يا طفلة ارواحي تديري سلفي مع عقلية أخوك الجزائري ?

[الصحافية الساخرة]

السلام عليكم و رحمة الله تعالى و بركآته

? اضحك و خرج سنانيك و لا تبالي

...

أيها المخلوق فنيان ديما عيان ، واش نهدر فيك قليل ?

ما تزعفش يا أخي صاحب العضلات المفشولة بميغا ماكس

و يا ربي لا خلقت عضلة ?? مسكين الجزايري شحال مهموم

وكي يولي مهموم بزاف أول حاجة تختفي منه و تذبل هي

لاطاي ههه ( على عكس المرأة الجزائرية كي تولي تخمم بزاف

تولي بابور أضخم من سفينة تيتانيك ? ) .. سمحولي لبنات

ما قصدت والو ?


و نعود لحكايتنا مع هذا المخلوق العجيب اللي يحب يملي

الأوامر و النصايح سيرتوا إذا تعلق الأمر بالطفلة ?

و يلعبها على أختوا زعما ما يحبش الطفلة اللي تلبس سروال

روح اسيدي ما قلناش معليش ،، ما يحبش تان الطفلة اللي

تلبس بيجامة فالدار لونها أحمر ( ما عرف مشكلته واش هي ؟ )

لا علينا .. نروحوا للتالي اواه للحاضر قبل المستقبل خلينا هنا

برك .. تلقاه يحكي مع خطيبته يقولها يخرجوا عليك السراول

خير ،، والأحمر يليق بك حبيبتي ? .. دوك هذا المخلوق كاش

واحد يفهموا ؟؟؟ أنا ما قدرتش نفهم ? ..

..

يقول لأخته : غير الخدمة انساي تخدمي فهمتي ،، و انساي

تدخلي للجامعة مكلاه تتعبي وتقراي الجامعة او مافيهاش ..

(هذيك ليك اختي @زهرة اللمة ? .. )

و مستقبلا أخوك يا جزائرية مسكينة يعكسها و يعفسهالك

يخطبها جامعية و يتزوجها وهي تكمل فالماستر ? و ترفد

روحها غدوا من الدار كل صباح تروح تخدم ..

نعم هذا أخوك الجزائري المخلوق المتناقض تخماميا ?

ما يحبش أخته تطل من التاقة و الى حبت تطل لازمها تكفن

روحها مليح و تخرج تطل من تحت الستار و بالخفاء .. Mais

عزيزتي مدامته المستقبلية يعيطلها توحش يشوف شعرها

المكشرد طلي طلي يا وردة من التاقة يشوفك أخونا ?


حبيت نقول للعباد اللي كما هاك : " ما تخممش تخمام مزير مع

أختك ، ومع عزيزتك تولي متفتح و صاحب مبدئ آخر .. "

خاطر تلحق و يشفوك ? ..

"فطوم"

​

 

[الصحافية الساخرة]

@زهرة اللمة

@لؤلؤة قسنطينة

@أم ياسمينdz

@الورد الأحمر

@بشرى ملاك

@عآشقة الجنـة

@ليليا مرام كي ترجعي فوتي لهنا قبل ???

@Soumia hadj mohammed

@Mery Babaammi

@missing heart

@chirine zina

@ميلينا اضحكي شوي ليليا اي ترجع و تسمعي المعايرة تاعها ??

@لاريمان

@بنت سطيف

@*amani*

اللي نسيتها تسمحلي كاين اللي بدلوا عضوياتهم


المهم المخلوق فنيان ديما عيان علابلي ما يدخلوش الجنس الغريب هههه

@Salah eddin نعميلك عينيك هذي المرة انا لوكان تقولي طاحو عينيا ??? خليهم يطيحو يبدلو الميدان شوي يزهاو هههه

@السحاب العابر ضبابة كحلاء نكملك الكنية السوداء الزمبابوية ??

@يونس قاسم ?? تفضل شهية طيبة ههه

@حلم كبير ما عرفت الا انت راجل ولا امراة بصح الظاهر رجل خاطر اسمك حلم مش حلومة ??

@Skor m@k اخرج من تفنيين تاعك تشوف ?

