جماعة الطرونسبور سلسلة / ناس ملاح City

[حروف تائهة]

السلام عليكم
هاني رجعت اسي هههه
انا في النقل نعرف غير الكيران تاع الجامعة هههه
و مع ذلك ربي يعين جماعة النقل لانو صح تعب كبير و السواقة ماشي لعبة راه ارواح ناس بين يديهم
سوا النقل داخل المدينة و لا من مدينة لمدينة
صح فيهم المكر بصح ثاني كاين دايما الخير و الناس لي يخدمو بضمير
ربي يعينهم ان شاء الله و ربي يحفظهم
يعطيك الصحة على الالتفاتة المميزة

 

[Salah eddin]

ربي يستر غير مرة حراقة يموتو مرة حادث مريع
اما فيما يخص النقل راها كارثة كبيرة نبداو بتاكسي لي مرة يوصلك مرة يقولك لا ..على حساب القوسطو .ولا يحكيلك حياته ختى تنسى انت وهو وين لازم يوصلك
والحافلة لي هاذا بطبع وهادا يعفس ويزيد يخزر فيك(على خاطر مايديماري البيس حتى يعمر مليح مليح حتى يقرب ينفجر)
ولا تصيب طفلة هادا لبسة وهادا زين وللريحة الله الله قاعدة والعجوزة واقفة ترجف مالوقوف(الله المستعان)
خلى برك البير بغطاه فما خفي اعظم
بلاما نهدرو على الزيادات فالاسعار​

اهلا و سهلا بالاخت فاطمة
ههه قاشي و الله ق عندكم نزعة كبيرة للنقد و لاختيار السلبيات ههه
ياو علابالنا بالسلبيات ... اقراو زين الموضوع
رانا نهدرو ع الايجابيات
شكرا على مرورك ههه

​

 

[Salah eddin]

السلام عليك
تحية للناس لتعرف قيمة المسافر ماشي لهذوك لهمهم 20 دج و لا همه يوصل بكري باش يروح يرتاح

و عليكم السلام
اكيد ... تحية للي يخدم بصدق و نية
و الاخرين .. الي حلب حليب دارو في شكوتو
شكرا على مرورك

​

 

[Salah eddin]

السلام عليكم
هاني رجعت اسي هههه
انا في النقل نعرف غير الكيران تاع الجامعة هههه
و مع ذلك ربي يعين جماعة النقل لانو صح تعب كبير و السواقة ماشي لعبة راه ارواح ناس بين يديهم
سوا النقل داخل المدينة و لا من مدينة لمدينة
صح فيهم المكر بصح ثاني كاين دايما الخير و الناس لي يخدمو بضمير
ربي يعينهم ان شاء الله و ربي يحفظهم
يعطيك الصحة على الالتفاتة المميزة

و عليكم السلام و رحمة الله

اهلا اختي الصغيرة من جديد ههه

سي نورمال نتي ادوري ق في المحيط تاعكم ... جامعة - دار ههه

و كاين الي يظلو بين الولايات و الخطورة الكبيرة

و ق البارح برك الحادث تاع سعيدة الله يرحم الي توفاو و يرزق الحيين نشالله

صح كاين المكر بصح حنا قلنا نغضو الطرف شوية و نهدرو بصورة ايجابية

شكرا على مشاركتك القيمة

بارك الله فيك




​

 

[حلم كبير]

السلام عليكم ورحمه الله وبركاته

مساء الخير خويا الكريم

المواصلات في بلدي الحبيب

كي نشوفو المشكل نشوفولو للأصل نتاعو ڤبل..

وسائل النقل شكون يسوڨ فيها ....
شوافرة.... يخي
وهاذ الشوافرة عڤبو البرمي ....
يخي

السؤال المطروح ... هل جاب البرمي عن صح وصحيح ؟
ولاَ يعرف واحد يعرف واحد يعرف اللي يمد البرمي نتاع الترونسبور ....والسوڨة راه يعرف يسوڤ ميش مشكل..

