الورد الأحمر وشنطتها في ورطة العدد الرابع

[السلطانة]

السلام عليكم ورحمة الله وبركاته

بالخير مسيناكم وبالمسك صبحناكم وبماء الورد رشيناكم
والسلام أهديناكم وكان خدّكم قريب بسناكم
نرحب بجميع أميرات منتدانا الغاليات
في سلسلة جديدة التي أعلنا عنها
سلسلة شنطة وصاحبتها في ورطة

لقد اخترنا لكن ضيفة مميزة جدا للعدد وهي الأخت
@الورد الأحمر

آتت إلينا مع شنطتها لنضعهما داخل مظلة الأسئلة

في انتظار ان تضع لنا ضيفتنا شنطتنا

ملاحظة:

الرجاء ان تكون اسئلة الضيفة عن شنطتها واغراضها

-نستضيف ضيفة في كل عدد بعد أن نقوم بمراسلتها طبعا.
-تقوم هذه الضيفة بتصوير حقيبتها (الصاك) وأغراضها التي بداخلها وتحضرها لنا.
-تقوم بقية العضوات بطرح أسئلة للضيفة تدور حول حقيبة يدها وحاجياتها.

​

 

[الورد الأحمر]

السلام عليكم ورحمة الله وبركاته

احم احم جيبولي الشوكولا والمكسرات باه نبدا نحللكم صاكي :p

مشكورة ع الدعوة للموضوع كنتي قلتيلي من قبل وما قدرتش نشارك ونسيت الموضوع والمرة هذي سعيدة بالمشاركة

لي عودة للموضوع مع الصور نرفعهم ونرجع

 

[آمِيْرَتُه]

السلام عليكم
مرحبا بيك منورة وهاكي الشكولا وحلي الصاك خلينا نشوفو وبلاك تعدليه كيما راه جيبيه خخخ

صوري لينا و منبعد نطرح الأسئلة

 

[الورد الأحمر]

راني رجعت للموضوع ...

المهم نبدا مع صورة الحقيبة لي راني نستعمل فيها السمانة هذي

هذي صورة الشنطة من داخل وكيفاه منظمة الأمور فيها

نروحو لواش كاين في داخلها ونبدا مع الشي الأول لي مستحيل ننساه لي هوما الموبايلات
ودآيرة موبايل من الأرشيف وموبايلي الأساسي لي نصورلكم بيه

الشي المهم بقدر أهمية الموبايلات وهو البوغطموني وفيه شوية أوراق تاني

وبما أنو من فترة طويلة الجو عندنا ربيعي معناها النظارات الشمسية نعبيها معايا

نروحو للشي لي ديما نحاول ما ننساهش ولي هو لمراية ومرات نحط أحمر الشفاه يجي لونو طبيعي

وهذي الديودوغون نحب ديما تكون عندي في الصاك وحدة

ونحب نخلي معايا قلم دايما ما ندري وقتاه نحتاجو ومفاتيح المكتب ودرج المكتب

وأخيرا ملمع الحذاء ههههه الغبرة بزاف وحاليا لابسة حذاء أسود مالا لازم نلمعو كل ما يتغبر

وهذا واش عندي في صاكي حاليا

ملاحظة/ الشي لي مستحيل يكون في صاكي هو Le papier mouchoir ​

 

[الورد الأحمر]

السلام عليكم
مرحبا بيك منورة وهاكي الشكولا وحلي الصاك خلينا نشوفو وبلاك تعدليه كيما راه جيبيه خخخ

صوري لينا و منبعد نطرح الأسئلة

يم يم راهي جات الشوكولا وحتى أنا جبت الصاك

ما عندي ما نعدل فيه أصلا صغيرون ما يعبيش فوق اللازم هههه

 

[آمِيْرَتُه]

أهلا مرة اخرى
يعطيك الصحة و راكي بسلامتك ناس ملاح كون تشوفي صاكي تحسبي خزانة راني رافدتها معايا هههه منحملش صاك فارغ منعرف هبال منعرف وراثة معرفتش ههه
ستيل نتاعها شباب بزاف الله يبارك
نرجعو للأسئلة :
كي تشري الصاك تبغيه يكون غالي أو تشوفي لنوعية المراكة حتى و إن كانت رخيسة ؟
تبغي الصيكان الصغار و لا الكبار ؟
شحال المدة باه تبدلي الصاك ؟
تختاري الصاك على حسب نوع لباسك و لا حذائك ؟

