الاعتداء على أطباء في كوكب الجزائر

[ليليا مرام]

واش نڤولك ربي على الظالم مهما كان
انا ما فهمتش اذا ما تتحلاش بأخلاق طبيب ماكان لاه تشوه المهنة وتتخرج طبيب اصلا أخدم جزار خير .
وخاصة هذا اللي الناس تستنا فيه وهو يتكيف يعني نحا ربي من بالو ونسا بلي ربي يحاسبو وقادر يڤلبو هو مريض يستاهل الدوا
لا حول ولا قوة الا بالله العلي العظيم
هذا اكل الدولة اللي لا رقابة لا قوانين مطبقة
ما نڤولش الله لا تربحهم لانهم اصلا ميش رابحين فيها والو
الله يسڤم البلاد ويهدي طبتها ويخافو ربي فالعباد آمين
ربي يصبرك ختي ويشفيك ويسهلك امورك وين تروحي أمين يا رب العالمين
ربي يفرج نشالله​

صباح الخير خويا حليم يومك مبارك
ربي وكيلهم انا اللي شفتو فسبيطار دويرة العجب ومش انا برك نشوف ناس هناك ننسى روحي الزوالي كيفاه يستحڨروا بيه ما علابالهمش بايت يمشي كرا طاكسي بايت برا ويقولو روح طبيب راه فالعمليات رونظيفو اخر يماركوهولو ويروح والطبيب قاعد فالجاردا داير ڨارو وهذي ناحاسب عليها قدام ربي شعال من مرة نروح نحوس عليه اما يڨسر إما يدور ولما يجي يفوت التشناف ويخبط فالبيبان ويشوف ثلاث او ربعة ويخرج من باب آخر يا حسراه لو ندي كاميرا نصور العجب
وخلي وخلي الداخل كي تكون أوسبيتاليزي من العمليات طبيب ما تويدش تشوفو واحد يومين انا لما درت عملية الأخيرة كيما طحت لما فطنت والصطر كنا فرمضان يمى معايا وانا نعيط من الصطر تخيل منين راحت جابت الفرملي اللي نورمالمو غارد عالإنعاش من قهوة قدام السبيطار يشرب فلاتاي ويڨسر معناها اللي يصراولو اعراض ورا العملية يموت ومكانش طبيب لاغارد بالتلفون لو حالة مريض زادت يعيطولو ديرولو شكة الفلانية وخلاص
اودي وكيلهم ربي انا ما يغيضونيش قالك حقوق وخؤجو لاغريف ياخي حالة
ربي يحفظك خويا آمين الله يشفي كل مريض ويتحاسبو قدام ربي عالناس هذو

 

[rycerz]

الطبيب و الممرض أكثر مهمتهم هي خدمة المواطن البسيط .. المواااااااااطن البسيييييييط .. و لهذا لا يهتمّون بهم و لا يقدّرونهم .. كما عهدنا ذلك في الكثير من السياسات القذرة المطبقة على كل ما يخص الأمور و المجالات التي تخدم المواطن البسيط.
-
تحليل الموضوع من أساسه يستدعي جر كامل الملفات السياسية و التاريخية و حتى الأنثروبولوجية (أقصد بالملفات الأنثروبولوجية هو حقيقة التركيبة الذهنية و الأخلاقية للشعب و تأصلها فيه .. فالشعب له اليد الطولى في تحديد شكل و نوع الحكم و كذا الحاكمين الذين يركبون رأسه - كما نكون يولّى علينا -)​

 

[ليليا مرام]

حبيبتي @ليليا مرام والله نحس بيك و الي تقوليه صحيح كاين كيما راكي تقولي و يمكن أكثر لكن التعميم هو الخاطئ في الأمر....
نحكيلك حكاية و احكمي:في ليلة من ليالي كنت بايتة garde في service de la réanimation مع les résidents في الاستعجات و كامل القاعات occupées جاتنا طفلة في عمر 8 سنين و كانت في حالة crise cardiaque و يدها مكسرة و محروقة المهم احنا بطبعنا تخدمي معاها على la crise و تبعثيها l service de pédiatrie يكملوا معاها لانوا خدمتهم عيطنالهم قالك منحكموهاش معندناش البلاصة تقابضنا معاهم قالك الله غالب...زدنا عيطنا ل service d'orthopédie مهزوش علينا اصلا...المفيد تحتمت عليها نخرجوا واحد من المرضى الي حالتوا stable باه نحكموا الطفلة ولينا عيطنا لاهل المريض لاخر و كي جاو قلبوا علينا service كيفاه يخرج عيينا نفهموهم بلي او لباس خرجناه لانوا لازم طفلة تدخل اي قريب تموت و صدقيني أداوه و شكاو بينا....
من القصة تفهمي مليح بلي صح كاين و كاين مي مزال في الدنيا خير

السلام عليكم نهارك مبروك جميلة
راكي قلتيها بنفسك أختي انتوما خدمتو باللي عليكم وعيطتو وما حكموهاش برغم انها خدمتهم هاكي قلتيها بنفسك وملنيش غالطة انا مارانيش نقول ڨاع لالا مي الأغلبية شفت أطباء متحملين المرضى والمسؤولية وقايمين بيها مي الأغلببة ومرات تلقاي فرامل فيهم الرحمة ومرات تقوليهم جاو من إسرائيل انا الدويرة هذي شوفي لو نخير اربع او خمس فرامل نعرفهم من اول عام طحت فيهم نختاج شي نروح ليهم يجرو معايا راحو معايا للسيرفيس قالولهم دخلوها واحنا نقومو بيها لما دير عملية دابزو في بعضاهم وقالك شاف ميدسا قال اغلقو سيرفيس ما تشدو حتى مريض وكامل حالات مستعجلة وأكثر مني انا لما كثرت معاهم الحس قالي راكي مقلقة روحي للبريفي ديري البروش برا والا لازم تتكسري باه تجي للإستعجالات وهناك يا ريي كان حكموك كل واحد يجري على مصلحتو والزوالي يخلص
الله يهديهم المواطن هو اللي يدير اضراب والمريض هو اللي يحتج على واش راه يسوفري
بارك الله فيك أختي والله يهديهم

