الورد الأحمر وشنطتها في ورطة العدد الرابع

[الورد الأحمر]

السلام عليكم
عجبتني فكرة الموضوع
شكرا لصاحبة الموضوع ومرحب بالضيف الغالية
أن شاءالله راح نرجع وفي جعبتي أسئلة تليق بضيفتنا
راجعتلك استنيني اختي الكريمة

وعليكم السلام ورحمة الله وبركاته

أهلا بيك حبيبتي ان شاء الله تشاركينا في الموضوع وتتفاعلي معانا وان شاء الله تكوني من ضيفات العدد الجاي إذا قبلتي طبعا .

في انتظار عودتك للموضوع مع أسئلتك :kiss::kiss::kiss:

 

[آمِيْرَتُه]

صباح الخير جمعة طيبة
لازملك مواضيع هاك باه تنوضي بكري ههه
اني رجعت : ماهي الألوان لتبغيها ؟
إذا كنتي تبعي ماركة معينة في الصيكان شاهي ؟
نوعية الصاك لتبغيه يعني مادة لصنعوه بيها ؟ بلاكي من جلد التمساح خخخ

 

[الورد الأحمر]

الله يبارك ساك شباب ومرتب وفيه صوالح قليلة بصح المهمة نستعرف بيك..
سؤالي علاه ماترفديش بابيي موشوار هههههه?
ولماكياج علاه مارفدتيش معاك ولا ماتعاوديهش برا? باسكو شفت عاملات كي يجي لوقت لي يخرجو فيه يجبدو دوزانهم ويعاودو يستيكو لعمر?

الله يبارك فيك حبيبتي يس غير واش نحتاج

ههه البابيي موشواغ كيف ما قلت لعبير ما نحبوش ما نستعملوش واذا استعملتو نولي لازم كل شوية نستعملو شغل نحرض خشمي ههههه وإستعمالي ليه يكون لأشياء ثانية يعني ممكن نحتاجو نمسح بيه حاجة ولا حاشاك صباطي ولي يبقالي نمدو للي يستعملوه

بخصوص المكياج ما نعبيش معايا المكياج من غير أحمر الشفاء ومش ديما نحطو معايا وإذا خرجت من الدار أبدا ما نعاودوش ولا نعدل عليه حدي نشوف وجهي في لمراية وإذا لقيت مثلا خلل مثلا الكحل مرات يهبط ولا نمسح المنطقة وبرك أما نعبي معايا مستحضرات لا اللهم إذا عبيت معايا مرطب يدين على خاطر يديا في البرد تضرر بشرتهم وما نحملش نشوف بشرتي هكاك تقول تاع راجل مالا نحافظ ع الترطيب تاعها باه ما يصيرلها والو

مغسي ع المرور والتفاعل والأسئلة يعطيك الصحة :kiss:

 

[الورد الأحمر]

سلاااااااام مشكورين موضوع رائع يلم كامل بنات اللمة نشاء الله تكونو بخير

أنا حبيت نسقسيك @الورد الأحمر وعلاش مترفديش بابي مشوار؟ههههه أنا لازم تعود في صاكي لااااااااازم ههه
واش من ألوان تحبيهم في الصاك تفضلي الأوان الترابية ولا الألوان الصارخة كالأحمر والأخضر و و الأصفر و .و؟:Love::Love::Love:
واش هو الغرض لي لوكان تنسايه كي تخرجي لازم ترجعي لدار على جالو؟

ومرسي يالبنات الله يبارك منورين

وعليكم السلام ورحمة الله وبركاته أهلا بيك حبيبتي

وعلاه ما نعبيش البابيي موشواغ ؟ ههههه الأسئلة الكل ع النقطة هذي امممم تقدري تقولي حساسية منو كي نستعملو كي شغل حرضت خشمي ونولي ديما بيه بصح كي ما نقيسش خشمي بيه ما يصرالي والو حتى في المرض والزدرة ما نستعملوش ونلقى راحتي قليل وين نضطر نستخدمو في حالات المرض

الألوان لي نحب في لي صاك ؟ تقدري تقولي نحب الألوان الكل وطبعا مش الكل خخخ أفهميها هذي ... يعني نحب الأسود الأزرق كيف لي صورت البني الباج عند الذهبي والفضي نحبهم في الصيف يليقو مع بزاف دي صوندال وموكاسان ... بصح لو شفت لصاكاتي نلقى عندي بزاف في اللون الأزرق لي كيف ما صورت

الغرض لي لوكان ننساه نرجع رسمي للدار ؟ أكيد التيليفون ولا البوغطموني ... التيليفون بلا بيه مستحيل نروح نخدم ولا نخرج برا يعني إلا ما نحتاجو والبوغطموني بلا بيه ما نقدر بما أنو فيه الدراهم مش رح نمشي على رجليا ههه

ومغسي ليك انتي حبيبتي ع التفاعل يعطيك الصحة .

