هل سبقنا الكفار ...

[Hakan]

السلام عليكم خاوتي صحا فطوركم وان شااء الله تكونو بخير ورمضانكم مقبول
موضوعي خفيف وظريف
واحد حاب يتزوج بوحدة والطفلة هذي ايضا حابة تتزوج بيه
العائلة تاع الشاب هذا تشرط منو امور تعجيزية لازم يعدل المنزل نتاعهم من الفوق للتحت بالاظافة للغرفة اللي رايح يسكن فيها والمال تاع الذبائح و المقامة تاع العرس
عائلة الفتاة تطالب الفتاة بانو تقول للسيد اللي جاء يخطب فيها مهر كبير و غيرها من تجهيزات العرس وبلا بلا بلا ....
الكفار :
يتمعشقو زمان ويقيمو العلاقة في الحرام وحتى يجيبو ابناء ومن بعد يتزوج بيها وحتى الزواج مافيهش تكاليف كنيسة واشبين وراهم يمتزوجين

اكيد الجزء الاول تاع الكفار لايؤخذ بعين الاعتبار لكن حبيت نسقسي ..
علاش مثلا واحد حاب يتزوج بوحدة وهو يكون لاباس عليه خدام علاش ما يروحش يخطبها خطبة رسمية يعطيلها مهر تاع هكاك مليون ولا خمس مية برك يعني باش ندخلو في الحديث النبوي
ويدير وليمة يوزعها ع الفقراء والمساكين وتكون حاجة معتبرة كذالك يخسر 3 ملاين ولا 4 الا كتر ودراهم المهر ودراهم عادة المنزل من ساسو وراسو وتكاليف العرس
يروح يكري بيها سكن لمدة عام وهو راهو خدام ويخلص الكراء تاعو وعايش مع مرتو وربي يفتح عليهم
علاه التعقيدات هذي والبذخ والتبذير احصائيات جد مرعبة في الشباب الجزائري تاع فساد بسبب الزواج المتأخر وبسبب تكاليف الزواج ...والله غير يحاسبنا ربي
سلام​

 

[لؤلؤة قسنطينة]

السلام عليكم
ربي يهدينا ويعافينا والله الإنسان
كره الزواج هادا فقط من الامور لي تصرا فيه
ولينا نتزوجو للغاشي ماش لنفوسنا
لي عودة ان شاء الله
راني بالهاتف كي نشعل الميكرو نرد بما يناسب بحول الله
شكرا خويا حكيم​

 

[Hakan]

السلام عليكم
ربي يهدينا ويعافينا والله الإنسان
كره الزواج هادا فقط من الامور لي تصرا فيه
ولينا نتزوجو للغاشي ماش لنفوسنا
لي عودة ان شاء الله
راني بالهاتف كي نشعل الميكرو نرد بما يناسب بحول الله
شكرا خويا حكيم​

ساعات الواحد يقول يروح يخطب الطفلة ومن بعد يهرب هو وهي ويخليلهم الحياة تاعهم ليهم ههههه
معليه ختي راني نستنى فيك ​

 

[حلم كبير]

السلام عليكم ورحمه الله وبركاته

أهلا بالاخ حكيم وصح فطورك

والله عندك الحق في كل كلمة ڤلتها
شوف المشكلة وين بالضبط ومربط جد الفرس نتاع هاذي القضية نتاع هبال المهور هو
الفوخ والزوخ على بعضهم
فلانة مدوها ڤالك بعشرين مليون ...إيه جات خير من بنتي والله نمدها بثلاثين
ڨالك جابلها خلخال وأنا ثاني يجيب لي لبنتي خلخال
ڤالك دارو العرس فلاصال روح عاند ودير فالزريبة نتاع سي حمة وكثر المعاريض ولاد فلان وفلان ما تعرضش الزوالي عندك

الفوخ الفوخ على بعضاهم قتلونا

يا سيدي الراجل كي يعطيه ربي يدير لمرتو وهي عندو
يخي هاني نشوف فيها من بعد العرس تعاونو ويعاونها باه يديرو الدار لاه هذا التشراط من الاول والتزيار على والو


تدي معاها بابور نتاع طارق بن زياد قش وتزيد تشرط عليه

حاشى بنات الحشمة والنيف وبنات الأصل والشرف ،اللي مساكن مزالو نية على ڨد حالهم
لا حول ولا قوة إلا بالله العلي العظيم
ربي يجيب اللي فيه الخير
ويفرج على شباب المسلمين
يسرو يسرو ولا تعسرو
بارك الله فيك اخي الكريم على الموضوع
إحترامي وتقديري​

 

[Hakan]