 

[ليليا مرام]

25 % من أطباء فرنسا جزائريون 5905
مجلس نقابة الأطبّاء الفرنسيين
2500 طبيب جزائري في أمريكا الشمالية كندا
15 الف كادر طبي موزع في السعودية والامارات وقطر
10 الاف طبيب جزائري موزع في اوروبا
احصاءات ل2015
(ولا أحد إشتكى من ضميرهم الإنساني)
الا في الجزائر الكثير لا يكره الفساد بل يكره عدم المشاركة فيه​

السلام عليكم أختي
احترامي ليك كطالبة طب ولازم دافعي على تخصصك مي انت في قرارة نفسك عارفة كلامنا صح ماكانش ضمير الا من رحم ربي وهذا مش كلامي برك ولا كلام اللي فالمنتدى اخرجي للشارع وسقسي وماكان لاه نقولك روحي للسبيطار انت تقراي وممكن راكي فالتربص ما تقدريش تشوفي من عين المواطن
اللي تحمي عليهم فالخارج ما يقدروش هناك يتعاملو مع المريض كيما هنا هناك مراقب يتحرك حركة يجيبوه برا اصلا ما يعتبروهش طبيب لو أهمل صحة مريض وما قامش بيه يعواجو هنا لا حسيب ولا رقيب وناسين انو ربي هو الرقيب والحسيب ونرجع ونقولو الا من رحم ربي مي اللي عندهم ضمير قلال بزاف هذي حقيقة
الفساد مش غير فالطب برك راه فكل شي لكن اي قطاع بالنسبة ليا ما يهمش قد التلاعب بصحة المريض ومش نجيب فكلام من فراغ درت اغلب سبيطارات البلاد وفت عند كبار الأطباء العقلية هي هي والضمير هو هو حاشاقلال برك وم بلمريض ويجري ويتهلى
على كل حال اختي ربي يوفقك في خدمتك اللي هي خدمة إنسانية

 

[rycerz]

صباح الخير ليليا .. و صباح الخير لجميع اللمّة​

-

صباح الخير خويا حليم يومك مبارك
ربي وكيلهم انا اللي شفتو فسبيطار دويرة العجب ومش انا برك نشوف ناس هناك ننسى روحي الزوالي كيفاه يستحڨروا بيه ما علابالهمش بايت يمشي كرا طاكسي بايت برا ويقولو روح طبيب راه فالعمليات رونظيفو اخر يماركوهولو ويروح والطبيب قاعد فالجاردا داير ڨارو وهذي ناحاسب عليها قدام ربي شعال من مرة نروح نحوس عليه اما يڨسر إما يدور ولما يجي يفوت التشناف ويخبط فالبيبان ويشوف ثلاث او ربعة ويخرج من باب آخر يا حسراه لو ندي كاميرا نصور العجب
وخلي وخلي الداخل كي تكون أوسبيتاليزي من العمليات طبيب ما تويدش تشوفو واحد يومين انا لما درت عملية الأخيرة كيما طحت لما فطنت والصطر كنا فرمضان يمى معايا وانا نعيط من الصطر تخيل منين راحت جابت الفرملي اللي نورمالمو غارد عالإنعاش من قهوة قدام السبيطار يشرب فلاتاي ويڨسر معناها اللي يصراولو اعراض ورا العملية يموت ومكانش طبيب لاغارد بالتلفون لو حالة مريض زادت يعيطولو ديرولو شكة الفلانية وخلاص
اودي وكيلهم ربي انا ما يغيضونيش قالك حقوق وخؤجو لاغريف ياخي حالة
ربي يحفظك خويا آمين الله يشفي كل مريض ويتحاسبو قدام ربي عالناس هذو

.. لا حول و لا قوّة إلاّ بالله
نتساءل .. حنا مسلمين صح ؟؟ .. حتى وجعني قلبي وانا نقرا واش عدّيتي معاهم ..
و تلقى هاذي العقلية قريب في كامل الميادين .. الإدارة .. التجارة .. الخدمات .. برّا فالطرقات و الساحات .. و مع الراسة نتاعنا تصرالك أمور ماهيش مليحة حتى فالمساجد .. هذا تماما واش كنت نقصد بالتركيبة الذهنية و الأخلاقية نتاعنا كشعب (حاشى الصالحين) .. واش تقول واش تخلّي
أنا واحد العام منذ سنوات صراتلى حادثة ، و بعد ما فوت عند طبيب دارلي رسالة باش نتابع حصص علاجية في مستشفى مختص بإعادة التأهيل (kinésithérapie et reéducation fonctionnel) رحت و أول ما قرّبت لبوابة المستشفى نشعني العساس و قالي : آآآآي وين رايح بلعقل أرواح منّا (هاذي الأولى) ، و بعد ما دخلت توجهت زعما للإستقبال .. قعد يشوف معايا تقول شاف عدو .. وانا بالوجع و القلقة .. شاف الرسالة و شوّرلي بيدّو باش نروح من هنايا .. رحت وانا ماني فاهم فيها والو تقول دخلت للمعتقل .. و من بعد وصلت للمصلحة المختصّة و بعد طول انتظار (عذاب) دخلت لطبيب شاف الرسالة و كاشالي فيها و قالي روح للصالة منهيه (ماشاف معايا مادارلي فيزيت ما سقساني على حالتي ما والو) و أول ما طلّيت على الصالة الله يبارك ما شاء الله ماتريال و فينيسيو بالملاليير الملايير .. و فالصالة فالزاوية لهيك قاعدين يجي 20 طفلة (زعما تقنيات فالصحة) قاعدين للشياخة و الضحك على طولهم تقولهم في عرس .. تشوف وجوههم تقول حاشاكم تاع لي ديما سارحين فالزنق زمان الصيف .. شدّو عليا الرسالة و قالولي أرجع الأسبوع القادم .. الأسبوع القادم لمّا رجعت ما لقيت معامن نهدر .. لي نقدّم ليها نسقسيها تقولي ما نعرف شوف مع لوخرا أنا ماعلاباليش .. من ثم فهمت القالب و لمّا درت و جيت خارج نسمع فيهم يضحكو عليا !!!! و بكل لؤم .. وانا خارج بالوجع نمشي و نعرج بسبب الحادثة ... بواحد الإحباط و الأسى لا يمكن تصوّره .. كاشما بقات هدرا ؟؟؟
الدولة صرفت مئات الملايير و الملايير على هاذاك المستشفى و فالأخير يجو يخدمو فيه صنف يا لطيف و يرجعو يطردو المرضى و يتمسخرو بيهم
من هاذيك ما رجعت لا للسبيطار و لا للطبيب و لا زدت شريت دوا إلى يومنا هاذا .. ديسيديت نموت واقف و ما نزور لا طبيب و لا سبيطار.
و من هنا تعرف علاش قعدت فرانسا ترفس فينا 132 سنة و الترك يعفس فينا 300 سنة و الرومان يقتّل فينا 400 سنة .... إلخ من نكسات عبر التاريخ.
--
(فقط فالأخير يجب التنويه و أن لا ننسى أنّو كاين بعض الأطباء و الطبيبات و الممرضين و الممرضات و عمال و عاملات .. ما شاء الله ربّي يجازيهم .. أخلاق و تفاني في العمل) ​