@dahman kz

@فتحي عاشق الجنه عندك مدة ما بانتش ههه

@وائل ابن الجزائر

الدعوة للجميع ☺ انشطوا شوي شحال تفنينتو

 

[همس الوُرود]

السلام عليكم اختي فاطمة
رغم ان موضوعك للترفيه والضحك الا اني رايحة نحكي سيغيووز معاك شوي
الأخ ووش يدير لختو من الي ذكرتيه كامل من غيرتو عليها وحاجة مليحة يكون الاخ يغير على ختو
أنا وحدة كي يغير عليا خويا نحس بالفرحة بلي عندي قيمة فحياتو نحس بروحي محمية وكون ما عايلتي بابا وماما وخوتي وخوفهم عليا وتربيتهم كون مارانيش هكا
والحمد لله

بالنسبة للطفل الي يدير صاحبتو وراكي ماغلطتيش كي قلتي صاحبتو ماقلتيش مرتو هدا لأنو حاب يفوت وقت لأنو كيف الذيب حاب يتلذذ بديك الطفلة و مفاتنها بينما وش راه يدير لبنت الناس مايرضاهش لاختو
واكيد مش كل الذكور هكا
اكيد كاين الرجال الي ميصاحبوش و مربيين ويروحو من الباب الحلال
وتلقايه يغير على اختو ويغير على مرتو ولباس والحمد لله
الدليل اغلب الرجال فهدا الوقت لما يتزوجو يطلبو من مرتهم تبقى فالدار وتحبس الخدمة كلو لانو يغير عليها وميحبهاش تتعامل مع رجال غيرو

بوركت حبيبتي على الموضوع

 

[Skor m@k]

السلام عليكم
ههههه دائما مع البداية الأسطورية للملكي
اسمحيلي دخلة تاع رونالدو هذي ههههههههههه

شوفي المعادلة سهلة ماهلا
انت خوك يزيرك هكذا باش كي تروحي عند راجلك يتهلى فيك ويبقى مزير خياتو
هكذا باش تولي كل طفلة كي تتزوج لها الحرية مع راجلها
ومع لي يكون مزير مع خياتو تلقاي انت راحتك
سافيك مرة عليك كي تكوني مع خوك فالدار
ومرة مع راجلك كي تكوني انت مع خياتو فالدار
مممممممممي المشكلة الى بقيتي بايرا فالدار واع واع واع
راح تطفر فيك ههههههههههه

نعاودو نولو للسيريو هههه
الواحد لازم مايكونش الريح لي يجي يديه وكل مرة يهدر هدرا وكي تلحق ليه يدور عليها
كيما واحد فاميلتي مكانش يحب يخلي خياتو يخدمو
وكامل لبسلهم الجلباب ومايخليهمش يخرجو
مي مليح هكذا كي زيرهم ماقلنا والو
مي واش ماشي مليح هههههه
هاو راح يتزوج لي خطبها قالتلو مانلبسش جلباب وتكمل تخدم مور الزواج وهو قبل
هاه هنا شفت لي ماشي مليح الهدرة والتلباز هذا
الواحد لازم لي يحبها الحاجة ليه يحبها لغيرو

المهم الواحد يكون مسؤول وقد الهدرة لي يهدر ويخرج من فمو
ماشي كي توصل ليه وللحاجة لي يحبها يدير روحو ماهدرش وجيه نورمال

يعطيك الصحة ختي طمطومة راكي ناشطة شويا هذو اليمات
​

 

[الصحافية الساخرة]

السلام عليكم اختي فاطمة
رغم ان موضوعك للترفيه والضحك الا اني رايحة نحكي سيغيووز معاك شوي
الأخ ووش يدير لختو من الي ذكرتيه كامل من غيرتو عليها وحاجة مليحة يكون الاخ يغير على ختو
أنا وحدة كي يغير عليا خويا نحس بالفرحة بلي عندي قيمة فحياتو نحس بروحي محمية وكون ما عايلتي بابا وماما وخوتي وخوفهم عليا وتربيتهم كون مارانيش هكا
والحمد لله