لنفترض أنو جاب البرمي عن جدارة واستحقاق وشوفور لا يعلى عليه
السؤال المطروح ....هل وسيلة النقل راها مؤهلة باش تهز عباد ولا طايبة تصلح غير حشاكم لحمل البهائم
السرفيس ما يلڤاوش الكلاب منين يحكموها ،وهو داير بيها خط المسيلة الجزائر مثلا برك ..ويعڤب على كيفان وويدان وهو يعصر فيها والخلايق تشم ريحة الحراڨ يڤولولو يا مخلوق رايحة تشعل واحنا فيها يڤولهم ما تخافوش راني موالف وفيريفيتها قبل ما نقلع هههه واش فيريفيت واش من جيهة من السيارة طليت عليه كلها على بعضها تستاهل تريح لا حول ولا قوة إلا بالله

لنفترض أنو الشيفور فور والطاكسي توب ..

السؤال المطروح ....ڤداه مرة تروح وتجي ..وكي تتعب تريح مليح ولا تضغط على روحك في جال الدراهم وتنعس وترڤد ونتا فالفولا وتروح أرواح ناس كيما رانا نشوفو فالطرڤ... من أسباب الحوادث هي تعب الشيفور ووصولو لمرحلة خلاص ما يقدرش ...

نفترض أنو الشيفور توب والطاكسي هي وهو مريح مليح وعال العال

السؤال المطروح ....هل العباد اللي هازهم مقادرين رواحهم ومحتارمين حرمة السفر صح ولا

هذا نحا الباسكات نتاعو وريحة كرعيه ملات الطاكسي حتى يدوخ الشيفور والركاب..

واللي يدوخ يجيب معاه اكياس باه يسترجع فيهم ولا يستفرغ فالسيارة نتاع السيد ....

واللي يركب ڤدام الشيفور لازم ما يهدرش معاه وما يشوشوش نهائيا لأنو لازم يركز مع الطريڨ ....

كي تتوفر هاذي كامل تكون رحلة سعيدة ووصول في أمان الله وحفظه إلا إذا كانت كاتبة من عند ربي حاجة أخرى
عذرا شديت طريڨ مسيلة الاغواط هههههه
بارك الله فيك خويا على مواضيعك الهادفة
إحترامي وتقديري​

 

[Salah eddin]

السلام عليكم ورحمه الله وبركاته

مساء الخير خويا الكريم

المواصلات في بلدي الحبيب

كي نشوفو المشكل نشوفولو للأصل نتاعو ڤبل..

وسائل النقل شكون يسوڨ فيها ....
شوافرة.... يخي
وهاذ الشوافرة عڤبو البرمي ....
يخي

السؤال المطروح ... هل جاب البرمي عن صح وصحيح ؟
ولاَ يعرف واحد يعرف واحد يعرف اللي يمد البرمي نتاع الترونسبور ....والسوڨة راه يعرف يسوڤ ميش مشكل..

لنفترض أنو جاب البرمي عن جدارة واستحقاق وشوفور لا يعلى عليه
السؤال المطروح ....هل وسيلة النقل راها مؤهلة باش تهز عباد ولا طايبة تصلح غير حشاكم لحمل البهائم
السرفيس ما يلڤاوش الكلاب منين يحكموها ،وهو داير بيها خط المسيلة الجزائر مثلا برك ..ويعڤب على كيفان وويدان وهو يعصر فيها والخلايق تشم ريحة الحراڨ يڤولولو يا مخلوق رايحة تشعل واحنا فيها يڤولهم ما تخافوش راني موالف وفيريفيتها قبل ما نقلع هههه واش فيريفيت واش من جيهة من السيارة طليت عليه كلها على بعضها تستاهل تريح لا حول ولا قوة إلا بالله

لنفترض أنو الشيفور فور والطاكسي توب ..

السؤال المطروح ....ڤداه مرة تروح وتجي ..وكي تتعب تريح مليح ولا تضغط على روحك في جال الدراهم وتنعس وترڤد ونتا فالفولا وتروح أرواح ناس كيما رانا نشوفو فالطرڤ... من أسباب الحوادث هي تعب الشيفور ووصولو لمرحلة خلاص ما يقدرش ...

نفترض أنو الشيفور توب والطاكسي هي وهو مريح مليح وعال العال

السؤال المطروح ....هل العباد اللي هازهم مقادرين رواحهم ومحتارمين حرمة السفر صح ولا

هذا نحا الباسكات نتاعو وريحة كرعيه ملات الطاكسي حتى يدوخ الشيفور والركاب..

واللي يدوخ يجيب معاه اكياس باه يسترجع فيهم ولا يستفرغ فالسيارة نتاع السيد ....

واللي يركب ڤدام الشيفور لازم ما يهدرش معاه وما يشوشوش نهائيا لأنو لازم يركز مع الطريڨ ....

كي تتوفر هاذي كامل تكون رحلة سعيدة ووصول في أمان الله وحفظه إلا إذا كانت كاتبة من عند ربي حاجة أخرى
عذرا شديت طريڨ مسيلة الاغواط هههههه
بارك الله فيك خويا على مواضيعك الهادفة
إحترامي وتقديري

و عليكم السلام و رحمة الله و بركاته
مرحبا بيك خويا حليم و تحية ليك على وفائك الدائم لمواضيعي
...
بصح يا صاحبي راك الله يبارك فصلت تفصيلا و ردت رد شامل و كامل
لكن حبذا لو كان الرد يصب في الموضوع هههه
لانك بدون ما تشعر راك هدرت هلى حية اخرى ههه
السلسلة اسمها " ناس ملا سيتي " ههه معناها الناس الزينين ... ذا gود بيبل ..ههه
و هذي السلسة نهدرو ع الايجابيات و نهدرو على الناس الصادقين في خدمتهم
و الي يخدمو من القلب و بنية صافية
يعني نقدروهم و نعطولهم الاحترام الي يستحقوه ههه
بصح راني نشوف في القاشي الي يرد يرد ق بالنقد و يذكرو ق المساوئ ههه
ها شوية جماعة الخير ههه
على كل يعطيك الصحة خويا و شكرا على وفائك مرة اخرى
بارك الله فيك




​

 

[حلم كبير]

و عليكم السلام و رحمة الله و بركاته
مرحبا بيك خويا حليم و تحية ليك على وفائك الدائم لمواضيعي
...
بصح يا صاحبي راك الله يبارك فصلت تفصيلا و ردت رد شامل و كامل
لكن حبذا لو كان الرد يصب في الموضوع هههه
لانك بدون ما تشعر راك هدرت هلى حية اخرى ههه
السلسلة اسمها " ناس ملا سيتي " ههه معناها الناس الزينين ... ذا gود بيبل ..ههه
و هذي السلسة نهدرو ع الايجابيات و نهدرو على الناس الصادقين في خدمتهم
و الي يخدمو من القلب و بنية صافية
يعني نقدروهم و نعطولهم الاحترام الي يستحقوه ههه
بصح راني نشوف في القاشي الي يرد يرد ق بالنقد و يذكرو ق المساوئ ههه
ها شوية جماعة الخير ههه
على كل يعطيك الصحة خويا و شكرا على وفائك مرة اخرى
بارك الله فيك




​

والله يا خويا والفنا شعب يخزر غير فالجيهة الفارغة من الكاس لا حول ولا قوة إلا بالله
غلطنا ومنك السماح ههههه
كاين صح شوافرة ناس ملاح ويستاهلو التقدير أكيد ..ونقدملهم تحية كبيرة من هذا المنبر
بارك الله فيك انك نبهتني
عذرا مرة أخرى
​

 

[Salah eddin]

والله يا خويا والفنا شعب يخزر غير فالجيهة الفارغة من الكاس لا حول ولا قوة إلا بالله
غلطنا ومنك السماح ههههه
كاين صح شوافرة ناس ملاح ويستاهلو التقدير أكيد ..ونقدملهم تحية كبيرة من هذا المنبر
بارك الله فيك انك نبهتني
عذرا مرة أخرى

اهلا خويا حليم ههه
الله قالب ههه ياو ماكش وحدك ههه
ماعليهش خويا ما فيها والو ههه
ق وشني المرة الجااية نشالله عس روحك
ههه
يعطيك الصحة



​

 

[همس الأمل~]

وعليكم السلام ورحمة الله وبركاته:

بالفعل ، كل مرة نسمع كلمة " طرونسبور" تتبادر إلى أذهاننا مُجمل سلبياتها ،
لكن هذا لا يعني أنّ لا إجابيات لهذا القطاع !
فقطاع المواصلات قطاع مهم ،هذا أكيد