السلام عليكم ورحمه الله وبركاته

أهلا بالاخ حكيم وصح فطورك

والله عندك الحق في كل كلمة ڤلتها
شوف المشكلة وين بالضبط ومربط جد الفرس نتاع هاذي القضية نتاع هبال المهور هو
الفوخ والزوخ على بعضهم
فلانة مدوها ڤالك بعشرين مليون ...إيه جات خير من بنتي والله نمدها بثلاثين
ڨالك جابلها خلخال وأنا ثاني يجيب لي لبنتي خلخال
ڤالك دارو العرس فلاصال روح عاند ودير فالزريبة نتاع سي حمة وكثر المعاريض ولاد فلان وفلان ما تعرضش الزوالي عندك

الفوخ الفوخ على بعضاهم قتلونا

يا سيدي الراجل كي يعطيه ربي يدير لمرتو وهي عندو
يخي هاني نشوف فيها من بعد العرس تعاونو ويعاونها باه يديرو الدار لاه هذا التشراط من الاول والتزيار على والو


تدي معاها بابور نتاع طارق بن زياد قش وتزيد تشرط عليه

حاشى بنات الحشمة والنيف وبنات الأصل والشرف ،اللي مساكن مزالو نية على ڨد حالهم
لا حول ولا قوة إلا بالله العلي العظيم
ربي يجيب اللي فيه الخير
ويفرج على شباب المسلمين
يسرو يسرو ولا تعسرو
بارك الله فيك اخي الكريم على الموضوع
إحترامي وتقديري​

اهلا خويا حليم وصحا فطوورك
الشي اللي ذكرتو عين الحقيقة حتى والدا الشاب يتحملو المسؤولية
واحد الشاب كنت جالس معاه ذيك الخطرة وهو اللي خلاني نكتب الموضوع
قلو الاب تاعو عاودلي المنزل يعني السبيغة تاعو وامو قاتلو عاودلي الكوزينة وغيرها من البريكولاج تاع الدار باش يتزوج وزيد بالاظافة الى كل ذالك
قالو انا المهر تاع بنت الناس 20 مليون كيما دارو ولاد عمك وتكاليف العرس قلو 70 مليوون يعني اذا ما اشفقش عليك والديك وين رايح تصد
قسما بالله غير راسي شوك من هذه الاشياء
حسبتها تقريبا 100 مليون بدون مهر الفتاة يعني 120 مليون
هذي يخسر 10 ملاين يصدقها وليمة على الفقراء و 110 مليون يروح هو الخطيبة تاعو يشوفو كاش لوجمو ويكريها ويبدأ يأسس العش تاعو
علاه حتى يخسر دراهمو في اشيااء رايحة للناس والله مافيها حتى أجر بالعكس اسراف وتبذير
انا قتلو روح اسرق خطيبتك وروحو عيشو هانيين وكي تجيبو الاولاد ارواحو لوالديكم
صحيت خويا ​

 

[حلم كبير]

اهلا خويا حليم وصحا فطوورك
الشي اللي ذكرتو عين الحقيقة حتى والدا الشاب يتحملو المسؤولية
واحد الشاب كنت جالس معاه ذيك الخطرة وهو اللي خلاني نكتب الموضوع
قلو الاب تاعو عاودلي المنزل يعني السبيغة تاعو وامو قاتلو عاودلي الكوزينة وغيرها من البريكولاج تاع الدار باش يتزوج وزيد بالاظافة الى كل ذالك
قالو انا المهر تاع بنت الناس 20 مليون كيما دارو ولاد عمك وتكاليف العرس قلو 70 مليوون يعني اذا ما اشفقش عليك والديك وين رايح تصد
قسما بالله غير راسي شوك من هذه الاشياء
حسبتها تقريبا 100 مليون بدون مهر الفتاة يعني 120 مليون
هذي يخسر 10 ملاين يصدقها وليمة على الفقراء و 110 مليون يروح هو الخطيبة تاعو يشوفو كاش لوجمو ويكريها ويبدأ يأسس العش تاعو
علاه حتى يخسر دراهمو في اشيااء رايحة للناس والله مافيها حتى أجر بالعكس اسراف وتبذير
انا قتلو روح اسرق خطيبتك وروحو عيشو هانيين وكي تجيبو الاولاد ارواحو لوالديكم
صحيت خويا ​

الوخذة إذا جات من والديه ثاني
حتى هوما حبو يستغلوه ويفوخو على ظهرو
واش هذا يا ناس وين رانا رايحين
مين يلڤاها الشاب منا ولا منا
ربي يعينو مسكين على هم الدنيا
ومليحة هاذي أخطفها واهرب تهنيهم أكل من الصداع
ربي يفرج عليه وعلى شباب المسلمين

 

[Hakan]

الوخذة إذا جات من والديه ثاني
حتى هوما حبو يستغلوه ويفوخو على ظهرو
واش هذا يا ناس وين رانا رايحين
مين يلڤاها الشاب منا ولا منا
ربي يعينو مسكين على هم الدنيا
ومليحة هاذي أخطفها واهرب تهنيهم أكل من الصداع
ربي يفرج عليه وعلى شباب المسلمين

آمين يااخي الكريم ادعولنا بالعفاف والله الامور صارت صعيبة بزااف
وادعيلي انا بالخصوص خخخخ ​

 

[حلم كبير]

آمين يااخي الكريم ادعولنا بالعفاف والله الامور صارت صعيبة بزااف
وادعيلي انا بالخصوص خخخخ ​

اللهم يسر أمور أخي حكيم وارزقه العفاف وأبسط له الرزق أين ما حل ،وطيحو في بنت حلال تهنيه وتوقف معاه على هموم الدنيا
آمين يا رب

 

[السلطانة]

الاجابة : كون يكون الراجل هذا موجدلها الدار بالفراش
ولو معندوش على الاقل الفراش تاع لاشومبر لي راح يعيشو فيها برك
واش راح تفرش كون متديش معاها فراشها على الاقل حوايج قلال برك

كي يمدلها غير مليون كشرط واش تدير بيه ؟؟
كون يكون هو قافز مالا ويوجد الدار بما فيها
متضطرش هي تشري من الشرط لي اصلا مايدير والو وديما العروس يزيدوها والديها
انا كونتر لفساد تاع العروس لي اهلها يطلبو شرط غالي بزاف ويريشو الخاطب
وزيد تطلب عرس غالي بزاف
وذهب والدراهم تخسرهم في الشلالق تاع القش
لي معندهم حتى معنى تلبسهم في عرس وتطيشهم
وامور بزاف فارغة
تقدر البنت تخدم مخها وتدي واش تحتاج برك
ماتكثر على راجلها ماتكثر على باباها
لكن ارواح انت وقنع الجزايري بهاذ الفكرة

ديجا فكرتني في وحد الموضوع من مباعد نكتبو

 

[Hakan]

الاجابة : كون يكون الراجل هذا موجدلها الدار بالفراش
ولو معندوش على الاقل الفراش تاع لاشومبر لي راح يعيشو فيها برك
واش راح تفرش كون متديش معاها فراشها على الاقل حوايج قلال برك

كي يمدلها غير مليون كشرط واش تدير بيه ؟؟
كون يكون هو قافز مالا ويوجد الدار بما فيها
متضطرش هي تشري من الشرط لي اصلا مايدير والو وديما العروس يزيدوها والديها
انا كونتر لفساد تاع العروس لي اهلها يطلبو شرط غالي بزاف ويريشو الخاطب
وزيد تطلب عرس غالي بزاف
وذهب والدراهم تخسرهم في الشلالق تاع القش
لي معندهم حتى معنى تلبسهم في عرس وتطيشهم
وامور بزاف فارغة
تقدر البنت تخدم مخها وتدي واش تحتاج برك
ماتكثر على راجلها ماتكثر على باباها
لكن ارواح انت وقنع الجزايري بهاذ الفكرة

ديجا فكرتني في وحد الموضوع من مباعد نكتبو

ختي ام ياسمين انا ماحكيتش على مهر الطفلة
انا قلت يعني المال اللي رايح يعطيهولها كمهر يروح هو والمخطوبة تاعو يشروه فراش للدار مع المال اللي رايح يروح خسارة في العرس
يديرو دار فيها كل شيء يعني نتمنى تقراي الردود تاعي على الاخوة باش تفهمي واش راني حاب نوصل
يعني دراهم تاع المهر ودراهم تاع العرس يروح يعقد هو مرتو العقد المدني ويشوفو سكن للكراء بلا ما يديرو عرس
بلا ما يعرضو يعني والدين الطفل ووالدين الطفلة يديرو حفل خفافي بيناتهم والدراهم هذيك يستثمروها في المستقبل تاعهم
ما يخرج الراجل بالديون ما يكره من مرتو بسباب الديون ربي يهنيك ختي ​

 

[السلطانة]

