مرت الدايم ....... راهي فالمنتدى شكون هو الدايم

[البحر الهادي]

هعهعهههخخههههع كنت علابلي انت ضحوك من نوع ما يحبسش كامل ههههه انت و @السحاب العابر راكم ما تقروا ما والوا تظلوا تقروا فالاولاد كيف تضحك كل دقيقة هههههه

وأنا علاه راكي تهدري فيا
واش مامنشرتش فيك
ولاراكي تحوسي على البلا
وكان ندخلك يالصحارية راهم يلقوك مشنوقة في المنتدى
@الصحافية الساخرة

 

[البحر الهادي]

أنا كيما الأاحوال الجوية نهار ونهار
مرات نضحك ومرات تقولي الليل راه عليا
التلاميذ كي يشوفوني داخل مشنف هذاك نهارهم يبقوا غير ساكتين يخافوا من الإعدام
وكي ندخل نتبسم يفرحوا لنهم ساعة تفوت عليهم مليحة
بصح في الخارج لي مايعرفنيش يهيبني

 

[ليليا مرام]

السلام عليكم
معك مرت الدايم اونبيغسون هههههه

وعليكم السلام أختي مريومة أهلا وسهلا
متشرفين والدايم وين خليتيه هههههه

صراحة أنا في حياتي ماش مهملة ولا نهون الأمور كل ظرف وردة الفعل تاعو ولكن ساعات تلقايني مانمدش حاجة لأكثر من حجمها
ربما تلقايني في الامور البسيطة لي الناس تشوفها عادي تغيضني ونبكي ليه ليه وحساسة بزاف بصح الامور الكبيرة لي بالاك
عباد مايتحملوهاش انا تجيني عادي ونضحك عليها، قادرة نمشي في الدار نلقى قدامي حنش نوض نضحك ههههه والله مني بالصح
قادرة نمشي نطيح نوض نضحك حتى لما تصرالي حاجة كبيرة نوض نضحك ماعلاباليش ربما كي نتشوكا نضحك الله أعلم


بصح قوليلي كي تلقاي عنكبوت واش ديري تضحكي من الهبال والدموع ههههههه بكا وضحك من الخلعة هههههه

نشفى عليها العام هادا الصباط تاعي تقطع ماعنديش واش نلبس وخرجت نشري صباط كي الفحلة كي روحت للدار مالقيتوش ههه
ماما وخالاتي قلبو الدنيا وكيفاه وراحلك وأنا شابعة ضحك ههههه قتلهم اذا ربي مكتبهولي راهو يرجعلي واذا ماش مكتبلي بصحتو
لي داه وعادي خلاص من وراها لقيتو عند مول الحانوت نسيتو عندو بعد

راني خايفة كاش مرة تنساي روحك فالحانوت هههههه
يا مريومة ضحكتيني أختي هذي نتاع ننسى أنا ما ننساش صوالحي مي مرات تتلفلي ندخل فحانوت نورمال
وراح نحكيلك مرة واش صرالي قالك فمرة دايخة نمشي وعقلي مش عندي خلاص نلقى حانوت ينزل فالكراسى من الطوابل ختك كالقافزة دخلت رحت لقيت طابلة قعدت اختك زعمى قافزة وعلاه انا شفت فالكونطوار وإلا حاجة والو السيد يشوف فيا من بعيد وراح يهدر مع صاحبو وانا بديت نتنيرفا هذا علاه ما قيمنيش ههههه
ومازال عقلي الباطن يتخيل راني فالبيتزيريا هههههه بداو رجال يدخلوا وانا قلت أو واش كاين غير رجال والنسا وين رهم وشوي اختك توي لعقلها ياو قهوة نتاع رجال واش نقولك يا مريومة تمنيت ربي يسخطني ونهبط تحت الأرض ههههههه حشمت مت وحكمني شلل ما قدرتش نوض من بلاصتي مزيا ماشي رجال بزاف جا ليا سيرفور قالي اختي كاش ما تحتاجي شفت فيه قتلوا يرحم والديك فوت معايا لبرا ياو حسبتها بيتزيريا هههههه قعد غير يضحك قالي وانا استغربت قلت واش بيها بلاك مريضة تريح بلاك حاجة قتلوا خف خف خرجت وراه واش نقولك نجر فالتبهديل ورايا قلعت اختك كالنعامة فالميكي هذاك نجري نجري من التبهديل هههههههه صحاباتي حكيتهالهم ماتو بالضحك قالولي كنت في غيبوية واشبيك هههه