 

[ليليا مرام]

صباح الخير ليليا .. و صباح الخير لجميع اللمّة​

-

صباح الخير خويا يومك مبروك ان شاء الله

.. لا حول و لا قوّة إلاّ بالله
نتساءل .. حنا مسلمين صح ؟؟ .. حتى وجعني قلبي وانا نقرا واش عدّيتي معاهم ..

هذا ربع ومازال نهار طحت جاو حماية رفدوني فالدار رجلي مقسمة ظاوني سبيطار وين نسكن وهو مش نتاع عظم ما حبوش يهبطوني لدويرة قالك مش منطقتنا كي شغل انا جيت لاجئة وبلاك هناك يتهلاو فيا وصلوني راديوات وكل حركة نعيط لربي اللي خلقني بعدو قتلو ليمى هبطيها لدويرة لومبيلونس مامانش اديها انت الحماية عاونوي بلاتال شدولي بيها رجلي رحت فطونوبيل نتاع راجل اختي ضيقة واش نقولك واش صار فيا لما وصلوني للدويرة انا رجلي مقسمة وطلعتلي بالجنب جابو كرسي قالها ما عندناش بلانكاغ داوه كيفاه ينزلوني من طونوبيل فكرسي ناضت يمى تعيط دارتلهم الحس جابو بلانكاغ وخلي خلي بزاف صوالح
وضرك رجلي مكسرة الثانية راهي شادة بمعجزة من ربي نورمالمو ندخل ايرجو راني شهر ودوا ندخل سيرفيس اخر على ظهري بداو فقرات يمرضو ربع شهر نروح ونولي نشكي ووالو
و تلقى هاذي العقلية قريب في كامل الميادين .. الإدارة .. التجارة .. الخدمات .. برّا فالطرقات و الساحات .. و مع الراسة نتاعنا تصرالك أمور ماهيش مليحة حتى فالمساجد .. هذا تماما واش كنت نقصد بالتركيبة الذهنية و الأخلاقية نتاعنا كشعب (حاشى الصالحين) .. واش تقول واش تخلّي
أنا واحد العام منذ سنوات صراتلى حادثة ، و بعد ما فوت عند طبيب دارلي رسالة باش نتابع حصص علاجية في مستشفى مختص بإعادة التأهيل (kinésithérapie et reéducation fonctionnel) رحت و أول ما قرّبت لبوابة المستشفى نشعني العساس و قالي : آآآآي وين رايح بلعقل أرواح منّا (هاذي الأولى) ، و بعد ما دخلت توجهت زعما للإستقبال .. قعد يشوف معايا تقول شاف عدو .. وانا بالوجع و القلقة .. شاف الرسالة و شوّرلي بيدّو باش نروح من هنايا .. رحت وانا ماني فاهم فيها والو تقول دخلت للمعتقل .. و من بعد وصلت للمصلحة المختصّة و بعد طول انتظار (عذاب) دخلت لطبيب شاف الرسالة و كاشالي فيها و قالي روح للصالة منهيه (ماشاف معايا مادارلي فيزيت ما سقساني على حالتي ما والو) و أول ما طلّيت على الصالة الله يبارك ما شاء الله ماتريال و فينيسيو بالملاليير الملايير .. و فالصالة فالزاوية لهيك قاعدين يجي 20 طفلة (زعما تقنيات فالصحة) قاعدين للشياخة و الضحك على طولهم تقولهم في عرس .. تشوف وجوههم تقول حاشاكم تاع لي ديما سارحين فالزنق زمان الصيف .. شدّو عليا الرسالة و قالولي أرجع الأسبوع القادم .. الأسبوع القادم لمّا رجعت ما لقيت معامن نهدر .. لي نقدّم ليها نسقسيها تقولي ما نعرف شوف مع لوخرا أنا ماعلاباليش .. من ثم فهمت القالب و لمّا درت و جيت خارج نسمع فيهم يضحكو عليا !!!! و بكل لؤم .. وانا خارج بالوجع نمشي و نعرج بسبب الحادثة ... بواحد الإحباط و الأسى لا يمكن تصوّره .. كاشما بقات هدرا ؟؟؟
الدولة صرفت مئات الملايير و الملايير على هاذاك المستشفى و فالأخير يجو يخدمو فيه صنف يا لطيف و يرجعو يطردو المرضى و يتمسخرو بيهم
من هاذيك ما رجعت لا للسبيطار و لا للطبيب و لا زدت شريت دوا إلى يومنا هاذا .. ديسيديت نموت واقف و ما نزور لا طبيب و لا سبيطار.