ختي ام ياسمين انا ماحكيتش على مهر الطفلة
انا قلت يعني المال اللي رايح يعطيهولها كمهر يروح هو والمخطوبة تاعو يشروه فراش للدار مع المال اللي رايح يروح خسارة في العرس
يديرو دار فيها كل شيء يعني نتمنى تقراي الردود تاعي على الاخوة باش تفهمي واش راني حاب نوصل
يعني دراهم تاع المهر ودراهم تاع العرس يروح يعقد هو مرتو العقد المدني ويشوفو سكن للكراء بلا ما يديرو عرس
بلا ما يعرضو يعني والدين الطفل ووالدين الطفلة يديرو حفل خفافي بيناتهم والدراهم هذيك يستثمروها في المستقبل تاعهم
ما يخرج الراجل بالديون ما يكره من مرتو بسباب الديون ربي يهنيك ختي ​

نعم هاذي فكرة مليحة يعني الانسان يختصر على قد مايقدر الحوايج الزايدة التافهة
نعرف واحد فامي لينا اختصر كلش في الخطبة خطبتلو امو واختو من النساء
والرجال باباه وخوه وهو
والعرس راح هو يسوق بعد وجاب مرتو وداها يحوسو ومرتو لبست لاغوب بلونش برك لاتصديرة لاوالو للعلم انها تخدم لاباس بيها والسيد هاذا يخدم لاباس بيه تاني
ومعاه باباه وخوه وامو واختو بعد
وفضت ودرك راه عايش لاباس بيه وعندو ولادو

خاصة الدار هي الاساس
تلقى واحد خسر ماخسر في العرس
وهو كاري مثلا
والعرس هاذاك كون جمل الدراهم لي خسرها عليه تجيبلو دار

 

[Hakan]

نعم هاذي فكرة مليحة يعني الانسان يختصر على قد مايقدر الحوايج الزايدة التافهة
نعرف واحد فامي لينا اختصر كلش في الخطبة خطبتلو امو واختو من النساء
والرجال باباه وخوه وهو
والعرس راح هو يسوق بعد وجاب مرتو وداها يحوسو ومرتو لبست لاغوب بلونش برك لاتصديرة لاوالو للعلم انها تخدم لاباس بيها والسيد هاذا يخدم لاباس بيه تاني
ومعاه باباه وخوه وامو واختو بعد
وفضت ودرك راه عايش لاباس بيه وعندو ولادو

خاصة الدار هي الاساس
تلقى واحد خسر ماخسر في العرس
وهو كاري مثلا
والعرس هاذاك كون جمل الدراهم لي خسرها عليه تجيبلو دار

هاشتي ختي على واه راني نحكي خااصة كي يكون متفاهم هو وخطيبتو ياي نعمة كبيرة
والله غير يعيشو الحياة الطيبة الهانية ما يسحروهم ليلة الزفاف ما يحسدوهم ما يعانوهم
ويصدقو على الفقراء وراهم هانيين ديجا فرحتيني كي قلتيلي كاين مثال ههههه وعلى الله اتكلنا بحول الله ​

 

[جميلة أنا]

والله اخي حكيم عندوا حق انا قريت ردود تع اخوة و اخوات والله وقتنا اكبر مشاكلها هو المجتمع و العادات هذي الي فسدت الحالة وليت تهدر يقولولك الله غالب عاداتنا ا خوتي وش من عادات تخلي راجل بعد عرسوا يدخل في دين و مرتوا ثاني و تبقى تكسرلوا في راسي هاو ديرلي سكنة تعي و هو كاري عند ناس و من بعد يجيبوا طفل و مينجمش على مصاريف لانوا الدين مكمالش و الكراء زاد عليه و يوليو يوصلوا لطلاق بسبب العاااااادااااااات
أنا هذا هو مختصر اللي نشوف فيه.
و عندي نقطة في هذا أمر شوف خويا حكيم في جهة شرق تعنا كاين بلدية اجتع كبار العروش و قرروا أنوا مهر البنت 5ملاين حد لا يزيد لا ينقص و في مدة لا تزيد عن 3اشهر يصرا عرس مشترك في يوم واحد. والله فكرة هايلة مدة قليلة ينقصوا فيها الأعياد هذوا و مصاريف تع اسبوع عرس و خلاص.مهم الامر هذا صح نقدروا نمدوا فيه كلام لكن واقع صعيب تغيروا.و ربي يسهل للشباب

 

[بنفسج]

السلام عليكم
صحا فطوركم ولا سحوركم^^
انني اشم فيالموضوع ريحة انو عمو حكيم نوا يخطب ههه
انا من الناس لي كونطر هاد الاسراف والتبذير فعراسنا يعني عرس صغير ولا فامي المقربين ياسر
لڨور عراسهم سامبل وتهبل وكيما قلت دوك الدراهم يديروهم فحاجة فايدة خير تنفعهم ولا تحويسة تبقى خير من يصرفوها على الناس وفاللخر يجيبولك لعيوب من تحت الارض و حاجة متعجب

يعطيك الصحة
سلام

 

[لؤلؤة قسنطينة]

السلام عليكم ورحمة الله وبركاته
وصباح الخير، الناس تفطن فليل وأنا حتى يطلع النهار باه ترجعلي الذاكرة هههه
المهم بالعودة للموضوع، كيما قلت البارح الزواج اليوم ولا للناس وولا فيه تبذير وعادات جد سيئة وماعندها معنى الأجانب لي عندهم متطلبات الحياة وتلقاه يفتح

جنان دارو يدير فيه طابلة وكراسي وشوي قاطو وشوي مشروبات وخلاص، وحنا درك لازم لاصال معرف بقداه ولازم كاميرا مان ولازم عربة الأميرات تركب فيها

لعروسة ولازم تصديرة تاع 48 ولاية، اقسم بالله جهل وغباء نشوفو انا يعني بكري كانت لاصال دخيلة على عاداتنا وهكاك قلنا معليش على الاقل مفروزة

وتبقا دارك نظيفة لكن أنو الناس تلحق تكري صالة بـ 60 و70 مليون هنا هبال قالك زعما زعما لا صال هادي كلشي عليهم والعشاء من عندهم ويديرو غير

المشوي والحوت، يسما انا نطيش 60 مليون على ناس في اللخر كي يخرجو يقولو اللحم قديم ولا مسوس، كي نحب نصرف مالا نصرف على عمري خير، انا لو

جيت راجل اذا عندي دراهم باه نوكل عايلتي كاملة معليش اذا ماعنديش وحاب نتزوج نقول لزوجتي شوفي يا بنت الناس انا ماعنديش باه نوكل جيش الصين اذا

حابة تكملي مرحبا اذا ماتقبليش مرحبتين، ندير عشاء خفيف فيه جاري وشخشوخة وسلاطة وفيه والديا وخاوتي وخواتاتي واذا كترت نزيد اكبر اعمامي واكبر اخوالي

ونفس الشي بالنسبة للعروسة تجيب يماها وخاوتها وكبير العايلة من عم ولا خال وندير عشاء بالاك مايعديش 500 ألف والناس يهدرو على رواحهم اصلا الناس

ماتسكتش ولو تديرلهم العجب، لكن الناس تحب الإسراف وتحب المظاهر والله يمشي الفوخ في دمهم، صدقني نعرف واحد ماعندوش يعني عشاء تاع عرس ما

عندوش باه يديرو، كاين انسان من عايلتو قالو انا نعاونك مثلا قولي قداه تحتاج من كيلو لحم ودجاج ودقيق يعني نعاونك وهو قصدو نعاونك نديرلك عشاء تستر

بيه وجهك لكن السيد قالك هادا رايح يسلكلي عشاء مالا نبروفيتي، إيماجيني على ظهرو دار زوج عشاوات عشاء للعائلة تاعو وعشاء لأهل العروسة وكل عشاء

بثلاث أطباق كل طبق باللحم والجاج وبلا الحلويات كامل جوز ولوز العرس وحدو فيه 6 حلويات بلا حلويات الشورا وغيرها، وزيد ناس خلاف لي قالولو نعاونوك

بشوي دراهم تدير عشاء الدراهم هادوك جاب بيهم ديجي، ايماجيني الفلفل لكحل والملح لي الشكارة تاعهم بألفين فرنك بالاك وبروفيتا فيها وقال للشخص هاداك

جيبهملي معاك باه ندير لعشا، يعني الناس تحير فيهم باه نرضي الناس نبروفيتي على الناس وكن حتى جا عارض ناس قلال العرس الواحد فيه من 200 عبد وروح،

يعني الناس ولات تبذر وربي رايح يحاسبنا صح هادي المشاطة لي نمدلها 60 مليون باه تلبسلي لباس المهرجين، وهذا صاحب الصالة لي تكري عليه الصالة ب 20 مليون

ويزيد يقولك الديكور بـ 3 ملاين، ديجي واحد للرجال وواحد للنساء تخسر عليه قريب 5 ملاين، بلا العشاء وبلا لي يضرب البارود وبلا بزاف حوايج كن الدراهم

هادوك يتلمو بالاك الانسان يبني فيلا، ربي يهدينا برك بكري كان عرس ليلة تدبيرو عام ودرك عرس ليلة تبذيرو عوام

شكرا خويا حكيم على الموضوع بارك الله فيك
تحياتي
​

 

[Hakan]