اما لي مايحملش الضحكة في الدار أكيد انا فحلة وأرواحي احكي حاجة تضحك قدامي نتفكرها حتى بعد 20 سنة ونضحك عليها ههههه
ولاكان حاب تقضي عليا أرواح واحكيلي قصة تضحك ولا قولي كلمة تضحك في وسط القراية ولا في بلاصة مالازمش نضحك
خاطر علابالي نخليها هههه الله غالب الدمعة والضحكة مانقدرش نحملهم مستحيل

اختك فالجنازات جارتي يشوفوني يغلقو فمهم تقلي جارتي نشوفك جاية نبعد نعرف راح تعلقي بكاش كلمة ونكلاطي بالضحك ماتت جارتي ربي يرحمها وكنا حوالي 5 نسا كيفكيف ايا ما نعرف واش شفت وعلقت بكلمة ووحدة معانا هذي واش نقولك إذا قلعت وضحكت شكون يحبسها وتضحك واحد الضحكة هههههه وبقات هاكاك ما حبتش تسكت هههههههه انا مشيت وخليتها ولما رجعنا فالليل قتلهم الله غالب هي ضحكت انا خاطيني ههههه
بالنسبة للمواقف ماتفكرتش درك كاش موقف خلي نتفكر ونرجع خاطر متأكدة ألف بالمائة بلي عندي مواقف مضحكة
أما لي يضحكوني بزاف في اللمة هنا
@"viola" @Skor m@k هاد الزوج يقتلوني ههه وأكيد نتي بدون منازع ههههه وزيديلهم @الصحافية الساخرة وكذلك
@hakim story ساعات يقول واحد الكلمات يقتلني ضحك هههه
وكاين بزاف لي دمهم خفيف في اللمة غير تقرالهم تنحي على بالك، هيه تفكرت الأخ @قرصان الساحل تاني يضحكني صراحة
شكرا على الموضوع ليلوشة وربي يدوم الضحكة علينا وعليكم
راني نرجع مرة أخرى بإذن الله
تحياتي
​

ايه كاين بزاف أعضاء يضحكوني الصراحة وعندهم روح الفكاهة
ربي يحفظك مريومة وتحياتي لك

 

[ليليا مرام]