والله صرالي كيما انت بالضبط قالي ديري ريدوكاسيو باه نوقف ونقدر نمشي بعكاز واحد والجونو تبلوكا دخلت لاصال كوري نتاع الجاج ما بدلوش الماشينات من عشرين سنة وحدة تبعث فيا لوحدة حاكمين برتابل والعلك وتڨسر وانا واقفة قاتلي آآآ رانا كومبلي فوتي منين ذاك نشوفولك بلاصة هذي طبيبة ما شافتني ما قرات البرية ما والو طلعلي الغاز قتلها وانت علاه جابوك هنا تسرحي بالمعيز قلبت علبه الدنيا عايرتها حتى شبعت قطعتلها البرية
رحت للبريفي 60 الف الساعة نهار عندي ندير ما عنديش ما نديرش هذي هي بلادنا وهذو اللي واسمهم أطباء وزبد لاغريف يضحكوني والله شكون من حقو يدير لاڨريف وقالك ضمير إنساني

و من هنا تعرف علاش قعدت فرانسا ترفس فينا 132 سنة و الترك يعفس فينا 300 سنة و الرومان يقتّل فينا 400 سنة .... إلخ من نكسات عبر التاريخ.
--
(فقط فالأخير يجب التنويه و أن لا ننسى أنّو كاين بعض الأطباء و الطبيبات و الممرضين و الممرضات و عمال و عاملات .. ما شاء الله ربّي يجازيهم .. أخلاق و تفاني في العمل) ​

اكيد مش كامل كيفكيف كاين اللي يخافو ربي ويخدمو بضمير كاين فرامل نعرفهم هناك والله عيطتلو فالليل من دارو جا ماكانش طبيب فرمضان والصطر والله جا خدم لاغارد مع انو مش ليلتو حللتو قتلو مرضى راهم بالصطر وسيرفيس فارغ قتلو بغيت تربح مع ربي ارواح والله جا ودار الدوا للمرضى تخيل واحد مكسر من حوض وواحد اكسيدو طونوبيل وعجوز الحوض مسكينة تعيط لربي وانا رجلي مقسمة وكنت فحالة فام دوميناج هي تجي تشوف سيروم وتروح وفالليل الطباخة جات مسحت يديها وجات تشوفلي سيروم قنلها روحي نعرف نريڨليه وحدي والله راه عندي فيديو صورتو
اودي نكره ذاك السبيطار مي ما عنديش حل ضرك قالي تقلقت روحي للبريفي 12 مليون ديري مسمار يعني دراهمك يلعبو
ربي وكيلهم من عندي
ربي يحفظك خويا

 

[بشرى ملاك]

انا بغيت نفهم حاجة برك مين هادو ڨاع اضراب ومسيرة وڨاع شكون لي بقى باش يداوي المرضى ولا يموتوا??????

 

[ليليا مرام]

انا بغيت نفهم حاجة برك مين هادو ڨاع اضراب ومسيرة وڨاع شكون لي بقى باش يداوي المرضى ولا يموتوا??????

بريفي بشرى ما يغلقوش الدراهم فاللعب نفس الطبيب لو ما عندوش عيادة يدير لاغريف مي عندو كابيني والله ما يدير لاغريف خاطر يدخلهم
المرضى عندهم دراهم يداوي ما عندوش يروح يموت ويقولك اطباء وضمير وهوما فالخارج راهم قايمين ينساوها هذي لا فالإنسانية ولا فالتعامل انا مرضت فالترك فالفندق وقبلها بيومين كنت درت تحاليل فميتشفى تقسييم الالماني بعدها الطبيب شاف اني ما رجعتش اتصل بالفندق جاو شافوني قالولو راهي مريضة جا بالإسعاف داني للسبيطار هذاك واحد المعاملة ما نحكيلكش وما خلصوش عليا برغم انو بريفي لانو اعتبرو انفسهم هم السبب واما نحاولي ڨريفا يعيروها صرالي هاكذا وزيدي سبيطار حكومي رحت ليه نتاعهم راسي دار من واش سفت ما تلقايش لاشان ولا مريض مرمي فالطريق اول ما تدخلي يجرو عندك من دولة اخرى يجيبولك مترجم اودي هءوك كي يدبرو لاغريف نمشي معاهم فالطريق انسانية بأتم معنى الكلمة

 

[radia yoyo]

الدولة مش محترمة مواطنيها وهم أصحاء خاص تحير فيهم وهم مرضى
حطي نفس الاطباء ونفس المرضى في دولة محترمة وبعدها قولي وعلاش التعامل هكذا
وعلى اي حال ياكلها الشعب على خاطر رخيس ويستاهل

 

[ليليا مرام]

الدولة مش محترمة مواطنيها وهم أصحاء خاص تحير فيهم وهم مرضى
حطي نفس الاطباء ونفس المرضى في دولة محترمة وبعدها قولي وعلاش التعامل هكذا
وعلى اي حال ياكلها الشعب على خاطر رخيس ويستاهل

واش دخل الدولو والاحترام انت كطبيبة عندك رسالة اخترتي مهنة تخدمي فيها بضمير يجي مريض يحترمك ما يحترمكش انت عليك داويه كيما يجيك مريض مسلم مش مسلم لازم تعالجيه انت خدمتك كطبيبة تفرض عليك تخدمي بضمير يعني المريض يروح يداوي يقولو لالا ما نداويكش حتى تحترمني الدولة اخدم خدمتك الشعب رخيس خاطر سكت على طبا كيما هاك خسارة فيهم لقب طبيب ونزيدك لو نفس المرضى ونفس الأطباء فبلد آخر يخدمو خدمتهم بالذراع او يتشطب من قائمة الأطباء ما يحوسوش الدولة احترماتو او لا المهم هو يحترم مرضاه

 

[Ryry_Ndj]