 

[الورد الأحمر]

أهلا مرة اخرى
شكرااا وأهلا بيك
يعطيك الصحة و راكي بسلامتك ناس ملاح كون تشوفي صاكي تحسبي خزانة راني رافدتها معايا هههه منحملش صاك فارغ منعرف هبال منعرف وراثة معرفتش ههه
ستيل نتاعها شباب بزاف الله يبارك
الله يبارك فيك ... هههه كنت هكاك كي كنت نقرا ولا كي نعبي صاك كبير ممكن تلقاي فيه أمور بزاف شغل ع قد ما يعبي الصاك ممكن نزيد حوايج خخخخ
نرجعو للأسئلة :
اتفضلي
كي تشري الصاك تبغيه يكون غالي أو تشوفي لنوعية المراكة حتى و إن كانت رخيسة ؟
الصاك ما نخيروش ع أساس غالي ولا رخيص المهم يعجبني ووقت يعجبني ونشوفو بلي لايق مع الشي لي رح نلبسو معاه معناها هذاك واش نحتاج
يعني ممكن أرخص صاك يعجبني ويليق نشريه وممكن أغـلى ونشريه المهم بالنسبة ليا يكون متناسق مع واش رح نلبس برك
تبغي الصيكان الصغار و لا الكبار ؟
مؤخرا وليت نحب الصغار وليا شحال نعبي غير الصغار نحسهم خفاف أكثر وظراف أكثر وخاصة أنا ما عندي واش نعبي معايا مالا نحس لكبير مثقلني
ومع الصغار وليت نلقى روحي متقيدة بشي خفيف نحطو باه ما نرجعش معبية خزانى كيما قلتي هههه
شحال المدة باه تبدلي الصاك ؟
كل ما نبدل قشي نبدل الصاك يعني ع حسب اللباس
تختاري الصاك على حسب نوع لباسك و لا حذائك ؟
طبعا الصاك والحذاء بالنسبة ليا يكملو اللوك وإذا كانت اللبسة سبورت رح نختار صاك سبورت وبالتالي الحذاء كيف والعكس

مغسي ع المرور والأسئلة وفي انتظار أسئلة أخـرى من العضوات راهم راقدات وناوية نفطنهم يعني نفطنهم

 

[الورد الأحمر]

هيا وينكم اتفضلو ساعدونا نحركو منتدى عالم المرأة

@Twinkle Stars
@زهرة البليدة
@أم ياسمينdz
@لؤلؤة قسنطينة
@سكون الفجر
@yaso ياسمين
@fadwa maria
@عاشقة الإحسان
@دعاء الجنات
@Ryry_Ndj
@قطر الندىdz
@البدر المشرق
@جميلة أنا
@طيب الكلام
@صمت المشاعر
@NAPOLA
@ضيوف وسـنغادر
@Soumia hadj mohammed
@حروف تائهة
@Mery Babaammi
@لاريمان
@عآشقة الجنـة
@بشرى ملاك
@صفاءdz
@chirine zina

 

[همس الوُرود]

السلام عليكم
هههههههه أصبري كلش جاني مليح الله يبارك ومنطقي بصح مفهمتش علاش متحطيش بابيي مشوار ههههه
أنا يعني كل يوم راني نشريه مرات نشري باكي كل يوم نحط وحدة بحكم أني مريضة من كي بدات الشتا وكل مرة يقوى عليا المرض ههههههه
نزيدلك سؤال والله جاي فبالي
أنتي قبل ماتشري حاجة مش مين تدخلي للحانوت الأول تشري باينة بلي تطولي بش تشري كش حاجة راني غالطة أو لا؟ ههههه
سؤال رقم معلاباليش شحال
تحبي الصاك الصغير , المتوسط , أو الكبير يعني وش تفضلي
هدا وش لقيت أسئلة ههههه​

 

[زهور الأمل]

كي نرجع بالسلامة نوريلكم صاكي ههه
جميلة مقتنياتك حبيبتي

 

[ضآحكة مستبشرة]

السلام عليكم اختي نور نورتي
ان شاء الله نكونو خفاف عليك بالأسئلة ديالنا
مشاء الله الله يبارك صاكك شباب بزاف بالصحة عليك
و عجبتني بزاف طريقة التنظيم و الادوات الموجودة بداخله

نرجعوا للأسئلة :
- واش هي الالوان لي تحبيها فلي صآک ؟
- و ما هو رأيك الالوان الفاقعة كيما الاحمر و الاصفر ؟