السلام عليكم
وعليكم السلام طمطوم واش راكي أختي
هههههههخخههههههه هاني بديتها ضحك بعد ههههه ياخي مصيبة انا عجبتني تاع لؤلؤة تعوم من الحشمة هههههه ،، ياااا انا نضحك فالليل ، فالنهار ، فالدوش ههههخخ نضحك كل وقت و هكذاك وحتى الضحك اصبح يزعج الغاشي رغم فوائده الصحية والمورالية هههخخخ ، والضحكة تاعي متفهمهاش كل ساع كيفاه تخرج معرف تتبدل كما الحرباء ههههه ساعات تخلع ، ساعات انا نعشقها تالمو تخرج باهية هههه ، حساب الحالة اللي نكون فيها ..
راكي كيما انا وين جات لما دخلوني غرفة عمليات تخيلي شعال من طقم طبي كاين بقيت نحكي مع الطبيب كانو البنات مداورين طبيبات ونتاع تخذير وبديت مع الطبيب نهدر وطيبي موالف معايا بصح اول مرة يطول فالهدرة معايا هاكا حتى رجع يقولهم رقدوها قتلتني بالضحك ماراحش نعرف نخدم هي تجي دير لبرة وانا نقولها إصري خليني نفرغ قلبي ههههههه بداو يضحكوا قاتلي طبيبة اول مرة تجينا حالة هاكا مش خايفة قتلها من واش نخاف راني مجاهدة البلوك هذا رجع كي دارنا ههههه
ومرات كيما قلت يطيح علينا البؤس ووليد عمو مي أغلب اوقاتي نضحك
وأنا من النوع اللي الى ما يقدرش ما يضحكش ، ونضحك حتى على روحي مرة شريت صباط جديد و عجبهم البنات حتى الدراري عجبهم المشكل بقيت حايرة ايا ولعشية كي راجعة للدار ديت طيحة بيهم قعدت نضحك كتر على صحاباتي هههههه ياو مكانش كيفاه ما تضحكش ذرع تضحك دوك تركب بيس و تجبد وحدة قاعدة قدامك مراية وماكياج وتبدا تعدل فالتشوهات و التصحرات ههههه انا تم نولي نضحك منحملش هههههه ولا كي نشوف واحد يداسر فوحدة وعڨابها يدير فرياضة الجري و يطبق كل مقالات كيف تقنع بنت باش تعطيك نيميروا تم انا نضحك في وجهوا ههههههه ونزيد نضحكها هي هههه ،، و بزاف مواقف ميقدرش الواحد يحكيهم هنا ههههخخهه ..
انا البارح عندي ما ضحكت على روحي غلطت فالسيد وغسلتو وكملت على الأمين والسيد هو خاطي كليت روحي وفالتالي مش هو تخيلي تفرغي زعافك فواحد وانت مش قاصداتو مسكين تخلع
اما ذوك اللي فالزنقة شوفي ساعات نشوف حالات نضحكلهم فوجههم الله غالب فمرة نشوف وحدة تمشي وهو رافد الصاك ويا ريت رافدو فيدو معلقوا فبلاصتها شوفي حتى تنيرفاو وانا نضحك نضحك وقلت في قلبي يا يمى وكاش ما يهدر هو وإياها واش ضحكت ذاك النهار هههههه فوجهم وإذا طاح واحد قدامي نقعد ونضحك حتى نبكي بالدموع هههههه تحكمني كريز نتاع الضحك ههههه
نرجعوا للي يضحكوني تبانلي الكل عندهم جنون خاص يخليني نضحك هههه واولهم أنتي يا ليليا كاارثة كي نقرى ردودك نضحك موووت .. وكاين صلاح حبشي ، لؤلؤة و مالك سكر محروق هذاك مهبول يقتلني ضحك ، شيماء و فيتامين وام راس يابس يضحكوني ديجا غير كي نشوفهم هنا نضحك وحدي .. بزااف الامين محمد المجرم ، بشرى المجنونة تان والله بزاف يضحكوني اللي نعرفهم الكل كما قمر الوادي و الازرق الملكي كي يرتفع عنده الهبال هههه و الورد الأحمر تضحكني بزااف عندها مصطلحات يضحكوني

واقيلا انا اللي راني نكتر ضحك ههههه مي معليه خلي نقلقكم

بدون منازع أنا إنت وصلاح وخونا حليم كي تكون المعزة سارحة والأمين ومديغتنا كي تبداهالك بونجوغ وسواغ يا حسراه هههههه
كيما قلت كامل عندهم روح الدعابة
ميرسي الزينة

 

[ليليا مرام]

انا الملك الحزين عندي وقت مضحكتش ولحد الآن لم أجد هنا من يضحكني أو يجعلني ارسم ابتسامة
عادي

السلام عليكم أختي لاريمان
حتى انا شفت وموالفة معاك ضرك نجيبها وراك وين تكوني ما عندناش حاجة يسموها الملك الحزين إضحكي يا طفلة ولو إتبسمي خاطر ما ندو منها والو

 

[ليليا مرام]

خخخخخ موا :X3: نضحك هههههه البكية ساعات و تخرجلي ضحكة الله يسترنا
يااخي روحي حلوة ليش النكد :p
و بما انك هدرتي على انواع الضحكات
كاين ثان هاذيك تاع الفيسبوك "ههههههههههههههه" الجماعة تحطها "ههه" تقول ادير مية و خمسينلف للحبة خخخ
سرح اخويا سرح ههههههه

السلام عليكم
ههههههههههه هذوك نتاع الفايس لما يبعث زوج حبات او ثلاثة كالمندرين راهم يحبو يبينو باللي راهم زعفانين وضحكوا ذراع

على كل الضحك بزاف مش مليح يجيب العين و الحسد نتا تضحك و سعدك صاد اللور و الناس تقول ايييه لباس بيه -__-