اردت ان اشير فقط حول موضوع الاطباء و المرضى
اولا الموضوع حول الاعتداءات و ليس عمل الطبيب ولكن ...
ثانيا الطبيب صح مهمته هي المعالجة لكن كون تشوفو تاع الخارج في اليوتوب برك كيفاه يتعاملو مع المرضى كاين ثقافة الاحترام و هذا مؤسف دولة اسلامية تقل فيها هذي العفسة نشوفو المريض في بعض الحالات و صادفتهم قدامي يعني ماش نهدر هكاك برك شفتهم يدخلو لطبيب ني احترام ني والي زعما جاو بدارهمهم يداوي شغل انت طبيب دويني مام منحترمكش لالا اجيني بلا راهم ام وسخ الدنيا نهزك فوق راسي و نداويك وانا فرحانة بروحي و مانسحقكش لي ما يحترمنيش
ا تاني تاع طبيب مايداويش الزاوالي كي يكون فاتح عيادة خاصة ماشكيتش يروح مريض و يرجعو على جال دراهم ولي
اما العمليات اي بلاصة غالية و امكانيات اطباء تاعنا ماش كيما الخارج و تاني تاع تسنى بزاااف باه دير عملية هذي راجعة للامكانيات ما تغلطوش رواحكم بمقولة زوالي الله غالب ما ندرلكش لالا مدامو يخدم مع الدولة اي هي لي تسلكو و شهريتو ماشية علاه مايديرش العملية
وا لي فاتح وحدو هذاك عفسة خلاف يدير عملية بالدراهم يقدر انت ما عندكش يديرك بلادراهم حسنة كوم يقدر ينقصلك مي باه يرجعك لالا يبعتك لسبيطار تاني يقدر المهم ما يخليكش تموت على جال دراهم اذا داروها فهوما قلال و للاسف مايمثلوش الاطباء
حكيت بزااف ^^مي هذي قناعتي الشخصية

 

[radia yoyo]

دولة محترمة يعني توفرلك الحاجات الاساسية والتكوين الصحيح على الاقل وهذا عملها مش ترميلك دي بوليكوب وعوم بحرك في العوج
الضمير الانساني في الجزائر يموت مع الوقت صح ندخلوا كيوت وطيبين وملاح و la vie en roseونخرجوا أشرار ومشرارين

 

[ليليا مرام]

اردت ان اشير فقط حول موضوع الاطباء و المرضى

لا معليش انت حكيتي على معاناتكم وانا نوصلك مدة 18 سنة فالسبيطارات واللي شفتو بعيني وفالخارج
اولا الموضوع حول الاعتداءات و ليس عمل الطبيب ولكن ...

ايه بصح طبيب خمم فروحو ما خممش فالنرضى مش حرام لاغريف وناس مرضى يشقاو من ولايات بعيدة ومنهم حالات مستعجلة الطبيب يقولك ما حبوش انا شكون يعاوني فالبلوك راه طقم طبيبي لما رحت لطبيبي شكيت قتلو كيفاه ندير ضرك قالي شوفيهم برا مڨرفين هذو نصهم يعاوني فالبلوك ما نقدرش ندخل نديرلك عملية وحدي مش حرام عليهم وين نبان انا كاين مرضى أكثر مني وحالات كبار

ثانيا الطبيب صح مهمته هي المعالجة لكن كون تشوفو تاع الخارج في اليوتوب برك كيفاه يتعاملو مع المرضى كاين ثقافة الاحترام و هذا مؤسف دولة اسلامية تقل فيها هذي العفسة نشوفو المريض في بعض الحالات و صادفتهم قدامي يعني ماش نهدر هكاك برك شفتهم يدخلو لطبيب ني احترام ني والي زعما جاو بدارهمهم يداوي شغل انت طبيب دويني مام منحترمكش لالا اجيني بلا راهم ام وسخ الدنيا نهزك فوق راسي و نداويك وانا فرحانة بروحي و مانسحقكش لي ما
حترمنيش

تقولي يوتوب نجيبلك الف فيديو من ارض الواقع هنا وهناك الناس عندهم تحترم المريض لنا يوصل للإستعجالات أو يفوت كونترول جامي شفت ناس قاعدة فالأرض والطبيبة واقفة مع صحاباتها تاكل فالعلك وتكونيكتي والناس تتوجع شافتها عيني وماشي مرة ماشي زوج غالقة على روحها البيرو ولاصال برا معمرة بالنس تأن وتتوجع وهي تڨسر فالتلفون بالسيف عليا كمريضة نحترم طبيب لما يجري ليا ويسعفني يتبسم فوجهي يعالجني بعرف مرضي مش يداويني بالستيلو قاعد فالبيرو ويسقسي ويعمر لوغدونونوس لالا اختي المريض اللي يدخل بقوة لمكتب طبيب اعرفي فاض بيه وجع ربي يعلم بيه الطبيب لو هو احترم المريض المريض يحترمو بالذراع عليه
فالأردن لما وصلت اول شي دخلوني مكتب العرب المرضى ترحيب جامي شفت كيما هو الطبيب يعيطولو مختص بحالتك يقلبك الف مرة ويعاود تحاليل وراديو والمكتب اللي فت عندو يعاودو يعيطو يسقسو وبن وصل التشخيص ولو حمى الطبيب والله ما يروح ختى تعبط هذي صراتلي ليا حتى شافني تحسنت ومضى فالورقة هناك انو اشرف عالحالة حد الحمى هبطت وبالساعة هنا انا ظايرة عملية طبيب من ساعة التخدير ما شفتوش يومين بايتة فالإنعاش راحت يمى جابت فرملي من القهوة سيرفيس الإنعاش فيه غير اللي ظارو العملية وحدهم نحكبلك امور شفتها وعشتها امالا طبيب مش مخترمني نعفس عليه

ا تاني تاع طبيب مايداويش الزاوالي كي يكون فاتح عيادة خاصة ماشكيتش يروح مريض و يرجعو على جال دراهم ولي

ياحي تقولي ماراكيش عايسة هنا والا انت حنينة وما ديريهاش والله وتنقص عشرة آلاف ويشوفو يموت ما يجوزو وما نخلفش باطل راني عرفت السبيطارات والعيادات ونألف كتاب عليهم
اما العمليات اي بلاصة غالية و امكانيات اطباء تاعنا ماش كيما الخارج و تاني تاع تسنى بزاااف باه دير عملية هذي راجعة للامكانيات ما تغلطوش رواحكم