نتكلم قليلا عن بعض الايجابيات ؛


أنا أول شي جا في بالي هو شدة صبر السائقين وطولة البال عندهم ، يعني حنا مرات نركبوا ف البيس لمسافة قصيرة فقط ونشعروا بالملل الشديد طوال الطريق !، والسائق نهار كامل وهو رايح جاي رايح جاي و اضف الى ذلك نفس الطريق اللي يسلكها دااائما ، اكيد ملل في ملل
هذا جانب نقدروا فيه السائق على صبره
وخاصة الفئة اللي خصصتوا الحديث عنها ' مركبات النقل بين الولايات '
أمر متعب يحتاج الى صبر كبير وطولة البال

وثاني شي ، النقل رغم صعوباته في بلادنا وسلبياته ، إلا انه مهما كان يعتبر نعمة ، خاصة على البعض، مثلا اللي معندوش 'طوموبيل ' وضروري يغادر ولايته لولاية أخرى من أجل عمل أو أمر ما ،
برأيي أحسن ما يسلّف طوموبيل من أقاربه أو جاره المقرّب ويعتبر روحو ثقّل عليهم أو شي من هذا القبيل ، يروح فالطرونسبور وهو هاني ومريّح باله أحسن ، هذا كمجرد مثال بسيط .



عموما ، ربي يقويهم في خدمتهم
وكل الاحترام لكل سائق يؤدي عمله بكل أمانة وضمير .





سلسلة مواضيع جميلة ،
تقبّلوا مروري ، احترامي

 

[صانعة الإبتسامة]

و عليكم السلام و رحمة الله
اهلا اختي الصغيرة
ماعليهش في قرضك اسي ههه
وشكرا على الاشارات
بارك الله فيك


​

ها فهم عزرينا أنت و @حروف تائهة
ساعة تقولها مرتي رابحة ساعة تقولها ختي صغيرة ههههه هاو رانا نلعبو هنا وشنهي هاذي الحية أسي
شوووووف يابوووووي ههههه

 

[أم أحمــــد يــسّ]

السلام عليكم
اولا تحية لاصحاب هذه المهنة وربي يرزقهم ويعينهم يارب..
إلتفاتة طيبة مشكور عليها اخي الفاضل
ولو انو العرفان موجه لاصحاب المسافات الكبيرة في كلامك اكثر فحقاً المهنة صعيبة والمسؤولية اكبر خاصة في ارواح البشر مافيهاش اللعب..
الحمد لله من قبل الجامعة نمشي مع خويا وقليل وين نتنقل في البلاد وكي نرجع ولو ماشي واجدة السيارة ولا مسافرين يدبروها( بالسيف عليهم.ههههه) هكا تعودت ونكره النقل ماشي لاشخاصو لكن لتميزيرو
الطفلة اكيد ماعندو مادخلو الشيفور فيها غالباً ( اذا ماكانتش طاكسي) بصح تروح للسانتيفي تلقى ألف ( حمار حاشاكم) وتزيد في البيس حدث ولا حرج وبعض المخلوقات واش ذنبها غير انها تقرا وماكانش لاهلها سيارة يقومو بيها...
المشكل في الناس اللي خسرت كلشي وردت كل شيء سامط وملوث بنياتها...
الله يهدي ماخلق
كاين اللي هذيك هي خبزتو ويجي شيء غاشي يقطعلوا رزقو بالهم والطيش نتاعو..

 

[Salah eddin]

وعليكم السلام ورحمة الله وبركاته:
بالفعل ، كل مرة نسمع كلمة " طرونسبور" تتبادر إلى أذهاننا مُجمل سلبياتها ،
لكن هذا لا يعني أنّ لا إجابيات لهذا القطاع !
فقطاع المواصلات قطاع مهم ،هذا أكيد
نتكلم قليلا عن بعض الايجابيات ؛
أنا أول شي جا في بالي هو شدة صبر السائقين وطولة البال عندهم ، يعني حنا مرات نركبوا ف البيس لمسافة قصيرة فقط ونشعروا بالملل الشديد طوال الطريق !، والسائق نهار كامل وهو رايح جاي رايح جاي و اضف الى ذلك نفس الطريق اللي يسلكها دااائما ، اكيد ملل في ملل
هذا جانب نقدروا فيه السائق على صبره
وخاصة الفئة اللي خصصتوا الحديث عنها ' مركبات النقل بين الولايات '
أمر متعب يحتاج الى صبر كبير وطولة البال
وثاني شي ، النقل رغم صعوباته في بلادنا وسلبياته ، إلا انه مهما كان يعتبر نعمة ، خاصة على البعض، مثلا اللي معندوش 'طوموبيل ' وضروري يغادر ولايته لولاية أخرى من أجل عمل أو أمر ما ،
برأيي أحسن ما يسلّف طوموبيل من أقاربه أو جاره المقرّب ويعتبر روحو ثقّل عليهم أو شي من هذا القبيل ، يروح فالطرونسبور وهو هاني ومريّح باله أحسن ، هذا كمجرد مثال بسيط .
عموما ، ربي يقويهم في خدمتهم
وكل الاحترام لكل سائق يؤدي عمله بكل أمانة وضمير .
سلسلة مواضيع جميلة ،
تقبّلوا مروري ، احترامي

