هل سبقنا الكفار ...

[faith8]

اهلا اختي ايمان...
ملاحظة :راني فرحان كي راني نشوف فيك تشاركي
حسيت شوي انو مازال امل في الاعضاء القدامى باش ينوضو من السبات ونرجعو الايام الزينة
ان شااء الله يكون الصيف عطلة خير على اللمة ..
اما بالعودة الى واش حكيتي كيما قلتي روح لعمرة هو ومرتو
ياسيدي يشريو قش الداار ندير مشروع صغير لمرتي اذا كانت ماكثة في البيت
ما نعرف مشروع آخر اذا كنت شهاار نسترزق منو و100 مليون راهو مبلغ ورأس مال تقدر تروح بيه بعيد
مش يروح قاطو وخزعبلات تاع عرس وسيارات وغيرها ومن بعد يبعجوه بحرز هو مرتو هذوك الحساد ولا بعين يصيب روحو
يطاايش ويجري كي البهلول وراهي صرات بزااف ياسيدي كي نخرج بلا ديون هذيك اسمى امنية
هذاك يسالك ولاخر يطبطب الواحد يرجع يشوف في مرتو توريطة ورط روحو بيها
شكرا خيتو وصحا فطوورك ​

بيك واهلا يعيشك اخي حكيم
والله كون ماشي الدراسة لهاتني تلقاني ساكنة هنا هههههه
دوكا راني ففترة متحانات كي نخلص فجويلية ان شاء الله يولي حضوري اقوى باذن الله
ان شاء الله
يعطيك الصحة كلام صواب هادي هي الهدرة
الله يسلمك وانتا زادا

 

[dahman kz]

وعليكم السلام ورحمة الله
والمشكلة نشوف فيها تقليد الناس تقلد في بعضها فلان دار في عرسو وفلان ماهوش خير مني وفلانة دارت حتى نا لازم ندير كيفها وهكدا ولى التقليد هذا عادة وبطول الزمان ولات الناس تشوف فالتكاليف هذي ظرورة باش يكون عرس مليح بغظ النظر على الظروف المادية اللي يعيشها المعني
يعني باختصار الزواج ولى تفاخر و مظاهر عندنا لاسف.

 

[أم أُنٌَيسة]

السلام عليكم ورحمة الله وبركاته
اسعد الله اوقاتكم وملاها يمنا وبركة
صحة فطوركم وتقبل الله صيامم وقيامكم وصالح اعمالكم
بارك الله فيك وجزاك كل خير وجعل كل حرف من ميزان حسناتك
اتفق معكم كلكم، امور العرس الجزائري كلها خرطي وكنت ولا ازال ضدها والحمد لله
لكن اين داك الرجل الدي يستحق ان تساعفه المراة ؟؟؟؟؟
بالنسبة للشورة ضدها تماما ةكنت ولازلت اقول لاهلي دلك وخروطي الاعراس، اما عن انه المراة تساعف الزوج انا ايضا مع هده الفكرة كليا لكن اي الرجل الدي يستحق دلك؟؟؟؟ ففي وقتنا هدا لما المراة تساعف الرجل لوجه ربي اولا اكيد ومن اجله ثانيا يظن انه هدا من حقه واحيانا يقللها ماسعفتيني في اي شيء
الا من رحم ربي اكيد
من الواجب وكما قال الشرع التسهيل في الزواج، لكن بالنسبة لي لما يستحق الرجل دلك ويكون اهلا له اما لما يستغل طيبة اهل العروس ويعتبرها غباءا فانا ضد الفكرة
نسال الله الهداية والثبات لنا ولكل المسلمين
ارجو تقبل مروري
تحياتي احترامي وتقديري
في امان الله وحفظه
​

 

[جميلة أنا]

اهلا بيك ختي.. يخرج الراجل بالدين والمر كذالك تكري ملابس بالملايين ومن بعد ترجعهم ولا تشريهم وترميهم في الخزانة غي على جال ليلة واحدة وممكن هي لو تشريهم ذهب افضل واحسن اوموا اخليهم للضيق... والراجل كذالك مبلغ هكاك اذا كان شهار يروح يستثمر بيه في مشروع تجاري افضل واحسن وريلي واحد في الجزائر راهو متفكر العرس تاعو او خرج بفائدة واحدة... كاين اللي يخرجو بالعين والسحر وكاين اللي يخرجو بحوادث المرور وخلينا من قطع الرحم وواحد يزعف ولاخر علاه ما عرضت نيش وغيرها من المخالفات الدينية والدنيوية .... راني بالهاتف كي ندخل بالميكرو راني نرد على باقي الاعضااء

والله صدقت اخي كلامك جواهر ....لكن وينوا اللي يتفهم هذا الكلام تلقا سعات حتى الوالدين مايوافقوش على امر هذا يقولك كيفاه غير وليدي الي ميديرش عرس عيب علاه هربت بيها ههههههه وووووو و والله لو تنوض فئة من شباب الواعي اللي ينجم يغير رح يتغير فعلا الأمر

 

[أبو عاتكة]

المشكل ماهوش متوقف على رغبة العريس ولا العروسة اذا كانت متفهمة.
اي عريس الان راه حاب يفوت العرس باقل التكاليف والديون. هو ماذا بيه من دار البلدية ودوّر↪ صحا تبقى في لامان.

المشكل متوقف عند الجانب الاخر الاولياء والاقارب وارث العادات والتقاليد والمفاهيم وخاصة الوالدين.
الناس الكبار متلعبلهمش بلافاصاد والبنتورة و بعشاء الجماعة والعامة والنعجة والمعاريض وعيب واحشم وفلان وفلانة ....الخ
والنساء منحكيش على الكونغرس النسائي. حكايتها وحدها.

هاذ التقاليد كانت في وقتها متسقامش اموال كبيرة وكان الخير حاضر ورخيس وديرها في السطح ولا في الرحبة ولا في الحوش وبسيطة قرعة ڨازوز وطرف لحم ودور غايطة وسرح رجليك مكانش واش راه كاين كيما الان والله يستر مما هو آت.

هل فكرتك يمكن تحقيقها يا سي حكيم على الواقع. ممكن في حالات وفي عائلات وفي مناطق لكن نظن انو الكثير اللي شفناهم يطبق فكرة التقشف والاكتفاء الذاتي وزواجو راه ماشاء الله مستمر ولاباس عليهم عكس البعض هولوها بالاعراس وفي سمانة كل واحد رجع لدار باباه.
شفت واحد تزوج ثلاث مرات في الاولى ڨلبها في العرس والتحضيرات وطلق الشهر اللي بعدوا ثم زاد تزوج وهولها بالبارود ونفس الشيء صار وفي الثالثة حلف انو يدير عرس عادي بسيط وكيما كان الحال والحمد للله لحد الان راني نشوف فيه لاباس وزواجو مستقر.

نظن انو فكرتك تصلح تطبق مع استقلالية الشاب بمعنى لما يكون الشاب مستقل وهذا لدى العرب نادر عكس الغرب احنا يبقى الطفل طفل حتى وموسطاشو لاحق لوذنيه :

اولا: مستقل بماله يدير بيه واش يحب قليل او كثير وليس مفروض عليه ان يصرف كما يحب الاخرين او يخططون لمالهم كيف يصرفه.

ثانيا: مستقل بشخصيته القوية له رأي صارم ومؤثر على من حوله ولا يكون مهلهل الراي والرجولة ولا خطة لديه.

ثالثا: مستقل بحياته يفكر في الاستقلال بعد الزواج ليس مرغما على ترميم بيت ليس ملكه.

رابعا: لا يعني تقشفه وتحكمه في الميزانية ان لا يعطي للمناسبة قيمة او للاخرين اهتمام ( ما نعبر عليه باسم الكرامة والقيمة ) لهذا في كل الامور خير الامور الوسط لا يتكلف ولا يفرط

لان البعض يكلف نفسه فوق اللازم بدون دراية وسط الزخم باختيار أفخم الاختيارات بينما يمكنه تقليل التكاليف.
كثير من العرسان لما ينفض العرس والهراج لا يصدق انه قام بكل هذا الاسراف والتبذير ويزيد يتفاجئ بفارسة احلامه فيجدها على غير ما جاء في الحلم فيصاب بانهيار ثنائي القطبين لا يجد له تفسيراً.

 

[Hakan]

المشكل ماهوش متوقف على رغبة العريس ولا العروسة اذا كانت متفهمة.
اي عريس الان راه حاب يفوت العرس باقل التكاليف والديون. هو ماذا بيه من دار البلدية ودوّر↪ صحا تبقى في لامان.

المشكل متوقف عند الجانب الاخر الاولياء والاقارب وارث العادات والتقاليد والمفاهيم وخاصة الوالدين.
الناس الكبار متلعبلهمش بلافاصاد والبنتورة و بعشاء الجماعة والعامة والنعجة والمعاريض وعيب واحشم وفلان وفلانة ....الخ
والنساء منحكيش على الكونغرس النسائي. حكايتها وحدها.

هاذ التقاليد كانت في وقتها متسقامش اموال كبيرة وكان الخير حاضر ورخيس وديرها في السطح ولا في الرحبة ولا في الحوش وبسيطة قرعة ڨازوز وطرف لحم ودور غايطة وسرح رجليك مكانش واش راه كاين كيما الان والله يستر مما هو آت.

هل فكرتك يمكن تحقيقها يا سي حكيم على الواقع. ممكن في حالات وفي عائلات وفي مناطق لكن نظن انو الكثير اللي شفناهم يطبق فكرة التقشف والاكتفاء الذاتي وزواجو راه ماشاء الله مستمر ولاباس عليهم عكس البعض هولوها بالاعراس وفي سمانة كل واحد رجع لدار باباه.
شفت واحد تزوج ثلاث مرات في الاولى ڨلبها في العرس والتحضيرات وطلق الشهر اللي بعدوا ثم زاد تزوج وهولها بالبارود ونفس الشيء صار وفي الثالثة حلف انو يدير عرس عادي بسيط وكيما كان الحال والحمد للله لحد الان راني نشوف فيه لاباس وزواجو مستقر.

نظن انو فكرتك تصلح تطبق مع استقلالية الشاب بمعنى لما يكون الشاب مستقل وهذا لدى العرب نادر عكس الغرب احنا يبقى الطفل طفل حتى وموسطاشو لاحق لوذنيه :

اولا: مستقل بماله يدير بيه واش يحب قليل او كثير وليس مفروض عليه ان يصرف كما يحب الاخرين او يخططون لمالهم كيف يصرفه.

ثانيا: مستقل بشخصيته القوية له رأي صارم ومؤثر على من حوله ولا يكون مهلهل الراي والرجولة ولا خطة لديه.

ثالثا: مستقل بحياته يفكر في الاستقلال بعد الزواج ليس مرغما على ترميم بيت ليس ملكه.

رابعا: لا يعني تقشفه وتحكمه في الميزانية ان لا يعطي للمناسبة قيمة او للاخرين اهتمام ( ما نعبر عليه باسم الكرامة والقيمة ) لهذا في كل الامور خير الامور الوسط لا يتكلف ولا يفرط

لان البعض يكلف نفسه فوق اللازم بدون دراية وسط الزخم باختيار أفخم الاختيارات بينما يمكنه تقليل التكاليف.
كثير من العرسان لما ينفض العرس والهراج لا يصدق انه قام بكل هذا الاسراف والتبذير ويزيد يتفاجئ بفارسة احلامه فيجدها على غير ما جاء في الحلم فيصاب بانهيار ثنائي القطبين لا يجد له تفسيراً.

اهلا بالعم ابو فريد والله ردك جد عقلاني يعني تقييم شاممل لكل ما هو مقدور عليه من طرف الشاب
لكن انا نشوف انو مع تواجد ممواقع التواصل الاجتماعي يقدرو مثلا مجموعة من الشباب يقنعو بعضهم البعض يعني 30 شاب من مدينة وااحدة ويديرو الفكرة هذي ويروحو يهنيو رواحهم من عذاب الاهل صرااحة في المنطقة نتاعنا الناس اللي نعرضوهم ديما لا علاقة بالعريس مثلا ديما يكونو اقارب الاب او الجد
يعني صحاب باباك وصحاب جدك وكبار القوم صحابك وباللاك ما يصحلكش تعرضهم والكثير من المشااكل والله ما تهمنيش العرضات اللي تهمني انو الحياة راهي تبدلت بزااف وامور البركة راحت والشباب الواعي لازم يغير من المفاهيم نتاعو ويتحرك بناءا على واش تعلم وواش قرى لانو اذا بقينا بعادات الآباء والاجداد والله لن تقوم لنا قائمة ابداا ونبقاو ديما مثال لشباب الفاشل تلقاه في عمرو 40 سنة ومازال ما استقلش على المنزل نتاع الاب نتاعو فقط لانو دار عرس مشكشك وما حسبش للمستقبل نتاعو ونتاع الاسرة نتاعو لانو غدوا كي تكثر المشاكل في منزل الوالدين هو الضحية الاولى ربي يهنيك عمو ردك يستحق العمق فيه والتمعن فيه جيدا ​

 

[Hakan]

السلام عليكم ورحمة الله وبركاته
اسعد الله اوقاتكم وملاها يمنا وبركة
صحة فطوركم وتقبل الله صيامم وقيامكم وصالح اعمالكم
بارك الله فيك وجزاك كل خير وجعل كل حرف من ميزان حسناتك
اتفق معكم كلكم، امور العرس الجزائري كلها خرطي وكنت ولا ازال ضدها والحمد لله
لكن اين داك الرجل الدي يستحق ان تساعفه المراة ؟؟؟؟؟
بالنسبة للشورة ضدها تماما ةكنت ولازلت اقول لاهلي دلك وخروطي الاعراس، اما عن انه المراة تساعف الزوج انا ايضا مع هده الفكرة كليا لكن اي الرجل الدي يستحق دلك؟؟؟؟ ففي وقتنا هدا لما المراة تساعف الرجل لوجه ربي اولا اكيد ومن اجله ثانيا يظن انه هدا من حقه واحيانا يقللها ماسعفتيني في اي شيء
الا من رحم ربي اكيد
من الواجب وكما قال الشرع التسهيل في الزواج، لكن بالنسبة لي لما يستحق الرجل دلك ويكون اهلا له اما لما يستغل طيبة اهل العروس ويعتبرها غباءا فانا ضد الفكرة
نسال الله الهداية والثبات لنا ولكل المسلمين
ارجو تقبل مروري
تحياتي احترامي وتقديري
في امان الله وحفظه
​

اهلا خيتو هنا تحدثت على الرجل الحقيقي والمراة الحقيقية لنو الزواج يبدأ من عند الرجل وهو اللي لازم يبحث عن المراة اللي توقف معاه
اما انو يكون يستاهل او لا فما نضنش انو شبه الرجل يخمم في المستقبل نتاعو وما عندوش حتى خطة معيينة لحياتو
والاشياء اللي رانا نشوفو فيها كفيلة بذالك اشباه الشباب اليوم صنعهم التأخر في الزواج انت لما شاب في عمرو 16 سنة وما زال يقولولو والديه مازالك صغير
واش تستناي منو يكون
ربي يهنيك ختي بارك الله فيك ..​