العملية اي بلاصة غالية مي مش لما تكون عملية تخصص سبيطار يقول للمريض ما عجبكش الحال روح للبريفي كي شغل سبيطار نتاع باباه اما العملية لما طول هذيك نعرف فالدويرة سيرفيس AوB ويديرو ستاف وبعدو راناةالداخل يقررو يجو نهار من قبل يقولك صومي صباح العملية هذي ما هدرناش عليها ضرك ما يدخلوش اصلا ريتهم حكموني وطولو عالأقل نقول يديروها يديروها اما واحد عظمو مكسر من ظهرو لرجليه من مفروض يحكموني فالسبيطار راهم روحي وارجعي هكذا دارولي حتى تكسرت رجلي اليمنى وراح تتكسر لأخرى استهتار بأتم معنى الكلمة انا لو جيت وزيرة نحاوزهم برا برا ونشطبهم من قائمة الأطباء روحو تسرحوا بالمعيز إذا لقيتوهم وما ننكرش كابن أطباء ماشاء الله هذاك عندو قلب وضمير
بمقولة زوالي الله غالب ما ندرلكش لالا مدامو يخدم مع الدولة اي هي لي تسلكو و شهريتو ماشية علاه مايديرش العملية

شكون يدير فالمنكر اللي تسلكو الدولة البريفي الدراهم فاللعب يتهلى قيس دراهم يخلاصو برا ولو روحي تموتي
وا لي فاتح وحدو هذاك عفسة خلاف يدير عملية بالدراهم يقدر انت ما عندكش يديرك بلادراهم حسنة كوم يقدر ينقصلك مي باه يرجعك لالا يبعتك لسبيطار تاني يقدر المهم ما يخليكش تموت على جال دراهم اذا داروها فهوما قلال و للاسف مايمثلوش الاطباء
حكيت بزااف ^^مي هذي قناعتي الشخصية

داروها اختي خرجو ناس من عيادات خلاصو دراهمهم روح للسبيطار ولو موت فالطريق اللي تشكيلو يقولك خاطيني
للاسف وانا حكيت بزاف لكن تأكدي الضمير فالطب قليل بزاف الليشايف روحو عديم ضمير يختار تخصص آخر غدوة قدام ربي يتحاسبو
شكرا لك

 

[Ryry_Ndj]

داروها اختي خرجو ناس من عيادات خلاصو دراهمهم روح للسبيطار ولو موت فالطريق اللي تشكيلو يقولك خاطيني
للاسف وانا حكيت بزاف لكن تأكدي الضمير فالطب قليل بزاف الليشايف روحو عديم ضمير يختار تخصص آخر غدوة قدام ربي يتحاسبو
شكرا لك

الهدرة تاعك اختي اثرت فيا
عيب لي يدير هكا الله غالب كل فئة فيها و عليها هادي هيا الدنيا

 

[Hakan]

من بكري نقول فيها شعب رخيس ما يستاهلش حتى طبيب اعشااب
الطبيب اذا راح قرا وخدم في بلاد الكفار يقولو عليه باع بلادو
واذا جا خدم في بلادو التعيسة وطالب بتحسين الوضعية يقلك راهو يقلب في الامن نتاع البلاد
اللي ما يعرفش الدومان نتاع الطب ابن عمي
كتاب نتاع اناتومي يدير ب 2 ملاين هذا كتاب فمابالك الماتريال
يرحملك في باباك ياصديقي المريض الطب نتاع ضركي ماهوش طب زمان
كيفاه تحب طبيب يكشف عليك وهو راديو مليح ماعندوش
كيفاه تحب يكشف عليك وانت ديجا ماهوش مسوري يعني ضمان ضد العدوى نتاع المرضى
اللي ما يعرفش خدمة الطبيب الرجالة تبات ليل كامل سهرانة
والله انا نحسن العون والحمد لله قرينا الطب مالغري طبيب بيطري بصح نعرف قيمة الماتريال
والاجهزة الطبية روحو اوقفو معاهم باش تتحسن الاجهزة نتاع المستشفيات
ويعجبك يقارنو الطب نتاع شكوبستان بالطب نتاع الاردن ولا تركيا ولا فرنسا
ياعباد ربي رحتو شفتو المستشفيات نتاعهم ياجدكم قسما بالله غير لوكان تجيب ادمغ دمااغ نتاع طب من فرنسا وتقلو
ارواح داوي في احسن مستشفى في دزاير يقلك واش هذي الميزيرية
طبيب ماهوش مأمن ضد الشعب اللي يحكمو راسو بالوجع يسبو ويطيحلو ويحوس يسكت
الانسانية شيء والرخس شيء اذا تحبو الطبيب يخدم بالانسانية نتاعو على الاقل ما تخلوهش يكون رخيس عند المجتمع
ربي يهدينا نشالله ​

 

[ليليا مرام]

الهدرة تاعك اختي اثرت فيا
عيب لي يدير هكا الله غالب كل فئة فيها و عليها هادي هيا الدنيا

سلام أختي
يشهد ربي كل كلمة قلتها صرات وراني فسنوات مع سبيطارات هكذا ربي يهديهم

 

[ليليا مرام]

من بكري نقول فيها شعب رخيس ما يستاهلش حتى طبيب اعشااب
الطبيب اذا راح قرا وخدم في بلاد الكفار يقولو عليه باع بلادو
واذا جا خدم في بلادو التعيسة وطالب بتحسين الوضعية يقلك راهو يقلب في الامن نتاع البلاد
اللي ما يعرفش الدومان نتاع الطب ابن عمي
كتاب نتاع اناتومي يدير ب 2 ملاين هذا كتاب فمابالك الماتريال

السلام عليكم
اسمحلي حكيم نقواك
علاه شعب ما يستاهلش طبيب اعشاب يعني فتفكيرك مريض يجيبلك معاه كتاب هذا باه داويه والا يصرف على طبيب حتى يتخرج باه يداويه انت تقول هاكا الشعب فيه نسبة نتاع مرضى قريت طبيب وقدامك رسالة تأديها ما تقولي لا كتاب ولا جهاز

يرحملك في باباك ياصديقي المريض الطب نتاع ضركي ماهوش طب زمان
كيفاه تحب طبيب يكشف عليك وهو راديو مليح ماعندوش