بالنسبة للطفل الي يدير صاحبتو وراكي ماغلطتيش كي قلتي صاحبتو ماقلتيش مرتو هدا لأنو حاب يفوت وقت لأنو كيف الذيب حاب يتلذذ بديك الطفلة و مفاتنها بينما وش راه يدير لبنت الناس مايرضاهش لاختو
واكيد مش كل الذكور هكا
اكيد كاين الرجال الي ميصاحبوش و مربيين ويروحو من الباب الحلال
وتلقايه يغير على اختو ويغير على مرتو ولباس والحمد لله
الدليل اغلب الرجال فهدا الوقت لما يتزوجو يطلبو من مرتهم تبقى فالدار وتحبس الخدمة كلو لانو يغير عليها وميحبهاش تتعامل مع رجال غيرو

بوركت حبيبتي على الموضوع

وعليكم السلام و رحمة الله

نو نو نو جامي كان موضوع للترفيه فقط كلشي بالمعنة اختيتو ☺ ،، وراني سيريو و الخاتمة
توضح المعنى .. مانيش نحكي على كامل واش هدرتي ما وصلتكش الفكرة لأني نهدر على اللي يكون بمبدئ مع أهله خياته زعما التزيار وووو فوق الحق و من بعد مستقبلا يتوجه العكس قلت : زوجته ماش صحبته يقول لاخته ما تقرايش و ماكاش قراية فالجامعة من بعد يجيب مرته تقرى و تكمل تقرا مور زواجهم و تزيد تخدم " هذا مثال نظن فهمتي قصدي دوك

حاجة الغيرة و الخوف على اهله هذيك حاجة خلاف مي جامي تهدر هدرة و تمشي على مبدئ وتغيره من بعد على جال مصلحتك و واش تحبه لنفسك ايه تجوز و لغيرك لا

مرسي ختيتو على المرور .. سررت بك ☺

 

[الصحافية الساخرة]

السلام عليكم
ههههه دائما مع البداية الأسطورية للملكي
اسمحيلي دخلة تاع رونالدو هذي ههههههههههه

شوفي المعادلة سهلة ماهلا
انت خوك يزيرك هكذا باش كي تروحي عند راجلك يتهلى فيك ويبقى مزير خياتو
هكذا باش تولي كل طفلة كي تتزوج لها الحرية مع راجلها
ومع لي يكون مزير مع خياتو تلقاي انت راحتك
سافيك مرة عليك كي تكوني مع خوك فالدار
ومرة مع راجلك كي تكوني انت مع خياتو فالدار
مممممممممي المشكلة الى بقيتي بايرا فالدار واع واع واع
راح تطفر فيك ههههههههههه

نعاودو نولو للسيريو هههه
الواحد لازم مايكونش الريح لي يجي يديه وكل مرة يهدر هدرا وكي تلحق ليه يدور عليها
كيما واحد فاميلتي مكانش يحب يخلي خياتو يخدمو
وكامل لبسلهم الجلباب ومايخليهمش يخرجو
مي مليح هكذا كي زيرهم ماقلنا والو
مي واش ماشي مليح هههههه
هاو راح يتزوج لي خطبها قالتلو مانلبسش جلباب وتكمل تخدم مور الزواج وهو قبل
هاه هنا شفت لي ماشي مليح الهدرة والتلباز هذا
الواحد لازم لي يحبها الحاجة ليه يحبها لغيرو

المهم الواحد يكون مسؤول وقد الهدرة لي يهدر ويخرج من فمو
ماشي كي توصل ليه وللحاجة لي يحبها يدير روحو ماهدرش وجيه نورمال

يعطيك الصحة ختي طمطومة راكي ناشطة شويا هذو اليمات
​

و عليكم السلام

???? البداية ديما اسطورية ?
ايه السي مالك فهمتني بارك الله فيك ،، يكون مسؤول و قد الهدرة هذيك هي ?

مرسي عليك ،، و انت راك فنيان ما تنساش راقد راااقد رااااااااقد و طولت الرقاد افطن و لا

نجي نفطنك بدماغ صحيح ههههه

 

[زهور الأمل]

يعطيك الصحيتي?
ومن جيهة اخرى في حبيبته يحلل كلش ?ويستغل كل الفرص في بنت الناس كلش حلا ل ?وكي تجي في اخته سنيه يزيرهم?
ها شوي هم تاني عندهم خوت ?
سمحولي على هاد المرور الصادم? بصح البنات خرفوني مساكن ها بشوية على بنات الناس?