ايه مي يا أختي ما نقدرش نضحك على جال الناس تحسدني الناس حاسدة حاسدة ما نقدرش نتشنف الله غالب انا زدت نضحك ونبقى نضحك
و اذا مأمنتونيش سقسو جورج وسوف حيث قال في مطلع احدى قصائده :
*بيحسدوني لما بضحك
وبيقولولي آه يا بختك
ناس كتير حواليك تحبك وواقفة جنبك

بيحسدوني من بعيد
من غير ما حتى يقربوا مني يشوفوني
يشوفوا شايل ايه فى عيوني لما بضحك * :p



رحت ل ذو فويس كيدس اكيد
الله الله طرب رانا صدقناك ههههه

و شكرا
مرت الدايم3 مرت تزحلقت من هنا خخخ​

والدايم وين كان كي تزحلقت

 

[ليليا مرام]

ههه
خلاص مش مشكل ههه

في الحقيقة ... انا نحب نقسر و نحب نضحك و نبسط

بصح ياودي ... الحية راها مش طول ضحك ... كيما يقولك

شوية من الحنة و شوية من رطابة اليد ...الواحد مش يعطيها طول ضحك

و مش يعطيها طول تشناف حتى يديفورما وجهو

هذي هي ...

اما في المنتدى .. الي نشوفهم يضحّكو شوية ... كاين @الصحافية الساخرة ...

و كاين المتحدث ههه

و هذي هي ههه

راني مديت رايي ههه امالا ق ما تبدايش تشنفي ههه

ياخي حالة ياخي ههه
و
شكرا على الموضوع

​

حبيت نفهم علاه درتنا ورقة خضرا فالتوقيع زعمى غير انت عندك والا توحشت تشوفها
والله يا خونا ماشي دايما ضحك وماشي دايما الجنازة الواحد نص نص بصح ثاني الضحك يطول فالعمر شوف الناس اللي تضحك وعايشة كيفاه تلقاهم شباب ولو يكون كبير مي هذاك اللي دايم مشنف ولو صغير يبان شيخ إنسى الهم ينساك ومرات الجدية لازم فسوجيات كبار نص نص
ياخي حالة ياخي عليك يا الماترياليس تهدر غير عالدراهم
العفو ياخي

 

[ليليا مرام]

@ليليا مرام نههههههه ديراكت تضرب @habchisalaheddin المقصدر وجهو على المباشر ما تحشمش هههههه شح خلوني نضحك زيدو زييدو هههه

واش نستنى طمطوم ماشي مرات تقولي نعطيه بمقلى تيفال تغيضني المقلى غالية ههههههه

 

[ليليا مرام]

مرام ادير الموضوع

و @الصحافية الساخرة تقعد تبرّح ههههه

فطومة صاحبة الشيتة الذهبية

​

سبحان الله وانا كنت راح نمدهالك كي تضرب الشيتا للنسا وين يكونو
طمطوم تنازلت غضتها قاتلي الشيتا بالأصل من إختراع صلاح مديهالو ليه
تستاهلها ليزوم انت هههههه

 

[ليليا مرام]

هههههه هاني جيت مجنونة
انا في الدار يقولولي مهبول صح نضحك بصح مرات نكون مقلق يتمناو ضحكة هههه احم احم
في القسم انا نضحك والتلاميذ يضحكو هههه تقول رانا في مهرجان هههه
بصراحة حاب نقص شوية ضحك بصح ماقدرتش

سلام عليكم يونس
زعمى تتشنف عليهم ويتوحشو الضحكة وانت جايبها ارض ارض سور تكون باغي حاجة منهم تلعبها شفت كي فقتلك
مليح كي تكون تضحك مع تلاميذ مي مرات الأستاذ اللي طالق هبالو نحقروه
نقص شوي نقص وكيفاه ما قدرتش تقدر نورمالمو هههههه

 

[ليليا مرام]

السلام عليكم

وعليكم السلام

هههههههههههه آني نضحك مي في مود سيلونسيو
في الامور الجدية اكيد الانسان يحكم حدو مي كي كنت صغيرة شوي من درك
ضحوكية بزاف ومازلت ولكن نقصت شوي