والله اخي حكيم عندوا حق انا قريت ردود تع اخوة و اخوات والله وقتنا اكبر مشاكلها هو المجتمع و العادات هذي الي فسدت الحالة وليت تهدر يقولولك الله غالب عاداتنا ا خوتي وش من عادات تخلي راجل بعد عرسوا يدخل في دين و مرتوا ثاني و تبقى تكسرلوا في راسي هاو ديرلي سكنة تعي و هو كاري عند ناس و من بعد يجيبوا طفل و مينجمش على مصاريف لانوا الدين مكمالش و الكراء زاد عليه و يوليو يوصلوا لطلاق بسبب العاااااادااااااات
أنا هذا هو مختصر اللي نشوف فيه.
و عندي نقطة في هذا أمر شوف خويا حكيم في جهة شرق تعنا كاين بلدية اجتع كبار العروش و قرروا أنوا مهر البنت 5ملاين حد لا يزيد لا ينقص و في مدة لا تزيد عن 3اشهر يصرا عرس مشترك في يوم واحد. والله فكرة هايلة مدة قليلة ينقصوا فيها الأعياد هذوا و مصاريف تع اسبوع عرس و خلاص.مهم الامر هذا صح نقدروا نمدوا فيه كلام لكن واقع صعيب تغيروا.و ربي يسهل للشباب

اهلا بيك ختي.. يخرج الراجل بالدين والمر كذالك تكري ملابس بالملايين ومن بعد ترجعهم ولا تشريهم وترميهم في الخزانة غي على جال ليلة واحدة وممكن هي لو تشريهم ذهب افضل واحسن اوموا اخليهم للضيق... والراجل كذالك مبلغ هكاك اذا كان شهار يروح يستثمر بيه في مشروع تجاري افضل واحسن وريلي واحد في الجزائر راهو متفكر العرس تاعو او خرج بفائدة واحدة... كاين اللي يخرجو بالعين والسحر وكاين اللي يخرجو بحوادث المرور وخلينا من قطع الرحم وواحد يزعف ولاخر علاه ما عرضت نيش وغيرها من المخالفات الدينية والدنيوية .... راني بالهاتف كي ندخل بالميكرو راني نرد على باقي الاعضااء

 

[faith8]

السلام عليكم ورحمة الله وبركاته
هو فعلا موضوع جد حساس
ظاهرة بزاااف عيانة فمجتمعنا الجزائري ونلقاوها عامة فمعظم المجتمعات العربية ان لم ابالغ كلها
انا وحدة ضد الشروط التعجيزية وقاعة الحفلات الباذخة اللي وحدها برك تستقام قيس ما الواحد يجيب عمرة مع مرتو خليك يا المصاريف ديالها
والحلويات اللي ينتهي بها المطاف فالقمامة اكرمكم الله وهي الحبة بشحال مخدومة باللوز والجوز ووو غير على عينين الناس و الزوخ وما تنتكلش مام با !
وخلي وخلي
رأيي من رايك اخي حكيم
لما لا توفر تلك المصاريف بدل تبذيرها يقام عرس بسيط و هكا العرسان بهادوك الدراهم يقدرو كيما ذكرت يروحو للعمرة ولا يكرو ولا يزيدو يطمو ولما لا يشرو سيارة ، يقدرو يتولو دارهم بأثاث وأجهزة كانت خاصتهم وووو
يعني علاش نروح ندير عرس باذخ وفآخر المطاف نعيش فالتزيار
نتمنى مروري كان خفيف وها مجرد راي وتجربة شفتها فالحياة اليومية شفت ناس بذرو وزاخو يجيبو العين باطل وفالحقيقة كيما تدير يهدرو عليك الناس جامي تسلك مالهدرة
وشفت ناس طبقو هاد الافكار و الحمد لله ربي باركلهم فحياتهم
بارك الله فيك على الموضوع الهادف
تقبلوا مروري ​

 

[Hakan]

السلام عليكم
صحا فطوركم ولا سحوركم^^
انني اشم فيالموضوع ريحة انو عمو حكيم نوا يخطب ههه
انا من الناس لي كونطر هاد الاسراف والتبذير فعراسنا يعني عرس صغير ولا فامي المقربين ياسر
لڨور عراسهم سامبل وتهبل وكيما قلت دوك الدراهم يديروهم فحاجة فايدة خير تنفعهم ولا تحويسة تبقى خير من يصرفوها على الناس وفاللخر يجيبولك لعيوب من تحت الارض و حاجة متعجب