 

[الورد الأحمر]

السلام عليكم ورحمة الله وبركاته
وعليكم السلام ورحمة الله وبركاته
شكرا لكم على الموضوع و مرحبا بيضيفتنا وصاكها ماشاء الله ذوقك شباب وصاك متحوف ★★★★★ طيتلك خمسة نجوم.
أهلا بيك حبيبتي ومرحبا بيك وشكراااااا ع الخمس نجوم
كامل سقساوك عله مترفديش پاپي مشوار ههههه حتى انا نحب نعرف
ههههه تقدري تشوفي ردودي فوق راني رديت عليهم بصح السبب الأساسي الحساسية منو
سؤالي. وش من حاجة لازم تكون في صاكك ؟
التيليفون خاصة الأساسي يعني لكبير والبوغطموني ولا خليني نقول الدراهم
تحبي صاك لي ديريه على كتفك ولا لترفديه في يدك؟
نفضل لي يتحط ع لكتف بصح كاين لبسات يجي معاهم لي يتعبا في اليد خير يعني يكمل لبرستيج
تحبي صاك سانبل ولا فيه إكسيسوارات ؟
نفضل السامبل على خاطر لي بالأكسسوارات تلقاي الأكسسوار تاعو بالعادة يطيح ولا يفسد ولا يروح لونو ويبشاع
وش من الألون تفضيلي ؟
نفضل الأزرق لي كيما هذا لي صورت ديما نميل للون هذا
شحال عندك من صاك؟ كبار. صغار. بوشات
امممم صراحة ما علاباليش عندي بزاف بدون مبالغة بصح هكاك ونلقى روحي مركزة على صاكات دون لخرين
هل تعرضتي لي السرقة سرقولك صاك ؟او نسيته في كاش بلاصة ؟(بعيد الشر)
تعرضت لمحاولة سرقة بصح ما قدروش يدولي الصاك ولا الأصح البوغطموني ههه أما نسيتو في كاش بلاصة لا ولا مرة
شفتي صاك وعجبك وكان غالي ومقدرتيش تشريه وبقى في خاطرك ؟
ولا مرة على خاطر أنا نخدم بمبدأ كي نلقى حاجة بقات في خاطري نشريها يا لوكان نحط آخر دورو عندي على خاطر ما ندريش الموت من لحياة وواش معناها نخبي دراهم ونستغلى شي عليا ونموت ونخليهم وما صرفتهم ما شريت لي كان في خاطري
وش من الماركات العالمية تعجبك؟
في الصاكات نحب ماركة شانيل لي يجو من النوع هذا بعد لي حطيت يعجبوني يجو شغل ماطلاسي ههه نحب النوع هذاك
****ان شاء الله الأسئلة تكون خفيفة عليك***

أسئلتك وانتي خفاف ظراف يعطيك الصحة أختي ع التفاعل مشكووورة :kiss::kiss:

 

[الورد الأحمر]

الضيفة نتاع العدد الثاني صيدنها خلاص هههه @قطر الندىdz

هههه وي اختطفناها حتى العدد الجاي نطلقو سراحها

 

[الورد الأحمر]

صباح الخير جمعة طيبة
صباح الأنوار وجمعة مباركة
لازملك مواضيع هاك باه تنوضي بكري ههه
هههه والله نضت ع الطناش وربع هكاك
اني رجعت : ماهي الألوان لتبغيها ؟
أهلا برجعتك
نفضل الألوان: أزرق أسود بني رمادي هذو للشتاء وللصيف نحب الذهبي والفضي والباج ودرجة من الوردي نحبها يعني مش كل وردي باهي كاين وحد الدرجة منو تعجبني في لي صاك
إذا كنتي تبعي ماركة معينة في الصيكان شاهي ؟
شانال نحب لي صاك تاعهم
نوعية الصاك لتبغيه يعني مادة لصنعوه بيها ؟ بلاكي من جلد التمساح خخخ
ما عنديش مادة معينة نحب الصاك يكون مصنوع بيها المهم عندي أنو يبان حطة وشيك وواقف وتبان فيه الكاليتي هذا ماكان