حتى يوصل يكشف عليا راه بالستيلو ورا البيرو انعل بليس حنا نحكو على ضمائر ميتة على طبيب ولو متوفرة أجهزة ما يشقي روحو ما يتعب المنكر الأكحل فالكونسولتاسيو لا جهاز لا والو ياخي رونديفو مريض يجيب معاه راديوه راديوات رانا نديروهم فالبريفي سبيطار يقولك مكسر ويجيب بن عمو وبن خالتو يديرلو اخطينا احكي بواقعية
مهم فالكونسولتاسيو طبا يڨسرو ناس ماشيين الليل ويقولو جاتو حالة غراف راه فالعمليات نطلع نحوس عليه نلقاه مجمع مع بنات اللي يقراو ويقهقه ويضحك اما نحكي باللي عشتو سنوات فالسبيطارات ما تقوليش اجهزة

كيفاه تحب يكشف عليك وانت ديجا ماهوش مسوري يعني ضمان ضد العدوى نتاع المرضى
اللي ما خدمة الطبيب الرجالة تبات ليل كامل سهرانة
​

شكون يبات سهران ههههننه ضحكتني والله فرضا طييب عندو لاغارد يفوت عالمرضى يشوفهم هذا اذا فات وتجي وحدة معاه معوجة يمشو ويضحكو يديها ويروحو يجندمعو فبلاصة وراهم هناك والا يوصي فرملي واش يدير وللرقاد شافتهم عيني تجي خالة ايرجو تلفزن يصوني ينوض يجري متفاهمين يا حكيم ما رقدتش فالسبيطارات بعيد الشر عليك وما شغتهمش انا شفتهم نبقا بالشهرين الداخل وشفت العجب
​

والله انا نحسن العون والحمد لله قرينا الطب مالغري طبيب بيطري بصح نعرف قيمة الماتريال
والاجهزة الطبية روحو اوقفو معاهم باش تتحسن الاجهزة نتاع المستشفيات

ما نتوقعش توقف مع مريض دافع على تخصصك بني عمك مهما كان
مع من نوقف مع اطباء علاه مشكلتهم اجهزة مشكلتهم ضمير ميت لازم يقدرو قيمة الخدمة ويجي يقولي جهاز لما نعرف عندو ضمير ويخدم والناس تحكي مليح عليه هناك لما يقول جهاز نوقف معاه

ويعجبك يقارنو الطب نتاع شكوبستان بالطب نتاع الاردن ولا تركيا ولا فرنسا
ياعباد ربي رحتو شفتو المستشفيات نتاعهم ياجدكم قسما بالله غير لوكان تجيب ادمغ دمااغ نتاع طب من فرنسا وتقلو
ارواح داوي في احسن مستشفى في دزاير يقلك واش هذي الميزيرية

يا حكيم يا حكيم الله يهديك تقول ماراكش عايش هنا انا رحت للاردن وللترك ولكا حكيت لطبيبي دوا سبع سنين وانا نشرب فيه حط الستيلو قالي متأكدة اللي فوتلك طبيب هذا يتشطب من قائمة الأطباء هذا دوا لا جهاز لا والو
لما طبيب نروح يقولي انت ما تفهميش ما تبرايش هذا انت تسميه طبيب واش دخل الجهاز
اسمحلي رايك وانت حر انا نشوفهم بلا ضمير وواحد ما يقنعني انا شربت المر
والطبيب نتاه ترك والاردن لو يجي وقدامو حالة مستعجلة ما يقولش اغلقو البلوك ماكانش فرامل يخدم خدمتو ويسلك المريض هذي أولوياتو

طبيب ماهوش مأمن ضد الشعب اللي يحكمو راسو بالوجع يسبو ويطيحلو ويحوس يسكت

ماشي نسبو نضربو لما انا رجلي مقسمة وهي وصحاباتها يطرطقو فالعلك وتقولي ايه احكيلي وتتفرج فيا وتقولي واش نديرولك تحتمت مرضك وعارفاتو وبعدو تقولها فوتيلها انت ويضحكو ضربتها بالملف كان عندي وولو كنت بصحتي نسيق بيها سبيطار طرطق العلك تروح لدارهم جات داوي الناس ماشي تعلك

الانسانية شيء والرخس شيء اذا تحبو الطبيب يخدم بالانسانية نتاعو على الاقل ما تخلوهش يكون رخيس عند المجتمع
ربي يهدينا نشالله ​

يكون انسان وهوما حاشا اللي ما يستلهلهاش تقول يهوديين بعاد عالإنسانية
اسمحلي انت شفتها من زاوية وانا شفتها وشافوها الناس لو نروح المرة هذي نجيبلك تسجيل فيديو صغير تشوف الاستهتار تقول نذبحهم
شكرا لك

 

[Amine7N]

شعب رخيس , شعب رخيس !!!
فوتها مرة مي زوج منفوتهاش
إذا كان هذا الشعب رخيس أنتوما وش تكونو ؟
انتوما من شعب الله المختار ؟؟؟
الشعب عارف بلي المشكل ماشي في الحكومة
عارف بلي المشكل فيه هو
هذا الشعب اللي راكم تقولو عليه رخيس
راه يشوف الموت ويزدملها
ويشوف المحتاج ويعاونه
ويهدر ع الصح وميخافش
التغيير يبدا من ذات المجتمع ماشي بتغيير المحيط به
واللي حاب يغير يوريلنا شطارته
رانا نستناو ماشي بالأحرف برك ومورا الميكرو
إلا نهدرو ع الإمكانيات
الدولة بكاملها معندهاش إمكانيات
شعب وحكومة

ونقوله لأي واحد اللي يشوف روحه رخيس
ميرميش رخسه ع الشعب
واللي معجبتهاش هدرتي يدخل في الحيط اللي حداه

 

[ليليا مرام]

شعب رخيس , شعب رخيس !!!
فوتها مرة مي زوج منفوتهاش
إذا كان هذا الشعب رخيس أنتوما وش تكونو ؟
انتوما من شعب الله المختار ؟؟؟
الشعب عارف بلي المشكل ماشي في الحكومة
عارف بلي المشكل فيه هو
هذا الشعب اللي راكم تقولو عليه رخيس
راه يشوف الموت ويزدملها
ويشوف المحتاج ويعاونه
ويهدر ع الصح وميخافش
التغيير يبدا من ذات المجتمع ماشي بتغيير المحيط به
واللي حاب يغير يوريلنا شطارته
رانا نستناو ماشي بالأحرف برك ومورا الميكرو
إلا نهدرو ع الإمكانيات
الدولة بكاملها معندهاش إمكانيات
شعب وحكومة

