الاينر الفرعوني موضوع تحت المجهر للنقاش-العدد الثاني-

[قطر الندىdz]

السلام عليكم ورحمة الله وبركاته
الٱيلاينر هو لي يكمل المكياج ويبرز العين فأكيد منستغناوش عليه لتكمل الطلة
بالنسبة ليا يعجبني مكاش وحدة فينا دير المكياج ومديروش خاصتا مكياج تع لاعراس
لكن المشكل مشي فيه يو في يديا لي يرجفو عين تخرج شابة ولخرى تقول شي تران فات من ثم بصراحة منعرفلوش مليح لكن شريت أيلاينر ورني نتعلم وراك وراك و زمن طويل هههههه

 

[الورد الأحمر]

السلام عليكم ورحمة الله وبركاته

الآيلاينر نحبو بزاف بصح ليا زمااااان ما استعملتو لدرجة فقدت الصنعة تاعو ههه .

نحب نشوف بنات حاطين ونحب نشوف كيفاه يحطوه نحب نشريه بصح ما بقاش عندي وقت ليه ولا للمكياج بأصلو ولقيت بلي وجهي بلا مكياج أحسن خاصة أني لقيت الطريقة لي تخليه يبان نضر بلا أي إضافات تجميلية بالمكياج .

بالنسبة ليا حتى تكمل طلة الأيلاينر لازم رموش اصطناعية تكون معتدلة الطول فقط باه تعزز الرموش الطبيعيين لأنو وقت يتحط الآيلاينر وكأنو يغطي ع الرموش الطبيعيين وحتى مع الماسكارا ما يبانوش ملاح كيف تعزيزهم بالرموش وأنا هنا تحبس عندي حتى لو الرموش الباهيين الاصناعيين يزيدو جمال للعين بصح نبقى نشوفهم بين عينيا بلي راني فايك فايك فايك ومش حقيقية ههه وهذا الشي يقلقني .

ع العموم الآيلاينر للي تعرف تحطو بالطريقة لي توالم عينها يزيد بزاف في جمال المرأة .