انت من نوع كنت صغيرة تضحك وضر كبرت كرهو منك هههههه من تشنافك
تفكّرت وحد التبهديلة في 4 متوسط
كنا نقراو حصة فرونسي وقاعدة حدا صاحبتي
اذ بها هوووووووب طاحت من الكرسي ضحكوا كامل وانا بالدموع هوما سكتوا خافوا من (مسيو)
وانا ارواحي اذا قلتيلي اسكتي نضحك نضحك نضحك ومبعد سكت بيسك رجع المسيو يخزر معاي خخخ(من لافامي)

انا شوفي كنت نقرا نضحك ديركت الأستاذ يشوف فيا نقولو خلاص فهمت روحي ما تشقيش روحك نخرج وتخيلي كي نخرج نخلي الباب مفتوح ونطيح نضحك بصوت عالي نضحك نضحك نرجع الكلاصة من داخل تضحك يلحقني برا يعيط بلقبي نقولو واشن هاني نضحك برا الكلاصة وراح نهبط هاكا وتخيلي نقرا فالإيتاج التالي يقولي أدخلي تشوفي واسكتي هههههههه ساعات يغلبو ضحك نقولو واش ندير وفمرة أستاذة العربية هذي زعمى واعرة بزاف دخلت لابصة طالو وانا فقلبي طيحي يا بنتي خليني نستشفا فيك طيحي وعينك ما تشوف إلا نور وتنقلب وزيدي قريب للبيرو جات تحكم فالكرسي زاد طاح طاحت طيحة شينة وارواحي انا كنت نستنى فيها سكتو وختك كملت تنيرفات قاتلي اخرجي عليا برا قتلها كي ما تعرفيش تمشي بالطالو علاه تلبسيه هههههه داتني للمدير هو يقولي كيفاه تردي عالأستاذة هكذا قتلو يا شيخ شوف وليت نمثلو كيفاه طاحت ضحك هي بغات تموت بالقنطة وخرجت ضحك قالي انت مصيبة جيت نعاقبك ضحكتيني قالي طاحت هاكا قتلو اودي لوكان شفتها هههههه منين نتقكرها نموت بالضحك

مبعد سكت هو بدا فالدرس وانا انطلقت الله غالب وكان يقعد وراي ابنو الزهر هو تاني ماحبش يحبس ضحك
ومبعد تدريجيا بديت نهدى كملت الحصة بنوبات سيلونسية والحصة خلاصت والدموع رجعوا صاحبتي كانت بالرغم من انها المفعول به الا انها هي تاني واندمجت معاي صافي اندمجنا اكثر ههههه
تاني في حصة خلاف مع استاذ اللغة العربية الله يذكرو بخير ديما الحكايات معاه هايلين كان يحكيلنا حكاية
جو سيريو قلت فيها فالاخير حكمة هو كملها والقسم كل تفلق ضحك ومبعد سكتوا وبداو يهداو وانا الدموع طايحين غيرني ماقاعدة نايماجيني فوش حكالنا
قتلتني والله انا نكتب وانا نضحك بالدموع بعد هههههههههه
ومنقدرش ننسى ياودي اصبري كانت عمتي قاعدة وفجآة طآحت
وايماجينيو عمتي الامبراطورة كامل طاحت لحد الان وانا كلما نتفكر نضحك بالدموع عندها 11 سنة ولا اكثر الصباح برك حكيتهالها ههههههههه
وديما خوي يحكيلي حكايات يخليني نطرطق ضحك بالدموع ومنحبسش بعد الا بعد تهديدات كش واحد
ووحد لحكاية حكاهالي خالي راني في عامين نضحك كلما نتفكرها تاني
بزاف امور بسيطة تقتلني ضحك ربي يهديني خخخخخ

مرات شفت تكون زعفانة يجي خوك او طفل صغير يقتلك بالضحك انا بنت اختي 3 سنوات عندها مرات تقولي هدرة نبكي من الضحك

ربي يفرح قلوبكم وكما ضحكتونا ربي يزهيكم
بصّح لما نكون سيريو وماداراك الضحايكي كي يولي سيريو مرات والله تقول عندي انفصام في الشخصية هههههههههههههههه
شكرا ليليانا الله يعافيك ويبهج قلبك موضوع والله ضحكني هههه ^^♥
اني كون نتفكر هيستيريا ضحك نجي لهنا ♥ ان شاء الله



