من مطبخي اسهل وألذ كرنطيطة (كرانتيكا) بالصور

[قطر الندىdz]

السلام عليكم ورحمة الله وبركاته



وصفة اليوم ساهلة وكامل نحبوها حنا ونقولولها كرنطيطة اسمها غريب لكن كامل عندنا ذكريات معها
وش نحتجو :
طحين الحمص 1كيلة طحين الحمص ونزيدولها 3كيلات ماء (مثل كاس حمص نفسو 3ماء انا عبرت بهذا)ونحركهم ونزيدو حبة بيض والملح والكمون و3مغارف زيت (انا مرات منديرش البيض عادي تخرج ايضا بنينة) ونحركهم مليح ونفرغوها في السنيوة وندخلوها تطيب حتى تحماربعد متطيب زينوها بالمعدنوسونقدموها اكيد سخونة مع الهريسة والكمون وكاس ڨازوز

 

[cosette]

مممممم يشهي


يعطيك الصحة خيتو تشهي :kiss:

♡♡

 

[قطر الندىdz]

مممممم يشهي


يعطيك الصحة خيتو تشهي :kiss:

♡♡

الله يسلمك حنونة

 

[Ryry_Ndj]

السلام عليكم
رووعة اختي كالعادة الله يبارك جميع وصفاتك تعجبني :Love::Love::Love:
يعطيك الصحة

 

[secret de coeur]

بصحتك ختي راه يشهي سيرتو مع الهريسة
مي نصيحة ماديروش البيض البيض هو الي يرجعو خشين وثقيل

 

[قطر الندىdz]

بصحتك ختي راه يشهي سيرتو مع الهريسة
مي نصيحة ماديروش البيض البيض هو الي يرجعو خشين وثقيل

شكرا لمرورك شهيتك في الجنة ان شاء الله
اختي حبة بيض متأثرش عليها فقط للون
ومرات منديرهاش لأنو الكمية تع الماء كبيرة

 

[قطر الندىdz]

السلام عليكم
رووعة اختي كالعادة الله يبارك جميع وصفاتك تعجبني :Love::Love::Love:
يعطيك الصحة

الله يسلمك
يسعدني مرورك حنونة:kiss::kiss:

 

[ضآحكة مستبشرة]

السلام عليكم و رحمة الله تعالى و بركاته
يعطيك الصحة اختي على الوصفة
تبان بنينة بصح انا منحبهاش هههه
بصحتكم

 

[قطر الندىdz]

السلام عليكم و رحمة الله تعالى و بركاته
يعطيك الصحة اختي على الوصفة
تبان بنينة بصح انا منحبهاش هههه
بصحتكم

الله يسلمك اختي
معليش إتعلمي تطيبها يجي معا يطلبوها منك

 

[❤️كلي أمل❤️]

يعطيك الصحة اختي
هادي اعرضي عليها الأخ @*حزن النبلاء* نظن يموت عليها خخخخخ

 

[آمِيْرَتُه]

السلام عليك
منقدرش نفوت نهار بلا ماناكل كرنتيكا حارة و حامية مع كاس قازوز ههه
زيديله الفرماج و وقي و رجعيلي الخبر
خطيك من المعدونس ميعطيهاش ذوق شباب
يعطيك الصحة

 

[آمِيْرَتُه]

السلام عليكم و رحمة الله تعالى و بركاته
يعطيك الصحة اختي على الوصفة
تبان بنينة بصح انا منحبهاش هههه
بصحتكم

اذا مازال متاكلي نتاع السكان الاصليين ليها رواحي ذوقي ههه
جربت كليت نتاع الجي و عين مليلة و تيارت عيانة بزاف
مكانش كيما نتاع مدينة جديدة خخخ

 

[ضآحكة مستبشرة]

اذا مازال متاكلي نتاع السكان الاصليين ليها رواحي ذوقي ههه
جربت كليت نتاع الجي و عين مليلة و تيارت عيانة بزاف
مكانش كيما نتاع مدينة جديدة خخخ

هههههه ماشي على المنطقة انا منحبهاش قلبي يهرب من شكلها مع كل احترماتي ههههه

 

[*حزن النبلاء*]

يعطيك الصحة اختي
هادي اعرضي عليها الأخ @*حزن النبلاء* نظن يموت عليها خخخخخ

راح نموت بيها ههه
و زيد علابالي نتي لي درتي الموضوع .. قولنا بالاك تعرف كاس حاجة هه
نتي لي جبتيني ^_

السلام عليك
منقدرش نفوت نهار بلا ماناكل كرنتيكا حارة و حامية مع كاس قازوز ههه
زيديله الفرماج و وقي و رجعيلي الخبر
خطيك من المعدونس ميعطيهاش ذوق شباب
يعطيك الصحة

مادام تعرفي السر تاع لفروماج ..نستعرف بيك
و المعدنوس مع القرنطيطة جامي جربتو .. نظن هي طبخة بعيدة عن النباتات

ما خليتي ما قلتي اختنا اخخخخخ


المهم الابداع في الاذواق لا حدود له ..

* و الاخت هاديك لي ما تحبش تاكولها نقولولها تحبك قطة محبوبة ..هه

@قطر الندىdz ملييحا هادي لماكلا في البرد
و شغل راكي حابا تكملينا على الكولون

 

[سكون الفجر]

هاي البنت ناوية تجلطني
كل اطباقها بتشهييييييييييي وبتاخد العقل
تسلم ايديكِ غاليتي

بصحتكم وبارك الله فيكي على مشاركتنا الوصفة :Love:

 

[ريحـان]

اممم تشهي الله يبارك
تسلم دياتك.

 

[قطر الندىdz]

السلام عليك
منقدرش نفوت نهار بلا ماناكل كرنتيكا حارة و حامية مع كاس قازوز ههه
زيديله الفرماج و وقي و رجعيلي الخبر
خطيك من المعدونس ميعطيهاش ذوق شباب
يعطيك الصحة

انت من الغرب الجزائر
انا من الوسط
انا نحب نضيف المعدنوس لأني نحبو نحسو يتواتا معها يعطيها إنتعاش جربيه والفرماج كاين لي يدرولها انا نحبها هك
قليلي بناتنا جبتها ولا لا هههههه

 

[HAMZA USMA]

السلام عليكم
بارك الله فيكِ وشكرآ جزيلا لك
على الوصفة الجميلة موضوعك مميز ورائع
بانتظار كل ماهو جديد منك تحيـــــــآتي ​