- على أساس واش تخيري الصاك يعني يعجبك تشريه ؟ ولا تشريه على أساس لباس معين ؟
- كيفاش تتخيلي الصاك بدون مرآة ؟

و لي عودة ان شاء الله ​

 

[*رحيق الزهور*]

السلام عليكم
عجبتني فكرة الموضوع
شكرا لصاحبة الموضوع ومرحب بالضيف الغالية
أن شاءالله راح نرجع وفي جعبتي أسئلة تليق بضيفتنا
راجعتلك استنيني اختي الكريمة

 

[الورد الأحمر]

السلام عليكم ورحمة الله وبركاته

مشكورات على المساهمة في الموضوع ولي عودة غدا إن شاء الله للإجابة على الأسئلة بإذن الله درك خلص طفيت ولازن نرقد .

تصبحوا بألف خير حبيباتي :kiss:

 

[بشرى ملاك]

الله يبارك ساك شباب ومرتب وفيه صوالح قليلة بصح المهمة نستعرف بيك..
سؤالي علاه ماترفديش بابيي موشوار هههههه?
ولماكياج علاه مارفدتيش معاك ولا ماتعاوديهش برا? باسكو شفت عاملات كي يجي لوقت لي يخرجو فيه يجبدو دوزانهم ويعاودو يستيكو لعمر?

 

[صانعة الإبتسامة]

سلاااااااام مشكورين موضوع رائع يلم كامل بنات اللمة نشاء الله تكونو بخير

أنا حبيت نسقسيك @الورد الأحمر وعلاش مترفديش بابي مشوار؟ههههه أنا لازم تعود في صاكي لااااااااازم ههه
واش من ألوان تحبيهم في الصاك تفضلي الأوان الترابية ولا الألوان الصارخة كالأحمر والأخضر و و الأصفر و .و؟:Love::Love::Love:
واش هو الغرض لي لوكان تنسايه كي تخرجي لازم ترجعي لدار على جالو؟

ومرسي يالبنات الله يبارك منورين

 

[قطر الندىdz]

السلام عليكم ورحمة الله وبركاته
شكرا لكم على الموضوع و مرحبا بيضيفتنا وصاكها ماشاء الله ذوقك شباب وصاك متحوف ★★★★★ طيتلك خمسة نجوم.
كامل سقساوك عله مترفديش پاپي مشوار ههههه حتى انا نحب نعرف
سؤالي. وش من حاجة لازم تكون في صاكك ؟
تحبي صاك لي ديريه على كتفك ولا لترفديه في يدك؟
تحبي صاك سانبل ولا فيه إكسيسوارات ؟
وش من الألون تفضيلي ؟
شحال عندك من صاك؟ كبار. صغار. بوشات
هل تعرضتي لي السرقة سرقولك صاك ؟او نسيته في كاش بلاصة ؟(بعيد الشر)
شفتي صاك وعجبك وكان غالي ومقدرتيش تشريه وبقى في خاطرك ؟
وش من الماركات العالمية تعجبك؟
****ان شاء الله الأسئلة تكون خفيفة عليك***

 

[الورد الأحمر]

السلام عليكم
وعليكم السلام ورحمة الله وبركاته
هههههههه أصبري كلش جاني مليح الله يبارك ومنطقي بصح مفهمتش علاش متحطيش بابيي مشوار ههههه
هههه الله يبارك فيك ... اممم وعلاه ما نحطش البابيي موشواغ ؟؟ نجاوبك ولا نخليك هك
نديرلك شوية سيسبانس ههههه :p ... بون من اللخر ما نحملش البابيي موشواغ وما نحبوش
ولوكان نستخدمو مرة يديرلي الحساسية في خشمي ونولي ما نقدرش نستغنى عليه ههههه
حتى ولو زدرانة كيما آخر مرة زدرت مؤخرا قضيتها سمانة باه بريت وفي السمانة هذي كاملة
ما استخدمتوش يا لوكان مرة وحدة ولوكان استخدمو كان يزيد عليا الحال
أنا يعني كل يوم راني نشريه مرات نشري باكي كل يوم نحط وحدة بحكم أني مريضة من كي بدات الشتا وكل مرة يقوى عليا المرض ههههههه
أنا ممكن نضطر نشريه بصح باه نستخدمو نمسح بيه حاجة ولا ولي يبقالي نمدو ما نخليهش
نزيدلك سؤال والله جاي فبالي
اتفضلي اسألي
أنتي قبل ماتشري حاجة مش مين تدخلي للحانوت الأول تشري باينة بلي تطولي بش تشري كش حاجة راني غالطة أو لا؟ ههههه
ايه صح عندي مجموعة من لحوانت لي نشري من عندهم مالا قبل ما نشري نفوت عليهم كامل وسع
نقرر واش نشري يعني ممكن نزرب روحي نشري ونروح عند الثاني نلقى عندو حاجة حلات في عيني
خير مالا أول شي نديرو نشوفهم كامل ونرجع عند لي بقات حاجتو حليانة في عيني
سؤال رقم معلاباليش شحال
تحبي الصاك الصغير , المتوسط , أو الكبير يعني وش تفضلي
مؤخرا وليت نحب الصغار لي كيما صورت تقريبا عندي فوق عام نستخدم النوع هذا بكثرة ممكن على
خاطر ما عندي ما نعبي فيه وغير نروح نخدم ونرجع وواش رح ندي معايا للخدمة مثلا من غير لمفاتح
هدا وش لقيت أسئلة ههههه​