​

امين يا رب ويفرحك
هذيك كي نكونو ماشي ملاح والله وتشريها الضحكة ما تخرج ههههه
كي تحبي تضحكي ارواحي هنا ههههه
شكرا الزينة

 

[ليليا مرام]

أنا كيما الأاحوال الجوية نهار ونهار
مرات نضحك ومرات تقولي الليل راه عليا
التلاميذ كي يشوفوني داخل مشنف هذاك نهارهم يبقوا غير ساكتين يخافوا من الإعدام
وكي ندخل نتبسم يفرحوا لنهم ساعة تفوت عليهم مليحة
بصح في الخارج لي مايعرفنيش يهيبني

السلام عليكم أهلا الشيخ فرحات واش راك
وانت علاه الليل عليك غرقولك البوابر والا راحت المرا وخلاتلك الذراري نورمالمو تفرحو كي تخليكم المرا الحرية
مساكن التلاميذ شعال كنت نكره استاذ جاي مشنف تقول راح يمدنا كلية نتاعو انا محال نقرا عند واحد مطيح علينا السما نخلط فيه ولو يخرجني هههههه
الله غالب ومرات يدوني للمدير نقولو شوي ابتسامة راه دايرنا الرعب نفسيتنا تعبت هههههه يبغي يبكي المدير معايا هههههه
يا لطيف علاه يهيبوك لهذي الدرجة واشبيك بحبحها مستر دراكولا ما تدي منها والو

 

[ليليا مرام]

لحد الآن مالقيتش واحد يضحك كيفي ههه
ويضحك الناس ههه صحابي كي يمشو معايا يشبعو ضحك
خخخخخ بصح في النت ما زال ما كانش اللي يضحكني من غير مدرسة المشاغبين ووحد السيري نتاع ضحك freinds كنت نتفرج فيها
هههه الله يدوم ضحكاتكم وافراحكم​

السلام عليكم
انت صح هنا تسكت تسكت وكي تطرطق هههههه
ايه هنا حاجة ما تعجبكم لا نقاش لا حوار لا ضحك
قول لصحابك يشاركو فالمنتدى بلاك يعجبهم الأسلوب ويضحكو ههههه انت تضحك بالمعرفة
آمين ويدوم ضحكتك حكيم خويا

 

[ليليا مرام]

هههه مرسي موضوع هايل
أنا توجور نضحك والله الحمد لله لتجي ضحكني ههههه وأكثر ناس يضحكوني في المنتدى أنت وصلاح هههه

السلام عليكم أختي صفاء اهلا وسهلا العفو ميرسي ليك
تسلمي يا رب حتى انت مش قليلة كي تبداي وخاصة مع صلاح نبقا نقرا ونضحك
ربي يحفظك

 

[البحر الهادي]

السلام عليكم أهلا الشيخ فرحات واش راك
وانت علاه الليل عليك غرقولك البوابر والا راحت المرا وخلاتلك الذراري نورمالمو تفرحو كي تخليكم المرا الحرية
مساكن التلاميذ شعال كنت نكره استاذ جاي مشسنف تقول راح يمدنا كلية نتاعو انا محال نقرا عند واحد مطيح علينا السما نخلط فيه ولو يخرجني هههههه
الله غالب ومرات يدوني للمدير نقولو شوي ابتسامة راه دايرنا الرعب نفسيتنا تعبت هههههه يبغي يبكي المدير معايا هههههه
يا لطيف علاه يهيبوك لهذي الدرجة واشبيك بحبحها مستر دراكولا ما تدي منها والو

سي دوماج وكان قريتي عندي تكوني أول المنتحرين
ماتخافيش كلهم يحبوني
وانا كي يكون الدرس واعر نزيد نشنف
هههه

 

[ليليا مرام]

أنا نضحك بزااف بزاااف بزااااف
و نحب نضحك و نقسر و من النوضة عندي المزاح و تمسخير ماعنديش نوض مشنف نونو
الحداد ما عنديش
مثلا مرة إمام يدير في درس و أنا جالس أمامه
بقى يحكي على إبليس و من كثر ما تكلم كان يقول إبليس عليه السلام ما قدرتش نشد الضحكة و بقى يشوف فيا ما فهم والوا
و أنا حاط راسي قريب نطيح بالضحك حتى صححله واحد و قال ليه يا شيخ راك تقول إبليس عليه السلام و حنا عندنا نقولوا إبليس الملعون هههههههههههه
فضحك كل من في المسجد و جاتني فرصة في هاديك الفوضى فرغت كل الشحنة نتاع الضحك بعدها قال الإمام و أنا نشوف في الأمين يضحك
قلت السيد راه تمس قاعد يضحك وحده ههههههههههههههه