اهلا بالاخت همس الامل

صحيح ... كثيرا ما تتبادر الامور السلبية للذهن بخصوص هذا القطاع و اصحابه

الا انه لا يجب ان يغض المرء الكرف عن باقي الايجابيات و ان كانت قليلة

من ملل و تعب و خطورة الطرق و ارهاب الطرقات

شكرا اختي على ردك الفصل و مرورك الجميل

بارك الله فيك



​

 

[Salah eddin]

ها فهم عزرينا أنت و @حروف تائهة
ساعة تقولها مرتي رابحة ساعة تقولها ختي صغيرة ههههه هاو رانا نلعبو هنا وشنهي هاذي الحية أسي
شوووووف يابوووووي ههههه

اهلا صفاء ههه
بن عمييي فرشتينا اسي هههه ها اضربي النح ههه
بن عمييي هههه

​

 

[Salah eddin]

السلام عليكم
اولا تحية لاصحاب هذه المهنة وربي يرزقهم ويعينهم يارب..
إلتفاتة طيبة مشكور عليها اخي الفاضل
ولو انو العرفان موجه لاصحاب المسافات الكبيرة في كلامك اكثر فحقاً المهنة صعيبة والمسؤولية اكبر خاصة في ارواح البشر مافيهاش اللعب..
الحمد لله من قبل الجامعة نمشي مع خويا وقليل وين نتنقل في البلاد وكي نرجع ولو ماشي واجدة السيارة ولا مسافرين يدبروها( بالسيف عليهم.ههههه) هكا تعودت ونكره النقل ماشي لاشخاصو لكن لتميزيرو
الطفلة اكيد ماعندو مادخلو الشيفور فيها غالباً ( اذا ماكانتش طاكسي) بصح تروح للسانتيفي تلقى ألف ( حمار حاشاكم) وتزيد في البيس حدث ولا حرج وبعض المخلوقات واش ذنبها غير انها تقرا وماكانش لاهلها سيارة يقومو بيها...
المشكل في الناس اللي خسرت كلشي وردت كل شيء سامط وملوث بنياتها...
الله يهدي ماخلق
كاين اللي هذيك هي خبزتو ويجي شيء غاشي يقطعلوا رزقو بالهم والطيش نتاعو..

و عليكم السلام و رحمة الله و بركاته
رانا نشوفو اغلب الناس عندهم نزعة كبيرة للنقد ههه
ايا قلنا نشوفو هذي المرة الايجابيات و لو انك في الاول مدحتي و شكرتي اصحاب المهنة
و ثم ثم رجعتي للنقد ههه بن عمييي ههه
شوفو الايجابيات شوية و خلونا من الناس الي تفسد على بضعها بعض
شكرت على مرورك
بارك الله فيك



​

 

[حروف تائهة]

ها فهم عزرينا أنت و @حروف تائهة
ساعة تقولها مرتي رابحة ساعة تقولها ختي صغيرة ههههه هاو رانا نلعبو هنا وشنهي هاذي الحية أسي
شوووووف يابوووووي ههههه

اهلا اختي صفاء
هههه واش بيك علينا اسي هههه
رابحة هذيك في السلسلة هههه واش ماتعرفيش تاع الافلام كي يمثلو اووووو هههههه

 

[dahman kz]

يستاهلو وقفة تقدير واحترام صح
وخدمتهم متعبة وكلها معاناة وريسك
وتعب صحة وظغوطات وتعب اعصاب وخدمة يتعاملو فيها مع كل من هب ودب ربي يكون في عونهم
ورانا في عصر السرعه والطرانسبور حاجة اساسية ومانقدروش بلا بيهم