هذا واش لقيت أسئلة هههه

مغسي ع الأسئلة لي لقيتي وراه جايك الدور غير وجدي صاكك ونجيك أنا تاني بالأسئلة

شكرا ع التفاعل سنفورة :kiss:

 

[الورد الأحمر]

كي نرجع بالسلامة نوريلكم صاكي ههه
جميلة مقتنياتك حبيبتي

ترجعي بالسلامة ان شاء الله

مالا نعتبروك انتي ضيفة العدد الجاي من شنطة في ورطة ؟

وشكرا حبيبتي ع المرور الطيب

 

[آمِيْرَتُه]

ترجعي بالسلامة ان شاء الله

مالا نعتبروك انتي ضيفة العدد الجاي من شنطة في ورطة ؟

وشكرا حبيبتي ع المرور الطيب

الضيفة نتاع العدد الثاني صيدنها خلاص هههه @قطر الندىdz

 

[الورد الأحمر]

السلام عليكم اختي نور نورتي
ان شاء الله نكونو خفاف عليك بالأسئلة ديالنا
وعليكم السلام ورحمة الله وبركاته
راكم ديما خفاف ظراف تسلمووو :kiss::kiss:

مشاء الله الله يبارك صاكك شباب بزاف بالصحة عليك
و عجبتني بزاف طريقة التنظيم و الادوات الموجودة بداخله
الله يبارك فيك حبيبتي أصلا ما يعبيش بزاف مالا فيه غير النيسيساغ

نرجعوا للأسئلة :
اتفضلي
- واش هي الالوان لي تحبيها فلي صآک ؟
صراحة ما عنديش لون معين نحبو المهم عندي الألوان لي تليق مع قشي
بصح الصاك الأزرق الأسود والبني لازم ديما عندي منهم مستحيل نتنازل
ع الألوان هذو والبقية ع حسب اللبسة
- و ما هو رأيك الالوان الفاقعة كيما الاحمر و الاصفر ؟
الأحمر والأصفر فيهم درجات تلقايهم باهيي يعني مش أي درجة من الأحمر
مليحة ونفس الشي بالنسبة للأصفـر ... إذا قلت أصفر نفض الخردلي ما يجيش
فاقع وعندي واحد في اللون هذا مع كونفاغس بنفس اللون وخمار بعد
- على أساس واش تخيري الصاك يعني يعجبك تشريه ؟ ولا تشريه على أساس لباس معين ؟
الصاك ما نشريهش باه نشريه وبرك ديما نخمم واش عندي من لباس ونلحق الصاك إذا كان
خاصني صاك يعني عاملة أولويات في حياتي ومنظمة مصاريفي شي ما نحتاجوش ما نشريهش
- كيفاش تتخيلي الصاك بدون مرآة ؟
امممم تصرا مرات وين ننسى المراية ... كان زمان لو نسيت لمراية نحس صاكي ناقص
حاليا عادي أصلا شاشات الموبايلات وفرت علينا بزاف هههه وموبايلي الثاني الصغير
يعني الشاشة تاعو مراية وحتى لو نفتحو عندو زر باه نحولو لوضع مرآة مالا مش ناقصتني
مراية البركة في التكنولوجيا
و لي عودة ان شاء الله ​

ان شاء الله حبيبتي أنتظر عودتك :kiss::kiss: