكم

ربي يبارك فيك أختي مليكة

هذا ما أتمناه زوجة صالحة لأنها متاع الدنيا

تسلمي ​

 

[همس الوُرود]

هل من أحد هنا هه


؟؟؟؟؟؟





لازم شرطكن انتن ايضا يكون عند الرجل "توحيد الخائفين " كما سماه الشيخ ابن باز رحمه الله

و اصلا الرجل عندما ينجج في الزواج يعدد
و ان لم ينجح يدخل في "الخائفين "

آاوو النجاح يؤدي إلى نجاحات هه
ها شويا عدل مع الرجل الناجح

ايا تصبحون على خيير

طيب
فليكن من الخائفين أحسن ^^
في هادي ماكالاه ينجح هههه​

 

[ليليا مرام]

اممممممليح نشطيلنا قسم الحياة الزوجية باه نزوجوكم كامل ونتهنو منكم آآ نتهنو عنكم ..

السلام عليكم الزينة أهلا وسهلا
نعم كثري لينا من دعوة الزواج ههههه تتهناو منا وعلينا معليش مهم نفروها
انا نبدا من آخر عنقود كلامك الزين يا الزوينة..

علاه يتغزلو بيا غير النسا هههههه تسلمي يا الغالية
شوفي الخطاب رطاب وين كان وعهود عمك ديقول ياو تديهم تديهم بصح تحققيهم هذيك وشطارتك انتي وزهرك ..ياك يقلك الذرية من زهر الراجل والدنيا من زهر لمرا؟؟؟

ايه الخطاب رطاب بصح المرا وحدها ما يكفيش باه تحقق الوعود ولا الراجل وحدو قادر يوعدك وتوعديه ويخرجو صوالح ليك وليه وزهر المرا هذيك ما تهدريش سيرتو زهري انا الأعوج

لحوايج المادية تتحقق بالمادة والرزق من عند الله وكل مخلوق برزقو بدون شك وهذي مفروغ منها لان المادة ماتشريلك لهنا وهي وسيلة برك باه توفري الراحة واساليبها..

لا انا نقصد الوعود االاخرى بعيد على المادة لانو قادر الراجل يكون خدام خدمة عادية يولي خدام في رزقو قادر يخرج من الخدمة ظروف مادية قادرة تتبدل مع الوقت مول التاج ومحتاج وهذا الراجل ما عندوش خاتم سليمان تحط فبالها كيما باباها كيما خوها كيما هو ما راحش يشق الارض ويجبد الدراهم يعيشها باللي يقدر عليه المهم يحترمها ويوفرلها على حسب مقدورو
اما الراحة النفسية اكيد تتحقق بتحقيق وعود الحب والأمن والأمان وتتوافر بالاحترام والتفاهم والعشرة والحمد لله ..
انا مادرت حملة انتخابية لا وعود زدم ديراكت بعد تحرياتو مع الانتربول ههه ومفاوضاتو وبعض الملاحقات اللي والله ماكنت علابالي بيها

ايه راجلك عندو خيوط مع انتربول شوفيهونا نمدلو يجيبلي الطالع نتاع واحد العباد هههههه
ايه ملاحقات ياه طنشتيه خلفهالك وإلا لالا ههههه
أيا طاح على راسو وكنت نتعامل بعفوية ومش دايراتو في الحساب اصلا ونهار قبلت بالخطبة وكانت فترتها قصيرة ومن اول يوم قالي ياموصيبة هذو العينين واش بيهم مايشوفوش؟؟ بصح لمزية ماجاوش في عينيا..وعودو قدو والحمد لله حقق اكثر منها يكفي حبوا وحنانو والامان اللي يوفرولنا وتعبو بلا حساب وكأنو جابلي الدنيا كامل ...وانا بلا ماوعدتو حققتلو حوايج معنوية كان ينتظرها من الدنيا ليه زمان كونو يتيم اولا وفي عمر عشر سنين وعاش حياة قاسية و ربي يقدرني نكمل احلامو اللي شايفتها في عينيه بلا هدرة منو ..
شيء آخر ساعات توعدي وتخونك الظروف والناس والمجتمع والعادات والتقاليد ...ساعات توعدي وتلقاي بعد ماتدخلي القفص وعودك الاولى مجرد صغائر حذا اللي لازم تحققيه وقتئذ..
ربي يهنيكم اجمعين..

ربي يهنيكم يا رب ويفرحكم ايه نستعرف بيك جريتيه وجرجرتيه هههههه ايوا ذيك هي
المهم أنك وفرتيلو واش كان محتاج وما درتيش عليه وميم هو يحاول يهنيك باللي وعدك بيه وواحد ما كذب على لاخر هذا هو الزواج نتاع الصح المشاكل الصغار كاينين ويكونو المهم انو اولاحد ما يكذب ما يوعد وعد ما يقدر عليه ما من بعد يظهر كل واحد يكذب على لاخر
أوعدو في حدود امكانياتكم ولا تخترقوا سقف طموحات غيركم لكي لا تصطدموا بسقف الوعود الغير محققة وتتكسر الآمال وتتحول الى آلام..
شكرا ع الموضوع

كلام جميل اختي لازم كل واحد يوعد على قد ما يقدر
شكرا سرني ردك

 

[ليليا مرام]

و ماذا عن التجسس و النسخ المعدلة من برامجنا ..

برنامجنا هو النجاح .. و من ينجح عليه بالسر و الكتمان .. في بلد العزة و الكرامة ..

السلام عليكم أخي حزن النبلاء نورت الموضوع
التجسس والنسخ يعود لك نظام الامان لديك


انا اصلا نكره الانتخابات اذا كانوا هما يعلنون عن برنامجهم انا نعاكسهم ..

و البرنامج سري رومنسي ديني اسري توافقي ... عدا انه لن يكون تعدديا يعني الحزب الواحد و الرئيس الواحد و الحزب الواحد و وزير الداخلية واحد

المهم الرومانسي موجود ههه ايه عجبتني حزب واحد يعني انت نخلض وحدة ونقطع البحر هههه

نسيتي الاشارة ااااه؟ ... راني نعس فيك ... ^_

الإشارة انا نديهم كوبي كولي وكل يوم نزيد عضو نتفكرو يعني منا وجاي تخرج مع اللي راني درتهم فالموضوع وهبلتني ذيك النجمة وانا نحوس واش راه ناقض حتى لقيت نجمة ههه
ديريلي اشارة @ليليا مرام نديرلك اعجاب

كثرلي الإعجاب راح نسرفهم اورو هههه حابة نفاياجي نحوس ههه
شكرا لك

 

[ليليا مرام]

السلام عليكم
كيفاش نعرف بنفسي ولا بشروطي فالزوج المستقبلي وضحي أختي هههه

السلام عليكم اختي لالا قولاي وعودك لزوج المستقبل وعود يعني وواش هي إمكانياتك

 

[ليليا مرام]

في هدا الصدد أود أن أضع لكم شروط رجل تدور بيننا نحن كأخوات في الفيس ^^
ههههه فمن تقبل خخخ
مشاهدة المرفق 72988

​

شكون هذا اللي دار هذو الشروط
نقبل كل شي اما تليفيزو ما نشوفوش وزيدي فالتالي وجهو صحيح تقبل التعدد ومن جهة جميلة ما ننظرش لغيرها الله يعطيه روينة بالملح وتحكمو كحة ما تتنحى جرب يجربو قلقني هههه

 

[ليليا مرام]

السلام عليك
كيما قالك ياريت ينشطو الأعضاء كيما راكي ناشطة
ربي يبارك ويزيد عليك الله يحميك حبيبتي
بصراحة مدرت حتى حملة كان يترصد فالميرة وحده من بعيد حتى لقاني نستحق أن نكون رئيسة بلدية هههه
منعرف لا لف و لا دوران نجيه بطبيعتي بغا صحة مبغاش ربي يسهل هههه ( هي كلمة بينتنا برك نتاع ربي يسهل هه)
الوعد لمديتهله أن منبدله بكنوز الدنيا و أن نصون شرفه في حضوره و غيابه و أن نتهلا في أمه لراهي أمي الثانية

اهلا وسهلا غاليتي كيف حالك ؟ ويحميك الحبيبة
نتمنى الكل يشاركو راهم ناشطين فالردود ان شاء الله برك يكتبو مواضيع
ههههه عجبتني نتاع ما دار حتى حملة كاين يعس ولقاك ديركت الميرة ههههه
ربي يبارك فتربيتك الراجل صح تهلاي فوالديه يديرك فعينيه ويعيش متهني هذوك المشاكل رجعو يخوفو الشباب واللي متربية هذي ديرها بلاما يوصيها ويقولها
يعطيك الصحة ويهنيكم يا رب

 

[همس الوُرود]

[/QUOTE[/QUOTE]

السلام عليكم اختي لالا قولاي وعودك لزوج المستقبل وعود يعني وواش هي إمكانياتك

وعليكم السلام ورحمة الله وبركاته
ههههه اها وعودي هادي والله هو يشرط وأنا نشوف ويلا نقبل أو لا
معنديش هكا وعود نقدمها ههههه
​

 

[همس الوُرود]

شكون هذا اللي دار هذو الشروط
نقبل كل شي اما تليفيزو ما نشوفوش وزيدي فالتالي وجهو صحيح تقبل التعدد ومن جهة جميلة ما ننظرش لغيرها الله يعطيه روينة بالملح وتحكمو كحة ما تتنحى جرب يجربو قلقني هههه

ههههه أنا وحدة التلفيزيون مدابيا مايكونش يعني أنا أصلا مانتفرجش التلفيزيو خلاص
مادابيا مايكونش تيليفيزيو مع القنوات هادي الي راهي كاينة تفسد العباد
وتفسد حتى الأطفال
بصح التعدد الله غالب هههه منقدرلوش
​

 

[ليليا مرام]

السلام عليكم
يعطيك الصحة ختي ليليا بالاك من بين أعضاء اللمة كامل نتي لي مهتمة بالقسم تاعك على أكمل وجه
ربي يخليلك هاد النشاط ان شاء الله ونتمنى نستفادو من هاد المواضيع في حياتنا الزوجية يوما ما

السلام عليكم مريومة اهلا وسهلا
بلا مزيتي مريومة كي راح المخ يخدم خليني نكتب حتى نهار نحبس ويحكمي التفنيين هههه
ايه ركزيلي على يوما ما هذيك اني نستنى فيها

أما فيما يخص موضوعك ختي ليليا صراحة أنا مانحبش نوعد بزاف، ساعات انسان يطلب مني حاجة بسيطة
ومانحبش نوعد حتى نقدم الحاجة هاديك على أرض الواقع، وأنا وعودي للخاطب أو الزوج المستقبلي
نفضل نمدهالو مباشرة بعدما نتزوجو أحسن ما نقولو ندير وندير نحب أخلاقي ومعاملتي وطيبتي يشوفها بعد الزواج
ويحكم بنفسو، لكن باه ما نفسدلكش موضوعك رايحة نقولك وعودي فقط لأنو بيناتنا ونقولهم باختصار (أكديلي على باختصار هههه)

انا نقولك حاجة كي نشوف ردك نكمل شغلي فالدار ونكمل اموري ونشرب دوايا ونتكسل ونبدا بالأعضاء وكي نوصل عندك نجيب قرعة كوكا وليك ليا نشرب ونرد عليك يا مريومة نعطش اختي الله غالب ولو انو طبيب منعها عليا ههههه مي لازم نشرب حاجة قاوية لردك هههههه
بون اختي مراهش وعد وعد لكن فبالك امور تقدري عليها مع نفسك تقولي نعيش راجلي هذي المعيشة وامور انت مقتنعة بها يعني تعرفي روحك ما راحش تبدليها ولا تسمحي فيها اكيد قادرة توعدي وفالتالي الظروف تعكسك مي كاين اختلاف بين هذيك الوعود واللي نقصد فيها

أنا يا أختي الوعود هادوك لي بزاف خاطيني نقولو 3 وعود برك، أنو مايسمعش مني كلمة ماش مليحة ولا معاملة ماش مليحة
سواء ليه ولا لوالديه ولا لأي أحد من افراد عايلتو، المشاكل هادي لي تصرا بين العايلة أنا خاطيني خاطر من صغري
تعرضت لبزاف مشاكل عائلية ولكن عمري لا خرجت كلمة ماش مليحة مني ولا معاملة ماش مليحة الاحترام فوق كلشي
يعني من هاد الناحية أنا نصبر وخاطيني المشاكل، ثاني حاجة الطاعة أهم شيء يقولك لي تطيع زوجها تدخل الجنة وانا مستحيل
تجيني فرصة ندخل للجنة ونراطيها كي نقولك الطاعة بما فيها نصبر معاه على اي ظرف ونوقف معاه ولكن شرط
في اشياء ما تخالفش شرع ربي، وثالث حاجة تربية الابناء إذا كتب ربي سبحانو على الطريق الصحيح وعلى الدين
يعني رايحة نبذل جهدي أنو عايلتي تكون قريبة من ربي وكيما ربي جمعني بيهم بالدنيا يجمعني بيهم في الجنة ان شاء الله
هادي أهم الوعود الطاعة واحترام الأهل وتربية الأطفال تربية حسنة، أما بقية الوعود خليها في قلبي ختي ليليا
كي يجي نصيبي رايح يشوف كل وعد على الواقع بإذن الله تعالى ونرضيه بإذن الله تعالى
شكرا عزيزتي على الموضوع ربي يهنيك غاليتي وربي يحفظك على المواضيع الجميلة
تحياتي
​

وعودك شابين اختي مريم وماراكيش متطلبة من بعد استناي وعودي انا وتفرجي هههه لاليست نتاع شاف دايرة ههه
شكرا وتحياتي ليك وندعي ربي تدي واحد يستاهلك باتم معنى الكلمة يكون خير منك انت حتى تتوالمو
شكرا لك

 

[طيب الكلام]

السلام عليكم . متميزة كالعادة بمواضيعك اختي ليليا يعطيك الصحة .
اما عن الوعود فانا شخصيا احب الابتعاد عنها . قادرة ظروفك تخليك ماتنفذيهاش او ماتنفذيش جزء منها .
الاخلاق و الدين و الاحترام المتبادل اساس العلاقة اما الباقي يجي بعد الزواج و العشرة يعني قضية مفاهمة برك .
بارك الله فيك اختي رغم عدم وجود الاشارة فانا احب مواضيعك و دائما اجدها متاخرة .

 

[ليليا مرام]

ببساطة يا ليليا زوجي ما قدم لي حتى برنامج و لا انا اعطيته اي برنامج تزوجنا زواج تقليدي كيعاد هذاك هو المكتوب و تهنينا من الوعود الكاذبة و بعد الزواج بدأ برنامج المستقبل بصح بقى كما السلحفاة و استسلمت للمكتوب ،درنا شقة في بيت العائلة كل يوم يعايروني دار بابا ،سعيت للعمل كمراقبة في التعليم و وقفوا في طريقي و غيرها و غيرها و رزقني الله بكتاكيت و كتكوتة ،و اليوم خلص برنامجنا و قلت له خلي الكتاب يكتب لوحده و برنامجك انا نسيته

السلام عليكم ميلينا أهلا وسهلا واش راكي واش راهو وليدي مع البرد هذا ؟
اكيد كل زواج فيه مشاكل ميلينا أختي وقلت من قبل يمكن ظروف تعكسك كيما صرالك مي المهم صبرت ونلت على الأقل الدار ربحت اكبر شي واللي اكبر منو أولادك وزوجك يحترمك ومهنيك والبرنامج المادي خلوه على ربي سبحانو راه اللي خلق ما يضيع المهم انك مرتاحة معاه
ربي يهنيك يا رب

 

[همس الوُرود]

السلام عليكم ورحمة الله تعالى وبركاته

أختي @Twinkle Stars
نوافق على كل الشروط كامل راهي تع دنيا وديـــن
مي تع التعدد غير هآدي و غير هآدي....
(غـــيرة تفوق الحدود)

​

هههههههه التعدد صعيب بزاف تتقبلو المرأة
بكري كانو يعددو بيسك المرأة كانت ترفض أو تقبل يتم التعدد
أما دوك مع القانون الجزائري مكانش تعدد حتى تقبل المرأة
والمرأة تغير الله غالب متقدرش تقبل رغم أنو من حقوق الرجل
بصح وش تديري -_- الله يهدينا
​

 

[ليليا مرام]

يعطيك الصحة اختي ليليا على الموضوع
ندخل في موضوع بلا مقدمات ههه
انا زوجي مستقبلي نعطيلو برنامج طويل وعريض تنويم مغناطيسي وكي يطيح في يدي ساااااهل هههههههههه
راني نقصر حنونة انا مانكذبش عليك مانحبش نوعد ومانحبش يوعدوني بعد الزواج يبان كلش كيما يقولو " بعد العشرة تبان الناس "ونقولك حاجة لي يوعد بزاف هادك تلقايه دايما ماشي قدم كلمتو ولله هههه
اهم حاجة الدين و الأخلاق والباقي كلو زايدة

السلام عليكم أختي نورت الموضوع
لالا اختي غير مدي او خليه يمدلك مرات لازم تعرفي ساسك من راسك ثاني ما تروحيش وخلاص انت تعرفي هذا الراجل كيفاه يخمم كيفاه معول لحياتكم خلينا المستقبل مجهول عند ربي مي يقول واش عندو وتقولي واشس عندك وتتفاهمو على كل شي
اما ارض الواقع هذيك تتبنى بيم وبيه هو يعرفك تحملي معاه وانت تعرفي انو قالك هاهي قدراتي فهمتيني ضرك واش نقصد
شكرا

 

[ليليا مرام]

هل من أحد هنا هه


؟؟؟؟؟؟





لازم شرطكن انتن ايضا يكون عند الرجل "توحيد الخائفين " كما سماه الشيخ ابن باز رحمه الله

و اصلا الرجل عندما ينجج في الزواج يعدد
و ان لم ينجح يدخل في "الخائفين "

آاوو النجاح يؤدي إلى نجاحات هه
ها شويا عدل مع الرجل الناجح

ايا تصبحون على خيير

يعني الراجل كي ينجح يزيد يعاود هذي فرحة الزواج الاول وإلا واش
انا نعرف انو عندو سبب باه يعدد مرتو مريضة مش متفاهم معاها خلاص رجع ما يحبهاش ومش راضي طلاق يبغي يعاود اما من النجاح يروح يعاود هذي سمعتها منك
والرجل الناجح واش من عدل ان شاء الله لو ولات في كلامك نديه ناجح ويلخق عندي يولي من الخاسرين ستوووووب انا وبعدي الطوفان هههه

 

[ليليا مرام]

هههههه نستعرف بيه هدا مهبول هدا..
نزيدك انا خبر شباب عليه قالك الحكومة باغية دير ضريبة العزوبية هههههههه لي عازب يخلص ولا يتزوج كيه كيه كيه كيه....

بشرة وينتا يطبقوه انا معاهم هههه ونخرج مع ليكونترول العازب يخلص ونبداو من المنتدى هههه

 

[ليليا مرام]

المهم ندخلوا في صلب الموضوع...
انا واقعية جدا ومانبغي لا كدب لا غش..
كي نخطبت وعدت راجلي اول حاجة نكون مرايته معناها اي غلطة ولا عفسة دارها ماشي شابة انا نصحح سواء نصحه هو او نصحح واش خلى موراه..
وعدته نتهلى فيه وفي والديه ونبرهم معاه وعدته نساعده ونسانده في كل اموره المادية والمعنوية...
وعدته نطيعه ومانديرش الصوالح لي مايبغيهمش مبعد لي قالهملي طبعا...
وهو كلمة قالهالي فهمت واش باغي من عندي قالي باغي نتزوج باش نعيش ماشي باش نتزوج.. فهمت باغي يعيش الحب والسعادة بمعنى اخر مايندمش لي تزوج...
والحمد لله رانا عايشين كيما خططنا وكيما تفاهمنا مسانداته في كل اموره نوصل حتى نفريفيه كي يبغي يخرج جامي نخليه يخرج بقش مسخ ولا مبهدل نبغيه دايما شباب ونقي، نشاركه التخمام في خدمته لو كانت مشكلة وكي يكون عنده امتحان نعاونه يحفظ اموره ونحفظه هههههه
الاكل لي يبغيه دايما حاضر ولي مايبغيهاش مايكونش، دايما انيقة فالبيت راكي تعرفي رجال واش راهم يشوفو لبرا ههههه، متهليا في اهله ڨاع القريب والبعيد...
والحمد لله متفاهمين...

اهلا بالرد
راك قلتيها خططتو وتفاهمتو ووعدتو وكنتو عند وعد بعضاكم تبقى مسألة ظروف مادية او مشاكل هذيك ما تهمش خاطر المهم المفاهمة بينك وبينو من الاول وهذا اللي قصدتو انت ما تتبدلي وهو يحاول انو يحقق واش وعدك وانا نحكي على العلاقة بيناتكم مش امور مادية
الله الله تبغيه يخرج شباب ععع عندك الحق خاطر الناس برا يشوفوه يقولو مرتو معفونة لو خرج مسخ هو راجل لو عازب نورمال مي يحكوش مي متزوج لالا
ركزيلي على انيقة فالدار ايه يشوفو يشوفو انا تبانلي نمدلو عسا بيضا ونوصلو للخدمة ونولي ههههه
ربي يدوم هناك

 

[زاد الرحيل]

السلام عليكم ميلينا أهلا وسهلا واش راكي واش راهو وليدي مع البرد هذا ؟
اكيد كل زواج فيه مشاكل ميلينا أختي وقلت من قبل يمكن ظروف تعكسك كيما صرالك مي المهم صبرت ونلت على الأقل الدار ربحت اكبر شي واللي اكبر منو أولادك وزوجك يحترمك ومهنيك والبرنامج المادي خلوه على ربي سبحانو راه اللي خلق ما يضيع المهم انك مرتاحة معاه
ربي يهنيك يا رب

و عليكم السلام و رحمة الله و بركاته
انا بخير و الحمد لله و ابنك افرحي راه يمشي و يطيح و يستنى منك لبسة الشتاء باش يخرج لاول مرة و هو يمشي ،أمالا.ر وحي للحصالة انتاعك و فرغيها و هات اللبسة بالخف
كما قلت غاليتي الدنيا أرزاق و منخذوش الا الشيئ الي كتبوا ربي لنا ،و.صحيح الحمد لله على البيت ، على هذيك قلت لزوجي خلي المكتوب يمشي