 

[dahman kz]

صح راكي ركزتي على ظاهرة كاينه منها

و للي راجل راجل ما يتنازالش على مبادئه
اخته وله مرته كيفكيف ماكانش فرق

والعكس كاين حالات الراجل مايتلامش فيها مع اختو على خاطر الوالدين يعارضوه فيها بدعوة الشر ومايقدرش يعارضهم ويربح العيب معاهم

امااذا كان الراجل قابل من مرتو حاجات كان يشوف فيها رخص وعيب وطحين من اختو من قبل !!ومبعد يتقبلها من مرتو!! هاذي ماعندها حتى عذر وماعندها حجة وهذا هو الرخص و الطحين بذاتو .على خاطر الراجل يقدر يرجّع مرتو اذاكانت غالطة والحكم ليه وحدو ويسيرها هو كيما يحب .

 

[امنيات]

اءيه عندك الحق واش قلتي الكل ،هذا هو رونالدو لا عبهارومبو على ختو ويعطيها في الأوامر ماتلبسيش وماتخديرش في التليفون وماتمشيش ماصحبتك هاذيك ماش عاجبتني وطولتي وين كنتي لاعبها سبع بعضلاته الي يضل ينفخ فيها وقت الصح الهربة تسلك،اما لما تجييه لالاه لالاتي بنت السلطان الثم تتبدل الهدرة ويرجع كل شيء حلال ومباح،وي،بيانسورمش كييف هاذيك حنونته لازم يقلشها....

 

[زاد الرحيل]

أهلا غاليتي فاطمة
راني جيت بصح ليليا لازم كامل تبعثوا لها رسالة و تفهموها اشحال تحبوها باش ترجع
اما موضوعك فهو صح واش قلت بصح لازم تعرفي ان هذي غيرة الاخ على اخته و ميحبهاش تكون عرضة للمضايقات انتاع الشباب اما خطيبته و لا زوجته لازم يجاملها و هي حلاله لكن تتجامل اخته من الشارع و تعرض مفاتنها للجميع فهذا من حقه
السيدة راحت عليها مهما لبست اما الشابة تبقى مطمع للجميع

 

[الصحافية الساخرة]

يعطيك الصحيتي?
ومن جيهة اخرى في حبيبته يحلل كلش ?ويستغل كل الفرص في بنت الناس كلش حلا ل ?وكي تجي في اخته سنيه يزيرهم?
ها شوي هم تاني عندهم خوت ?
سمحولي على هاد المرور الصادم? بصح البنات خرفوني مساكن ها بشوية على بنات الناس?

???? السماح ختيتو عبري عبري ?
مرسي على المرور الصادم ههه

صح راكي ركزتي على ظاهرة كاينه منها

و للي راجل راجل ما يتنازالش على مبادئه
اخته وله مرته كيفكيف ماكانش فرق

والعكس كاين حالات الراجل مايتلامش فيها مع اختو على خاطر الوالدين يعارضوه فيها بدعوة الشر ومايقدرش يعارضهم ويربح العيب معاهم

امااذا كان الراجل قابل من مرتو حاجات كان يشوف فيها رخص وعيب وطحين من اختو من قبل !!ومبعد يتقبلها من مرتو!! هاذي ماعندها حتى عذر وماعندها حجة وهذا هو الرخص و الطحين بذاتو .على خاطر الراجل يقدر يرجّع مرتو اذاكانت غالطة والحكم ليه وحدو ويسيرها هو كيما يحب .