 

[Salah eddin]

يستاهلو وقفة تقدير واحترام صح
وخدمتهم متعبة وكلها معاناة وريسك
وتعب صحة وظغوطات وتعب اعصاب وخدمة يتعاملو فيها مع كل من هب ودب ربي يكون في عونهم
ورانا في عصر السرعه والطرانسبور حاجة اساسية ومانقدروش بلا بيهم

اهلا خويا دحمان
صحيح تعب في تعبو ضغوطات و اخطار الطرقات
يعني الله يكون في العون و خلاص
بارك الله فيك خويا دحمان


​

 

[جميلة أنا]

اااه يا جزائر و transport كل عام يزيدولنا و تمرميد تعوا يعيي صراحة انا منين كنت نقرا و انا متمرمدة في نقل رغم انوا الحمدلله خير من بكري
المفيد الحكاية اليوم كيما قلت الاخ صلاح على السائقين لمسافات طويلة والله شيء صعيب فعلا لا يقوى عليه الا الراجل الصبور جدااااا ربي يقويهم و انا عن نفسي نحترمهم رغم اني عندي حساسية من سائقين تع الشاحنات الكبيرة وش نقولكم حقاريييين حاشة البعض هذا صرا قدام عيني كنا في كار و كانت طاكسي دوبلات شاحنة و حنا في طريق بجاية و كيما تعرفوا طريقها واعرة و طريق وحدة هي دوبلاتوا هو عفس و مخلاهاش تفوت و سائق تع كار ( Toyota) كان عافس وراء الشاحنة و طاكسي ملقاش وين يروح و قداموا طاكسي خلاف والله شعرة و تنوض كارثة بسبب قطرسة السائق تع شاحنة و منعنا بسبب فطانة سائق الكار تراجع في سرعة و خلي طاكسي تعاود تولي لمكانها الاول.
هذي حادثة صرات معايا و مش اولة و اخيرة دائما تصرا رغم ذلك كاين سائقين فيهم الخير و ربي يعاونهم

 

[Salah eddin]

اااه يا جزائر و transport كل عام يزيدولنا و تمرميد تعوا يعيي صراحة انا منين كنت نقرا و انا متمرمدة في نقل رغم انوا الحمدلله خير من بكري
المفيد الحكاية اليوم كيما قلت الاخ صلاح على السائقين لمسافات طويلة والله شيء صعيب فعلا لا يقوى عليه الا الراجل الصبور جدااااا ربي يقويهم و انا عن نفسي نحترمهم رغم اني عندي حساسية من سائقين تع الشاحنات الكبيرة وش نقولكم حقاريييين حاشة البعض هذا صرا قدام عيني كنا في كار و كانت طاكسي دوبلات شاحنة و حنا في طريق بجاية و كيما تعرفوا طريقها واعرة و طريق وحدة هي دوبلاتوا هو عفس و مخلاهاش تفوت و سائق تع كار ( Toyota) كان عافس وراء الشاحنة و طاكسي ملقاش وين يروح و قداموا طاكسي خلاف والله شعرة و تنوض كارثة بسبب قطرسة السائق تع شاحنة و منعنا بسبب فطانة سائق الكار تراجع في سرعة و خلي طاكسي تعاود تولي لمكانها الاول.
هذي حادثة صرات معايا و مش اولة و اخيرة دائما تصرا رغم ذلك كاين سائقين فيهم الخير و ربي يعاونهم

اهلا بالاخت جميلة

راكي تشوفي ... كاين السلبيات و كاين الايجابيات

و الي تغلب فيهم تخلي الامر لي نهدرو عليه الا سلبي ولا ايجابي

و في سلسلة المواضيع هذي نشوفو الامور بعين الايجابية

سي نومرال تصرا حوادث كيما هاك بسبب تعنت بعض السائقين

لكن يبقى كاين سائقين عارفين حجم المسؤولية

و عارفين طبيعة الشي الي راهم يخدمو فيه

شكرا و بارك الله فيك على المرور الجميل
و الرد المفصل

​

 

[صانعة الإبتسامة]

@Salah eddin و @حروف تائهة
خلاص منزيدش نعود علاه إسمحولي هههه
كملو الحلقات وأنا راني متابعة وفية لمسلسل هه
بارك الله فيكم