في اللمة كاين المهابل بزاااف بزاااف و كلهم يخلوك تضحك أمس ضحطت بزااف على @ليليا مرام @الصحافية الساخرة بسبب خطأ من ليليا
و بدأت الرسايل تتهاطل عليأ و هي تصرخ و تعيط و منبعد لقات روحا غالطة و الله ضحكت حتى سالت دموعي
بلا ما ننيسى @habchisalaheddin ملك الفكاهة في اللمة يخليني نظحك في كل وقت حتى ردوده و هو جاد تضحكني

السلام عليكم الكحلوش السمينة
ياحي ما تفقكرنيش يا امين تقول كنت كومة ياحي واش درت انا خلطتها شرق وغرب علبالك انت راساتك السيد راسلتو كليتو ههههه ما فهم والو وبعدو لما انت رديت نقرا حتى فهمت باللي مش هو واني حذفت الرد وحطاتو هو ذاك البنادم ههههههههههههههه ياحي طمطومة ما فهمت والو ههههه جامي ننساها ولقيت روحي كاتبة واحد الحروف من لينير نكتب رابيد ما عرفتش كامل واش كنت نكتب هههه
اما هذي بليس عليه السلام ههههههههههههههه انا لو فالجامع من جهة النسا يسمعني نضحك هههههه يقولي صوت المرأة عورة نقولو اسكت يا الأعور وبليس عليه السلام ههههههههههههه
مزية جات لوكازيو وين فرغت الضحك ههههههه
ايه تخيلتني نصرخ ونعيط ههههه شفتني كي نتقلق كيفاه نولي هههههه
ايه صلاح تبارك الله فمو مشرك يسرط سيمي يضحك ويضحك اللي حولو وربي يجعلهالو في ميزان الحسنات
ميرسي الكحلوش

 

[ليليا مرام]

سي دوماج وكان قريتي عندي تكوني أول المنتحرين
ماتخافيش كلهم يحبوني
وانا كي يكون الدرس واعر نزيد نشنف
هههه

نونونو نورمال تحب نجي نجرب
قريت عند استاذ مسمينو هتلر دكتاتوري واعر واعر قالولي شوفي تضحكي كامل الأساتذة وتقباحي عندهم هذا يدير فيك رايو قتلهم فونس اعطوني سمانة في يدي
هههه خرجني 3 مرات وداني مرة للمدير في ذيك السمانة ههههههه التالية كامل قعد يشوف فيا فالكلاصة وضحك واول مرة يشوفو سنانو ويا ريت ما ضحك من زاد ما غسلهمش هههههههههههههههه قالي يا طفلة كالمي روحك عيتيني هههههههه بديت نصفق قتلو يا استاذ واخيرا ضحك هههه رانا والله حسبناك ما تعرفش تضحك صدقني رجع يقسر معانا ويضحك ولقينا قلبو بيض بزاف هو برك يبان هاكاك
صاحباتي قالولي قريب نصرعنا علاه ضحكتي جدو هههههه ما نحكيلكش الفرارة اللي خرجت من فمو ههههههههههههههههههه كمي نتفكرو
بصح مسكين هايل
يعني تقباح على حساب الدرس
انا ما نقدرش نقرا عند استاذ تقول قتلنالو مرتو نونونو نورمال يديني للمدير نزيد انا نشكي ونبكي انو دايرنا الرعب ههههه

 

[ليليا مرام]

حبيت الموضوع

الضحكة اللي لما تتزكر شي سار معك وتضحك بوقت ومكان غير مناسب..متلا بنص المحاضرة

موقف محرج صراحه وبيسر معي كتير

مشكورة عالموضوع^_^

سلام عليكم أختي آمال نورت الموضوع والموضوع حبك
انت تضحكي وقت المحاضرة ههههه راكي جزائرية املا هههههه
هي مواقف محرجة كارثة خاصة لو جنازة او درس وتضحكي ذيك الضحكة المستفزة للأستاذ هههههه
العفو الشكر لك