اهلا ☺
ايه هذيك هي ما يتنازلش على مبادئه ، تلعبهالي ما تحبش اختك تخرج تشري حوايجها وحدها بصح في حياته الخاصة يحب مرته غدوا تخرج وحدها تشري لبستها و تدور اوااه هنا سمحلي ما عندكش مبدأ صحيح و تثبت عليه تلعبها برك

مرسي الاخ على المرور

اءيه عندك الحق واش قلتي الكل ،هذا هو رونالدو لا عبهارومبو على ختو ويعطيها في الأوامر ماتلبسيش وماتخديرش في التليفون وماتمشيش ماصحبتك هاذيك ماش عاجبتني وطولتي وين كنتي لاعبها سبع بعضلاته الي يضل ينفخ فيها وقت الصح الهربة تسلك،اما لما تجييه لالاه لالاتي بنت السلطان الثم تتبدل الهدرة ويرجع كل شيء حلال ومباح،وي،بيانسورمش كييف هاذيك حنونته لازم يقلشها....

?? وي لاعبها رومبو مع اخته و روميو مع مرته ههههههذا حال اللي ما يعرفش مسؤوليته و صلاحه وين .. مرسي اختيتو ☺

أهلا غاليتي فاطمة
راني جيت بصح ليليا لازم كامل تبعثوا لها رسالة و تفهموها اشحال تحبوها باش ترجع
اما موضوعك فهو صح واش قلت بصح لازم تعرفي ان هذي غيرة الاخ على اخته و ميحبهاش تكون عرضة للمضايقات انتاع الشباب اما خطيبته و لا زوجته لازم يجاملها و هي حلاله لكن تتجامل اخته من الشارع و تعرض مفاتنها للجميع فهذا من حقه
السيدة راحت عليها مهما لبست اما الشابة تبقى مطمع للجميع

اهلا ميلينا ☺
يا حسرا ليليا انا نظل نحلل فيها ترجع و الحمد لله رجعت دوك ،، درت كل الوسائل اللازمة و وظفت كل طاقتي بحثا عن حل لرجوعها ? ورجعت اخيرا الحمد لله فرحتي الان
اسمحيلي ميلينا بصح واش لازم ما لازم والو المبدأ مبدأ ما يتغيرش على جال حتى واحد تلعبهالي حاجة مع اختك و مع غيرك حاجة خلاف .. اواااه هذي ما نوافقكش فيها

انا ما نهدرش على التقلاش ولوكان نهدرو على لازم يقلشها امالا اخته تان راح تولي خطيبة و مرت راجل ما تتقلش ? ولا هو يخرج مع خطيبته ووو اخته يمنع مقلشها يخرج معاها ?

و اخته ما تلبسش هكا و هكا بصح مرته تلبس واش تحب و تتزين و تتعطر ههه رانا نشوفو الواقع اختي يمنع على اخته تلبس و تخرج و تدير الريحة بصح غدوا يجيب مرى لدارة تلبس و تتعطر و تخرج وحدها .. انا هذا قصدي .. نتمنى تكوني فهمتيني

ومرسي على المرور فرحت كي رجعتي لنشاطك ☺

 

[*amani*]

وعليكم السلام
اييه كاينة كاينة هذي الظاهرة تبارك الله ?
يتحكم في خواتاتو كيما قلتي ومديريش هذي ومديريش هذيك ..سيرتو على الخرجات ..
ومبعد مدامتو تكون العكس تماما..نعرف حالات كيما هذي وشفت كيفاه ..علابالنا الأخ يغير على أختو يحبلها الخير وهذا كله من محبته لكن في بعض الأمور شوية

شكرا لك عزيزتي فطومة على الطرح المميز ?

 

[الصحافية الساخرة]

وعليكم السلام
اييه كاينة كاينة هذي الظاهرة تبارك الله ?
يتحكم في خواتاتو كيما قلتي ومديريش هذي ومديريش هذيك ..سيرتو على الخرجات ..
ومبعد مدامتو تكون العكس تماما..نعرف حالات كيما هذي وشفت كيفاه ..علابالنا الأخ يغير على أختو يحبلها الخير وهذا كله من محبته لكن في بعض الأمور شوية

شكرا لك عزيزتي فطومة على الطرح المميز ?

أهلا أماني ☺

ايه بصح الغيرة وحدها و تاع تلعبهالي و ما تكملهاش لآخر حياتك مكلاه ? لا تلعبهالي هك

ومن بعد بزمن قصير تولي ليس هك ??
الشكر لك اخيتي على مرورك الجميل

تسلمي