مغسي حبيبتي يعطيك الصحة :kiss:

 

[❤️كلي أمل❤️]

السلام عليكم
اهلين بضيفتنا أن شاءالله راح نقلقوك شوووية برك ماشي بزاف باسئلتنا هههههه
1_شحال عندك من صاك؟؟
2-تشري نوعية الصاك لي مع صباط تاعو ولا تشري صاك وحدو وصباط وحدو؟ ؟
3-تستعملي بزاف صاك كبير ولا بوشات؟
4-اكثر لون تحبيه وماتمليش منو هههه. ؟؟
5-تفضلي صاك غالي ثمن ولا ثمنو يكون معقول؟

إن شاء الله مانكونش كثرت عليك بزاف ههه
جاوبي ونزيد نرجع هههه
سلاااااام

 

[قطر الندىdz]

الضيفة نتاع العدد الثاني صيدنها خلاص هههه @قطر الندىdz

اه،،،،،
ان شاء الله نكون خفيفة ضريفة هههههه

 

[الورد الأحمر]

السلام عليكم
وعليكم السلام ورحمة الله وبركاته
اهلين بضيفتنا أن شاءالله راح نقلقوك شوووية برك ماشي بزاف باسئلتنا هههههه
أهلا بيك حبيبتي ومرحبا بأسئلتك راني هنا نجاوب وما نقلقش
1_شحال عندك من صاك؟؟
صراحة بدون مبالغة عندي بزاف ما نقدرش نحسبهم بصح نميل لمجموعة منهم برك .
2-تشري نوعية الصاك لي مع صباط تاعو ولا تشري صاك وحدو وصباط وحدو؟ ؟
لا نشري الصاك وحدو والصباط وحدو على خاطر قليل وين نلقى صاك معاه صباطو وفي زوج باهيين يعني ديما نلقى يا الصباط عاجبني والصاك لا يا العكس مالا نفضل وحدي نختار الصاك ونشوفلو صباك يليق معاه
3-تستعملي بزاف صاك كبير ولا بوشات؟
مؤخرا وكي نقول مؤخرا نقصد فوق عام راني نستخدم غير في الصاكات الصغار لي كيف ما صورت ولكبار يجي نهار نحتاجهم
4-اكثر لون تحبيه وماتمليش منو هههه. ؟؟
الأزرق لي كيما الصاك لي صورت نموت عليه وما نملش منو وعندي الصاكات في اللون الأزرق بزاف ومن النوع هذا الصغير وكل مودال تاع صاك نشوفو يحلالي لي في اللون لزرق :Love:
5-تفضلي صاك غالي ثمن ولا ثمنو يكون معقول؟
صراحة ما نشوفش للسعر في الصاكات أنا المهم عندي يكون صاك باهي وبخيزونتابل ويكون يبان كاليتي وشيك هذا واش نركز عليه
إن شاء الله مانكونش كثرت عليك بزاف ههه
نو عادي ما كثرتيش
جاوبي ونزيد نرجع هههه
سلاااااام

أهلا بيك حبيبتي في كل وقت ومنتظرة رجعتك

شكرا على التفاعل الطيب مع الموضوع :kiss::kiss:

 

[الورد الأحمر]

اه،،،،،
ان شاء الله نكون خفيفة ضريفة هههههه

خلاص مالا العدد الجاي راكي انتي الضيفة

غير وجدي لي فوطو من درك باه كي تلحق دالتك يكونو عندك :p

مغسي حبوبة :kiss:

 

[السلطانة]

شكرا لكي حبيبتي وشكرا لجميع الاخوات


تتحصل الضيفة على وسام

لكن وسام افضل مناقشة لم تتحصل عليه اي عضوة نظرا لعدم وجود اسئلة كثيرة

انتظرونا مع ضيفة العدد الثاني الاخت
قطر الندى