 

[البحر الهادي]

نونونو نورمال تحب نجي نجرب
قريت عند استاذ مسمينو هتلر دكتاتوري واعر واعر قالولي شوفي تضحكي كامل الأساتذة وتقباحي عندهم هذا يدير فيك رايو قتلهم فونس اعطوني سمانة في يدي
هههه خرجني 3 مرات وداني مرة للمدير في ذيك السمانة ههههههه التالية كامل قعد يشوف فيا فالكلاصة وضحك واول مرة يشوفو سنانو ويا ريت ما ضحك من زاد ما غسلهمش هههههههههههههههه قالي يا طفلة كالمي روحك عيتيني هههههههه بديت نصفق قتلو يا استاذ واخيرا ضحك هههه رانا والله حسبناك ما تعرفش تضحك صدقني رجع يقسر معانا ويضحك ولقينا قلبو بيض بزاف هو برك يبان هاكاك
صاحباتي قالولي قريب نصرعنا علاه ضحكتي جدو هههههه ما نحكيلكش الفرارة اللي خرجت من فمو ههههههههههههههههههه كمي نتفكرو
بصح مسكين هايل
يعني تقباح على حساب الدرس
انا ما نقدرش نقرا عند استاذ تقول قتلنالو مرتو نونونو نورمال يديني للمدير نزيد انا نشكي ونبكي انو دايرنا الرعب ههههه

راكي غالطة
هههههه ربما نزكي روحي لالا
نوريلك النجوم في النهار
ههه
أنا مانخرج التلاميذ من الباب نخرجهم من النافذة ههه
ونزيدك نحكمها من الشعر نصلح بيها الأرض مانديهاش للحراسة ولاالمدير
ههههه

 

[ليليا مرام]

السلام عليكم
هانييييي جيييييت نسيتوني آه ليلوش واش راكي صحتك لاباس غاية ؟

وعليكم السلام بيبيشا واش راكي توحشناك
الحمد لله اختي تعيشي وانت واش أحوالك

المهم انا في الواقع اذا بديت نضحك منحبسش و المشكل نبدا نمشي و نتعوج من الضحك و المواقع قليل برك تفكرت موقف صرالي كنا مع خالي في الطوموبيل حبست بينا في الطريق و كانت رايحة تشعل و ننحرقو المشكل مش هنا المشكل خويا حكالي نكتة قسمبله متضحك طول سامطة و انا بديت نضحك بالدموع

والله يا أختي الطونوبيل راحا تنحرق وانت طايحتها ضحك ههههههه قوليلي ردة فعلف نتاع خالك كيفاه ههههه
هذيك انا جارتي مدابزة مع راجلها استاذة واستاذ وبدات تعايرو بدارهمها اللي يديهملها كل شهر وانا شوفي نضحك نضحك نتمرغ من الضحك كي خرج شافني انا الأولى نضحك هههههههه رجع للدار دقدقها ههههههههه زعاف اني كنت نضحك عليهم وانا واش دخلني هو وإياها متعايرين صوتهم خارج لبرا هههه

مزية صراولي مواقف كي كنت صغيرة دوك بطلت صايي رجعت نضحك سيلونسيو بصح مزالني كي تشدني ضحكة نتاع الصح نبدا نتعوج كي نبدا مع صحاباتي نهدر و صايي نلقاهم يطيحو على بعض من الضحك نحير في روحي يقولولي تباني سيريو بزاف مي في الصح لا لا ببساطة ضحايكية بزاف احم احم
في اللمة كاين ليلوش B1 sur @ليليا مرام و @"viola" la" هاذي ندخل لمدونتها خفية:p و لي نحسها تضحك و خاطيها الحداد و الزعاف @لؤلؤة قسنطينة :Love: بزاف بزاف اعضاء ربي يحفظهم ان شاء الله

ايا طلة خفيفة برك ربي يدوم ضحكتكم ان شاء الله
يعطيك الصحة ليليا
دمتم بخير
سلام :Love:​

طلة نتاعك عجبتني ههههههه راحلك التعواج رقيتي ههههههه
ميرسي الفحلة وطلي علينا ما تخليناش نتوحشوك سلام