ياجان علاه انت فنيان

[Skor m@k]

ياجان علاه انت فنيان ​

نفرح يابلادي كي نشوف ليجــــــــان واقفين ومايستناوش فيك
نفرح كي نشوف مورال ولاد بلادي طــالع كي الاسهم فالاوبيك

الجزايري يحب بلادو مايخليــــهاش ويروح يعيش لهيــــــــــــك
هوما باعو لبلاد واش دخلنا فيهم كي يهربو باسـم الديبلوماتيك

الزوالي طامع في ربي ماشي في برلمــــــان الكوسميتيـــــــــــك
هوما يحبو الزهو كيما لي قالك ســـــــــــــــــامية زيدي للاموزيك

ياجـــــــــــــــــــــــــــــــــــــــــــــــــــــــــــــــــــــــــآن راك زعفان
لالا هوما يزهاو وانا نعمر قلبي باش نترتق كي الديناميـــــــــــك

راني فرحـــــــــــــــــــــــــــــــــــان
كي نشــــــــــــــــــــــــــــــوف وليد بلادي خــــــــــــــــــــــــــــدام
اونيفارسيــــــــــــتار.. !! علاش لازم يخدم فالدومــــــــــــــــــان

ولا واش فيهــــــــــــــا يحل طابلة تاع خضـــــــــــــــــــــــــــــــــار
ولا تاع دخـــــــــــان ههههههههه لالا هذيك حــــــــــــــــــــــــرام

وليد بلادي ياكلهــــــــــــــــــا حلالية ويرقد مهني وفرحــــــــــــان
ولا الســــــــــــارق ... !! ياك قرينا فلمسيد ربي يدخلو للنـــــــــار

كي تخـــدم ودخل هذيك الستيـــــــــــــــن ولا السبعيــــــــــــــــــــن
و كي تدخل لدار تشوف وليداتك ومرتك فرحـــــانين تحس بالامان

ولا تحب السرقة بلملايــــــــــــــن ولملايــــــــــر فالنهـــــــــــــــــار
وفالليل تبقى بــــــــايت على مرتك وولادك بالزطلة ولادروg محتار

مانسوطيـــــــــــــــش أنا مايهمونيــــش
ربح قــــدور ولا عمور الله غــــــالب مانعرفهمش ماتلومونيـــــــش

المير جامي شفتو قبل الفـــــــوط قالي فوطي عليا علاه ماتعرفنيش
لالا أنا خاطيــــــــــني مانسوطيش نطير وحدي ونعلى كي الخفافيش

فالنهار نجـــــــــــري ونخــــــــدم المهم ندخل شويا بقشيــــــــــــــــش
وفليل نتعشى بلعدس واللوبيا ههه المهم مانموتش ياك ماتسالوليش

ياك ربــــــــــــــي هو لي يرزقنا علاه الدولة كاش مرة سمعت بيــــنا
جبت الباك ..!! مادارولي حفلــــــــــــة ماداوني رحلة لماليزيــــــــــا

الخدمــــــة لي كانت نخدمها كي تكـــــــــون حلالية انا مانعيفـــــــــــها
انا ماشي أنـــــــــــوش ولا بابا فلان ولا قريـــــــــت فمدرسة فرنسية

شحال شفنا من مرأة مــــــــــات راجلــــــــــــــها ولا خلاها وليـــــــا
خدمت وتعبت وكبرتـــــ ولادها بالصفــــــــــــى والنيـــــــــــــــــــــــة

السيــــــــــــــــــــــاسة حاجـــــــــــة تافها لازم ماتعمرش راسك بيها
ولي سرقني وماعطانيــــــــش حقي عند ربي جامي تخفى عليه حيا

هذي هي بلادنـــــــــــــــا لازم تتعب وتذوق شويــــــــــــــا الميزيريا
باش لميمة تقول كبرت راجل وماشفاش فينا العديان وزاد كبر في عنيا

مانزعــــــــــف مانعمر قلبـــــــــي ولي كاتبو ربي ماينحيهولي العديان
نخدم ونتعب وحدي ونزهى مع لمـــــــرا والدراري وديما نكون فرحان

ضـــــــــــــــــــــــــــوء لمع وسط المدينة رسم ندائــــــــــــــــاً لمنادينا
حينا يبدو ويختفي حينا تلك اشارة بات مان ماشي فنيــــــــــــــــــــــان

 

[ضآحكة مستبشرة]

السلام عليكم
هههههه ضحكتني يا مالك
نريح شوية من السفر و لي عودة
هههههه​

 

[الأزرق الملكي]

السلام عليكم

راك زعفان ياملوكي وشبيك زعفان

درتنا قصيدة معمرة بالتبن و البنان

خممت على روحك ونسيت هذوا لعايشين في الجبال

ماناش خايفين على المستقبل بصح خايفين على البلاد

ماناش حابين ناكلوا و نرقدوا كي الحيوان

حابين نشوفوا بلادنا باهية و زينة البلدان

دير في بالك لولا الرقاد تاع الشعب الغلبان

كون هذا الفاسدين راهم طارو من زمان .
​

 

[Skor m@k]

السلام عليكم
هههههه ضحكتني يا مالك
نريح شوية من السفر و لي عودة
هههههه​

وعليكم السلام
ان شاء الله كي يكون عندك وقت ردي
والضحك لازم باش مايقولوش رانا زعفانين ههههههه​

 

[Skor m@k]

السلام عليكم

راك زعفان ياملوكي وشبيك زعفان

درتنا قصيدة معمرة بالتبن و البنان

خممت على روحك ونسيت هذوا لعايشين في الجبال

ماناش خايفين على المستقبل بصح خايفين على البلاد

ماناش حابين ناكلوا و نرقدوا كي الحيوان

حابين نشوفوا بلادنا باهية و زينة البلدان

دير في بالك لولا الرقاد تاع الشعب الغلبان

كون هذا الفاسدين راهم طارو من زمان .
​

وعليكم السلام
لالا ياك قلنا مانعمرو راسنا بيهم مانزعفو
حنا ماعندناش ومايخصناش وديما فرحانين
لالا ماقلناش ناكلو ونرقدو كي الحيوان
قلنا لازم نخدمو والخدمة ماتخلعناش
كي نصلحو نفوسنا ربي يبعث حاكم كيما حنا
الشعب ماعندو علاه التخريب حرام والاضراب حرام والانتخاب حرام
حنا المهم نكونو فرحانين الى بغى حتى يبيعو لبلاد
ياك من 62 مخدومة حتى الاستقلال قالك هوما مدوهونا
انا المهم مايدناوش ليا ولوالديا
صحيت خويا عصام​

 

[الأزرق الملكي]

وعليكم السلام
لالا ياك قلنا مانعمرو راسنا بيهم مانزعفو
حنا ماعندناش ومايخصناش وديما فرحانين
لالا ماقلناش ناكلو ونرقدو كي الحيوان
قلنا لازم نخدمو والخدمة ماتخلعناش
كي نصلحو نفوسنا ربي يبعث حاكم كيما حنا
الشعب ماعندو علاه التخريب حرام والاضراب حرام والانتخاب حرام
حنا المهم نكونو فرحانين الى بغى حتى يبيعو لبلاد
ياك من 62 مخدومة حتى الاستقلال قالك هوما مدوهونا
انا المهم مايدناوش ليا ولوالديا
صحيت خويا عصام​

رانا حابينهم يرحو يخطيو هذي البلاد

باه تحكمنا النخبة لي راهي مخبية وماتقدرش تبان

لكان باعوها الحركى في 62 بأبخس الأثمان

مازال لي يشريها كما العربي و السي الحواس

أما تعمار الراس واحد ماسامع بهذو الناس

لكان حابين نصلحوا أحوالنا نبداوها من الفوق

خاطرالأنبياء نزلوا على الفاسدين من الأقوام

ماشي الأقوام الصالحة هي لي جات تغير الحكام

النهضة تاع الأوربيان نحاو القسيس و البرانس

ونهضتنا نبداوها بلي راهم عبيد للفرنساس

وماتنساش الأتراك دارو أفار كما جابو اردوغان

المعيشة غلات والدينار طاح والطايح كثر من النايض

واشمن خدمة لي ترجع الجان فرحان

البلاد زريبة و الناس ولات عايشة كي الخرفان

قنعنا بالظلم وولينا تحريشة بين الأجناس

تروح للغربة تحشم تقوولوهم راني آلجيريان

مالا يزينا من الكذب على رواحنا

والبلاد راهي غارقة والغاشي بكل نيام

حتى كي تصب قطرة مطر تولي البلاد طوفان

والجاي ما ينبأ بالخير مع كل هذه الأوضاع .
​

 

[chirine zina]

السلام عليكم
صحيت خويا
هادي رسالة البوتكاستور أنس تينا
بصح نتا عرفت كيفاه
تخدمها وتهدر كلمات ملاح
يعطيك الصحة​

 

[Skor m@k]

رانا حابينهم يرحو يخطيو هذي البلاد

باه تحكمنا النخبة لي راهي مخبية وماتقدرش تبان

لكان باعوها الحركى في 62 بأبخس الأثمان

مازال لي يشريها كما العربي و السي الحواس

أما تعمار الراس واحد ماسامع بهذو الناس

لكان حابين نصلحوا أحوالنا نبداوها من الفوق

خاطرالأنبياء نزلوا على الفاسدين من الأقوام

ماشي الأقوام الصالحة هي لي جات تغير الحكام

النهضة تاع الأوربيان نحاو القسيس و البرانس

ونهضتنا نبداوها بلي راهم عبيد للفرنساس

وماتنساش الأتراك دارو أفار كما جابو اردوغان

المعيشة غلات والدينار طاح والطايح كثر من النايض

واشمن خدمة لي ترجع الجان فرحان

البلاد زريبة و الناس ولات عايشة كي الخرفان

قنعنا بالظلم وولينا تحريشة بين الأجناس

تروح للغربة تحشم تقوولوهم راني آلجيريان

مالا يزينا من الكذب على رواحنا

والبلاد راهي غارقة والغاشي بكل نيام

حتى كي تصب قطرة مطر تولي البلاد طوفان

والجاي ما ينبأ بالخير مع كل هذه الأوضاع .
​

ههههه والله ياخويا عصام جبتها سواسوا
برك الواحد لازم مايتقلقش ومايعمرش قلبو
خاطرش والله الزوالي لي ينضر برك خاطرش مراهمش سامعين بنا
والزعاف راح يوليو مرض لينا برك
يعطيك الصحة على المداخلة مرة اخرى​

 

[Skor m@k]

السلام عليكم
صحيت خويا
هادي رسالة البوتكاستور أنس تينا
بصح نتا عرفت كيفاه
تخدمها وتهدر كلمات ملاح
يعطيك الصحة​

وعليكم السلام
ايه هي بدات مي انا كتبت عكسو
هو زعفان وانا فرحان
مي نفس التوجه تاعو
شكرا​

 

[الصحافية الساخرة]

السلام عليكم

اوووو يا سكر محروق أنت تليق تكون يوتوبور راك فوور تعرف تجيبها سوا سوا و الله هذي خير على تاع انس تينا ^^

و اخيرا رجعت تكتب و فجرت قنبلة هنا فالمنتدى

كول اللوبيا و لا الخبز واحد ما يسالك واشنوا حتى اللوبيا وغلات ههه

مزال واقفين بصح رانا كارهين

مزال صابرين بصح رانا يائسين

مزال باش نسوطيوا ما لقيناش الخير فاللي حاكمين

مرسي خويا مالك على الموضوع الزين تعرفني نحب النوع هذا من المواضيع قلبي ياكلني بويسك كي نشوف بلادنا كي ولات نزعف بزااف

 

[قلم مغرور]

بقدر جمالية حروفها و مستصاغ كلمتها فانها لواقع مؤلم
حياك الله على حروف تضحكنا رغما عن واقعنا

 

[*حزن النبلاء*]

هذا الرجل المختل الذي استوحوا منه "راني زعفان"
كان يكره الزجاج في واجهة المحلات ..
مثلا
مرا ضربنا فيترينا في باب عزون .. شغل الزجاج حب يتمحا ... صعقو ... و واش راح دير .. حاوزناه بالتي هي احسن ..
هادا واش كان يقلقو
هدا شهادة ليه كان مبتاسم بزاف
و قد ما سيينا نعرفوه منين جا و اما حي جا منو ..ماقدرناش ..حيلي بزاف !
ربي يرحمنا و الحمد الذي عافانا مما ابنلاه به ..يعني بقلب منكسر اقول هذا ..
و كاين ناس لي يعاونوه و يحبوه ..ما يآذيش قااع
بعد عليه الزجاج برك
............و شكرا لك تقبل مرووري

 

[Skor m@k]

السلام عليكم

اوووو يا سكر محروق أنت تليق تكون يوتوبور راك فوور تعرف تجيبها سوا سوا و الله هذي خير على تاع انس تينا ^^

و اخيرا رجعت تكتب و فجرت قنبلة هنا فالمنتدى

كول اللوبيا و لا الخبز واحد ما يسالك واشنوا حتى اللوبيا وغلات ههه

مزال واقفين بصح رانا كارهين

مزال صابرين بصح رانا يائسين

مزال باش نسوطيوا ما لقيناش الخير فاللي حاكمين

مرسي خويا مالك على الموضوع الزين تعرفني نحب النوع هذا من المواضيع قلبي ياكلني بويسك كي نشوف بلادنا كي ولات نزعف بزااف

وعليكم السلام
هههه وتعرفيني نكتب حاجة عيانة انا ههههههه نزوخ شويا ههههه
ايه حنا ناكلو كلش ماتهمنا حتى حاجة المهم مايقولوناش فوطيو هههه
وزيد حتى الياغورت كيما قالو وحسدونا فيه
حنا نولو نحسدوهم فاللوبيا مام راهي غاليا
ناكلوها زكارة مالgري مانحبوهاش هههههه
لالا حنا مانسوطيو مانتبعوهم حنا نعلاو فلعلالي ونحلقو مع العاليين
علبالي بلي يعجبك الموضوع هههه سورتو فيه القافية تخلاص كيف كيف هههههه
صحيتي فطوم​

 

[Skor m@k]

بقدر جمالية حروفها و مستصاغ كلمتها فانها لواقع مؤلم
حياك الله على حروف تضحكنا رغما عن واقعنا

أهلا أخي
رغم عدم جاذبيتها الهيكلية ولا الشعرية مي بلاك توصل حاجة
حنا هكذا مانحبوش نزعفو
لازم ليزالجيريان ديما فرحانين رغم كل الالم
هوما حبو الفرحة ينحوهانا ودخلونا القنطة ههههههه
صحيت خوو​

 

[Skor m@k]

هذا الرجل المختل الذي استوحوا منه "راني زعفان"
كان يكره الزجاج في واجهة المحلات ..
مثلا
مرا ضربنا فيترينا في باب عزون .. شغل الزجاج حب يتمحا ... صعقو ... و واش راح دير .. حاوزناه بالتي هي احسن ..
هادا واش كان يقلقو
هدا شهادة ليه كان مبتاسم بزاف
و قد ما سيينا نعرفوه منين جا و اما حي جا منو ..ماقدرناش ..حيلي بزاف !
ربي يرحمنا و الحمد الذي عافانا مما ابنلاه به ..يعني بقلب منكسر اقول هذا ..
و كاين ناس لي يعاونوه و يحبوه ..ما يآذيش قااع
بعد عليه الزجاج برك
............و شكرا لك تقبل مرووري

السلام عليكم
صح خويا عادل ايه حتى انا نعرفو هذا عاد يدور قدام دار ماني بزاف
صح هو ديما فرحان من الزعاف يجيه مرات ولا كي يهبلوه الناس ههههه
امين
ربي يحفظك خوو

 

[أم منيــــــر]

ما شاء الله يا وليدي مالك
تحية حارة جدا جدا جدا
هادا هو كلام ولاد الجزاير احفاد الشهداء و المجاهدين و لي يامنو انو الرزق من عند الله و كل واحد يتحاسب وحدو يوم القيامة
نورمالمو دير فيديو رايح يطلع مليون مشاهدة في ساعات لاخاطر هاد لكلام يهز الواحد و يفطنو من نومو
راقدين و يلومو لبلاد و لحكام و هما برا كاسي ما ينفعو لوالو و شفتهم قدام عينيا باش ما تقولوش راني نظلمهم
و لو كان حنا ملاح لو كان ربي اعطانا حاكم مليح يقولك كما كنتم يولى عليكم
انا صراحة ما عجبنيش لفيديو هاداك استفزني حتى انا ما قدرتش نكملو
ايه صح عندنا مشاكل بصح ماشي بهاديك المبالغة حتى انو فتح المجال قدام قنوات الفتنة باش قعدو يفتيو و يحلو و كثرو من بلا بلا
يعطيك الصحة مالك و الله توووووووووووووووووووووووووووووووووووووووووووووووووووووووووووووب اعجبني بزاف
​

 

[Skor m@k]

ما شاء الله يا وليدي مالك
تحية حارة جدا جدا جدا
هادا هو كلام ولاد الجزاير احفاد الشهداء و المجاهدين و لي يامنو انو الرزق من عند الله و كل واحد يتحاسب وحدو يوم القيامة
نورمالمو دير فيديو رايح يطلع مليون مشاهدة في ساعات لاخاطر هاد لكلام يهز الواحد و يفطنو من نومو
راقدين و يلومو لبلاد و لحكام و هما برا كاسي ما ينفعو لوالو و شفتهم قدام عينيا باش ما تقولوش راني نظلمهم
و لو كان حنا ملاح لو كان ربي اعطانا حاكم مليح يقولك كما كنتم يولى عليكم
انا صراحة ما عجبنيش لفيديو هاداك استفزني حتى انا ما قدرتش نكملو
ايه صح عندنا مشاكل بصح ماشي بهاديك المبالغة حتى انو فتح المجال قدام قنوات الفتنة باش قعدو يفتيو و يحلو و كثرو من بلا بلا
يعطيك الصحة مالك و الله توووووووووووووووووووووووووووووووووووووووووووووووووووووووووووووب اعجبني بزاف
​

أهلا ميمتي ان شاء الله تكوني بخير
والله حتى انا ماعجبني الفيديو هذاك
ماشي زعما واش قال هو ماشي صح مي واش قال عندو الحق فيه
مي بصح من المفروض كي يكون مشهور يدير حاجات لي تفرح وليد بلادو وطلعلو المورال
معلباليش واش يدير مي المهم حاجة تصلح ماشي ديما نبقاو نعايرو ونعايرو فالحالة لي رانا عايشينها
انا صح والله مانحوس وجامي حوست الدولة تعاوني وماشي قال عندنا دراهم ولا
الحمد لله انا وين عيطولي صحابي نخدم المهم تكون حلالية
علاه ماشي قادرين نسرقو ولا زعما نشيتو للدولة وندو دراهم هذيك ساهلا
مي شوف الى تكون فرحان شوفي الى تكلي الماكلا وانت مهنية
الانسان لي ديما يشكي من الاحوال انا مايعجبنيش
صح ماقلناش رانا عايشين مليح ولبلاد راهي مليحة
بصح لو بقينا نعسو فيهم وديما نتقلقو ونزعفو حنا لي خاسرين هوما ماخاسرين والو
انا مايهمونيش كامل والى بغا انا مانهمهمش المهم نكون فرحان
ولا واش قال ميمتي
ماشي كي تشوفي راجل وولادك وكل عائلتك فرحانة الى بغى يحكمها بوش ولا ساركوزي مايهموش هههههه
ربي يحفظك​

 

[*حزن النبلاء*]

السلام عليكم
صح خويا عادل ايه حتى انا نعرفو هذا عاد يدور قدام دار ماني بزاف
صح هو ديما فرحان من الزعاف يجيه مرات ولا كي يهبلوه الناس ههههه
امين
ربي يحفظك خوو

راك تعرف .. الشعب هادا مهبول و ما يطلقوش
ظالم و مظلوم فقير و في نفس الوقت يقلش روحو
شعب مهبول و يضحك على المهابل هه ربي يوفق

 

[sanaya]

هذا أروع جواب لذاك الفيديو نتاع راني زعفان
صح هما عايشين زاهيين وحنا نبكو
لا
راني فرحان
لازم لجان يخدمو ميتكلو على الدولة وكما قلت مش فرض يخدم فدومان تاعو واش فيها ولا بدا يبيع فالطابلة
ملازمش نتكلو على الدولة
لأنو رزقنا على ربي مش على الدولة شنو هو لازم نتخذوا الأسباب ونخدموا والباقي على الله
سلام

 

[*حزن النبلاء*]

يبقانا مشكل تاع الادارة و السبيطارات

ياو السلبطارات و ما أدراك
راهي كارثة عظمى .. تهدر مع دكانرة يقولك الله غالب .. ماكاش ماتريال
يارب ييسر للدولة هادي رجال يتهلاو في الشعب