يعطيك الصحة
سلام

خخخخ راهو غالبك الصيام برك خلطتي الريحة تاع البوراك مع الريحة تاع الخطوبة تاعي
ان شااء الله في عام 2026 كي تستظيف المغرب المونديال
انعم اختي والله بزاااااف التبذير وفعلا راني بديت نخمم في هذي الخطوة نشالله نصيب برك الطفلة
اللي تقبل بهذا الشيء باسكو ما نكذبوش كاين شي بنات تقلك انا ندير عرس ويبقى سوفونير وبلا بلا
علابيها لازم الطفلة تكون معايا وايضا الاباء نتاع كلا الزوجين لازم يكونو معاهم اما الباقي تاع الناس من اصحاب
واحباب نهار اللي يطبطبو عليك اصحاب الديون واحد ما يخرج معاك الا من رحم ربك
ياسيدي دراهمي اللي فضلتهم نروح ندير بيهم مشروع لعمري نبني السكن نتاعي نشري الاجهزة تاع الدار
نشري سيارة المهم برك ما تروحش ندامة على جال نهار شكرا خيتو ...صحا فطوورك وربي يوفقك في البكالوريا ونفرحو بمعدل مليح ​

 

[Hakan]

السلام عليكم ورحمة الله وبركاته
وصباح الخير، الناس تفطن فليل وأنا حتى يطلع النهار باه ترجعلي الذاكرة هههه
المهم بالعودة للموضوع، كيما قلت البارح الزواج اليوم ولا للناس وولا فيه تبذير وعادات جد سيئة وماعندها معنى الأجانب لي عندهم متطلبات الحياة وتلقاه يفتح

جنان دارو يدير فيه طابلة وكراسي وشوي قاطو وشوي مشروبات وخلاص، وحنا درك لازم لاصال معرف بقداه ولازم كاميرا مان ولازم عربة الأميرات تركب فيها

لعروسة ولازم تصديرة تاع 48 ولاية، اقسم بالله جهل وغباء نشوفو انا يعني بكري كانت لاصال دخيلة على عاداتنا وهكاك قلنا معليش على الاقل مفروزة

وتبقا دارك نظيفة لكن أنو الناس تلحق تكري صالة بـ 60 و70 مليون هنا هبال قالك زعما زعما لا صال هادي كلشي عليهم والعشاء من عندهم ويديرو غير

المشوي والحوت، يسما انا نطيش 60 مليون على ناس في اللخر كي يخرجو يقولو اللحم قديم ولا مسوس، كي نحب نصرف مالا نصرف على عمري خير، انا لو

جيت راجل اذا عندي دراهم باه نوكل عايلتي كاملة معليش اذا ماعنديش وحاب نتزوج نقول لزوجتي شوفي يا بنت الناس انا ماعنديش باه نوكل جيش الصين اذا

حابة تكملي مرحبا اذا ماتقبليش مرحبتين، ندير عشاء خفيف فيه جاري وشخشوخة وسلاطة وفيه والديا وخاوتي وخواتاتي واذا كترت نزيد اكبر اعمامي واكبر اخوالي

ونفس الشي بالنسبة للعروسة تجيب يماها وخاوتها وكبير العايلة من عم ولا خال وندير عشاء بالاك مايعديش 500 ألف والناس يهدرو على رواحهم اصلا الناس

ماتسكتش ولو تديرلهم العجب، لكن الناس تحب الإسراف وتحب المظاهر والله يمشي الفوخ في دمهم، صدقني نعرف واحد ماعندوش يعني عشاء تاع عرس ما

عندوش باه يديرو، كاين انسان من عايلتو قالو انا نعاونك مثلا قولي قداه تحتاج من كيلو لحم ودجاج ودقيق يعني نعاونك وهو قصدو نعاونك نديرلك عشاء تستر

بيه وجهك لكن السيد قالك هادا رايح يسلكلي عشاء مالا نبروفيتي، إيماجيني على ظهرو دار زوج عشاوات عشاء للعائلة تاعو وعشاء لأهل العروسة وكل عشاء

بثلاث أطباق كل طبق باللحم والجاج وبلا الحلويات كامل جوز ولوز العرس وحدو فيه 6 حلويات بلا حلويات الشورا وغيرها، وزيد ناس خلاف لي قالولو نعاونوك

بشوي دراهم تدير عشاء الدراهم هادوك جاب بيهم ديجي، ايماجيني الفلفل لكحل والملح لي الشكارة تاعهم بألفين فرنك بالاك وبروفيتا فيها وقال للشخص هاداك

جيبهملي معاك باه ندير لعشا، يعني الناس تحير فيهم باه نرضي الناس نبروفيتي على الناس وكن حتى جا عارض ناس قلال العرس الواحد فيه من 200 عبد وروح،