ونقوله لأي واحد اللي يشوف روحه رخيس
ميرميش رخسه ع الشعب
واللي معجبتهاش هدرتي يدخل في الحيط اللي حداه

انا حبيت نفهم لما يقولك الشعب هذا قطاع صحة ناس مرضى إذا ما رحمتش مريض ما تستناش ربي يرحمك ويقولك الدولة راجل ىجلو مكسرة ومقسمة وسكري ويقول لمرتو اديه للدار خلي تلفون نعيطولك جيبيه بواش تشدلو رجلو يا بن عمي هذا لو فإسرائيل يادووه ويطلڨوه قعدلهم هناك بالحس والدبزة باه دارولو العملية واش يعافر انسان مريض انا نروح يقولي انت من الشعب الرخيس روحي يجيبونا اجهزة هذي جامي صرات انا بالعملية فام دوميناج تجي تريڨلي سبروم يقولي دولة وأجهزة وهو فالبيرو غالق على روحو مع طببة أخرى ياو راني شفت العجب مانيش نجيب فتلهدرة من راسي
لو شعب رخيس هوما يهود وفاتوهم انا نقولهم روحو للدويرة روحو لسبيطار بارني روحو لمصطفى باشا وارواحو تهدرو روحو لولايات داخلية وشوفو العجب لو كل شعبي يصور راهي كوارث يقولك تركيا وفرنسا لو جا هنا ما يخدمش نقولو راك غالط يتبع ضميرو يسلك انسان هذي اول اهتمامتو الاجهزة كاينة والبلوك غلقوه واطباء لاغريف والشابة ماكانش فرامل روخي جيبي فرملي بريفي هذي فالهند ما صراتش ويجو يقولك حقوقنا ويحترمونا
انت بالصطر وهي تنفخ فالنبولة نتاع العلك وتتعوج وضحك هي وصحاباتها باردات قلب ويقولي طبيبات المستقبل يسمحولي حاشا اللي ما تستاهلش واللي عندها ضمير انا وحدة منهم ضربتها واتا مريضة لو تكسرت تعرف وجع عظم مقسم ورجلك على جنبك وهي تضحك وتعلك وترمي فيك لصحاباتها ويتمسخرو ولو قدرت نوض نجرجرها من الشعر
الضمير ميت واحد ما يقنعني انا عندي ماشي شعب رخيس هوما يهوديين اموا الشعب راه يخلص والزوالي برك بني عمهم وبني خالهم زوج دقايق الراديوات يندارو يدلوه للطبيب يفوت ويروح ما بكر ما دار لاشان ما والو ياو خليهم يهدرو انا ما يفوتوهاش عليا حافظتهم لو يديرو حصة ويعرضوني مدير دويرة نوريلو بالفيديوات المرة اللي فاتت لقيتو برا داير حالة ما ليزاجو عالنخل والورد شوف غاضتو نخلة والورد ما تهلاوش رحت ليه قتلو غاضك الورد علاه ما غاضوكش الناس ادخل ليسرفيس نتاعك شوف المرضى سقسيهم غاضتك شجرة وعبد مرمي اتفرج قدامك شوف الناس وين راهم قاعدين واحد من عناية وتحد من صحرا واش راهم يسوفرو بقا حال فمو قتلو وكيلكم ربي برك ومشيت وخليتو
نتفكرهم البترول يطلعلي للراس
يعطيك صحة أمين

 

[Hakan]

شعب رخيس , شعب رخيس !!!
فوتها مرة مي زوج منفوتهاش
إذا كان هذا الشعب رخيس أنتوما وش تكونو ؟
انتوما من شعب الله المختار ؟؟؟
الشعب عارف بلي المشكل ماشي في الحكومة
عارف بلي المشكل فيه هو
هذا الشعب اللي راكم تقولو عليه رخيس
راه يشوف الموت ويزدملها
ويشوف المحتاج ويعاونه
ويهدر ع الصح وميخافش
التغيير يبدا من ذات المجتمع ماشي بتغيير المحيط به
واللي حاب يغير يوريلنا شطارته
رانا نستناو ماشي بالأحرف برك ومورا الميكرو
إلا نهدرو ع الإمكانيات
الدولة بكاملها معندهاش إمكانيات
شعب وحكومة

ونقوله لأي واحد اللي يشوف روحه رخيس
ميرميش رخسه ع الشعب
واللي معجبتهاش هدرتي يدخل في الحيط اللي حداه

يخي الطبيب من الشعب ولا الطبيب جاي من المريخ
اذا طالب بالحق نتاعو ينوضو عليه الشعب ماكش تخدم في خدمتك
واويحي يخدم في خدمتو
ووبوتفليقة يخدم في خدمتو
والجنيرالات يخدمو في خدمتهم
يعني من كاامل الغتشي بانتلهم غير في الاساتذة والاطباء كي ينوضو يطالبو بحقوقهم
ياخويا اذا الشعب ساكت على الذل وساكت على حقو
ما يقولوش للغاشي لاخر راكم غالطين
وكي قلت الشعب رخيس علابالي واش نقصد .. مانيش حاب نكثر في الهدرة هذا رايي
كل واحد خدام في هذي البلاد وقرى وتعب من حقو يطالب بحقوقو وديجا مهيش حقوق اصلا
مجرد مطالب لا تتعدى الكرامة نتاعو والامن نتاعو
مش البرلمانيين والوزراء وماكرون يستقبلوهم بالورود وبنات الشعب {مع كل احترامي خويا امين }
ما نغطوش الشمس بالغربال
برلماني قاعد يرفع في يدو ويهبط فيها يمشي معاه 20 شرطي و6 من الدرك الوطني وحماية مدنية
وراجل قاري 20 سنة يضربوه بالهراوة لا يااخي ​