يعني الناس ولات تبذر وربي رايح يحاسبنا صح هادي المشاطة لي نمدلها 60 مليون باه تلبسلي لباس المهرجين، وهذا صاحب الصالة لي تكري عليه الصالة ب 20 مليون

ويزيد يقولك الديكور بـ 3 ملاين، ديجي واحد للرجال وواحد للنساء تخسر عليه قريب 5 ملاين، بلا العشاء وبلا لي يضرب البارود وبلا بزاف حوايج كن الدراهم

هادوك يتلمو بالاك الانسان يبني فيلا، ربي يهدينا برك بكري كان عرس ليلة تدبيرو عام ودرك عرس ليلة تبذيرو عوام

شكرا خويا حكيم على الموضوع بارك الله فيك
تحياتي
​

راكي فصلت وكفيتي في كل الخسائر والمخالفات اللي تصرى في العرس من عند العريس ومن عند العرووس
هذا ملابس تقليدية تروح خسارة وهذي بنادق وباروود وغيرها من الاشياء اللي مالها طعمة كيما يقولو خاوتنا في سوريا
والبركة في القليل والله غير يشوف خير عظيم شاب يحرق روحو 8 سنوات عمل عند الرجال ويجمع في المال باش يستعفف
هيا ومن بعد يروح خساارة ويخرد بالدين نتاعو يكره حتى الزوواج وكاين اللي دراهمو راهم راحو في الحرام بسبب انو
ما قدرش يتحمل تكاليف عرس ضخم يعني هذا عند الزوالي يخسر 100 مليون فمابالك عند الناس اللي لاباس بيهم يعني ارقاام مرعبة
ربي يرزقنا العفااف ويهنينا ان شااء الله بالتوفيق ختي ..​

 

[Hakan]

السلام عليكم ورحمة الله وبركاته
هو فعلا موضوع جد حساس
ظاهرة بزاااف عيانة فمجتمعنا الجزائري ونلقاوها عامة فمعظم المجتمعات العربية ان لم ابالغ كلها
انا وحدة ضد الشروط التعجيزية وقاعة الحفلات الباذخة اللي وحدها برك تستقام قيس ما الواحد يجيب عمرة مع مرتو خليك يا المصاريف ديالها
والحلويات اللي ينتهي بها المطاف فالقمامة اكرمكم الله وهي الحبة بشحال مخدومة باللوز والجوز ووو غير على عينين الناس و الزوخ وما تنتكلش مام با !
وخلي وخلي
رأيي من رايك اخي حكيم
لما لا توفر تلك المصاريف بدل تبذيرها يقام عرس بسيط و هكا العرسان بهادوك الدراهم يقدرو كيما ذكرت يروحو للعمرة ولا يكرو ولا يزيدو يطمو ولما لا يشرو سيارة ، يقدرو يتولو دارهم بأثاث وأجهزة كانت خاصتهم وووو
يعني علاش نروح ندير عرس باذخ وفآخر المطاف نعيش فالتزيار
نتمنى مروري كان خفيف وها مجرد راي وتجربة شفتها فالحياة اليومية شفت ناس بذرو وزاخو يجيبو العين باطل وفالحقيقة كيما تدير يهدرو عليك الناس جامي تسلك مالهدرة
وشفت ناس طبقو هاد الافكار و الحمد لله ربي باركلهم فحياتهم
بارك الله فيك على الموضوع الهادف
تقبلوا مروري ​

اهلا اختي ايمان...
ملاحظة :راني فرحان كي راني نشوف فيك تشاركي
حسيت شوي انو مازال امل في الاعضاء القدامى باش ينوضو من السبات ونرجعو الايام الزينة
ان شااء الله يكون الصيف عطلة خير على اللمة ..
اما بالعودة الى واش حكيتي كيما قلتي روح لعمرة هو ومرتو
ياسيدي يشريو قش الداار ندير مشروع صغير لمرتي اذا كانت ماكثة في البيت
ما نعرف مشروع آخر اذا كنت شهاار نسترزق منو و100 مليون راهو مبلغ ورأس مال تقدر تروح بيه بعيد
مش يروح قاطو وخزعبلات تاع عرس وسيارات وغيرها ومن بعد يبعجوه بحرز هو مرتو هذوك الحساد ولا بعين يصيب روحو
يطاايش ويجري كي البهلول وراهي صرات بزااف ياسيدي كي نخرج بلا ديون هذيك اسمى امنية
هذاك يسالك ولاخر يطبطب الواحد يرجع يشوف في مرتو توريطة ورط روحو بيها
شكرا خيتو وصحا فطوورك ​